This document is an excerpt from the EUR-Lex website
Document 52021M10020
Prior notification of a concentration (Case M.10020 — Korian/VYV/Technosens Evolution) Candidate case for simplified procedure (Text with EEA relevance) 2021/C 154/09
Avviż minn qabel ta’ konċentrazzjoni (Il-Każ M.10020 — Korian/VYV/Technosens Evolution) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2021/C 154/09
Avviż minn qabel ta’ konċentrazzjoni (Il-Każ M.10020 — Korian/VYV/Technosens Evolution) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2021/C 154/09
PUB/2021/319
ĠU C 154, 30.4.2021, p. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
30.4.2021 |
MT |
Il-Ġurnal Uffiċjali tal-Unjoni Ewropea |
C 154/15 |
Avviż minn qabel ta’ konċentrazzjoni
(Il-Każ M.10020 — Korian/VYV/Technosens Evolution)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 154/09)
1.
Fit-22 ta’ April 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Korian Solutions SAS (“Korian Solutions”, Franza), li tappartjeni għall-Groupe Korian (Franza), |
|
— |
VYV Invest SAS (“VYV Invest”, Franza), li tappartjeni għall-Groupe VYV (Franza), |
|
— |
Technosens Evolution SAS (“Technosens Evolution”, Franza), ikkontrollata minn Korian Solutions. |
Korian Solutions u VYV jakkwistaw, fis-sens tal-Artikoli 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Technosens Evolution.
Il-konċentrazzjoni titwettaq permezz ta’ kuntratt jew kwalunkwe mezzi oħrajn.
2.
L-attivitajiet kummerċjali tal-impriżi kkonċernati huma:|
— |
Groupe Korian: grupp attiv fis-servizzi tal-kura u l-kura adattati għall-anzjani u vulnerabbli (djar tal-kura, kliniċi, servizzi ta’ kura assistita u fid-djar) fi Franza, il-Belġju, il-Ġermanja, Spanja, l-Italja u n-Netherlands. Korian Solutions hija l-aġenzija diġitali tal-Groupe Korian u għandha l-għan li tħaffef l-integrazzjoni tas-settur diġitali fl-attivitajiet tagħha. |
|
— |
Groupe VYV: attur tas-saħħa u tal-protezzjoni soċjali reċiproku fi Franza, li jgħaqqad flimkien attivitajiet li jvarjaw minn assikurazzjoni (assikurazzjoni tas-saħħa, tal-pensjoni u tad-diżabbiltà) sal-provvista ta’ kura (stabbilimenti ta’ kura u servizzi) u attiv ukoll fil-qasam tal-akkomodazzjoni u l-akkomodazzjoni soċjali fi Franza, Spanja, l-Italja u l-Portugall. VYV Invest hija l-investiment strateġiku tal-Groupe VYV. |
|
— |
Technosens Evolution: intrapriża attiva fir-riċerka, l-iżvilupp u l-installazzjoni ta’ soluzzjonijiet diġitali ergonomiċi għall-faċilitajiet tal-kura tal-anzjani (djar tal-kura, faċilitajiet ta’ assistenza eċċ.) fi Franza. |
3.
Wara eżami preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Dawn il-kummenti jeħtieġ li jaslu għand il-Kummissjoni mhux aktar tard minn għaxart ijiem wara id-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10020 — Korian/VYV/Technosens Evolution
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
Commission européenne |
|
Direction générale de la concurrence |
|
Greffe des concentrations |
|
1049 Bruxelles |
|
Belgique |
(1) ĠU L 24, 29.1.2004, p. 1 (ir-“Regolament dwar l-Għaqdiet”).