This document is an excerpt from the EUR-Lex website
Document 62017CA0423
Case C-423/17: Judgment of the Court (Sixth Chamber) of 14 February 2019 (request for a preliminary ruling from the Gerechtshof Den Haag — Netherlands) — Staat der Nederlanden v Warner-Lambert Company LLC (Reference for a preliminary ruling — Medicinal products for human use — Directive 2001/83/EC — Article 11 — Generic medicinal products — Summary of product characteristics — Exclusion of references referring to indications or dosage forms still covered by patent law at the time when the generic medicine was marketed)
Kawża C-423/17: Sentenza tal-Qorti tal-Ġustizzja (Is-Sitt Awla) tal-14 ta’ Frar 2019 (talba għal deċiżjoni preliminari tal-Gerechtshof Den Haag — il-Pajjiżi l-Baxxi) — Staat der Nederlanden vs Warner-Lambert Company LLC (Rinviju għal deċiżjoni preliminari — Prodotti mediċinali għall-użu mill-bniedem — Direttiva 2001/83/KE — Artikolu 11 — Prodotti mediċinali ġeneriċi — Sommarju tal-karatteristiċi tal-prodott — Esklużjoni ta’ riferimenti li jirreferu għal indikazzjonijiet jew għal forom ta’ dożaġġ li għadhom protetti mid-dritt tal-privattivi fil-mument meta l-prodott mediċinali ġeneriku tqiegħed fis-suq)
Kawża C-423/17: Sentenza tal-Qorti tal-Ġustizzja (Is-Sitt Awla) tal-14 ta’ Frar 2019 (talba għal deċiżjoni preliminari tal-Gerechtshof Den Haag — il-Pajjiżi l-Baxxi) — Staat der Nederlanden vs Warner-Lambert Company LLC (Rinviju għal deċiżjoni preliminari — Prodotti mediċinali għall-użu mill-bniedem — Direttiva 2001/83/KE — Artikolu 11 — Prodotti mediċinali ġeneriċi — Sommarju tal-karatteristiċi tal-prodott — Esklużjoni ta’ riferimenti li jirreferu għal indikazzjonijiet jew għal forom ta’ dożaġġ li għadhom protetti mid-dritt tal-privattivi fil-mument meta l-prodott mediċinali ġeneriku tqiegħed fis-suq)
ĠU C 131, 8.4.2019, p. 6–7
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
8.4.2019 |
MT |
Il-Ġurnal Uffiċjali tal-Unjoni Ewropea |
C 131/6 |
Sentenza tal-Qorti tal-Ġustizzja (Is-Sitt Awla) tal-14 ta’ Frar 2019 (talba għal deċiżjoni preliminari tal-Gerechtshof Den Haag — il-Pajjiżi l-Baxxi) — Staat der Nederlanden vs Warner-Lambert Company LLC
(Kawża C-423/17) (1)
(Rinviju għal deċiżjoni preliminari - Prodotti mediċinali għall-użu mill-bniedem - Direttiva 2001/83/KE - Artikolu 11 - Prodotti mediċinali ġeneriċi - Sommarju tal-karatteristiċi tal-prodott - Esklużjoni ta’ riferimenti li jirreferu għal indikazzjonijiet jew għal forom ta’ dożaġġ li għadhom protetti mid-dritt tal-privattivi fil-mument meta l-prodott mediċinali ġeneriku tqiegħed fis-suq)
(2019/C 131/07)
Lingwa tal-kawża: l-Olandiż
Qorti tar-rinviju
Gerechtshof Den Haag
Partijiet fil-kawża prinċipali
Rikorrent: Staat der Nederlanden
Konvenuta: Warner-Lambert Company LLC
Dispożittiv
It-tieni paragrafu tal-Artikolu 11 tad-Direttiva 2001/83/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi tal-Komunità li għandu x’jaqsam ma’ prodotti mediċinali għall-użu mill-bniedem, kif emendata bid-Direttiva 2012/26/UE tal-Parlament Ewropew u tal-Kunsill tal-25 ta’ Ottubru 2012, għandu jiġi interpretat fis-sens li, fil-kuntest ta’ proċedura ta’ awtorizzazzjoni ta’ tqegħid fis-suq bħal dik inkwistjoni fil-kawża prinċipali, il-komunikazzjoni lill-awtorità nazzjonali kompetenti mill-applikant jew mid-detentur ta’ awtorizzazzjoni ta’ tqegħid fis-suq ta’ prodott mediċinali ġeneriku tal-fuljett tal-pakkett jew ta’ sommarju tal-karatteristiċi tal-prodott ta’ dan il-prodott mediċinali li ma tinkludix riferiment għal indikazzjonijiet jew għal forom ta’ dożaġġ li kienu għadhom koperti mid-dritt tal-privattivi fil-mument meta l-imsemmi prodott mediċinali kien tqiegħed fis-suq tikkostitwixxi talba għal limitazzjoni tal-kamp tal-awtorizzazzjoni ta’ tqegħid fis-suq tal-prodott mediċinali ġeneriku inkwistjoni.