EUR-Lex Access to European Union law
This document is an excerpt from the EUR-Lex website
Document 52012XX0131(02)
Decision No 804 of 4 November 2011 opening a procedure for granting authorisation for the prospection and exploration of oil and natural gas, being underground natural resources as defined in Article 2(1)(3) of the Underground Natural Resources Act, in ‘Block 1-19 Sveti Atanas’ , located on the continental shelf and in the exclusive economic zone of the Republic of Bulgaria in the Black Sea, and announcing that authorisation will be granted on the basis of a competitive bidding procedure
Id-Deċiżjoni Nru 804 tal- 4 ta’ Novembru 2011 li tiftaħ proċedura għall-għoti ta' awtorizzazzjoni għat-tiftix u l-esplorazzjoni taż-żejt u l-gass naturali, li huma riżorsi naturali ta' taħt l-art kif iddefinit fl-Artikolu 2(1)(3) tal-Att dwar ir-Riżorsi Naturali ta' Taħt l-Art, fil-Blokk 1-19 Sveti Atanas, li jinsab fil-blata kontinentali u fiż-żona ekonomika esklussiva tar-Repubblika tal-Bulgarija fil-Baħar l-Iswed, u li tħabbar li l-awtorizzazzjoni se tingħata abbażi ta' proċedura kompetittiva ta' sejħa għall-offerti
Id-Deċiżjoni Nru 804 tal- 4 ta’ Novembru 2011 li tiftaħ proċedura għall-għoti ta' awtorizzazzjoni għat-tiftix u l-esplorazzjoni taż-żejt u l-gass naturali, li huma riżorsi naturali ta' taħt l-art kif iddefinit fl-Artikolu 2(1)(3) tal-Att dwar ir-Riżorsi Naturali ta' Taħt l-Art, fil-Blokk 1-19 Sveti Atanas, li jinsab fil-blata kontinentali u fiż-żona ekonomika esklussiva tar-Repubblika tal-Bulgarija fil-Baħar l-Iswed, u li tħabbar li l-awtorizzazzjoni se tingħata abbażi ta' proċedura kompetittiva ta' sejħa għall-offerti
ĠU C 26, 31.1.2012, p. 7–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
31.1.2012 |
MT |
Il-Ġurnal Uffiċjali tal-Unjoni Ewropea |
C 26/7 |
ID-DEĊIŻJONI Nru 804
tal-4 ta’ Novembru 2011
li tiftaħ proċedura għall-għoti ta' awtorizzazzjoni għat-tiftix u l-esplorazzjoni taż-żejt u l-gass naturali, li huma riżorsi naturali ta' taħt l-art kif iddefinit fl-Artikolu 2(1)(3) tal-Att dwar ir-Riżorsi Naturali ta' Taħt l-Art, fil-Blokk 1-19 Sveti Atanas, li jinsab fil-blata kontinentali u fiż-żona ekonomika esklussiva tar-Repubblika tal-Bulgarija fil-Baħar l-Iswed, u li tħabbar li l-awtorizzazzjoni se tingħata abbażi ta' proċedura kompetittiva ta' sejħa għall-offerti
2012/C 26/05
IR-REPUBBLIKA TAL-BULGARIJA
IL-KUNSILL TAL-MINISTRI
Skont l-Artikoli 5(2), 7(2)(8), 42(1)(1) u 44(3) tal-Att dwar ir-Riżorsi Naturali ta' Taħt l-Art, u l-Artikoli 4(1)(1) u 16 tar-Regolament dwar it-twettiq tal-proċeduri tal-offerti għall-għoti tal-awtorizzazzjoni għat-tiftix u/jew l-esplorazzjoni ta', u għall-għoti ta’ konċessjonijiet għall-produzzjoni ta', riżorsi naturali ta' taħt l-art kif iddefinit fl-Att dwar ir-Riżorsi Naturali ta' Taħt l-Art, adottat mir-Riżoluzzjoni tal-Kunsill tal-Ministri Nru 231 tal-2010 (Gazzetta tal-Istat Nru 82/2010):
IL-KUNSILL TAL-MINISTRI DDEĊIEDA LI:
1. |
Għandha tinfetaħ proċedura għall-għoti tal-awtorizzazzjoni għat-tiftix u l-esplorazzjoni taż-żejt u l-gass naturali fil-Blokk 1-19 Sveti Atanas, li jinsab fil-blata kontinentali u fiż-żona ekonomika esklussiva tar-Repubblika tal-Bulgarija fil-Baħar l-Iswed, li jkopri erja ta’ 1 318 km2 u huwa ddefinit bil-koordinati 1 sa 8, kif speċifikat fl-Anness. |
2. |
L-awtorizzazzjoni msemmija fil-punt 1 għandha tingħata abbażi ta' proċedura ta' offerti kompetittiva. |
3. |
Il-perjodu ta' awtorizzazzjoni għat-tiftix u l-esplorazzjoni għandu jiġi ffissat għal ħames snin mid-data li fiha jidħol fis-seħħ il-ftehim dwar it-tiftix u l-esplorazzjoni, bi dritt li dan il-perjodu jiġi estiż skont l-Artikolu 31(3) tal-Att dwar ir-Riżorsi Naturali ta' Taħt l-Art. |
4. |
Id-data tal-iskadenza għax-xiri tal-fajl tal-offerti għandha tkun fil-17:00 tal-120 jum wara l-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. |
5. |
Id-data tal-iskadenza għat-tressiq tal-applikazzjonijiet għall-parteċipazzjoni fil-proċedura kompetittiva tal-offerti għandha tkun fil-17:00 tal-130 jum wara l-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. |
6. |
Id-data tal-iskadenza għat-tressiq tal-offerti skont il-fajl tal-offerti għandha tkun fil-17:00 tal-144 jum wara l-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. |
7. |
L-offerenti ma għandhomx ikunu preżenti meta jiġu kkunsidrati l-offerti. |
8. |
Il-prezz tal-fajl tal-offerti għandu jiġi ffissat għal BGN 15 000. Il-fajl tal-offerti għandu jinxtara mill-Kmamar Nru 902 u 903 fil-Ministeru tal-Ekonomija, l-Enerġija u t-Turiżmu fl-indirizz li ġej: ul. Triaditsa 8, Sofia, Bulgaria, sad-data tal-iskadenza speċifikata fil-punt 4. |
9. |
L-applikanti li jixtiequ jipparteċipaw fil-proċedura kompetittiva tal-offerti għandhom ikunu konformi mar-rekwiżiti tal-Artikolu 23(1) tal-Att dwar ir-Riżorsi Naturali ta’ Taħt l-Art. |
10. |
L-offerti ppreżentati skont il-kundizzjonijiet tal-offerti għandhom jiġu evalwati abbażi tal-programmi ta’ ħidma proposti, ir-riżorsi ddedikati għall-ħarsien ambjentali u t-taħriġ, il-bonusijiet u l-kapaċitajiet maniġerjali u finanzjarji, kif ipprovdut fil-fajl tal-offerti. |
11. |
Id-depożitu għall-parteċipazzjoni fil-proċedura kompetittiva tal-offerti għandu jiġi ffissat għal BGN 20 000, pagabbli sad-data tal-iskadenza speċifikata fil-punt 5 fil-kont bankarju tal-Ministeru tal-Ekonomija, l-Enerġija u t-Turiżmu indikat fil-fajl tal-offerti. |
12. |
Id-depożitu li jkun għamel l-offerent magħżul għandu jiġi rimburżat wara li jkun ġie ffirmat il-ftehim, u d-depożiti tal-offerenti l-oħrajn għandhom jiġu rimburżati fi żmien 14-il jum wara l-pubblikazzjoni fil-Gazzetta tal-Istat tad-deċiżjoni tal-Kunsill tal-Ministri dwar l-għoti tal-awtorizzazzjoni għat-tiftix u l-esplorazzjoni. |
13. |
L-applikazzjonijiet sabiex wieħed jipparteċipa fil-proċedura kompetittiva tal-offerti u l-offerti taħt il-proċedura kompetittiva tal-offerti għandhom jitressqu fir-Reġistru tal-Ministeru tal-Ekonomija, l-Enerġija u t-Turiżmu fl-indirizz li ġej: ul. Triaditsa 8, Sofia, Bulgaria, bil-Bulgaru, skont ir-rekwiżiti tal-Artikolu 46 tal-Att dwar ir-Riżorsi Naturali ta’ Taħt l-Art. |
14. |
L-offerti għandhom ikunu konformi mar-rekwiżiti u l-kundizzjonijiet speċifikati fil-fajl tal-offerti. |
15. |
Il-proċedura kompetittiva tal-offerti għandha titwettaq anke fil-każ li jiġi aċċettat applikant wieħed biss biex jipparteċipa fiha. |
16. |
L-attivitajiet tal-esplorazzjoni minerali għandhom jitwettqu wara t-tlestija tal-proċeduri għall-valutazzjoni tal-kompatibbiltà tal-pjan ta' ħidma ġenerali u tal-pjanijiet annwali ta' ħidma għat-tiftix u l-esplorazzjoni skont l-Artikolu 2(2) tal-Kapitolu 2 tar-Regolament dwar il-kundizzjonijiet u l-arranġamenti għall-valutazzjoni tal-kompatibbiltà tal-pjanijiet, il-programmi, il-proġetti u l-proposti tal-investiment bl-għanijiet li jiġu ppriżervati ż-żoni protetti (Gazzetta tal-Istat Nru 73/2007). |
17. |
Il-Ministru tal-Ekonomija, l-Enerġija u t-Turiżmu huwa awtorizzat li:
|
18. |
Din id-Deċiżjoni għandha tiġi ppubblikata fil-Gazzetta tal-Istat u fuq is-sit tal-internet tal-Kunsill tal-Ministri. |
19. |
L-appelli kontra din id-Deċiżjoni jistgħu jiġu indirizzati lill-Qorti Amministrattiva Suprema fi żmien 14-il jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea. |
Il-Prim Ministru
Boyko BORISOV
Is-Segretarju Ġenerali tal-Kunsill tal-Ministri
Rosen ZHELYAZKOV
ANNESS
LISTA TAL-KOORDINATI TAL-PUNT TA’ FRUNTIERA TAL-BLOKK 1-19 SVETI ATANAS
Sistema ta' koordinati WGS 84, żona 35N
Nru |
Lonġitudni (°) |
Latitudni (°) |
1 |
27.9290 |
43.0000 |
2 |
28.2500 |
43.0000 |
3 |
28.2500 |
42.9150 |
4 |
28.5000 |
42.9150 |
5 |
28.5001 |
42.8122 |
6 |
28.4333 |
42.8119 |
7 |
28.4305 |
42.6909 |
8 |
27.9319 |
42.6961 |