Avviż dwar il-miżuri ta’ antidumping fis-seħħ fir-rigward ta’ importazzjonijiet fl-Unjoni ta’ oġġetti taċ-ċeramika li jintużaw fuq il-mejda u fil-kċina li joriġinaw mir-Repubblika Popolari taċ-Ċina: tibdil fl-isem ta’ kumpaniji soġġetti għar-rata ta’ dazju antidumping għal kumpaniji li kkooperaw mhux inklużi fil-kampjun

2014/C 414/06

L-importazzjonijiet ta’ oġġetti taċ-ċeramika ta’ fuq il-mejda u tal-kċina (“oġġetti tal-mejda”) li joriġinaw mir-Repubblika Popolari taċ-Ċina huma soġġetti għal dazju antidumping definittiv, impost bir- Regolament ta’ Implimentazzjoni tal-Kunsill (UE) Nru 412/2013 (1) (“ir- Regolament (UE) Nru 412/2013”).

Seba’ kumpaniji li jinsabu fir-Repubblika Popolari taċ-Ċina, li l-esportazzjonijiet tagħhom lejn l-Unjoni ta’ oġġetti tal-mejda huma soġġetti għar-rata ta’ dazju anti-dumping għal kumpaniji li kkooperaw mhux inklużili ma kinux fil-kampjun ta’ 17,9 %, infurmaw lill-Kummissjoni li biddlu isimhom kif imniżżel hawn taħt.

Il-kumpaniji sostnew li l-bidla fl-isem tagħhom ma jaffettwax id-dritt tagħhom li jibbenefikaw mid-dazju applikat għalihom taħt l-ismijiet preċedenti tagħhom.

Il-Kummissjoni eżaminat l-informazzjoni mogħtija u kkonkludiet li l-bidla fl-isem ma taffettwa bl-ebda mod is-sejbiet tar-Regolament (UE) Nru 412/2013.

Għaldaqstant, ir-referenzi fl-Anness I tar-Regolament (UE) Nru 412/2013 rigward dawn il-kumpaniji għandhom jinqraw kif jidher hawn taħt u l-kodiċijiet addizzjonali TARIC applikati kif meħtieġ:

(1)  ĠU L 131, 15.5.2013, p. 1.