This document is an excerpt from the EUR-Lex website
Document 52020AG0012(02)
Statement of the Council’s reasons: Position (EU) No 12/2020 of the Council at first reading with a view to the adoption of a Regulation of the European Parliament and of the Council on cooperation between the courts of the Member States in the taking of evidence in civil or commercial matters (taking of evidence) (recast) 2020/C 405/02
Dikjarazzjoni tar-raġunijiet tal-Kunsill: Pożizzjoni (UE) Nru 12/2020 tal-Kunsill fl-ewwel qari bil-ħsieb li jiġi adottat Regolament tal-Parlament Ewropew u tal-Kunsill dwar kooperazzjoni bejn il-qrati tal-Istati Membri fil-kumpilazzjoni ta’ xhieda f'materji ċivili jew kummerċjali (kumpilazzjoni ta’ xhieda) (riformulazzjoni) 2020/C 405/02
Dikjarazzjoni tar-raġunijiet tal-Kunsill: Pożizzjoni (UE) Nru 12/2020 tal-Kunsill fl-ewwel qari bil-ħsieb li jiġi adottat Regolament tal-Parlament Ewropew u tal-Kunsill dwar kooperazzjoni bejn il-qrati tal-Istati Membri fil-kumpilazzjoni ta’ xhieda f'materji ċivili jew kummerċjali (kumpilazzjoni ta’ xhieda) (riformulazzjoni) 2020/C 405/02
ĠU C 405, 26.11.2020, p. 41–43
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
26.11.2020 |
MT |
Il-Ġurnal Uffiċjali tal-Unjoni Ewropea |
C 405/41 |
Dikjarazzjoni tar-raġunijiet tal-Kunsill: Pożizzjoni (UE) Nru 12/2020 tal-Kunsill fl-ewwel qari bil-ħsieb li jiġi adottat Regolament tal-Parlament Ewropew u tal-Kunsill dwar kooperazzjoni bejn il-qrati tal-Istati Membri fil-kumpilazzjoni ta’ xhieda f'materji ċivili jew kummerċjali (kumpilazzjoni ta’ xhieda) (riformulazzjoni)
(2020/C 405/02)
I. INTRODUZZJONI
1. |
Il-Kummissjoni adottat il-proposta għal reviżjoni msemmija hawn fuq (1) fil-31 ta' Mejju 2018, u ppreżentatha lill-Kunsill u lill-Parlament. Il-bażi ġuridika hija l-Artikolu 81 (2)(Kooperazzjoni ġudizzjarja f'materji ċivili) tat-Trattat dwar il-Funzjonament tal-Unjoni Ewropea, u l-proposta hija soġġetta għall-proċedura leġiżlattiva ordinarja. |
2. |
Ir-Regolament tal-Kunsill (KE) Nru 1206/2001 dwar kooperazzjoni bejn il-qrati tal-Istati Membri fil-Kumpilazzjoni ta' Xhieda f'materji ċivili jew kummerċjali huwa strument importanti għall-kooperazzjoni ġudizzjarja Ewropea. L-istrument jipprovdi qafas għall-assistenza ġudizzjarja transfruntiera bejn l-Istati Membri fil-ġbir ta' evidenza bejn il-fruntieri u għall-kumpilazzjoni ta' xhieda transfruntiera diretta. Il-proposta għal reviżjoni għandha l-għan li tadatta l-mekkaniżmi ta' kooperazzjoni u l-flussi tax-xogħol tat-trażmissjoni fir-Regolament eżistenti għall-iżviluppi tekniċi li tipprovdi d-diġitalizzazzjoni u l-użu tat-teknoloġija tal-informazzjoni (IT). B'mod partikolari, il-proposta tal-Kummissjoni tappella għall-istabbiliment ta' sistema deċentralizzata tal-IT u l-użu obbligatorju tagħha għall-iskambju ta' talbiet u dokumenti bejn l-awtoritajiet tal-Istati Membri. Il-proposta għal reviżjoni għandha wkoll l-għan li twessa' u ssaħħaħ il-kumpilazzjoni ta' xhieda transfruntiera diretta. |
3. |
Il-Kumitat Ekonomiku u Soċjali Ewropew (KESE) adotta l-opinjoni tiegħu (2) dwar din il-proposta u l-proposta għal Regolament li jemenda r-Regolament (KE) Nru 1393/2007 tal-Parlament Ewropew u tal-Kunsill dwar is-servizz fl-Istati Membri ta' dokumenti ġudizzjarji u extraġudizzjarji fi kwistjonijiet ċivili jew kummerċjali (proposta dwar in-Notifika ta' Dokumenti) fis-17 ta' Ottubru 2018. Il-KESE sab li ż-żewġ proposti huma konformi mal-istrateġija tas-suq uniku diġitali b'rabta mal-gvern elettroniku, speċjalment fir-rigward tal-ħtieġa li jittieħdu passi biex tiġi mmodernizzata l-amministrazzjoni pubblika u tinkiseb l-interoperabbiltà transkonfinali. |
4. |
Fit-13 ta' Frar 2019, il-Parlament Ewropew adotta l-pożizzjoni tiegħu fl-ewwel qari dwar il-proposta għall-Kumpilazzjoni ta' Xhieda, b'37 emenda għall-proposta tal-Kummissjoni b'554 vot favur, 26 vot kontra u 9 astensjonijiet. |
5. |
Fit-13 ta' Settembru 2019, il-Kontrollur Ewropew għall-Protezzjoni tad-Data ppreżenta l-Opinjoni 5/2019 dwar din il-proposta u l-proposta dwar in-Notifika ta' Dokumenti (3). |
6. |
Fil-Kunsill ĠAI ta' Ġunju 2019, il-Ministri qablu li l-kooperazzjoni ġudizzjarja bejn l-awtoritajiet fil-kuntest ta' din il-proposta u l-proposta dwar in-Notifika ta' Dokumenti jenħtieġ li tkun ibbażata fuq sistema deċentralizzata u sigura tal-IT li tinkludi sistemi nazzjonali interkonnessi tal-IT. |
7. |
It-test tar-Regolament propost ġdid jipprevedi li l-Kummissjoni ser tkun responsabbli mill-ħolqien, il-manutenzjoni u l-iżvilupp futur tas-software ta' implimentazzjoni ta' referenza. Minħabba li l-proposta oriġinali tal-Kummissjoni ma kien fiha l-ebda dikjarazzjoni finanzjarja dwar l-impatt potenzjali fuq il-baġit tal-UE, il-Presidenza, f'kooperazzjoni mal-Kummissjoni u skont is-subparagrafu 2 tal-Artikolu 35(1) tar-Regolament Finanzjarju tal-UE (4), ħejjiet dikjarazzjoni finanzjarja indikattiva (5) li tistabbilixxi l-impatt finanzjarju stmat tal-emendi fuq il-baġit. |
8. |
Fit-2 u t-3 ta' Diċembru 2019, il-Kunsill Ġustizzja u Affarijiet Interni laħaq approċċ ġenerali dwar il-parti normattiva tar-Regolament propost u appella biex il-ħidma fuq l-Annessi tiġi ffinalizzata fil-livell tekniku kemm jista' jkun malajr (6). Fi Frar 2020, il-Kunsill laħaq approċċ ġenerali supplimentari (7). |
9. |
Skont l-Artikolu 3 tal-Protokoll (Nru 21) għat-Trattati dwar il-Pożizzjoni tar-Renju Unit u l-Irlanda fir-rigward tal-Ispazju ta' Libertà, Sigurtà u Ġustizzja, l-Irlanda ddeċidiet li tipparteċipa f'din il-proposta. (8) Bl-applikazzjoni tal-Protokoll (Nru 22) għat-Trattati dwar il-Pożizzjoni tad-Danimarka, id-Danimarka ma tiħux sehem fl-adozzjoni tal-miżuri proposti. |
10. |
Abbażi tal-approċċ ġenerali ta' Diċembru 2019 u ta' Frar 2020, il-Presidenza kienet f'kuntatt mal-Parlament Ewropew, bil-ħsieb li jintlaħaq qbil bikri fit-tieni qari. |
11. |
Saru żewġ trilogi, fid-29 ta' Jannar 2020 u t-30 ta' Ġunju 2020, li matulhom ir-rappreżentanti tal-Presidenza għall-Istati Membri u tal-Parlament Ewropew kellhom l-opportunità li jistipulaw il-punti kardinali tal-pożizzjonijiet tagħhom u jesploraw il-possibbiltajiet biex jinstab kompromess. Id-diskussjonijiet irriżultaw f'konverġenza konsiderevoli ta' fehmiet bejn il-Parlament Ewropew u l-Kunsill dwar abbozz ta' pakkett ta' kompromess (9). |
12. |
Matul it-tieni trilogu, intlaħaq qbil ukoll, bl-appoġġ tal-Kummissjoni, li r-Regolament propost dwar il-Kumpilazzjoni ta' Xhieda jenħtieġ li jiġi ppreżentat u adottat bħala riformulazzjoni tar-Regolament attwali dwar il-Kumpilazzjoni ta' Xhieda. |
13. |
Fit-22 ta' Lulju 2020, il-COREPER II ikkonferma t-test ta' kompromess finali ta' riformulazzjoni bil-ħsieb tal-qbil li ntlaħaq mal-Parlament Ewropew (10). |
14. |
Fl-10 ta' Settembru 2020, il-pakkett ta' kompromess għal riformulazzjoni ġie approvat mill-Kumitat għall-Affarijiet Legali tal-Parlament Ewropew. Fit-30 ta' Settembru, il-President tal-Kumitat JURI indirizza ittra (11) lill-President tal-COREPER II biex jinformah li, jekk il-Kunsill jibgħat formalment lill-Parlament Ewropew il-pożizzjoni tiegħu fil-forma ppreżentata fl-Anness għal dik l-ittra, huwa jirrakkomanda lill-Plenarja li l-pożizzjoni tal-Kunsill tiġi aċċettata mingħajr emenda, soġġett għal verifika mill-ġuristi lingwisti, fit-tieni qari tal-Parlament Ewropew. |
II. OBJETTIV
15. |
Dan ir-Regolament (riformulazzjoni) jipprova jtejjeb l-effiċjenza u l-ħeffa tal-kumpilazzjoni ta' xhieda transfruntiera fl-Unjoni billi jisfrutta l-vantaġġi tad-diġitalizzazzjoni għas-simplifikazzjoni u r-razzjonalizzazzjoni tal-proċeduri għat-trażmissjoni ta' talbiet u jiżgura li jsir aktar użu mill-kumpilazzjoni ta' xhieda diretta permezz tal-vidjokonferenzi. Pereżempju, ser isir aktar faċli biex persuni jinstemgħu mingħajr ma jkunu meħtieġa jivvjaġġaw lejn pajjiż ieħor. Dan ser jipprovdi ċertezza legali akbar u b'hekk għandu jgħin biex jiġu evitati dewmien u spejjeż żejda għall-individwi, in-negozji u l-amministrazzjonijiet pubbliċi, u jinkoraġġixxi lill-individwi u n-negozji jinvolvu ruħhom saħansitra aktar fit-tranżazzjonijiet transfruntiera. |
16. |
Il-proposta għandha l-għan li tiddiġitalizza t-trażmissjoni ta' talbiet għall-kumpilazzjoni ta' xhieda bejn l-awtoritajiet kompetenti fi Stati Membri differenti. Għal dan il-għan, dan ir-Regolament jappella għall-istabbiliment ta' sistema deċentralizzata tal-IT. Jenħtieġ li l-Kummissjoni tkun responsabbli mill-ħolqien, il-manutenzjoni u l-iżvilupp futur tas-software ta' implimentazzjoni ta' referenza f'konformità mal-prinċipji tal-protezzjoni tad-data mill-fażi tat-tfassil u b'mod prestabbilit, li l-Istati Membri jenħtieġ li jkunu jistgħu japplikaw minflok sistema nazzjonali tal-IT. |
III. ANALIŻI TAL-POŻIZZJONI TAL-KUNSILL FL-EWWEL QARI
A. Kuntest proċedurali
17. |
Il-Parlament Ewropew u l-Kunsill wettqu negozjati bil-ħsieb li jiġi konkluż ftehim fl-istadju tal-pożizzjoni tal-Kunsill fl-ewwel qari ("ftehim bikri fit-tieni qari"). It-test tal-pożizzjoni tal-Kunsill fl-ewwel qari jirrifletti l-pakkett ta' kompromess li ntlaħaq qbil dwaru bejn iż-żewġ koleġiżlaturi, bl-appoġġ tal-Kummissjoni. |
B. Sommarju tal-kwistjonijiet ewlenin
18. |
Il-modifiki ewlenin qed jiffokaw fuq l-aspetti li ġejjin:
|
IV. KONKLUŻJONI
19. |
Il-pożizzjoni tal-Kunsill fl-ewwel qari tirrifletti l-pakkett ta' kompromess li l-Kunsill u l-Parlament Ewropew qablu dwaru, bl-appoġġ tal-Kummissjoni. |
20. |
Kif indikat fil-paragrafu 14 hawn fuq, dan il-pakkett ta' kompromess ġie kkonfermat permezz ta' ittra mill-President tal-Kumitat għall-Affarijiet Legali tal-Parlament Ewropew indirizzata lill-President tal-COREPER II, fit-30 ta' Settembru 2020 (12). |
21. |
Il-Kunsill jemmen li l-pożizzjoni tiegħu fl-ewwel qari tirrappreżenta pakkett bilanċjat u li, ladarba jiġi adottat, ir-Regolament il-ġdid ser jikkontribwixxi b'mod sinifikanti biex tiżdied l-effiċjenza u l-ħeffa tal-kumpilazzjoni ta' xhieda transfruntiera billi jiġu sfruttati l-vantaġġi tad-diġitalizzazzjoni. |
(1) 9620/18.
(2) 14013/18.
(3) 12245/19.
(5) 14427/19.
(6) 14601/19 + ADD1.
(7) 5719/20.
(8) L-Irlanda pparteċipat fis-17 ta' Ottubru 2018 (ara d-dok. ST 13305/18). Ir-Renju Unit ma għamilx użu mill-possibbiltà stipulata fl-Artikolu 3 tal-Protokoll (Nru 21) biex jieħu sehem fl-adozzjoni u l-applikazzjoni ta' din il-proposta.
(9) 9248/20.
(10) 9678/20 + ADD 1.
(11) 11357/20.
(12) Ara d-dok. 11357/20.