This document is an excerpt from the EUR-Lex website
Document 32012D1221(01)
Commission Decision of 19 December 2012 amending the Decision of 30 July 2010 as regards its applicability and the composition of the High Level Forum for a Better Functioning Food Supply Chain
Deċiżjoni tal-Kummissjoni tad- 19 ta’ Diċembru 2012 li temenda d-Deċiżjoni tat- 30 ta' Lulju 2010 fir-rigward tal-applikabilità tagħha u l-kompożizzjoni tal-Forum ta’ Livell Għoli għal Katina tal-Provvista Alimentari Mħaddma Aħjar
Deċiżjoni tal-Kummissjoni tad- 19 ta’ Diċembru 2012 li temenda d-Deċiżjoni tat- 30 ta' Lulju 2010 fir-rigward tal-applikabilità tagħha u l-kompożizzjoni tal-Forum ta’ Livell Għoli għal Katina tal-Provvista Alimentari Mħaddma Aħjar
ĠU C 396, 21.12.2012, p. 17–17
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2014
|
21.12.2012 |
MT |
Il-Ġurnal Uffiċjali tal-Unjoni Ewropea |
C 396/17 |
DEĊIŻJONI TAL-KUMMISSJONI
tad-19 ta’ Diċembru 2012
li temenda d-Deċiżjoni tat-30 ta' Lulju 2010 fir-rigward tal-applikabilità tagħha u l-kompożizzjoni tal-Forum ta’ Livell Għoli għal Katina tal-Provvista Alimentari Mħaddma Aħjar
2012/C 396/06
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Billi:
|
(1) |
Id-Deċiżjoni tal-Kummissjoni tat-30 ta' Lulju 2010 li tistabbilixxi l-Forum ta’ Livell Għoli għal Katina tal-Provvista Alimentari Mħaddma Aħjar (1), hija applikabbli sal-31 ta’ Diċembru 2012. |
|
(2) |
Il-Forum ikkontribwixxa għall-kompetittività fil-katina tal-valur agro-alimentari tal-UE billi segwa l-implimentazzjoni tar-rakkomandazzjonijiet tal-Grupp ta' Livell Għoli dwar il-Kompetittività tal-Industrija Agro-alimentari u tal-inizjattivi proposti mill-Kummissjoni fil-Komunikazzjoni tagħha “Katina tal-Provvista Alimentari Mħaddma Aħjar fl-Ewropa” (2). Il-Forum irrakkomanda li għandhom jitwettqu aktar azzjonijiet iffukati. Dawn l-inizjattivi jeħtieġ li jkollhom segwitu. Ix-xogħol tal-Forum ta’ Livell Għoli għal Katina tal-Provvista Alimentari Mħaddma Aħjar, għandu għalhekk jissokta wara l-31 ta' Diċembru 2012. |
|
(3) |
Is-sħubija tal-Forum għandha tiġi estiża għall-awtoritajiet nazzjonali mill-Istati Membri kollha biex tiffaċilita t-tpartit ta’ prassi tajba u biex tkabbar l-involviment tal-Forum. Ir-rappreżentanza tal-organizzazzjonijiet privati għandhom ikunu riveduti fuq il-bażi ta’ sejħa pubblika għal applikazzjoni biex tkun żgurata rappreżentanza bbilanċjata tal-partijiet interessati, |
ADOTTAT DIN ID-DEĊIŻJONI:
Artikolu uniku
Id-Deċiżjoni tat-30 ta’ Lulju 2010 hija emendata kif gej:
|
(1) |
L-Artikolu 4 huwa emendat kif ġej:
|
|
(2) |
L-Artikolu 7 jinbidel b'dan li ġej: “Artikolu 7 Applikabbiltà Din id-Deċiżjoni tapplika sal-31 ta’ Diċembru 2014.” |
Magħmul fi Brussell, id-19 ta’ Diċembru 2012.
Għall-Kummissjoni
Antonio TAJANI
Viċi President
(2) COM(2009) 591 tat-28.10.2009.