Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62020TN0160

Kawża T-160/20: Rikors ippreżentat fis-27 ta’ Marzu 2020 – 3M Belgium vs ECHA

ĠU C 201, 15.6.2020, p. 31–31 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

15.6.2020   

MT

Il-Ġurnal Uffiċjali tal-Unjoni Ewropea

C 201/31

Rikors ippreżentat fis-27 ta’ Marzu 2020 – 3M Belgium vs ECHA

(Kawża T-160/20)

(2020/C 201/43)

Lingwa tal-kawża: l-Ingliż

Partijiet

Rikorrenti: 3M Belgium (Diegem, il-Belġju) (rappreżentanti: J.-P. Montfort u T. Delille, avukati)

Konvenuta: L-Aġenzija Ewropea għas-Sustanzi Kimiċi (ECHA)

Talbiet

Ir-rikorrenti titlob li l-Qorti Ġenerali jogħġobha:

—

tannulla d-deċiżjoni tal-ECHA tas-16 ta’ Jannar 2020 (ECHA/01/2020) dwar l-identifikazzjoni tal-aċidu perfluorobutanesulfoniku (PFBS) u l-melħ tiegħu u “l-inklużjoni tagħhom fil-lista ta’ kandidati [lista tas-sustanzi identifikati] għall-inklużjoni eventwali fl-Anness XIV” tar-Regolament REACH (1);

—

tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka żewġ motivi.

1.

L-ewwel motiv huwa bbażat fuq il-fatt li d-deċiżjoni kkontestata ġiet adotatta bi ksur tar-rekwiżiti tal-Artikolu 57(f) tar-Regolament REACH u fuq il-fatt li l-konvenuta wettqet żball manifest ta’ evalwazzjoni peress li ma ppruvatx li s-sustanza tikkawża effetti serji probabbli fuq is-saħħa tal-bniedem u fuq l-ambjent.

2.

It-tieni motiv huwa bbażat fuq il-fatt li d-deċiżjoni kkontestata ġiet adottata bi ksur tal-prinċipju taċ-ċertezza legali, inkluż dak tal-prevedibbiltà peress li r-rikorrenti ma kinitx f’pożizzjoni li tidentifika jew tivverifika bl-ebda mod id-definizzjoni, il-kriterji u l-fatturi użati mill-ECHA sabiex issostni d-deċiżjoni tagħha.

(1)  Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni, ĠU 2006, L 396, p. 1.

Top