This document is an excerpt from the EUR-Lex website
Document 52021AE1689
Opinion of the European Economic and Social Committee on ‘Communication from the Commission to the European Parliament, the Council, the European Economic and Social Committee and the Committee of the Regions on the European Pillar of Social Rights Action Plan’ (COM(2021) 102 final)
Opinjoni tal-Kumitat Ekonomiku u Soċjali Ewropew dwar il- “Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar il-Pjan ta’ Azzjoni tal-Pilastru Ewropew tad-Drittijiet Soċjali” (COM(2021)102 final)
Opinjoni tal-Kumitat Ekonomiku u Soċjali Ewropew dwar il- “Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar il-Pjan ta’ Azzjoni tal-Pilastru Ewropew tad-Drittijiet Soċjali” (COM(2021)102 final)
EESC 2021/01689
ĠU C 374, 16.9.2021, p. 38–49
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
16.9.2021 |
MT |
Il-Ġurnal Uffiċjali tal-Unjoni Ewropea |
C 374/38 |
Opinjoni tal-Kumitat Ekonomiku u Soċjali Ewropew dwar il- “Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar il-Pjan ta’ Azzjoni tal-Pilastru Ewropew tad-Drittijiet Soċjali”
(COM(2021)102 final)
(2021/C 374/08)
Relaturi: |
Cristian PIRVULESCU Carlos Manuel TRINDADE |
Konsultazzjoni |
Kummissjoni Ewropea, 26.3.2021 |
Bażi legali |
Artikolu 304 tat-Trattat dwar il-Funzjonament tal-Unjoni Ewropea |
Sezzjoni kompetenti |
Sezzjoni għax-Xogħol, l-Affarijiet Soċjali u ċ-Ċittadinanza |
Adottata fis-sezzjoni |
21.6.2021 |
Adottata fil-plenarja |
8.7.2021 |
Sessjoni plenarja Nru |
562 |
Riżultat tal-votazzjoni (favur/kontra/astensjonijiet) |
160/79/19 |
1. Konklużjonijiet u rakkomandazzjonijiet
1.1. |
Il-KESE jilqa’ l-Pjan ta’ Azzjoni tal-Pilastru Ewropew tad-Drittijiet Soċjali (“il-Pjan”) u l-implimentazzjoni tiegħu fil-livell tal-UE u dak nazzjonali, b’kont dovut tal-kompetenzi rispettivi, u jqis li huwa f’waqtu ħafna speċjalment peress li l-pandemija tal-COVID-19 fixklet kull aspett tal-ħajja tal-bniedem, aggravat il-kwistjonijiet soċjali li kienu jeżistu qabel, u poġġiet pressjoni enormi fuq l-istituzzjonijiet tal-Istat, il-komunitajiet, l-organizzazzjonijiet u n-negozji. Il-KESE jwissi li l-pandemija mhix se tintemm fi żmien qasir; għalhekk l-UE u l-Istati Membri għandhom jużaw u jiżviluppaw l-infrastruttura adatta biex jilqgħu l-isfidi tagħha, fil-qafas tal-Pjan fuq perjodu ta’ żmien medju u twil, u għandu jitqies il-fatt li djalogu ċivili u soċjali li jiffunzjona u l-involviment attiv tal-imsieħba soċjali, bħala parti importanti minn ekonomija soċjali tas-suq kompetittiva, għandhom rwol kruċjali f’dan ir-rigward. |
1.2. |
Il-KESE jilqa’ l-kunsens politiku li ntlaħaq rigward il-Pjan matul is-Summit Soċjali f’Porto bl-Impenn ta’ Porto. Il-KESE jilqa’ wkoll id-Dikjarazzjoni ta’ Porto mill-Kunsill, kif iddikjarat fil-punt 4 tad-Dikjarazzjoni, li l-KESE japprova bis-sħiħ: “L-implimentazzjoni tiegħu ser issaħħaħ l-ispinta tal-Unjoni lejn tranżizzjoni diġitali, ekoloġika u ġusta u tikkontribwixxi għall-kisba ta’ konverġenza soċjali u ekonomika ’l fuq u l-indirizzar tal-isfidi demografiċi. Id-dimensjoni soċjali, id-djalogu soċjali u l-involviment attiv tas-sħab soċjali minn dejjem kienu fil-qalba ta’ ekonomija soċjali tas-suq kompetittiva ħafna. L-impenn tagħna għall-għaqda u s-solidarjetà jfisser ukoll li niżguraw opportunitajiet indaqs għal kulħadd u li ħadd ma jitħalla jibqa’ lura”. |
1.3. |
Il-KESE jappoġġja l-viżjoni u l-għanijiet stabbiliti fil-Pjan u jilqa’ l-kunċett li fuqu huwa bbażat il-Pjan, jiġifieri li l-adozzjoni ta’ miri soċjali rilevanti u konsenswali se tgħin biex l-isforzi politiċi jiffukaw fuq il-kisba tar-riżultati u jikkostitwixxu inċentiv importanti għar-riforma u l-investiment fl-Istati Membri. Il-KESE jissottolinja wkoll li l-Pjan ta’ Azzjoni għandu jkun ibbażat fuq il-konkretezza u riżultati tanġibbli, b’azzjonijiet li jistgħu jitkejlu u jkunu akkumpanjati minn oqfsa ta’ monitoraġġ miftiehma b’mod konġunt fost il-partijiet ikkonċernati rilevanti, oqfsa li jħaddnu l-kriterji soċjali, ambjentali u ekonomiċi (1). |
1.4. |
Il-KESE jirrikonoxxi d-diversità tal-mudelli soċjali u l-bażi komuni tagħhom madwar l-UE. Dawn jagħmlu parti mill-istorja komuni tagħna u jikkostitwixxu elementi importanti għal impenn komuni favur mudell soċjali Ewropew li huwa parti integrali mis-suq komuni u l-politiki kollha tal-UE. Il-pajjiżi b’mudelli soċjali inqas robusti għandhom jiġu appoġġjati bis-sħiħ, permezz ta’ inkoraġġiment għall-investiment, it-tagħlim u l-valutazzjoni komparattiva. Il-benesseri u d-drittijiet fundamentali taċ-ċittadini għandhom jiġu żviluppati fuq mudell soċjali komuni u konsistenti, li jkun flessibbli biżżejjed biex jakkomoda tradizzjonijiet u esperjenzi nazzjonali differenti, f’konformità mal-valuri, il-prinċipji u l-għanijiet tat-Trattat, u mal-Pilastru u l-kunsens imġedded, u li jħares ’il quddiem, tiegħu. |
1.5. |
Il-KESE jemmen li l-garanzija ta’ standards soċjali minimi għal kull persuna li tgħix fl-UE hija ta’ importanza kbira għall-bini ta’ soċjetà ġusta u inklużiva. Fl-implimentazzjoni tal-pilastru soċjali, għandha tiġi mfittxija taħlita bbilanċjata ta’ leġiżlazzjoni u liġi mhux vinkolanti. Il-leġiżlazzjoni għandha tkun konformi bis-sħiħ mal-Karta tad-Drittijiet Fundamentali kif ukoll mal-prinċipji tar-regolamentazzjoni aħjar, u tkun soġġetta għal konsultazzjoni bir-reqqa mal-imsieħba soċjali u l-organizzazzjonijiet tas-soċjetà ċivili fil-livell tal-UE u dak nazzjonali. |
1.6. |
Kif iddikjarat qabel mill-KESE, il-kompetittività u produttività ogħla abbażi tal-ħiliet u l-għarfien huma riċetta tajba biex tinżamm il-benesseri tas-soċjetajiet Ewropej. Jeħtieġ li nsaħħu l-kwalitajiet pożittivi tas-sistema Ewropea tal-ekonomija soċjali tas-suq tagħna filwaqt li neliminaw id-dgħufijiet tagħha, u b’hekk nadattawha biex tiffaċċja l-isfidi tal-ġejjieni (2). |
1.7. |
Il-KESE jqis li għandhom jiġu stabbiliti objettivi u miri speċifiċi għall-20 prinċipju kollha tal-Pilastru. Il-KESE jistieden lill-Istati Membri biex ikunu ambizzjużi meta b’mod volontarju jistabbilixxu l-miri tagħhom stess sabiex huma lkoll flimkien mal-imsieħba soċjali u mal-organizzazzjonijiet tas-soċjetà ċivili jikkontribwixxu biex jintlaħqu l-miri Ewropej. Il-kwalità u r-riżultati tad-djalogu relatat mal-Pilastru u mal-Pjan għandhom jiġu mmonitorjati, appoġġjati u kkomunikati mill-Kummissjoni Ewropea. L-objettivi u l-miri għandhom jiġu inklużi fil-mekkaniżmu ta’ rappurtar ipprovdut mis-Semestru Ewropew u l-pjani nazzjonali ta’ riforma. |
1.8. |
Il-KESE jipproponi li sabiex ir-rieżami ta’ nofs it-terminu ppjanat isir aktar effettiv, jistgħu jiġu definiti objettivi u miri intermedji għal dan il-Pjan għall-2025 mill-Istati Membri fi djalogu kostruttiv mal-imsieħba soċjali, sabiex ikun jista’ jiġi vvalutat il-progress fl-ewwel nofs tal-implimentazzjoni tiegħu. Il-gwida fl-użu tal-mekkaniżmi ta’ koordinazzjoni eżistenti għandha tkun prijorità għall-Kummissjoni fir-rigward tal-Istati Membri. |
1.9. |
Il-KESE jissuġġerixxi li bħala mekkaniżmu Ewropew ta’ koordinazzjoni għall-applikazzjoni tal-Pjan għandu jintuża l-qafas tas-Semestru Ewropew. Dan il-mekkaniżmu ta’ koordinazzjoni jista’ jkun f’forma ta’ forum interistituzzjonali tal-UE dwar il-pilastru soċjali, li jiltaqa’ fuq bażi regolari biex jivvaluta l-progress u jagħti impetu ġdid lill-Pjan. |
1.10. |
Il-KESE jappoġġja l-intenzjoni li tiġi aġġornata, meta jkun meħtieġ, it-Tabella ta’ Valutazzjoni Soċjali, u li jsir sforz ta’ allinjament mal-Aġenda 2030 tan-NU u mal-Għanijiet ta’ Żvilupp Sostenibbli. |
1.11. |
Il-KESE jqis li s-Semestru Ewropew huwa l-qafas adatt għall-monitoraġġ tal-Pjan — għandha tingħata l-istess attenzjoni lill-objettivi soċjali u ambjentali flimkien mal-istabbiltà makroekonomika u l-produttività. Huwa jilqa’ l-affermazzjoni li saret fil-Pjan li l-pjani nazzjonali għall-irkupru u r-reżiljenza jirrappreżentaw opportunità unika biex jiġu ppjanati u ffinanzjati investimenti u riformi li jappoġġjaw irkupru soċjali u ffokat fuq l-impjiegi, filwaqt li jiġu adottati t-tranżizzjonijiet ekoloġiċi u diġitali u jiġu implimentati r-rakkomandazzjonijiet rilevanti speċifiċi għall-pajjiż skont is-Semestru Ewropew. Il-Pjan bir-raġun jistieden lill-Istati Membri jagħmlu l-aħjar użu mis-Semestru Ewropew u jaħtfu l-opportunità bla preċedent li toffri l-Faċilità għall-Irkupru u r-Reżiljenza. |
1.12. |
Il-KESE jinnota li l-Pjan ma stipulax b’mod ċar il-ħtieġa li jittawwal l-appoġġ ta’ emerġenza attwali sakemm jibqa’ jkun hemm bżonnu għall-ekonomija, u b’hekk mhux qed jagħraf biżżejjed il-ħtieġa li jiġu protetti l-impjiegi u l-kumpaniji matul il-kriżi. Il-KESE jinnota wkoll li filwaqt li l-istrument NextGenerationEU huwa għodda ta’ emerġenza bbażata fuq l-Artikolu 122 tat-TFUE u se jkompli jiġi ttrattat bħala miżura ta’ darba, huwa wkoll preċedent għal azzjoni kuraġġuża u kostruttiva. |
1.13. |
Il-KESE jinnota li l-Pjan jirrikonoxxi li reazzjonijiet ta’ politika b’saħħithom fil-livell nazzjonali u tal-UE għall-pandemija tal-COVID-19 irnexxielhom jillimitaw il-konsegwenzi soċjali tagħha u dawk marbutin mal-impjieg, u kienu ta’ appoġġ għall-kumpaniji u l-ħaddiema. Bl-istess mod, jinnota li l-pandemija kompliet tenfasizza l-inugwaljanzi eżistenti (b’mod partikolari fir-rigward ta’ ħaddiema b’livelli baxxi ta’ edukazzjoni, nisa, żgħażagħ, migranti u gruppi vulnerabbli oħra), u li l-qgħad u l-inugwaljanzi x’aktarx li se jiżdiedu aktar b’riżultat ta’ dan, jekk il-progress soċjali ma jkunx akkumpanjat minn tkabbir ekonomiku sostenibbli. Il-KESE jittama li l-Pjan jikkontribwixxi biex din it-tendenza titreġġa’ lura u jenfasizza l-ħtieġa li jiġu promossi ekonomiji sostenibbli u kompetittivi, ibbażati fuq impjiegi ta’ kwalità tajba u opportunitajiet indaqs għal kulħadd. |
1.14. |
Il-KESE jemmen li jistgħu jsiru sforzi akbar fil-livell tal-UE u tal-Istati Membri fil-qasam tal-ġlieda kontra l-faqar, f’konformità mal-ewwel Għan ta’ Żvilupp Sostenibbli taħt l-Aġenda 2030 tan-NU. B’mod partikolari, il-KESE jemmen li l-UE għandha tistabbilixxi l-objettiv li tnaqqas il-proporzjon ta’ tfal f’riskju ta’ faqar u esklużjoni soċjali minn 22,8 % fl-2019 għal 10 % fl-2030, b’impenji volontarji simili f’kull Stat Membru. |
1.15. |
Il-KESE jipproponi li l-Pjan għandu jinkludi miżuri li jwasslu biex jiġu indirizzati l-inugwaljanza fl-introjtu, minħabba l-prijorità definita sew tal-koeżjoni soċjali, bħala parti essenzjali tal-mudell soċjali Ewropew. |
1.16. |
Il-KESE jqis li l-Pjan għandu jippromovi mhux biss il-ħolqien ta’ impjiegi ġodda — objettiv ġustifikat — iżda wkoll il-kwalità tal-impjiegi, inkluża l-ġlieda kontra x-xogħol prekarju. Għandu jkun hemm kontrolli legali u amministrattivi adatti fil-livell nazzjonali biex jiġi żgurat li l-ħaddiema jkollhom kundizzjonijiet tax-xogħol sikuri, paga adatta u prevedibbli u vuċi organizzata fuq il-post tax-xogħol. Il-KESE huwa partikolarment imħasseb dwar il-kundizzjonijiet tax-xogħol għal ħafna ħaddiema staġonali, ċittadini tal-UE u mhux tal-UE li jaħdmu fl-agrikoltura, is-servizzi u l-kostruzzjoni, u jappella għall-implimentazzjoni effiċjenti tad-Direttiva (UE) 2019/1152 tal-Parlament Ewropew u tal-Kunsill (3) dwar kundizzjonijiet tax-xogħol trasparenti u prevedibbli li għandha l-għan li ttejjeb il-kundizzjonijiet tax-xogħol billi tippromovi impjieg aktar trasparenti u prevedibbli filwaqt li tiżgura l-adattabbiltà tas-suq tax-xogħol. Il-KESE jqis li r-rata ta’ faqar fost dawk li jaħdmu għandha titnaqqas b’mod sinifikanti. L-objettiv li jinqered il-faqar fost dawk li jaħdmu għandu jiġi segwit permezz tal-istabbiliment ta’ standards komuni Ewropej minimi fil-livell tal-UE. |
1.17. |
Il-KESE jilqa’ l-intenzjoni li fi żmien għaxar snin jitnaqqsu d-differenzi bejn l-irġiel u n-nisa fl-impjieg u fil-paga, u l-intenzjoni li tiżdied — għalkemm din iż-żieda għadha ma ġietx ikkwantifikata — il-provvista ta’ edukazzjoni u kura bikrija għat-tfal. Għal dan il-għan, il-KESE jappoġġja l-Garanzija Ewropea għat-Tfal. L-ugwaljanza bejn il-ġeneri għandha tiġi segwita fl-aspetti kollha tal-ħajja ekonomika u soċjali. |
1.18. |
Il-KESE jinnota li l-Pjan ma jinkludix proposta għal Direttiva dwar is-sigurtà tad-dħul minimu, li jqis li hija meħtieġa biex jiġu miġġielda l-aktar forom serji ta’ faqar. |
1.19. |
Il-KESE japprova l-inkoraġġiment tal-Kummissjoni lill-Parlament Ewropew u lill-Kunsill biex jikkonkludu negozjati dwar ir-reviżjoni tar-regoli ta’ koordinazzjoni tas-sigurtà soċjali sabiex tittejjeb il-mobbiltà tal-ħaddiema u tiġi pprovduta protezzjoni soċjali adatta fl-UE, mingħajr ma jinħolqu piżijiet eċċessivi għall-impjegati u l-kumpaniji. |
1.20. |
Il-KESE jaqbel mal-fehma tal-Kummissjoni dwar il-ħtieġa li jiġu promossi kemm il-kopertura tan-negozjar kollettiv kif ukoll is-sħubija u d-densità organizzattiva tal-imsieħba soċjali. Għalhekk jipproponi li jiġu kkunsidrati t-twaqqif u l-monitoraġġ ta’ indikaturi rilevanti fil-livell nazzjonali u tal-UE, u li l-objettivi hawnhekk għandhom jiġu appoġġjati minn fondi delimitati għat-tisħiħ tal-kapaċitajiet u għal azzjonijiet konġunti biex jintlaħqu l-objettivi tal-Pjan, filwaqt li tinżamm l-awtonomija tal-imsieħba soċjali. Il-KESE jappoġġja s-suġġeriment tal-Pjan biex jiġu nnegozjati aktar ftehimiet fil-livell tal-UE biex jikkontribwixxu għat-trasformazzjoni b’suċċess tas-swieq tax-xogħol tal-Ewropa, kif ukoll is-sejħa tiegħu lill-Istati Membri biex iħeġġu u joħolqu l-kundizzjonijiet għal negozjar kollettiv u djalogu soċjali li jiffunzjonaw aħjar u li jkunu aktar effettivi, fil-livelli kollha. |
1.21. |
Il-KESE jaqbel mal-konklużjonijiet tal-konsultazzjoni li saret b’appoġġ għall-Pjan li jenfasizzaw l-importanza ta’ implimentazzjoni, applikazzjoni u infurzar aħjar tal-liġi eżistenti tax-xogħol u soċjali tal-UE. Il-Kummissjoni għandha timpenja ruħha b’mod aktar attiv mal-Istati Membri sabiex tiffaċilita t-traspożizzjoni f’waqtha u ta’ kwalità tal-istrumenti legali tal-UE u tippromovi l-konformità. Il-KESE jistenna li l-Kummissjoni tirrikorri għal proċeduri ta’ ksur jekk l-Istati Membri ma jissodisfawx l-obbligi tagħhom skont id-dritt tal-Unjoni. |
1.22. |
Il-KESE jisħaq fuq il-ħtieġa li l-finanzjament tal-politiki nazzjonali jiġi allinjat mal-objettivi u l-azzjonijiet tal-Pjan, u li jiġi żgurat li ma jkunx hemm ritorn għar-regoli tal-Patt ta’ Stabbiltà u Tkabbir fil-forma oriġinali tagħhom, u li kwalunkwe verżjoni riveduta tagħhom tkun tiffaċilita bis-sħiħ l-implimentazzjoni tal-Pjan. |
1.23. |
Il-KESE jħeġġeġ enfasi akbar fuq il-kontribut potenzjali tal-akkwist pubbliku bħala strument għat-twettiq tal-objettivi tal-Pjan. |
2. Kummenti ġenerali
2.1. It-tfassil tal-Pjan
2.1.1. |
Sa mill-proklamazzjoni tal-Pilastru fl-2017, il-KESE sejjaħ għal pjan direzzjonali ċar għall-implimentazzjoni tiegħu (4) u għalhekk jilqa’ l-Pjan. Il-Kumitat jappoġġja s-sejħa biex il-partijiet ikkonċernati kollha jimpenjaw ruħhom fi sforz kollettiv biex jimplimentaw il-Pilastru fi ħdan l-oqsma ta’ kompetenza tagħhom. Il-KESE jiġbed l-attenzjoni għall-fatt li, minbarra l-kontribut tal-istituzzjonijiet tal-UE, is-suċċess tal-Pjan se jiġi influwenzat ħafna mill-impenn tal-Istati Membri u tal-imsieħba soċjali tagħhom biex jimplimentaw il-prinċipji kollha tiegħu. |
2.1.2. |
Fis-Summit Soċjali ta’ Porto, li sar fis-7 u t-8 ta’ Mejju, ittieħed impenn biex il-Pilastru Ewropew tad-Drittijiet Soċjali jiġi implimentat fl-ogħla livell politiku permezz tal-Impenn Soċjali ta’ Porto. Dan l-Impenn laqa’ l-Pjan ta’ Azzjoni tal-Kummissjoni Ewropea dwar il-Pilastru Ewropew tad-Drittijiet Soċjali (“il-Pjan”) u talab lill-atturi rilevanti kollha biex jitgħallmu mill-pandemija u jingħaqdu flimkien. |
2.1.3. |
Il-KESE jirrikonoxxi l-fatt li l-Pjan jgħaqqad l-azzjoni leġiżlattiva u mhux leġiżlattiva mal-istabbiliment ta’ objettivi komuni li għandhom jintlaħqu permezz tal-azzjoni konġunta tal-partijiet ikkonċernati, speċjalment l-imsieħba soċjali u s-soċjetà ċivili, organizzati fil-livell lokali, nazzjonali u Ewropew. Il-KESE jistenna li l-leġiżlazzjoni indikata fl-iskeda taż-żmien tal-Pjan tikkonforma bis-sħiħ mal-Karta tad-Drittijiet Fundamentali u tkun soġġetta għal valutazzjonijiet tal-impatt, u jisħaq fuq il-ħtieġa ta’ konsultazzjonijiet estensivi mal-imsieħba soċjali u mas-soċjetà ċivili. Kwalunkwe deċiżjoni leġiżlattiva għandha tkun ibbażata fuq l-evidenza, u jeħtieġ li jitqiesu l-fehmiet tal-partijiet ikkonċernati rilevanti. |
2.1.4. |
Il-KESE jappoġġja l-miri stabbiliti fil-Pjan u l-idea li dawn se jgħinu biex l-isforzi politiċi jiffukaw fuq il-kisba tar-riżultati u jikkostitwixxu inċentiv importanti għar-riforma u l-investiment fl-Istati Membri bil-għan li jinkisbu konverġenza ’l fuq u benesseri. Il-KESE jissottolinja wkoll li l-Pjan għandu jkun ibbażat fuq il-konkretezza u r-riżultati tanġibbli b’azzjonijiet li jistgħu jitkejlu u jkunu akkumpanjati minn oqfsa ta’ monitoraġġ, miftiehma b’mod konġunt fost il-partijiet ikkonċernati rilevanti, oqfsa li jħaddnu l-kriterji soċjali, ambjentali u ekonomiċi. |
2.1.5. |
Filwaqt li jappoġġja l-miri ewlenin tal-UE, il-KESE japprova s-sejħa tal-Kummissjoni biex l-Istati Membri jistabbilixxu l-miri nazzjonali tagħhom stess b’mod volontarju. Huwa jistieden lil dawn tal-aħħar biex ikunu ambizzjużi meta jistabbilixxu l-miri tagħhom sabiex l-Istati Membri kollha, flimkien mal-imsieħba soċjali u ċiviċi tagħhom, jikkontribwixxu għat-tilħiq tal-miri Ewropej, u jisħaq li mingħajr sforz koordinat kbir mhux se jkun possibbli li dawn jintlaħqu. L-istabbiliment tat-tliet prijoritajiet prinċipali tal-ħolqien tal-impjiegi, it-titjib tal-kwalifiki u l-inklużjoni soċjali se jipprovdi qafas komuni ta’ azzjoni inkluż fl-implimentazzjoni tal-pjani nazzjonali għall-irkupru u r-reżiljenza. |
2.1.6. |
Il-KESE bi pjaċir jinnota li l-mira tal-impjieg hija kkomplementata minn impenji għall-promozzjoni tal-impjieg inklużiv u t-tnaqqis tad-differenzi fl-impjieg, b’mod partikolari billi jiġi lliberat il-potenzjal tas-suq tax-xogħol, titnaqqas bin-nofs id-differenza bejn il-ġeneri fl-impjieg, titnaqqas ir-rata ta’ żgħażagħ barra mill-edukazzjoni, impjieg jew taħriġ (NEETs) u billi jiġi żgurat li gruppi oħra sottorappreżentati jipparteċipaw fis-suq tax-xogħol sal-massimu tal-kapaċità tagħhom, u l-Kumitat iħeġġeġ lill-Kummissjoni tikkwantifika dawn l-impenji kollha f’kooperazzjoni mal-Istati Membri u l-imsieħba soċjali. |
2.1.7. |
Il-KESE jilqa’ wkoll l-enfasi li l-Pjan jagħmel fuq l-edukazzjoni, il-ħiliet u t-tagħlim tul il-ħajja, inklużi t-titjib kontinwu tal-ħiliet u t-taħriġ mill-ġdid, bil-għan li tittejjeb l-impjegabbiltà, tingħata spinta lill-innovazzjoni, tiġi żgurata l-ekwità soċjali u jiġi eliminat id-distakk fil-ħiliet diġitali, u jirrimarka li, kif iddikjara l-Kumitat fil-passat, l-aċċess għal tagħlim kontinwu u tul il-ħajja jeħtieġ ikun dritt individwali għal kulħadd sabiex ikunu jistgħu jiġu indirizzati l-iżviluppi diġitali u tal-IA, jissawwar il-progress u jinżamm l-approċċ “human-in-command” (5). |
2.1.8. |
Il-KESE jipproponi li, sabiex ir-rieżami ta’ nofs it-terminu ppjanat isir aktar effettiv, l-Istati Membri għandhom jimpenjaw ruħhom fi djalogu kostruttiv mal-imsieħba soċjali u jikkunsidraw li jenħtieġ jiġu stabbiliti miri intermedji għall-2025, li jippermettu li jiġi vvalutat il-progress fl-ewwel nofs tal-implimentazzjoni tiegħu. |
2.2. Dwar il-ħolqien tal-impjiegi u l-futur tax-xogħol
2.2.1. |
Il-KESE jilqa’ l-fatt li l-Pjan jiddikjara li l-kundizzjonijiet tax-xogħol fl-UE huma fost l-aħjar fid-dinja, filwaqt li jirrikonoxxi wkoll li forom ġodda ta’ ħidma jġibu magħhom sfidi kif ukoll opportunitajiet. L-imsieħba soċjali, fil-livell Ewropew kif ukoll dak nazzjonali, huma mistiedna jissieħbu fl-isforzi tagħhom għal ħidma biex jiġu indirizzati l-ħtiġijiet tal-futur tax-xogħol, biex tinkiseb konverġenza ’l fuq u biex jiġi żgurat li l-ħaddiema jkunu protetti u sikuri irrispettivament mis-settur li jaħdmu fih u mill-pajjiż fejn jgħixu. L-imsieħba soċjali, kemm fil-livell Ewropew kif ukoll f’dak nazzjonali, huma essenzjali għall-isforzi konġunti f’din id-direzzjoni. Il-Pjan jinnota tajjeb li l-preservazzjoni u l-ħolqien ta’ impjiegi ta’ kwalità tajba ġodda huma prijorità għall-UE. Il-kriżi tal-COVID-19 uriet li l-funzjonament tas-soċjetajiet tagħna jiddependi minn ħaddiema essenzjali f’firxa ta’ setturi bħat-trasport, is-servizzi, is-saħħa u l-agrikoltura. Jeħtieġ li noħolqu l-impjiegi l-ġodda tal-futur billi nibnu fuq l-impjiegi essenzjali tal-lum. |
2.2.2. |
Il-KESE jaqbel mal-approċċ strateġiku tat-tranżizzjoni gradwali minn miżuri ta’ emerġenza għal azzjonijiet li jistgħu jikkontribwixxu għat-tilħiq tal-mira tal-impjieg stabbilita fil-Pjan. |
2.2.3. |
Il-KESE jaqbel mat-tħassib muri fil-Pjan dwar il-gruppi l-aktar milquta mill-pandemija, inklużi n-nisa, iż-żgħażagħ, il-ħaddiema b’livell baxx ta’ ħiliet u dawk b’pagi baxxi, il-ħaddiema temporanji, dawk li jaħdmu għal rashom u l-ħaddiema migranti. |
2.2.4. |
Il-KESE jemmen li l-allokazzjoni tal-fondi tal-UE għall-prijoritajiet għandha tiġi mmonitorjata, kemm f’termini tar-riżorsi disponibbli mill-Kummissjoni kif ukoll f’termini ta’ riżorsi allokati mill-Istati Membri u l-imsieħba soċjali. |
2.2.5. |
Il-KESE jaqbel mat-talba tal-Kummissjoni lill-Istati Membri biex jużaw il-fondi tal-UE disponibbli biex jippromovu appoġġ attiv u effettiv għall-impjieg. |
2.2.6. |
Il-KESE jappoġġja l-approċċ tal-Kummissjoni fir-rigward tal-effetti tat-tranżizzjoni diġitali tax-xogħol. Il-KESE jappoġġja l-Ftehim Qafas Awtonomu dwar id-Diġitalizzazzjoni, u huwa lest li jaħdem mal-imsieħba soċjali dwar kwalunkwe segwitu għalih. |
2.2.7. |
Il-KESE jieħu nota tar-rapport reċenti tal-OECD dwar il-Prospettiva tal-Impjieg fl-2020 bit-titolu “Worker security and the COVID-19 crisis” (Is-sigurtà tal-ħaddiema u l-kriżi tal-COVID-19) (6). Il-KESE jirrikonoxxi li l-benesseri tal-ħaddiema fuq il-postijiet tax-xogħol tikkontribwixxi b’mod pożittiv għall-prestazzjoni ġenerali tal-kumpaniji, l-organizzazzjonijiet u l-istituzzjonijiet li fejn jaħdmu. Minbarra il-promozzjoni tas-saħħa u s-sigurtà tal-ħaddiema, il-KESE jistenna li jittieħdu miżuri fil-livell adatt f’konformità mal-prinċipji tas-sussidjarjetà u l-proporzjonalità biex jittejjeb il-funzjonament tas-swieq tax-xogħol sabiex dawn jikkontribwixxu għat-tkabbir ekonomiku, il-kompetizzjoni internazzjonali, u jrawmu kundizzjonijiet tax-xogħol deċenti. L-iżviluppi fis-suq tax-xogħol għandhom jiġu appoġġjati, mhux imxekkla, sabiex ikun żgurat li l-ħaddiema jkunu protetti, sikuri u jikkontribwixxu għall-prestazzjoni ġenerali tal-kumpaniji, l-organizzazzjonijiet u l-istituzzjonijiet fejn jaħdmu. |
2.2.8. |
Il-KESE jistenna li jittieħdu miżuri fil-livell adatt li jippromovu konverġenza ’l fuq f’konformità mal-prinċipji tas-sussidjarjetà u l-proporzjonalità biex jittejjeb il-funzjonament tas-swieq tax-xogħol sabiex dawn jikkontribwixxu għat-tkabbir ekonomiku u l-kompetizzjoni internazzjonali, u jrawmu kundizzjonijiet tax-xogħol u benesseri deċenti. |
2.2.9. |
Il-KESE jenfasizza li l-UE għandha tibqa’ leali għalkollox lejn il-prinċipju li ma jistax ikun hemm relazzjonijiet ta’ impjieg li ma għandhomx protezzjoni soċjali, tkun xi tkun in-natura tagħhom. Il-KESE jqis li l-forom kollha ta’ xogħol mhux iddikjarat mhumiex aċċettabbli, u jħeġġeġ lill-Istati Membri jaġixxu fil-ġlieda kontrih. |
2.2.10. |
Il-KESE jistieden lill-Kummissjoni u lill-Istati Membri jieħdu l-miżuri kollha meħtieġa biex jiżguraw li d-diġitalizzazzjoni ma toħloqx prekarjetà u vulnerabbiltajiet u li jiżguraw li jisfruttaw l-opportunitajiet li toffri d-diġitalizzazzjoni. |
2.2.11. |
Il-KESE jixtieq jara rabta aktar b’saħħitha bejn l-għan ambizzjuż għall-ħiliet, l-edukazzjoni u t-tagħlim tul il-ħajja u l-mezzi finanzjarji disponibbli biex dan jinkiseb. Il-KESE jiġbed l-attenzjoni għall-fatt li n-nefqa pubblika fuq l-edukazzjoni fl-UE naqset minn 5 % fl-2010 għal 4,7 % fl-2019, u jisħaq li l-miri u l-għanijiet tal-Pilastru Soċjali ma jistgħux jiġu segwiti mingħajr aktar investiment pubbliku fl-edukazzjoni. Huwa jenfasizza wkoll il-ħtieġa ta’ investiment pubbliku u privat biex jappoġġja t-taħriġ u t-tagħlim tul il-ħajja, u jinkoraġġixxi lil min iħaddem biex iżid l-opportunitajiet għall-impjegati biex isegwu tagħlim u taħriġ imsejsa fuq ix-xogħol. |
2.2.12. |
Il-KESE jirrikonoxxi t-tħassib tal-Kummissjoni dwar it-tranżizzjonijiet ekoloġiċi u demografiċi u l-effetti tagħhom fuq l-impjieg u l-ħiliet. Madankollu, il-Pjan jista’ jibbenefika wkoll minn impenji u inizjattivi maqbulin speċifiċi f’dan ir-rigward, u għalhekk għandu jkun hemm aktar dettalji fil-Pjan u fid-dokumenti nazzjonali. |
2.2.13. |
Il-pandemija laqtet ħażin ħafna liż-żgħażagħ. L-istatistika turi li nofs iż-żgħażagħ kollha fl-UE huma impjegati fuq bażi temporanja. Peress li jindirizza r-riskji marbutin mal-impjieg temporanju involuntarju, il-Pjan għandu ċertu potenzjal evidenti biex tittejjeb il-kwalità tal-impjieg għaż-żgħażagħ — b’mod partikolari permezz tar-Reviżjoni tar-Rakkomandazzjoni dwar it-Traineeships, enfasi fuq il-kwalità tal-offerti taħt il-Garanzija għaż-Żgħażagħ, u għadd ta’ inizjattivi ppjanati dwar il-kundizzjonijiet tax-xogħol, pereżempju, għall-ħaddiema tal-pjattaformi diġitali. |
2.2.14. |
Filwaqt li l-Pjan fih dispożizzjonijiet ċari għat-tisħiħ tar-rwol tal-imsieħba soċjali (it-trade unions u l-impjegaturi) fl-inizjattivi, ftit li xejn jgħid dwar ir-rwol tal-organizzazzjonijiet tas-soċjetà ċivili bħall-organizzazzjonijiet taż-żgħażagħ, li għandhom rwol kruċjali biex jirrappreżentaw liċ-ċittadini tal-UE. |
2.3. Dwar il-ħiliet u l-ugwaljanza
2.3.1. |
Il-KESE jaqbel mal-fehma tal-Kummissjoni li forza tax-xogħol b’ħiliet hija l-mutur ta’ ekonomija ekoloġika u diġitali prospera, li taħdem b’ideat u prodotti innovattivi u bi żviluppi teknoloġiċi. Kif jiddikjara l-Pjan, is-sistemi tal-edukazzjoni u t-taħriġ jaqdu rwol ewlieni biex jistabbilixxu l-pedamenti għat-tagħlim tul il-ħajja u l-impjegabbiltà, u jistgħu jgħinu biex jingħelbu n-nuqqasijiet ta’ ħiliet, dment li jkunu mmirati lejn il-ħtiġijiet tas-suq tax-xogħol. L-edukazzjoni u l-ħiliet għandhom ikunu fil-qalba tal-azzjoni politika li tappoġġja l-ħolqien tal-impjiegi. |
2.3.2. |
Il-KESE jappoġġja l-ambizzjoni li tittejjeb l-edukazzjoni tul il-ħajja u jesprimi t-tħassib tiegħu dwar l-aċċess għal ħiliet diġitali bażiċi li, bħall-Kummissjoni, iqishom bħala prekundizzjoni għall-inklużjoni u l-parteċipazzjoni f’Ewropa ttrasformata bid-diġitalizzazzjoni. |
2.3.3. |
Il-KESE jinsab diżappuntat li m’hemm l-ebda objettiv dwar l-ugwaljanza bejn il-ġeneri fl-aċċess għat-tagħlim tul il-ħajja u jħeġġeġ lill-Kummissjoni biex tiddefinixxi wieħed. Il-KESE jiġbed l-attenzjoni għall-ħtieġa ta’ approċċ għall-integrazzjoni tal-perspettiva tal-ġeneri fil-politiki u l-istrateġiji kollha tal-UE. |
2.3.4. |
Il-KESE bħalissa qed iħejji Opinjoni separata dwar id-Direttiva proposta li għandha l-għan li ssaħħaħ l-applikazzjoni tal-prinċipju ta’ paga ugwali għal xogħol ugwali jew xogħol ta’ valur ugwali bejn l-irġiel u n-nisa, u se jressaq Opinjoni dwar it-test. |
2.4. Dwar il-protezzjoni u l-inklużjoni soċjali
2.4.1. |
Il-KESE jqis li għandhom jitressqu aktar proposti dwar il-protezzjoni soċjali u l-inklużjoni soċjali. Huwa tal-istess fehma ddikjarata fil-Pjan li fl-Ewropa jgħixu l-aktar soċjetajiet ekwi fid-dinja, u hemm l-ogħla standards fir-rigward tal-kundizzjonijiet tax-xogħol u protezzjoni soċjali wiesgħa. Madankollu, il-livelli tal-faqar fl-UE għadhom għoljin b’mod inaċċettabbli u għadhom meħtieġa sforzi konsiderevoli biex jiġu żgurati kundizzjonijiet simili f’kull pajjiż. |
2.4.2. |
It-tfal jgħoddu 20 % ta’ dawk li jinsabu fir-riskju tal-faqar fl-UE, li r-Relatur Speċjali tan-NU dwar il-faqar estrem u d-drittijiet tal-bniedem iddeskriva bħala numru għoli b’mod eċċessiv għall-istandards ta’ pajjiżi żviluppati (7). Il-KESE jilqa’ l-proposti tal-Kummissjoni għal strateġija tal-UE dwar id-drittijiet tat-tfal u għal Rakkomandazzjoni għal garanzija għat-tfal, kif ukoll il-mira li sal-2030 jitneħħew ħames miljun tifel u tifla mill-faqar. Huwa jtenni l-appell tiegħu għal “Ftehim ta’ Kura għall-Ewropa”, li jiżgura l-provvista ta’ servizzi ta’ kwalità ogħla għal kulħadd matul iċ-ċiklu tal-ħajja” (8) u li l-Istati Membri jinvestu fid-disponibbiltà ta’ servizzi ta’ kura ta’ kwalità għolja, affordabbli, aċċessibbli u varjati. Huwa jemmen li meta jinqered il-faqar fost it-tfal dan ikollu effetti pożittivi ħafna biex jitnaqqas il-faqar fost iż-żgħażagħ u l-persuni qiegħda. |
2.4.3. |
Il-KESE jemmen li l-UE għandha tistabbilixxi standards soċjali minimi li jkunu konformi għalkollox mal-Karta tad-Drittijiet Fundamentali, u dan il-proċess għandu jkun soġġett għal konsultazzjoni bir-reqqa mal-imsieħba soċjali u l-organizzazzjonijiet tas-soċjetà ċivili fil-livell tal-UE u dak nazzjonali. |
2.4.4. |
Il-KESE jinnota li minflok Proposta għal Direttiva, il-Pjan jinkludi rakkomandazzjoni (9), dwar is-sigurtà tad-dħul minimu, li jqis li hija meħtieġa biex jiġu miġġielda l-aktar forom serji ta’ faqar. |
2.4.5. |
Il-KESE jemmen li hemm bżonn jittieħdu passi sinifikanti biex tissaħħaħ ir-reżiljenza tas-sistemi tas-sigurtà soċjali u l-koordinazzjoni tagħhom fil-livell tal-UE, jiġi żgurat l-aċċess universali għall-ħaddiema, u jiġu rispettati l-kompetenzi nazzjonali dwar l-aċċess għall-protezzjoni soċjali. |
2.4.6. |
Il-Kumitat jaqbel mal-Kummissjoni li r-riformi u l-investimenti fis-sistemi tas-saħħa huma meħtieġa sabiex jitjieb, fost oħrajn, l-aċċess għal kura tas-saħħa ta’ kwalità għal kulħadd, u jitnaqqsu l-inugwaljanzi soċjali, territorjali u ekonomiċi fis-saħħa. Madankollu, jekk il-Kummissjoni tappoġġja lill-Istati membri biss permezz ta’ informazzjoni bbażata fuq l-evidenza u kondiviżjoni tal-aħjar prattiki, dan mhux se jkun biżżejjed u għandu jsir ħafna aktar, filwaqt li tiġi rrispettata d-diviżjoni tal-kompetenzi: iridu jiġu fformulati objettivi u miri, jiġi appoġġjat l-investiment fl-infrastruttura, tiġi mħarrġa l-forza tax-xogħol fis-sistema tas-saħħa, jitfasslu standards komuni ta’ kwalità, u tiġi ffinanzjata r-riċerka dwar is-saħħa. |
2.4.7. |
Il-KESE jilqa’ l-pjan għal Grupp ta’ Esperti ta’ Livell Għoli biex jistudja l-futur tal-Istat soċjali. Bħala r-rappreżentant tas-soċjetà ċivili organizzata Ewropea u forum għad-djalogu soċjali u ċiviku, huwa l-korp ideali biex jirrifletti dwar l-isfidi tal-istat soċjali tal-Istati Membri. Il-Kumitat jirrakkomanda b’mod partikolari l-adozzjoni ta’ mudelli fiskali — filwaqt li jitqiesu l-karatteristiċi tal-ekonomija nazzjonali u jiġi promoss it-tkabbir sostenibbli — biex jippermettu li jinżammu benefiċċji soċjali raġonevoli u adegwati, jiġu appoġġjati s-servizzi pubbliċi u soċjali u biex il-piż tat-taxxa jitqassam b’mod ekwu, filwaqt li tiġi promossa l-inklużjoni attiva fis-suq tax-xogħol u t-tranżizzjonijiet diġitali u demografiċi. |
2.5. Rigward l-implimentazzjoni tal-Pjan
2.5.1. |
Il-KESE jaqbel mar-rieda li l-Kapijiet ta’ Stat u ta’ Gvern urew fl-Impenn Soċjali ta’ Porto biex ikomplu japprofondixxu l-implimentazzjoni tal-Pilastru Ewropew tad-Drittijiet Soċjali fil-livell tal-UE u dak nazzjonali, b’rispett għall-kompetenzi rispettivi u l-prinċipji tas-sussidjarjetà u l-proporzjonalità. Il-KESE jenfasizza wkoll il-komplementarjetà bejn id-dimensjoni soċjali, id-djalogu soċjali u l-involviment attiv tal-imsieħba soċjali u l-ekonomija soċjali tas-suq kompetittiva ħafna. |
2.5.2. |
Il-KESE jisħaq fuq il-ħtieġa li l-finanzjament tal-politiki nazzjonali jiġi allinjat mal-objettivi u l-azzjonijiet tal-Pjan. Din hija raġuni oħra għaliex ma għandux jerġa’ jkun hemm ir-regoli tal-Patt ta’ Stabbiltà u Tkabbir. Barra minn hekk, kwalunkwe regola riveduta għandha tiffaċilita bis-sħiħ l-implimentazzjoni tal-Pjan. |
2.5.3. |
Il-KESE jistenna li l-prattiki tal-akkwist pubbliku soċjalment responsabbli definiti u promossi mill-Kummissjoni Ewropea għandhom jiġu integrati fl-implimentazzjoni tal-Pjan. B’ammont li jlaħħaq aktar minn seba’ darbiet l-ekwivalenti tal-QFP u l-Faċilità għall-Irkupru u r-Reżiljenza kkombinati (madwar EUR 2 triljun, jiġifieri 14 % tal-PDG fis-sena), dan joffri potenzjal enormi bħala suq li jagħti inċentivi biex l-impjegati jorganizzaw ruħhom, biex ikun hemm rappreżentanza u jsir negozjar kollettiv, u biex ikun hemm prattiki sostenibbli ta’ kwalità tajba fil-qasam ambjentali u tal-impjieg. |
2.5.4. |
Il-KESE jafferma mill-ġdid l-importanza tal-integrazzjoni bejn l-oqsma differenti ta’ politika għall-kisba tal-progress soċjali, li jsegwi mill-qrib tal-irkupru ekonomiku u l-prosperità. Għandhom jiġu stabbiliti sinerġiji bejn inizjattivi u strateġiji eżistenti u futuri li jagħmlu parti mill-prinċipji differenti tal-Pilastru Soċjali. L-objettivi tiegħu għandhom jiġu integrati u inklużi fil-qafas strateġiku Ewropew għall-irkupru wara l-2020. |
2.5.5. |
Il-KESE jistieden lill-Istati Membri jirrikonoxxu u jsaħħu d-djalogu soċjali u ċiviku, tripartitiku kif ukoll bipartitiku, kull wieħed bir-rwol speċifiku tiegħu fl-implimentazzjoni tal-Pjan. |
2.6. Dwar ir-relazzjoni bejn il-Pilastru Soċjali u s-Semestru Ewropew
2.6.1. |
Il-KESE jqis li s-Semestru Ewropew huwa l-qafas adatt għall-monitoraġġ tal-Pjan — għandha tingħata l-istess attenzjoni lill-objettivi soċjali u ambjentali flimkien mal-istabbiltà makroekonomika u l-produttività. Huwa jilqa’ l-affermazzjoni li saret fil-Pjan li l-pjani nazzjonali għall-irkupru u r-reżiljenza jirrappreżentaw opportunità unika biex jiġu ppjanati u ffinanzjati investimenti u riformi li jappoġġjaw irkupru soċjali u ffokat fuq l-impjiegi, filwaqt li jiġu adottati t-tranżizzjonijiet ekoloġiċi u diġitali u jiġu implimentati r-rakkomandazzjonijiet rilevanti speċifiċi għall-pajjiż skont is-Semestru Ewropew. Il-Pjan bir-raġun jistieden lill-Istati Membri jagħmlu l-aħjar użu mis-Semestru Ewropew u jaħtfu l-opportunità bla preċedent li toffri l-Faċilità għall-Irkupru u r-Reżiljenza. |
2.6.2. |
Il-KESE jirrakkomanda li, fi ħdan is-Semestru Ewropew, issir valutazzjoni regolari ta’ livell għoli tal-progress, inkluż fil-livell nazzjonali meta dan ikun rilevanti, permezz ta’ indikaturi mfassla b’kooperazzjoni mal-imsieħba soċjali, fil-kuntest tal-integrazzjoni tal-prinċipji tal-Pilastru u l-SDGs tan-NU. |
2.6.3. |
Il-KESE jemmen li l-Pjan għandu jkun għodda ta’ strutturar għall-politiki soċjali fl-UE. Dan għandu jkun parti ċentrali mill-governanza ekonomika u soċjali mġedda, immirata lejn l-irkupru u t-tkabbir ekonomiku sostenibbli u inklużiv, u mgħammar b’indikaturi u proċeduri ta’ monitoraġġ li jwasslu għal Rakkomandazzjonijiet Speċifiċi għall-Pajjiżi fil-kwistjonijiet kollha relatati miegħu. |
3. Kummenti speċifiċi
3.1. |
Il-KESE jiġbed l-attenzjoni għall-ħtieġa li s-sistema statistika Ewropea tiġi adattata skont il-ħtiġijiet ta’ monitoraġġ tal-miri u l-indikaturi stabbiliti fil-bord tal-indikaturi soċjali. |
3.2. |
Il-KESE jaqbel mal-punt li sar fil-Pjan li l-integrazzjoni u l-aġġornament tas-sett ta’ indikaturi eżistenti għandhom jikkontribwixxu biex jiġi ntraċċat il-progress lejn il-prinċipji tal-Pilastru b’mod aktar komprensiv u jgħinu fil-monitoraġġ tal-implimentazzjoni tal-azzjonijiet ta’ politika proposti fil-Pjan. |
3.3. |
Il-KESE jaqbel mal-ħtieġa li jiġi rivedut il-kunċett tal-popolazzjoni fl-età tax-xogħol, u jħeġġeġ lill-Kummissjoni taħdem mal-Istati Membri f’dan il-qasam, filwaqt li tikkunsidra kemm l-integrazzjoni tal-politiki dwar it-tixjiħ kif ukoll id-drittijiet rikonoxxuti u protetti mill-Karta tad-Drittijiet Fundamentali. |
3.4. |
Il-KESE jinnota li l-għan tat-taħriġ vokazzjonali għandu linja ta’ referenza li ilha mill-2016, peress li s-sistema statistika Ewropea tipproduċi dan l-indikatur biss kull ħames snin. Il-kejl ta’ dan l-indikatur għandu jkun fuq bażi annwali sabiex il-progress ikun jista’ jiġi mmonitorjat sew. |
3.5. |
Il-KESE jtenni l-pożizzjoni tiegħu fir-rigward tax-xogħol fuq pjattaforma diġitali u jiddikjara li “l-UE u l-Istati Membri [għandhom] jimxu lejn l-uniformità tal-kunċetti sabiex jinkiseb xogħol ġust fl-ekonomija tal-pjattaformi” (10). |
3.6. |
Il-KESE jistieden lill-Kummissjoni biex, fir-rigward tas-sigurtà soċjali, timplimenta l-prinċipju ddikjarat li t-tassazzjoni għandha tiġi trasferita mix-xogħol għal sorsi oħra aktar favorevoli għall-impjieg u f’konformità mal-objettivi klimatiċi u ambjentali, filwaqt li jiġi salvagwardjat id-dħul għal protezzjoni soċjali adegwata, meta wieħed iżomm f’moħħu li l-isfida essenzjali hija li tiġi żgurata kopertura adegwata għall-ħaddiema kollha f’suq tax-xogħol li qed jinbidel, b’rispett sħiħ għall-prinċipju, imsemmi f’punt 3.2.9 hawn fuq, li l-forom kollha ta’ impjieg għandu jkollhom protezzjoni soċjali. |
3.7. |
Il-KESE japprova l-inkoraġġiment tal-Kummissjoni lill-Parlament Ewropew u lill-Kunsill biex jikkonkludu negozjati dwar ir-reviżjoni tar-regoli ta’ koordinazzjoni tas-sigurtà soċjali sabiex tittejjeb il-mobbiltà tal-ħaddiema u tiġi pprovduta protezzjoni soċjali adatta fl-UE, mingħajr ma jinħolqu piżijiet eċċessivi għall-impjegati u l-kumpaniji. |
3.8. |
Il-KESE jistieden lill-Kummissjoni u lill-Istati Membri jiżguraw li r-riżultati tal-ħidma mħabbra minn grupp ta’ esperti dwar l-investiment fl-edukazzjoni u t-taħriġ jiġu riflessi fl-adozzjoni ta’ miżuri li jsaħħu b’mod sinifikanti s-sistemi tal-edukazzjoni u t-taħriġ, b’mod partikolari biex jintlaħqu l-miri definiti fil-Pjan. |
3.9. |
Il-KESE jemmen li l-qasam tal-kura huwa waħda mill-isfidi ewlenin madwar l-UE. Il-KESE jappoġġja l-inklużjoni ta’ inizjattiva dwar il-kura fit-tul fil-Pjan sabiex tiżgura aċċess aħjar għal servizzi ta’ kwalità tajba għall-persuni fil-bżonn. |
3.10. |
Il-KESE, fir-rigward tar-rwol tal-UE bħala mexxejja globali responsabbli, jafferma mill-ġdid ir-rakkomandazzjonijiet preċedenti tiegħu li l-Kummissjoni Ewropea, l-OECD u l-ILO jaħdmu flimkien mal-imsieħba soċjali fil-livelli adatti kollha, kif ukoll mal-organizzazzjonijiet tas-soċjetà ċivili inġenerali, biex jiżviluppaw dispożizzjonijiet adatti dwar kundizzjonijiet tax-xogħol deċenti u l-protezzjoni meħtieġa (11), kif ukoll dwar il-promozzjoni ta’ politika kummerċjali progressiva, ġusta u sostenibbli (12). |
3.11. |
F’dan il-kuntest, il-KESE jittama li l-ħidma konġunta mill-Kummissjoni, l-OECD u l-ILO tista’ twassal għal Konvenzjoni possibbli tal-ILO dwar il-pjattaformi (13). Bl-istess mod, għandhom isiru sforzi fir-rigward tar-regolazzjoni tat-telexogħol. Il-KESE jiġbed l-attenzjoni għar-rakkomandazzjoni tiegħu li “għandu jitnieda proċess konġunt bejn il-Kummissjoni Ewropea, l-ILO u l-OECD (…) bħala tħejjija għall-abbozzar ta’ konvenzjoni tal-ILO dwar it-telexogħol. Il-KESE jqis ukoll li l-kundizzjonijiet deċenti ta’ telexogħol għandhom ikunu parti mill-Aġenda tax-Xogħol Deċenti tal-ILO u l-programmi nazzjonali korrispondenti” (14). |
3.12. |
Il-KESE jemmen ukoll li l-UE għandha tieħu aktar responsabbiltà biex tgħin lid-dinja tindirizza l-pandemija tal-COVID-19. Il-Pjan għandu jirrikonoxxi l-parteċipazzjoni tal-UE fil-COVAX, f’konformità mad-diskors tal-President tal-Kummissjoni Ursula von der Leyen u d-dikjarazzjoni tagħha li l-Ewropa għandha taħdem “biex jiġi ggarantit li l-vaċċini siguri ma jkunux disponibbli biss għal dawk li jistgħu jħallsu għalihom — iżda għal kull min ikollu bżonnhom” (15). |
Brussell, it-8 ta’ Lulju 2021.
Il-President tal-Kumitat Ekonomiku u Soċjali Ewropew
Christa SCHWENG
(1) Il-kontribut tal-KESE għas-Summit Soċjali ta’ Porto (ĠU C 286, 16.7.2021, p. 6).
(2) Il-kontribut tal-KESE għas-Summit Soċjali ta’ Porto (ĠU C 286, 16.7.2021, p. 6), punt 7.
(3) Id-Direttiva (UE) 2019/1152 tal-Parlament Ewropew u tal-Kunsill tal-20 ta’ Ġunju 2019 dwar kondizzjonijiet tax-xogħol trasparenti u prevedibbli fl-Unjoni Ewropea (ĠU L 186, 11.7.2019, p. 105).
(4) ĠU C 81, 2.3.2018, p. 145, ĠU C 14, 15.1.2020, p. 1.
(5) ĠU C 14, 15.1.2020, p. 46, punt 1.4.
(6) Rapport tal-OECD dwar il-Prospettiva tal-Impjieg fl-2020 bit-titolu: “Worker security and the COVID-19 crisis” (Is-sigurtà tal-ħaddiema u l-kriżi tal-COVID-19)].
(7) Stqarrija mill-Professur Olivier De Schutter
(8) ĠU C 220, 9.6.2021, p. 13.
(9) Kif ġara tletin sena ilu — Council Recommendation 92/441/EEC of 24 June 1992 on common criteria for sufficient resources and benefits in social protection systems (OJ L 245, 26.8.1992, p. 46) [mhux disponibbli bil-Malti].
(10) ĠU C 429, 11.12.2020, p. 173 Konklużjoni 1.8.
(11) ĠU C 47, 11.2.2020, p. 38, punt 1.4.
(12) ĠU C 125, 21.4.2017, p. 10, punt 3.9.
(13) ĠU C 429, 11.12.2020, p. 173 Konklużjoni 1.14.
(14) ĠU C 220, 9.6.2021, p. 1. Konklużjoni 1.14.
(15) Diskors dwar l-Istat tal-Unjoni, 16 ta’ Settembru 2020
ANNESS
Il-kontropinjoni li ġejja nċaħdet waqt id-diskussjoni iżda rċeviet tal-inqas kwart tal-voti mixħuta (Artikolu 43(2) tar-Regoli ta’ Proċedura):
1. Konklużjonijiet
1.1. |
Il-KESE jqis li l-Pjan ta’ Azzjoni tal-Pilastru Ewropew tad-Drittijiet Soċjali (“il-Pjan”) iservi ta’ gwida siewja għall-Istati Membri u l-Unjoni fl-isforzi tagħhom favur il-kompetittività, it-tkabbir, l-impjieg, ir-riformi strutturali, l-investimenti li jiġġeneraw id-dħul, u l-benesseri tal-persuni. Il-KESE jenfasizza wkoll li m’hemm l-ebda dimensjoni soċjali mingħajr bażi ekonomika soda. Il-kompetittività u produttività ogħla bbażati fuq il-ħiliet u l-għarfien huma prekundizzjonijiet għad-dimensjoni soċjali tal-Unjoni. L-iżviluppi fis-suq tax-xogħol għandhom jiġu appoġġjati, mhux regolati żżejjed jew imxekkla. Jekk l-Ewropa trid tlaħħaq mal-kompetizzjoni globali, id-diġitalizzazzjoni li qed tikber u l-mudelli ta’ negozju ġodda, jenħtieġu innovazzjoni u flessibbiltà f’termini ta’ impjieg, ħinijiet tax-xogħol u mobbiltà tal-forza tax-xogħol. |
1.2. |
Il-KESE jappoġġja l-oqsma ta’ prijorità tal-Pjan u jaqbel mal-fehma espressa fil-Pjan li fl-Ewropa hemm l-aktar soċjetajiet ugwali fid-dinja, l-ogħla standards ta’ kundizzjonijiet tax-xogħol, u protezzjoni soċjali wiesgħa, b’acquis soċjali b’firxa wiesgħa li diġà huwa stabbilit. |
1.3. |
Il-KESE jfakkar li implimentazzjoni tal-Pjan tista’ possibbilment isseħħ fil-livell tal-Unjoni jew tal-Istati Membri, filwaqt li jitqiesu kif dovut il-kompetenzi rispettivi u l-prinċipji tas-sussidjarjetà u l-proporzjonalità. L-involviment attiv tal-imsieħba soċjali jaqdi rwol kruċjali f’dan ir-rigward. |
1.4. |
Il-KESE jfakkar fin-natura legalment mhux vinkolanti tal-pilastru soċjali u jenfasizza d-diviżjoni tal-kompetenzi bejn l-UE u l-Istati Membri, fejn il-politika soċjali hija prinċipalment responsabbiltà tal-Istati Membri. F’każ li l-UE tikkunsidra li tilleġiżla fil-qasam tal-politika soċjali, l-inizjattivi kollha għandhom ikunu bbażati fuq evidenza u prova li jissodisfaw l-għan tagħha. L-inizjattivi għandhom ikunu soġġetti wkoll għal verifika immirata rigward il-kompetittività, bħala miżura ta’ kontroll biex jiġu evitati proposti li jkunu ta’ xkiel għal kompetittività akbar, aktar impjiegi u tkabbir sostenibbli. |
2. Kummenti ġenerali
2.1. |
L-Artikolu 3 tat-Trattat dwar l-Unjoni Ewropea jiddikjara li s-suq intern għandu jaħdem għall-iżvilupp sostenibbli tal-Ewropa mibni fuq tkabbir ekonomiku bilanċjat u stabbiltà tal-prezzijiet, ekonomija soċjali tas-suq kompetittiva ħafna, intiża li twassal għal livell massimu ta’ impjieg u progress soċjali. |
2.2. |
L-Artikolu 153 tat-Trattat dwar il-Funzjonament tal-Unjoni Ewropea jistabbilixxi li l-UE tappoġġja u tikkomplementa biss l-attivitajiet tal-Istati Membri f’oqsma definiti tal-politika soċjali. Diġà hemm fis-seħħ acquis soċjali tal-UE li jkopri firxa wiesgħa. |
2.3. |
Fis-17 ta’ Novembru 2017, f’Gothenburg, il-Parlament Ewropew, il-Kunsill u l-Kummissjoni pproklamaw l-20 prinċipju tal-Pilastru Ewropew tad-Drittijiet Soċjali, li ma biddlux il-liġi primarja tal-UE. Il-KESE jinnota b’mod speċjali il-Preambolu tal-Pilastru Ewropew tad-Drittijiet Soċjali li jiddikjara li “Fil-livell tal-Unjoni, il-Pilastru Ewropew tad-Drittijiet Soċjali ma jimplikax l-estensjoni tal-poteri u l-kompiti tal-Unjoni kif mogħtija mit-Trattati. Għandu jkun implimentat fi ħdan il-limiti ta’ dawk il-poteri.” |
2.4. |
Fl-Aġenda Strateġika tiegħu tal-2019-2024, il-Kunsill Ewropew enfasizza li l-Pilastru Ewropew tad-Drittijiet Soċjali għandu jiġi “implimentat fil-livell tal-UE u tal-Istati Membri, bl-attenzjoni mistħoqqa għall-kompetenzi rispettivi”. |
3. Implimentazzjoni
3.1. |
Il-KESE jqis li l-Pjan jipprovdi gwida utli, inkluż fl-oqsma tal-impjieg, il-ħiliet, is-saħħa u l-protezzjoni soċjali, iżda jenfasizza d-diviżjoni tal-kompetenzi bejn l-UE u l-Istati Membri, fejn il-politika soċjali hija prinċipalment responsabbiltà tal-Istati Membri. |
3.2. |
Il-KESE jistenna li jittieħdu miżuri fil-livell adatt f’konformità mal-prinċipji tas-sussidjarjetà u l-proporzjonalità biex jittejbu l-funzjonament tas-swieq tax-xogħol u l-mudelli soċjali sabiex dawn jikkontribwixxu għat-tkabbir ekonomiku, il-kompetittività, u d-dimensjoni soċjali. |
3.3. |
Dan jirrikjedi rispett għall-ambjenti soċjoekonomiċi differenti u d-diversità tas-sistemi nazzjonali, inkluż ir-rwol u l-awtonomija tal-imsieħba soċjali. |
3.4. |
Il-KESE jemmen li s-swieq tax-xogħol fl-Ewropa jenħtieġ ikomplu jiġu riformati, iżda b’modi differenti f’partijiet differenti tal-Unjoni, filwaqt li jibnu fuq il-mudelli differenti tas-suq tax-xogħol tagħhom. F’ċerti Stati Membri, dan jista’ jinvolvi azzjonijiet relatati mal-pagi minimi jew il-kisba ta’ kostijiet lavorattivi indiretti aktar baxxi. Fi Stati Membri oħrajn, tista’ tkun kwistjoni li jiġu introdotti forom aktar flessibbli ta’ impjieg jew li jiġu adattati s-sistemi tas-sigurtà soċjali sabiex jitħeġġeġ l-impjieg. Dan ifisser li għandha tingħata preferenza lil strumenti mhux vinkolanti. |
3.5. |
F’każ li l-UE tikkunsidra li tilleġiżla fil-qasam tal-politika soċjali, l-inizjattivi kollha għandhom ikunu bbażati fuq evidenza u prova li jissodisfaw l-għan tagħha. L-inizjattivi għandhom ikunu soġġetti wkoll għal verifika immirata tal-kompetittività, bħala miżura ta’ kontroll biex jiġu evitati proposti li jkunu ta’ xkiel għal kompetittività akbar, aktar impjiegi u tkabbir sostenibbli. |
4. Bażi ekonomika, imsieħba soċjali, impjiegi u ħiliet
4.1. |
Il-KESE jinnota li m’hemm l-ebda dimensjoni soċjali mingħajr bażi ekonomika soda. Il-kompetittività u produttività ogħla bbażati fuq il-ħiliet u l-għarfien huma prekundizzjonijiet għad-dimensjoni soċjali tal-Unjoni. |
4.2. |
Il-KESE jaqbel mal-fehma tal-Kummissjoni dwar il-ħtieġa li tiġi appoġġjata l-kopertura tan-negozjar kollettiv u li tiġi promossa s-sħubija tal-imsieħba soċjali. L-imsieħba soċjali jaqdu rwol importanti biex jinħolqu swieq tax-xogħol li jiffunzjonaw tajjeb. |
4.3. |
Il-KESE jilqa’ bi pjaċir il-punt 4 tad-Dikjarazzjoni ta’ Porto dwar ir-rwol tal-imsieħba soċjali: “Id-dimensjoni soċjali, id-djalogu soċjali u l-involviment attiv tal-imsieħba soċjali minn dejjem kienu fil-qalba ta’ ekonomija soċjali tas-suq kompetittiva ħafna.” |
4.4. |
Il-KESE huwa tal-fehma li d-djalogu soċjali u n-negozjar kollettiv jiġu promossi l-aħjar jekk l-Istat jew l-UE ma jkunux involuti la fl-istabbiliment tal-kriterji għall-ftehimiet ta’ negozjar kollettiv u lanqas fl-infurzar tagħhom, u meta l-partijiet ikollhom responsabbiltà sħiħa għat-tnejn li huma. |
4.5. |
Il-Pjan huwa opportunità tajba biex jintwera li l-Istati Membri u l-imsieħba soċjali tiegħu jistgħu joffru rispons tajjeb għall-isfidi li s-swieq tax-xogħol qed jiffaċċjaw wara l-pandemija. |
4.6. |
Il-KESE jaqbel mal-fehma tal-Pjan li l-appoġġ għall-impjieg u għall-ħaddiema ma jistax jirnexxi mingħajr appoġġ għall-kumpaniji u l-intraprendituri. Jibqa’ minnu li industrija vibranti hija essenzjali għall-prosperità futura tal-Ewropa u hija sors ewlieni ta’ impjiegi ġodda. Il-ħolqien tal-impjiegi, madankollu, mhijiex kwistjoni ta’ leġiżlazzjoni ġdida jew obbligi oħrajn li jżidu l-piż fuq l-intrapriżi. |
4.7. |
Kif iddikjarat mill-KESE, il-kompetittività u produttività ogħla abbażi tal-ħiliet u l-għarfien jirrappreżentaw riċetta għaż-żamma tal-benesseri tas-soċjetajiet Ewropej. |
4.8. |
Il-KESE jilqa’ l-enfasi li l-Pjan jagħmel fuq l-edukazzjoni, il-ħiliet u t-tagħlim tul il-ħajja, inkluż it-titjib kontinwu tal-ħiliet u t-taħriġ mill-ġdid, bil-għan li tittejjeb l-impjegabbiltà, tingħata spinta lill-innovazzjoni, tiġi żgurata l-ġustizzja soċjali u jiġi eliminat id-distakk fil-ħiliet diġitali. |
5. Ir-rwol tas-Semestru Ewropew
5.1. |
Il-KESE jemmen li l-monitoraġġ possibbli tal-Pjan u r-riformi nazzjonali rispettivi għandhom iseħħu fil-qafas tal-metodu miftuħ ta’ koordinazzjoni u tas-Semestru Ewropew. Is-Semestru Ewropew għandu jintuża bħala l-qafas ta’ referenza biex jiġu appoġġjati l-isforzi tal-Istati Membri u tal-imsieħba soċjali biex, permezz tar-riformi, itejbu l-prestazzjoni tal-politiki nazzjonali dwar l-impjieg u dawk soċjali. |
5.2. |
Il-KESE jenfasizza li t-Tabella ta’ Valutazzjoni Soċjali proposta fil-Pjan għandha tikkontribwixxi għas-Semestru Ewropew sabiex tiggwida lill-Istati Membri fir-riformi tagħhom tas-suq tax-xogħol u tal-politika soċjali. Il-monitoraġġ tal-eżiti tas-suq tax-xogħol abbażi ta’ indikaturi għandu jikkontribwixxi għal skambji ta’ politika kkoordinati fil-livell tal-UE, li jwassal għat-tħejjija ta’ rakkomandazzjonijiet speċifiċi għall-pajjiż adatti fil-kuntest tal-proċess tas-Semestru Ewropew. |
5.3. |
Il-KESE jemmen li l-mekkaniżmi ta’ koordinazzjoni eżistenti tal-Istati Membri kif ukoll tal-Kummissjoni huma l-istrumenti adatti biex jiġi żgurat l-involviment tal-partijiet ikkonċernati rilevanti kollha fil-livell nazzjonali fl-implimentazzjoni tal-Pilastru, inkluż fir-rigward tar-rieżami ta’ nofs it-terminu tiegħu. Il-gwida fl-użu tal-mekkaniżmi ta’ koordinazzjoni eżistenti għandha tkun prijorità għall-Kummissjoni fir-rigward tal-Istati Membri. |
5.4. |
Il-KESE jistieden lill-Istati Membri jagħmlu l-aħjar użu mis-Semestru Ewropew u jaħtfu l-opportunità bla preċedent li toffri l-Faċilità għall-Irkupru u r-Reżiljenza biex jiġu stabbiliti pjani nazzjonali għall-irkupru u r-reżiljenza li jkunu ambizzjużi. Il-KESE jinnota li l-istrument Next Generation EU huwa għodda ta’ emerġenza bbażata fuq l-Artikolu 122 tat-TFUE u se jkompli jiġi ttrattat bħala miżura ta’ darba. |
Riżultat tal-votazzjoni:
Favur: |
93 |
Kontra: |
149 |
Astensjonijiet: |
14 |