—

tannulla iċ-CDR (1) tal-2019;

—

sussidjarjament, tannulla iċ-CDR tar-rikorrent sa fejn fih kummenti kkontestati;

—

flimkien ma’, u sa fejn huwa neċessarju, tannulla d-deċiżjoni tal-konvenuta li tiċħad l-ilment imressaq mir-rikorrent abbażi tal-Artikolu 90(2) tar-Regolamenti tal-Persunal kontra ċ-ĊDR tal-2019;

—

tordna l-kumpens tad-dannu morali li sofra r-rikorrent; u

—

tikkundanna lill-konvenuta għall-ispejjeż.

1.

L-ewwel motiv ibbażat fuq il-fatt li l-konvenuta kisret l-obbligu tagħha li tistabbilixxi għanijiet fiċ-CDR. Ir-rikorrent jargumenta wkoll li l-konvenuta wettqet żball manifest ta’ evalwazzjoni u kisret id-dmir tagħha ta’ premura u tal-prinċipju ta’ amministrazzjoni tajba.

2.

It-tieni motiv ibbażat fuq il-fatt li l-konvenuta kisret l-Artikolu 43 tar-Regolamenti tal-Persunal, kisret l-Artikolu 7(3) tad-deċiżjoni tal-konvenuta tas-16 ta’ Diċembru 2013 (2) u tal-Gwida interna tal-konvenuta għal RO (3). Ir-rikorrent jilmenta wkoll li l-konvenuta wettqet żbalji manifesti ta’ evalwazzjoni u użu ħażin tal-poter tagħha. Huwa allegat ukoll li l-konvenuta kisret id-dmir tagħha ta’ premura u d-dmir tagħha ta’ amministrazzjoni tajba.

3.

It-tielet motiv ibbażat fuq il-fatt li l-konvenuta kisret l-Artikolu 41(1) tal-Karta tad-Drittijiet Fundamentali tal-Unjoni Ewropea. Ir-rikorrent jilmenta wkoll li l-konvenuta kisret ir-regoli tal-oġġettività u tal-imparżjalità.

4.

Ir-raba’ motiv ibbażat fuq il-fatt li l-konvenuta kisret l-Artikolu 296(2) TFUE. Ir-rikorrent jargumenta wkoll li l-konvenuta kisret l-Artikolu 25(2) tar-Regolamenti tal-Persunal u l-Artikolu 41(2) tal-Karta tad-Drittijiet Fundamentali tal-Unjoni Ewropea. Huwa allegat ukoll li l-konvenuta kisret id-dmir tagħha ta’ motivazzjoni.