Rikors ippreżentat fid-19 ta’ Mejju 2010 — Il-Kummissjoni Ewropea vs Ir-Repubblika Slovakka

(Kawża C-253/10)

2010/C 195/21

Lingwa tal-kawża: is-Slovakk

Partijiet

Rikkorenti: Il-Kummissjoni tal-Komunitajiet Ewropej (rappreżentanti: A. Tokár u A. Marghelis, aġenti)

Konvenuta: Ir-Repubblika Slovakka

Talbiet tar-rikorrenti:

Motivi u argumenti prinċipali

Skont l-Artikolu 5(1) tad-Direttiva tal-Kunsill 1999/31/KE, l-“Istati Membri jridu jibdew strateġija nazzjonali għall-implimentazzjoni tar-riduzzjoni ta’ skart bijodegradabbli li jmur ġo terraferma, mhux aktar tard min sentejn wara d-data stipulata fl-Artikolu 18(1) u jinnotifikaw lill-Kummissjoni b’din l-istrateġija”. L-Artikolu 18(1) jipprovdi li l-“Istati Membri għandhom iġibu fis-seħħ, regolamenti u dispożizzjonijiet neċessarji sabiex jaqblu ma’ din id-Direttiva mhux aktar tard minn sentejn minn wara d-dħul tagħha fis-seħħ”. Bl-applikazzjoni tal-Artikolu 19 tagħha, id-direttiva daħlet fis-seħħ fis-16 ta’ Lulju 1999. Għaldaqstant, kellha tikkonforma ruħha ma’ din id-direttiva sas-16 ta’ Lulju 2001 u tissodisfa l-obbligu li tfassal strateġija nazzjonali, kif meħtieġ mill-Artikolu 5(1) qabel is-16 ta’ Lulju 2003.

Peress li l-Artikolu 54 tal-Att li jirrigwarda l-kondizzjonijiet tal-adeżjoni ma stabbilixxiex terminu ieħor għall-Istati Membri l-ġodda, ir-Repubblika Slovakka kienet marbuta, skont l-Artikolu 5(1) tad-Direttiva sabiex tfassal strateġija nazzjonali sabiex timplementa t-tnaqqis tar-rimi ta’ skart bijodegradabbli sad-data tal-adeżjoni tagħha, jiġifieri l-1 ta’ Mejju 2004. Ir-Repubblika Slovakka għada ma nnotifikatx lill-Kummissjoni b’tali strateġija sa llum.

Huwa għalhekk li l-Kummissjoni Ewropea hija tal-fehma li r-Repubblika Slovakka ma ssodisfatx l-obbligi tagħha taħt l-Artikolu 5(1) tad-Direttiva tal-Kunsill 1999/31/KE dwar ir-rimi ta’ skart f’terraferma.