This document is an excerpt from the EUR-Lex website
Document 52015XC0429(03)
Summary of Commission Decision of 10 December 2013 relating to a proceeding under Article 101 of the Treaty on the Functioning of the European Union (Case AT.39685 — Fentanyl) (notified under document C(2013) 8870)
Sommarju tad-Deċiżjoni tal-Kummissjoni tal-10 ta’ Diċembru 2013 relatat mal-proċedura skont l-Artikolu 101 tat-Trattat dwar il-Funzjonament tal-Unjoni Ewropea (Il-Każ AT.39685 — Fentanil) (notifikata bid-dokument C(2013) 8870)
Sommarju tad-Deċiżjoni tal-Kummissjoni tal-10 ta’ Diċembru 2013 relatat mal-proċedura skont l-Artikolu 101 tat-Trattat dwar il-Funzjonament tal-Unjoni Ewropea (Il-Każ AT.39685 — Fentanil) (notifikata bid-dokument C(2013) 8870)
ĠU C 142, 29.4.2015, p. 21–22
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
29.4.2015 |
MT |
Il-Ġurnal Uffiċjali tal-Unjoni Ewropea |
C 142/21 |
Sommarju tad-Deċiżjoni tal-Kummissjoni
tal-10 ta’ Diċembru 2013
relatat mal-proċedura skont l-Artikolu 101 tat-Trattat dwar il-Funzjonament tal-Unjoni Ewropea
(Il-Każ AT.39685 — Fentanil)
(notifikata bid-dokument C(2013) 8870)
(It-test bl-Ingliż biss huwa awtentiku)
(2015/C 142/10)
1. INTRODUZZJONI
(1) |
Fl-10 Diċembru 2013, il-Kummissjoni adottat deċiżjoni li tirrigwarda proċedura skont l-Artikolu 101 tat-Trattat dwar il-Funzjonament tal-Unjoni Ewropea. Skont id-dispożizzjonijiet tal-Artikolu 30 tar-Regolament tal-Kunsill (KE) Nru 1/2003 (1), il-Kummissjoni qiegħda hawnhekk tippubblika l-ismijiet tal-partijiet u tal-kontenut prinċipali tad-deċiżjoni, inklużi kull piena imposta, fid-dawl tal-interess leġittimu tal-impriżi fil-protezzjoni tas-sigrieti kummerċjali tagħhom. |
(2) |
Id-deċiżjoni tikkonċerna l-hekk imsejjaħ ftehim “kopromozzjoni” (minn hawn ’il quddiem “il-ftehim”) li l-partijiet tiegħu huma sussidjarji Olandiżi tal-impriżi farmaċewtiċi Johnson & Johnson u Novartis AG. Il-ftehim kien jipprovdi għal pagamenti ta’ kull xahar minn Johnson & Johnson sakemm (mill-inqas) il-kompetitur potenzjali Novartis jastjeni milli jidħol fis-suq fil-Pajjiżi l-Baxxi b’verżjoni ġenerika tagħha tal-prodott fentanil ta’ Johnson & Johnson’s, li hu mediċina qawwija għal kontra l-uġigħ. |
2. DESTINATARJI
(3) |
Id-Deċiżjoni hija indirizzata lil Johnson & Johnson, is-sussidjarja Olandiża tagħha Janssen-Cilag B.V. (minn hawn ‘il quddiem “Janssen-Cilag”), Novartis AG (minn hawn ‘il quddiem “Novartis”), u s-sussidjarja Olandiża tagħha Sandoz B.V. (minn hawn ‘il quddiem “Sandoz”). |
3. IL-PROĊEDURA
(4) |
Il-proċedimenti komplew fit-18 ta’ Ottubru 2011. |
(5) |
Fit-30 ta’ Jannar 2013, id-dikjarazzjoni tal-oġġezzjonijiet ġiet adottata u nnotifikata lill-partijiet kollha. |
(6) |
Il-partijiet ippreżentaw ir-risposti tagħhom għad-dikjarazzjoni ta’ oġġezzjonijiet f’April 2013 u l-ebda seduta verbali ma ġiet mitluba. |
(7) |
Il-Kumitat Konsultattiv dwar il-Prattiċi Restrittivi u l-Pożizzjonijiet Dominanti ħareġ opinjoni favorevoli fit-2 u s-6 ta’ Diċembru 2013. |
(8) |
Il-Kummissjoni adottat id-deċiżjoni preżenti fl-10 ta’ Diċembru 2013. |
4. KSUR TAL-ARTIKOLU 101 TFUE
(9) |
Johnson & Johnson żviluppat il-fentanil u ilha tikkummerċjalizzah f’forom differenti mis-snin 60. Fl-2005, prodott ta’ Johnson & Johnson’s, paċċ depot tal-fentanil, ma kienx aktar protett fil-Pajjiżi l-Baxxi u s-sussidjarja Olandiża tan-Novartis kienet fuq ix-xifer li tniedi verżjoni ġenerika tagħha tad-depot patch tal-fentanil. Kienet, pereżempju, diġà pproduċiet il-materjal tal-ippakkjar meħtieġ. |
(10) |
Madankollu, f’Lulju 2005, minflok li fil-fatt bdiet tbigħ il-verżjoni ġenerika, Sandoz ikkonkludiet l-hekk imsejjaħ “ftehim ta’ kopromozzjoni” ma’ Janssen-Cilag, is-sussidjarja Olandiża ta’ Johnson & Johnson. Il-pagamenti ta’ kull xahar miftiehma minn Janssen-Cilag qabżu l-qligħ li Sandoz kienet mistennija li tikseb mill-bejgħ tal-prodott ġeneriku tagħha, sakemm ma kien hemm l-ebda dħul ġeneriku fil-Pajjiżi l-Baxxi. Skont id-dokumenti interni, Sandoz kienet se tastjeni milli tidħol fis-suq bi skambju għal “parti mill-kejk”. Minflok ma jikkompetu, Johnson & Johnson u Novartis qablu li jikkooperaw sabiex “ma jkollhomx depot ġeneriku fis-suq u b’dak il-mod iżommu l-prezz għoli attwali”. |
(11) |
Konsegwentement, Sandoz ma nedietx il-prodott tagħha fil-Pajjiżi l-Baxxi sakemm il-ftehim kien fis-seħħ. Il-Ftehim ġie tterminat f’Diċembru 2006 meta parti terza kienet fil-proċess li tniedi patch ġeneriku tal-fentanil. |
(12) |
Il-Kummissjoni kkonkludiet dan li ġej. Abbażi tal-analiżi tal-kuntest ekonomiku u ġuridiku, Sandoz, fiż-żmien fejn hija kkonkludiet il-ftehim ma’ Janssen-Cilag, kienet kompetitriċi mill-qrib u (għall-inqas) potenzjali ta’ Janssen-Cilag. Il-ftehim inkluda mekkaniżmu ta’ nuqqas ta’ dħul fis-suq li permezz tiegħu il-pagamenti ta’ kull xahar ta’ Janssen-Cilag kellhom jintemmu jekk Sandoz jew kwalunkwe parti terza tidħol fis-suq. Għaldaqstant, Sandoz baqgħet barra mis-suq Olandiż bil-paċċ depot tal-fentanil tagħha għat-tul kollu tal-ftehim (mill-11 ta’ Lulju 2005 sal-15 ta’ Diċembru 2006). B’konsegwenza tal-ftehim, il-kompetitur ġeneriku potenzjali (għall-inqas) mill-qrib ġie eskluż mis-suq fi żmien meta t-theddida ta’ dħul fis-suq tiegħu kienet imminenti. |
(13) |
Madankollu, għall-perjodu kkonċernat, Janssen-Cilag ħallset bejn wieħed u ieħor total ta’ EUR 5 miljun lil Sandoz f’pagamenti bin-nifs kull xahar. L-ammont imħallas lil Sandoz kien konsiderevolment aktar minn dak li Sandoz nnifisha stenniet, fiż-żmien meta kkonkludiet il-ftehim, li taqla’ li kieku nediet l-istrateġija tagħha stess tal-paċċ depot tal-fentanil fil-Pajjiżi l-Baxxi. Dawk il-pagamenti ta’ kull xahar kienu previsti fis-servizzi ta’ kompromozzjoni mhux definiti. Matul il-perjodu kopert bl-ewwel ftehim ta’ kopromozzjoni (mill-11 ta’ Lulju 2005 sal-11 ta’ Lulju 2006), Sandoz wettqet biss attivitajiet limitati ta’ promozzjoni, u għall-perjodu kopert mill-addendum (mill-11 ta’ Lulju 2006 sal-15 ta’ Diċembru 2006), ma hemm l-ebda evidenza li xi attivitajiet ta’ promozzjoni kienu mwettqa minn Sandoz kienu x’kienu. |
(14) |
L-elementi oġġettivi ta’ hawn fuq tal-analiżi ġew ikkonfermati mill-intenzjonijiet tal-partijiet. Iż-żewġ partijiet fasslu l-ftehim ta’ kopromozzjoni b’tali mod li jiżguraw li l-prodott ġeneriku ta’ Sandoz jinżamm barra mis-suq u Janssen-Cilag tkun tista’ timmassimizza l-profitti tagħha għal bejgħ tal-prodott oriġinatur sakemm il-ftehim kien fis-seħħ. Janssen-Cilag qasmet dawk il-profitti soprakompetittivi ma’ Sandoz. |
(15) |
Il-Kummissjoni għalhekk ikkonkludiet li l-ftehim kien jikkostitwixxi restrizzjoni tal-Artikolu 101 TFUE minħabba l-oġġett. |
5. TUL TAŻ-ŻMIEN TAL-KSUR
(16) |
Il-ksur dam għaddej mill-inqas mid-data tad-dħul fis-seħħ tal-ftehim inizjali dwar il-kopromozzjoni fil-11 ta’ Lulju 2005 sa tmiem il-ftehim tal-kopromozzjoni (li jinkludi l-addendum) fil-15 ta’ Diċembru 2006. |
6. MULTI
(17) |
Dawn il-multi ġew imposti minħabba l-ksur f’dan il-każ:
|