Rikors ippreżentat fis-16 ta’ Novembru 2010 — Il-Kummissjoni Ewropea vs Ir-Repubblika tas-Slovakkja

(Kawża C-531/10)

()

2011/C 30/37

Lingwa tal-kawża: is-Slovakk

Partijiet

Rikorrenti: Il-Kummissjoni Ewropea (rappreżentanti: C. Zadra u J. Javorský, aġenti)

Konvenuta: Ir-Repubblika tas-Slovakkja

Talbiet

Motivi u argumenti prinċipali

Il-Ministeru tat-Trasport, tal-Posta u tat-Telekomunikazzjonijiet tar-Repubblika tas-Slovakkja kkonkluda kuntratt għall-provvista ta’ servizzi li għandu rilevanza transfrontali fir-rigward tal-valur tal-kuntratt, tal-kompetenzi mitluba, u tal-fatt li l-fornitur preċedenti tas-servizzi kienet kumpannija ta’ Stat Membru ieħor. Il-kuntratt ġie ffirmat mingħajr ebda pubblikazzjoni minn qabel ta’ sejħa għal offerti. B’dan il-mod, mingħajr ebda dubju, inkiser il-prinċipju ta’ trasparenza, għaliex il-kumpanniji l-oħra, differenti minn dawk li l-Ministeru għażel li jikkuntattja, ma ġewx informati bl-eżistenza ta’ tali appalt u ma kellhomx il-possibiltà li jippreżentaw l-offerta tagħhom. Peress li kiser il-prinċipju ta’ trasparenza, il-Ministeru wkoll mar kontra l-projbizzjoni ta’ diskriminazzjoni, u dan billi ttratta b’mod differenti lill-grupp ta’ kumpanniji li l-Ministeru kkuntattja fir-rigward tal-kuntratt pubbliku u l-grupp — li minnu jagħmlu parti anki kumpanniji li għandhom is-sede tagħhom barra mir-Repubblika tas-Slovakkja — li ma ġewx ikkuntattjati, iżda setgħu kellhom interess f’tali appalt pubbliku. Peress li l-għoti tal-appalt ma kienx suġġett għal proċedura miftuħa, il-Ministeru stess irrinunzja għall-vantaġġi li f’dan il-każ setgħu jirriżultaw mill-eżistenza tas-suq intern u li anki permezz tagħhom seta’ jikseb offerta iktar konvenjenti għall-provvista ta’ servizzi ta’ konsulenza, għar-raġuni li kien ikun hemm numru ikbar ta’ kumpanniji mill-Unjoni Ewropea.

(1)  Direttiva tal-Parlament Ewopew u tal-Kunsill tal-31 ta' Marzu 2004, 2004/18/KE, dwar il-kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi] (ĠU L 134 pġ. 114).