Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2016/313/07

Notifika minn qabel ta’ konċentrazzjoni (Il-Każ M.8109 — FIH Mobile/Feature Phone Business of Microsoft Mobile) (Test b'rilevanza għaż-ŻEE)

ĠU C 313, 27.8.2016, p. 25–25 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

27.8.2016   

MT

Il-Ġurnal Uffiċjali tal-Unjoni Ewropea

C 313/25

Notifika minn qabel ta’ konċentrazzjoni

(Il-Każ M.8109 — FIH Mobile/Feature Phone Business of Microsoft Mobile)

(Test b'rilevanza għaż-ŻEE)

(2016/C 313/07)

1.

Fid-19 ta’ Awwissu 2016, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1), li permezz tagħha FIH Mobile Limited (“FIH”, il-Gżejjer Cayman), beħsiebha tixtri mingħand Microsoft Mobile Oy (“Microsoft MO”, il-Finlandja) u mingħand għadd ta’ entitajiet affiljati ma’ Microsoft MO: (1) 100 % tal-kapital mikri kontribwit ta’ Microsoft Mobile (Vietnam) Limited Liability Company (“MMV”); u (2) ċerti assi oħrajn (flimkien, il-“Mira”) li huma użati fit-twettiq tan-negozju tal-feature phone li bħalissa huwa mħaddem minn Microsoft (il-“Feature Phone Business”). MMV hija sussidjarja ta’ Microsoft MO u l-manifattur tat-telefowns għall-Feature Phone Business.

2.

L-attivitajiet kummerċjali tal-impriżi kkonċernati huma:

—

FIH hija sussidjarja ta’ Hon Hai Precision Industry Co., Ltd, li tinnegozja bħala Foxconn (“Hon Hai”, Tajwan); Hon Hai tipprovdi servizzi ta’ manifattura ta’ elettronika lil terzi persuni (electronics manufacturing services, EMS) lill-produtturi ta’ tagħmir oriġinali (original equipment manufacturers, OEMs) ta’ prodotti elettroniċi bħall-kompjuters, it-telefowns ċellulari, consoles tal-logħob tal-vidjow u televiżjonijiet. Hon Hai għandha operazzjonijiet fl-Ameriki, l-Asja u l-Ewropa.

—

Microsoft MO hija sussidjarja ta’ Microsoft Corporation (“Microsoft”, l-Istati Uniti tal-Amerika). Microsoft hija primarjament involuta fid-disinn, l-iżvilupp u l-provvista ta’ softwer tal-kompjuter, ċerti apparati tal-ħardwer u servizzi relatati. L-attivitajiet kummerċjali prinċipali ta’ Microsoft MO huma l-iżvilupp, il-liċenzjar u l-appoġġ ta’ prodotti tas-softwer, servizzi tat-teknoloġija u apparati ta’ ħardwer relatati mat-telefowns ċellulari li jinżammu fl-idejn.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8109 — FIH Mobile/Feature Phone Business of Microsoft Mobile, fl-indirizz li ġej:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

Top