Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2019/050/07

Sejħa għall-Proposti — L-Istitut tal-Bank Ewropew tal-Investiment jipproponi sponsorship ġdid ta’ EIBURS taħt il-Programm ta’ Tagħrif tiegħu

ĠU C 50, 8.2.2019, p. 9–10 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

8.2.2019   

MT

Il-Ġurnal Uffiċjali tal-Unjoni Ewropea

C 50/9

Sejħa għall-Proposti

L-Istitut tal-Bank Ewropew tal-Investiment jipproponi sponsorship ġdid ta’ EIBURS taħt il-Programm ta’ Tagħrif tiegħu

(2019/C 50/07)

Il-Programm ta’ Tagħrif tal-Istitut tal-Bank tal-Investiment Ewropew jiffinanzja l-għotjiet għar-riċerka tiegħu permezz ta’ skemi differenti. Waħda minnhom hija:

—

EIBURS, il-Programm ta’ Sponsorship għar-Riċerka Universitarja tal-BEI (EIB University Research Sponsorship Programme)

EIBURS jipprovdi għotjiet lil dipartimenti universitarji jew ċentri ta’ riċerka assoċjati ma’ universitajiet fl-UE, f’pajjiżi kandidati jew f’pajjiżi kandidati potenzjali li jkunu qegħdin jaħdmu fuq suġġetti ta’ riċerka li huma ta’ interess kbir għall-Bank. L-isponsorships tal-EIBURS — li jilħqu mal-EUR 100 000 fis-sena għal perjodu ta’ tliet snin - jingħataw permezz ta’ proċess kompetittiv lil dipartimenti universitarji interessati jew ċentri ta’ riċerka b’ħila esperta rikonoxxuta fil-qasam magħżul. Proposti li jirnexxu jinvolvu t-twettiq ta’ diversi riżultati li jkunu soġġetti għal ftehim kuntrattwali mal-Bank Ewropew tal-Investiment.

Għas-sena akkademika 2019/2020, il-programm EIBURS qiegħed ifittex proposti fuq tema ta’ riċerka ġdida:

“Nibnu l-futur tal-finanzjament inklużiv: ir-rwol tal-Fintechs u d-diġitalizzazzjoni”

Filwaqt li l-intensità tad-dibattitu dwar l-inugwaljanza fid-dħul battiet kemmxejn fis-snin reċenti, il-kwistjoni nfisha għadha ferm relevanti. Disparitajiet persistenti u kbar fid-dħul jheddu n-nisġa soċjali tas-soċjetà Ewropea u jeħtieġu risposta ta’ politika xierqa. Soluzzjoni korretta u fit-tul tkun li jingħataw opportunitajiet lill-aktar membri ddeprivati tas-soċjetà biex jirrealizzaw l-ambizzjonijiet intraprenditorjali ddemostrati tagħhom. Il-Finanzjament Inklużiv, li qiegħed jipprovdi prodotti u servizzi finanzjarji u mhux finanzjarji lil persuni qiegħda jew klijenti minn gruppi vulnerabbli oħrajn, huwa strument ta’ politika maħsub biex itaffi l-faqar u jnaqqas l-inugwaljanza fid-dħul. Madankollu, is-settur tal-finanzjament inklużiv waqa’ taħt skrutinju miżjud u ġie kkritikat għal għadd ta’ raġunijiet: l-outreach tiegħu staġna u l-ipprezzar tas-self spiss jitqies li huwa wisq għoli biex jindirizza b’mod effettiv kwalunkwe tħassib tal-politika relatata mat-taffija tal-faqar.

Għalhekk, dan il-proġett ta’ riċerka jimmira li jinvestiga l-potenzjal tal-innovazzjoni teknoloġika u finanzjarja biex tiżdied l-effiċjenza tas-settur tal-finanzjament inklużiv. Il-proposti ta’ riċerka għandhom jinkludu strateġija biex jiġu indirizzati dawn l-elementi:

1.

Il-potenzjal ta’ tfixkil tal-innovazzjoni teknoloġika u finanzjarja

—

Ħarsa ġenerali wiesgħa, komprensiva u eżawrjenti tal-potenzjal ta’ innovazzjonijiet teknoloġiċi u finanzjarji biex ifixklu mekkaniżmi ta’ finanzjament inklużiv u biex titjieb l-abbiltà tas-settur biex jikkontribwixxi għall-kisba ta’ miri tal-politika soċjali.

—

Inħeġġu enfasi speċjali fuq l-abbiltà tal-innovazzjoni finanzjarja u teknoloġika biex itejbu l-outreach ta’ Istituzzjonijiet Finanzjarji (IF) għal gruppi fil-mira speċifikċi tal-politika soċjali, bħal intraprendituri nisa, migranti, individwi ddeprivati finanzjarjament, il-popolazzjoni rurali u intrapriżi soċjali.

—

Suġġetti speċifiċi li jenħtieġ li jiġu indirizzati: kif l-użu tal-Fintechs/innovazzjonijiet finanzjarji ser jaffettwaw:

—

L-interazzjoni tal-komunikazzjoni mal-klijent

—

It-taħriġ u l-mentoraġġ

—

L-Ipprezzar tas-self

—

Il-proċess tal-iskrinjar

—

Il-proċedura ta’ applikazzjoni għal self

—

L-irkupru ta’ self

—

Il-profitabbiltà finanzjarja

—

Valutazzjoni aħjar tar-redditu soċjali: biex tiżdied il-viżibbiltà

2.

L-użu ta’ innovazzjonijiet finanzjarji ((Fintechs) fis-settur tal-finanzjament inklużiv

—

Taqsima ta’ segwitu għandha idealment tipprovdi dokumentazzjoni empirika tal-oqsma ta’ tfixkil identifikati taħt il-parti 1: storja, evoluzzjoni u l-istatus quo.

—

Analiżi komparattiva ta’ reġjuni/pajjiżi Ewropej differenti hija mixtieqa.

—

Dokumentazzjoni tal-istat attwali tad-diġitalizzazzjoni f’IF li joperaw fil-qasam tal-mikrofinanzjament, dak soċjali u tal-intraprenditorija tal-immigranti.

—

Serje ta’ studji ta’ każijiet li juru l-mekkaniżmi ta’ tfixkil iddokumentati taħt il-parti 1.

3.

Evidenza dwar l-effett kawżali tal-innovazzjonijiet finanzjarji: l-effiċjenza tas-settur tal-finanzjament inklużiv fil-kontribut għall-kisba ta’ miri tal-politika soċjali

—

Abbażi tal-mekkaniżmi teorizzati elenkati fil-parti 1 u d-data miġbura u ddokumentata fil-parti 2, il-proposta ta’ riċerka għandha tiddelinea metodoloġija biex jiġi kkwantifikat l-impatt ta’ innovazzjonijiet teknoloġiċi jew finanzjarji fuq mira ta’ politika relevanti għas-settur, eż. l-aċċess ta’ gruppi finanzjarjament vulnerabbli għall-kreditu, in-numru ta’ imprendituri migranti.

—

Il-metodoloġija empirika tista’ ssegwi approċċ mikro jew makro (jew inkella t-tnejn), iżda għandha timmira li tidentifika effett kawżali.

Il-fatt li l-użu ta’ innovazzjonijiet finanzjarji fis-settur tal-finanzjament inklużiv huwa suġġett ferm relevanti għall-Grupp tal-BEI huwa kkonfermat mill-involviment qawwi tal-Bank Ewropew tal-Investiment, il-Fond Ewropew tal-Investiment u l-Istitut tal-Bank Ewropew tal-Investiment f’dan is-segment. Il-Grupp tal-BEI jinsab f’pożizzjoni tajba biex jirrispondi għall-ambjent tas-suq li qiegħed jinbidel malajr — inklużi parteċipanti ġodda bħall-Fintechs — u biex jinkisbu d-dimensjonijiet soċjali importanti ta’ dawn l-attivitajiet b’mod aktar effiċjenti.

Il-proposti għandhom jintbagħtu bl-Ingliż sal-15 ta’ April 2019 24:00 (CET). Proposti mibgħuta wara din id-data ma jiġux ikkunsidrati. Il-proposti għandhom jintbagħtu bl-email lil:

Events.EIBInstitute@eib.org

Għal informazzjoni aktar kompluta dwar il-proċess ta’ għażla tal-EIBURS u dwar l-Istitut tal-BEI, jekk jogħġbok żur: http://institute.eib.org/.

Top