This document is an excerpt from the EUR-Lex website
Document 52022M10603
Prior notification of a concentration (Case M.10603 – CARLYLE / ALTADIA) (Text with EEA relevance) 2022/C 87/04
Avviż minn qabel ta’ konċentrazzjoni (Il-Każ M.10603 – CARLYLE / ALTADIA) (Test b’rilevanza għaż-ŻEE) 2022/C 87/04
Avviż minn qabel ta’ konċentrazzjoni (Il-Każ M.10603 – CARLYLE / ALTADIA) (Test b’rilevanza għaż-ŻEE) 2022/C 87/04
PUB/2022/137
ĠU C 87, 23.2.2022, p. 15–15
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
23.2.2022 |
MT |
Il-Ġurnal Uffiċjali tal-Unjoni Ewropea |
C 87/15 |
Avviż minn qabel ta’ konċentrazzjoni
(Il-Każ M.10603 – CARLYLE / ALTADIA)
(Test b’rilevanza għaż-ŻEE)
(2022/C 87/04)
1.
Fl-14 ta’ Frar 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
The Carlyle Group Inc. (l-Istati Uniti tal-Amerka) (minn hawn ’il quddiem, “Carlyle”), |
— |
LSFX Flavum Topco, S.L. (Spanja) (minn hawn ’il quddiem, “Altadia”), bħalissa kkontrollata minn Lone Star Funds (l-Istati Uniti tal-Amerka) permezz tal-kumpanija azzjonista tagħha LSF10 Flavum Holdings S.à.r.l (il-Lussemburgu). |
Carlyle takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Altadia.
Il-konċentrazzjoni hija mwettqa permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma:
— |
Carlyle hija maniġer globali ta’ assi alternattivi, li tiġġestixxi fondi li jinvestu globalment fi tliet dixxiplini ta’ investiment: (i) Ekwità Privata Globali; (ii) Kreditu Globali; u (iii) Soluzzjonijiet ta’ Investiment; |
— |
Altadia hija involuta fl-iżvilupp, il-produzzjoni u l-kummerċjalizzazzjoni ta’ sustanzi intermedji tal-madum taċ-ċeramika għall-madum taċ-ċeramika użat fil-kummerċ tal-kostruzzjoni (jiġifieri, fl-art, fil-ħitan u fil-kontrouċuħ). |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10603 – CARLYLE / ALTADIA
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).