Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62012TN0576

Kawża T-576/12: Rikors ippreżentat fil- 31 ta’ Diċembru 2012 — Łaszkiewicz vs UASI — Capital Safety Group EMEA (PROTEKT)

ĠU C 108, 13.4.2013, p. 27–28 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

13.4.2013   

MT

Il-Ġurnal Uffiċjali tal-Unjoni Ewropea

C 108/27

Rikors ippreżentat fil-31 ta’ Diċembru 2012 — Łaszkiewicz vs UASI — Capital Safety Group EMEA (PROTEKT)

(Kawża T-576/12)

2013/C 108/71

Lingwa tar-rikors: il-Pollakk

Partijiet

Rikorrent: Grzegorz Łaszkiewicz (Łódź, il-Polonja) (rappreżentant: J. Gwiazdowska, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra quddiem il-Bord tal-Appell: Capital Safety Group EMEA, SAS (Carros Cedex, Franza)

Talbiet tar-rikorrenti

—

tannulla fl-intier tagħha d-deċiżjoni tar-Raba’ Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-24 ta’ Ottubru 2012 fil-Każ R 700/2011-4;

—

tagħti deċiżjoni finali — sa fejn l-istat tal-proċeduri jippermetti dan — li permezz tagħha tilqa’ r-reġistrazzjoni ta’ trade mark Komunitarja Nru 8478331 li għaliha saret l-applikazzjoni;

—

sussidjarjament — sa fejn l-istat tal-proċeduri jippermetti dan — tibgħat il-każ lura għal deċiżjoni mill-ġdid mir-Raba’ Bord tal-Appell, skont il-kriterji vinkolanti stabbiliti mill-Qorti tal-Ġustizzja;

—

tikkundanna lill-UASI għall-ispejjeż, inklużi dawk sostnuti mir-rikorrent fil-proċedimenti quddiem il-Bord tal-Appell u quddiem id-Diviżjoni tal-Oppożizzjoni tal-Uffiċċju għall-Armonizzazzjoni fis-Suq Intern;

—

tieħu inkunsiderazzjoni l-provi msemmija fir-rikors;

—

tmexxi l-proċeduri bil-miktub u bl-użu tal-lingwa Pollakka bħala l-lingwa tal-kawża.

Motivi u argumenti prinċipali

Applikant għat-trade mark Komunitarja: ir-rikorrent

Trade mark Komunitarja kkonċernata: it-trade mark figurattiva li tinkludi l-element verbali “protekt” għal prodotti fil-klassijiet 6, 7, 9, 22 u 25 — Applikazzjoni Nru 008478331

Proprjetarju tat-trade mark jew tas-sinjal invokat insostenn tal-oppożizzjoni: Capital Safety Group EMEA, SAS

Trade mark jew sinjal invokat: it-trade mark verbali Komunitarja Protecta, irreġistrata għal prodotti fil-klassijiet 6, 7 u 9

Deċiżjoni tad-Diviżjoni tal-Oppożizzjoni: oppożizzjoni milqugħa parzjalment

Deċiżjoni tal-Bord tal-Appell: appell miċħud

Motivi invokati:

—

ksur tal-Artikolu 8(1)(b) tar-Regolament Nru 207/2009;

—

ksur tal-Artikoli 75 u 76 tar-Regolament Nru 207/2009 kif ukoll tar-Regoli 50 u 52 tar-Regolament tal-Kummissjoni Nru 2868/95.
Top