—

wara li kkunsidra t-talba għat-tneħħija tal-immunità ta' Jörg Meuthen mill-prosekutur pubbliku ta' Berlin, ikkomunikata f'ittra datata s-16 ta' Ġunju 2021 mill-Ministeru Federali Ġermaniż tal-Ġustizzja u l-Protezzjoni tal-Konsumaturi b'rabta ma' investigazzjoni preliminari minħabba suspett ta' reat kriminali, u mħabbra waqt il-plenarja tal-5 ta' Lulju 2021,

—

wara li sema' lil Jörg Meuthen, skont l-Artikolu 9(6) tar-Regoli ta' Proċedura tiegħu,

—

wara li kkunsidra l-Artikoli 8 u 9 tal-Protokoll Nru 7 dwar il-Privileġġi u l-Immunitajiet tal-Unjoni Ewropea kif ukoll l-Artikolu 6(2) tal-Att dwar l-elezzjoni tal-Membri tal-Parlament Ewropew b'suffraġju universali dirett, tal-20 ta' Settembru 1976,

—

wara li kkunsidra s-sentenzi mogħtija mill-Qorti tal-Ġustizzja tal-Unjoni Ewropea fil-21 ta' Ottubru 2008, fid-19 ta' Marzu 2010, fis-6 ta' Settembru 2011, fis-17 ta' Jannar 2013 u fid-19 ta' Diċembru 2019 (1),

—

wara li kkunsidra l-Artikolu 46(2), (3) u (4) tal-Liġi Bażika tar-Repubblika Federali tal-Ġermanja u l-Artikolu 192b tar-“Richtlinien für das Strafverfahren und das Bußgeldverfahren” (Linji Gwida għal proċedimenti kriminali u l-impożizzjoni ta' multi),

—

wara li kkunsidra l-Artikoli 5(2) u 6(1) u l-Artikolu 9 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali (A9-0016/2022),

A.

billi l-Prosekutur Pubbliku ta' Berlin talab it-tneħħija tal-immunità ta' Jörg Meuthen, Membru tal-Parlament Ewropew elett għall-Ġermanja, bil-ħsieb li jinbdew proċedimenti kriminali skont it-tifsira tal-Artikolu 152(2) tal-Kodiċi Ġermaniż ta' Proċedura Kriminali (Strafprozessordnung), għal imġiba ħażina kriminali skont it-tifsira tal-Artikolu 266 tal-Kodiċi Kriminali u għal suspett ta' reat kriminali skont it-tifsira tal-Artikolu 31d(1)(1) tal-liġi dwar il-partiti politiċi (Parteiengesetz);

B.

billi, fil-kapaċità tiegħu bħala kelliem federali għall-partit “Alternattiv für Deutschland” (AfD) għas-snin 2016, 2017 u 2018, Jörg Meuthen:

C.

billi Jörg Meuthen kien Membru tal-Parlament Ewropew sat-8 ta' Novembru 2017;

D.

billi l-allegati reati ma jikkonċernawx opinjoni espressa jew vot mitfugħ minnu fil-qadi ta' dmirijietu bħala Membru tal-Parlament Ewropew f'konformità mal-Artikolu 8 tal-Protokoll Nru 7 dwar il-privileġġi u l-immunitajiet tal-Unjoni Ewropea;

E.

billi l-Artikolu 9 tal-Protokoll Nru 7 dwar il-Privileġġi u l-Immunitajiet tal-Unjoni Ewropea jipprevedi li l-Membri tal-Parlament Ewropew għandhom igawdu, fit-territorju tal-Istat tagħhom stess, l-immunitajiet mogħtija lil membri tal-parlament tagħhom;

F.

billi l-Artikolu 46(2), (3) u (4) tal-Liġi Fundamentali tar-Repubblika Federali tal-Ġermanja jipprevedi dan li ġej:

G.

billi l-Artikolu 192b tar-Richtlinien für das Strafverfahren und das Bußgeldverfahren jirregola t-tneħħija tal-immunità ta' Membru tal-Parlament Ewropew, u billi, b'mod partikolari, il-paragrafu 1 tiegħu jipprevedi dan li ġej:

H.

billi, minn naħa, il-Parlament ma jistax jitqies bħala qorti u, min-naħa l-oħra, il-Membru ma jistax, fil-kuntest ta' proċedura għat-tneħħija tal-immunità, jitqies bħala “akkużat” (2);

I.

billi l-għan tal-immunità parlamentari huwa li tipproteġi lill-Parlament u lill-Membri tiegħu minn proċedimenti ġudizzjarji relatati ma' attivitajiet imwettqa fil-qadi tad-dmirijiet parlamentari u li huma inseparabbli minn dawn l-attivitajiet;

J.

billi, f'dan il-każ, il-Parlament ma setax jikkonstata l-eżistenza ta' fumus persecutionis, jiġifieri elementi tal-fatt li jindikaw li l-proċeduri ġudizzjarji inkwistjoni nbdew bl-intenzjoni li ssir ħsara lill-attività politika tal-Membru u għalhekk tal-Parlament Ewropew;

1.

2.