This document is an excerpt from the EUR-Lex website
Document 62013FN0109
Case F-109/13: Action brought on 4th November 2013 — ZZ v ENISA
Kawża F-109/13: Rikors ippreżentat fl- 4 ta’ Novembru 2013 — ZZ vs ENISA
Kawża F-109/13: Rikors ippreżentat fl- 4 ta’ Novembru 2013 — ZZ vs ENISA
ĠU C 15, 18.1.2014, p. 21–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
18.1.2014 |
MT |
Il-Ġurnal Uffiċjali tal-Unjoni Ewropea |
C 15/21 |
Rikors ippreżentat fl-4 ta’ Novembru 2013 — ZZ vs ENISA
(Kawża F-109/13)
2014/C 15/33
Lingwa tal-kawża: l-Ingliż
Partijiet
Rikorrenti: ZZ (rappreżentanti: L. Levi u A. Tymen, avukati)
Konvenuta: Aġenzija Ewropea dwar is-Sigurtà tan-Netwerks u l-Informazzjoni (ENISA)
Suġġett
Annullament tad-deċiżjoni li ttemm il-kuntratt ta’ xogħol tar-rikorrenti u bħala konsegwenza, jordna lill-konvenuta sabiex ir-rikorrenti tiġi reintegrata, il-ħlas tal-benefiċċji finanzjarji tagħha minn mindu daħal fis-seħħ it-tmiem tal-kuntratt sar-reintegrazzjoni tagħha, bi tnaqqis tad-dħul possibbli tagħha għall-istess perijodu, flimkien mal-interessi moratorji kkalkolati bir-rata tal-Bank Ċentrali Ewropew miżjuda bi 3 punti, u, fl-aħħar nett, jikkundanna lill-konvenuta tikkumpensa d-dannu morali subit mir-rikorrenti.
Talbiet tar-rikorrenti
— |
jannulla d-deċiżjoni tal-31 ta’ Jannar 2013 li ttemm il-kuntratt ta’ xogħol tar-rikorrenti; |
— |
jannulla d-deċiżjoni tat-22 ta’ Awwissu 2013 li tiċħad l-ilment tar-rikorrenti; |
— |
bħala konsegwenza, jordna r-reintegrazzjoni tar-rikorrenti u li tħallasha benefiċċji finanzjarji minn mindu daħal fis-seħħ it-tmiem tal-kuntratt sar-reintegrazzjoni tagħha, bi tnaqqis tad-dħul possibbli tagħha għall-istess perijodu, flimkien mal-interessi moratorji kkalkolati bir-rata tal-Bank Ċentrali Ewropew miżjuda bi 3 punti; |
— |
jikkumpensa d-dannu morali subit mir-rikorrenti evalwat, ex aequo et bono, għal EUR 10 000; |
— |
jikkundanna lill-konvenuta għall-ispejjeż. |