15.1.2016   

MT

Il-Ġurnal Uffiċjali tal-Unjoni Ewropea

C 12/4

1.

Fit-8 ta’ Jannar 2016, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) minn Activision Blizzard Inc. (“Activision Blizzard”, l-Istati Uniti tal-Amerika) biex takkwista fit-tifsira tal-Artikolu 3(1)(b) il-kontroll uniku ta’ King Digital Entertainment plc (“King”, l-Irlanda) permezz ta’ xiri ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal Activision Blizzard: l-iżvilupp u l-pubblikazzjoni ta’ divertiment interattiv, fosthom logħob tal-kompjuters u tal-console,

—   għal King: l-iżvilupp u l-pubblikazzjoni ta’ logħob tat-telefown ċellulari.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibgħatulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7866 — Activision Blizzard/King, f’dan l-indirizz: