This document is an excerpt from the EUR-Lex website
Document 32012A1220(01)
Commission Opinion of 18 December 2012 relating to the plan for the disposal of radioactive waste arising from the dismantling of the KWL Nuclear Power Plant, located at Lingen in Lower Saxony, Germany
Opinjoni tal-Kummissjoni tat- 18 ta’ Diċembru 2012 li tirrigwarda l-pjan għar-rimi ta’ skart radjuattiv li jirriżulta miż-żarmar tal-Impjant tal-Enerġija Nukleari KWL, li jinsab f’Lingen fis-Sassonja t’Isfel, il-Ġermanja
Opinjoni tal-Kummissjoni tat- 18 ta’ Diċembru 2012 li tirrigwarda l-pjan għar-rimi ta’ skart radjuattiv li jirriżulta miż-żarmar tal-Impjant tal-Enerġija Nukleari KWL, li jinsab f’Lingen fis-Sassonja t’Isfel, il-Ġermanja
ĠU C 394, 20.12.2012, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
20.12.2012 |
MT |
Il-Ġurnal Uffiċjali tal-Unjoni Ewropea |
C 394/1 |
OPINJONI TAL-KUMMISSJONI
tat-18 ta’ Diċembru 2012
li tirrigwarda l-pjan għar-rimi ta’ skart radjuattiv li jirriżulta miż-żarmar tal-Impjant tal-Enerġija Nukleari KWL, li jinsab f’Lingen fis-Sassonja t’Isfel, il-Ġermanja
(It-test bil-Ġermaniż biss huwa awtentiku)
2012/C 394/01
Il-valutazzjoni t’hawn taħt qed titwettaq skont id-dispożizzjonijiet tat-Trattat Euratom, mingħajr preġudizzju għal kwalunkwe valutazzjoni addizzjonali li trid issir skont it-Trattat dwar il-Funzjonament tal-Unjoni Ewropea u l-obbligi li joħorġu minnu u minn leġiżlazzjoni sekondarja (1).
Fil-21 ta’ Ġunju 2012, il-Kummissjoni Ewropea rċeviet mingħand il-Gvern Ġermaniż, skont l-Artikolu 37 tat-Trattat tal-Euratom, Dejta Ġenerali rigward il-pjan għar-rimi ta’ skart radjuattiv li jirriżulta miż-żarmar tal-Impjant tal-Enerġija Nukleari KWL.
Abbażi ta’ din id-dejta u t-tagħrif addizzjonali mitlub mill-Kummissjoni fit-3 ta’ Lulju 2012 u pprovdut mill-awtoritajiet Ġermaniżi fis-27 ta’ Settembru 2012, u wara konsultazzjoni mal-Grupp ta’ Esperti, il-Kummissjoni fasslet l-opinjoni li ġejja:
|
(1) |
Id-distanza bejn is-sit ta’ Lingen u l-eqreb fruntiera ma’ Stat Membru ieħor, f’dan il-każ il-Pajjiżi l-Baxxi, hija ta’ 12,6 km. |
|
(2) |
Matul operazzjonijiet normali ta’ żarmar, l-iskariki ta’ effluwenti likwidi u gassużi radjuattivi ma jwasslux għall-esponiment tal-popolazzjoni fi Stat Membru ieħor, li jkunu sinifikanti mil-lat ta’ saħħa. |
|
(3) |
L-iskart radjuattiv solidu se jinħażen fuq il-post sakemm ikun disponibbli repożitorju nazzjonali. Skart solidu jew materjali residwi li mhumiex radjuattivi, f’konformità ma’ livelli ta’ approvazzjoni, se jiġu rilaxxati mill-kontroll regolatorju għar-rimi bħala skart konvenzjonali jew għall-użu mill-ġdid jew għar-riċiklaġġ. Dan se jsir skont il-kriterji stipulati fl-Istandards Bażiċi tas-Sikurezza (id-Direttiva 96/29/Euratom). |
|
(4) |
Fil-każ ta’ rilaxxi mhux ippjanati ta’ effluwenti radjuattivi li jistgħu jseħħu wara inċident abbażi tad-disinn ta’ referenza tat-tip u d-daqs ikkunsidrati fid-Dejta Ġenerali, id-dożi li x'aktarx jaslu għand il-popolazzjoni fi Stat Membru ieħor ma jkunux sinifikanti mil-lat ta' saħħa. Madankollu, f’sitwazzjonijiet ta’ inċident aktar gravi, id-doża li l-popolazzjoni li tgħix fl-inħawi tal-fruntiera tal-eqreb Stat Membru tista’ tilħaq livelli fejn l-awtoritajiet kompetenti jistgħu jikkunsidraw it-teħid ta’ kontromiżuri. F’dan il-kuntest ta’ min jinnota li l-Ġermanja u l-Istati Membri ġirien tagħha rratifikaw ftehimiet bilaterali dwar in-notifika bikrija u l-assistenza reċiproka f’każ ta’ emerġenza radjoloġika. |
Bħala konklużjoni, il-Kummissjoni hi tal-opinjoni li l-implimentazzjoni tal-pjan għar-rimi ta’ skart radjuattiv fi kwalunkwe għamla li jirriżulta miż-żarmar tal-Impjant tal-Enerġija Nukleari KWL, li jinsab f’Lingen fis-Sassonja t’Isfel, il-Ġermanja, kemm waqt it-tħaddim normali kif ukoll fil-każ ta’ aċċident tat-tip u d-daqs ikkunsidrati fid-Dejta Ġenerali, x'aktarx li ma tirriżultax f'kontaminazzjoni radjuattiva, li tkun sinifikanti mil-lat ta’ saħħa, tal-ilma, tal-ħamrija jew tal-ispazju tal-ajru ta’ Stat Membru ieħor.
Magħmul fi Brussell, it-18 ta’ Diċembru 2012.
Għall-Kummissjoni
Günther OETTINGER
Membru tal-Kummissjoni
(1) Pereżempju, skont it-Trattat dwar il-Funzjonament tal-Unjoni Ewropea, l-aspetti ambjentali għandhom jiġu vvalutati aktar. B’mod indikattiv, il-Kummissjoni tixtieq tiġbed l-attenzjoni għad-dispożizzjonijiet tad-Direttiva 2011/92/UE dwar l-istima tal-effetti ta’ ċerti proġetti pubbliċi u privati fuq l-ambjent, id-Direttiva 2001/42/KE dwar l-istima tal-effetti ta’ ċerti pjanijiet u programmi fuq l-ambjent, kif ukoll id-Direttiva 92/43/KEE dwar il-konservazzjoni tal-ħabitat naturali u tal-fawna u l-flora selvaġġa u d-Direttiva 2000/60/KE li tistabbilixxi qafas għal azzjoni Komunitarja fil-qasam tal-politika tal-ilma.