This document is an excerpt from the EUR-Lex website
Document 62010CN0192
Case C-192/10: Action brought on 19 April 2010 — European Commission v Kingdom of Spain
Kawża C-192/10: Rikors ippreżentat fid- 19 ta’ April 2010 — Il-Kummissjoni Ewropea vs Ir-Renju ta’ Spanja
Kawża C-192/10: Rikors ippreżentat fid- 19 ta’ April 2010 — Il-Kummissjoni Ewropea vs Ir-Renju ta’ Spanja
ĠU C 195, 17.7.2010, p. 3–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
17.7.2010 |
MT |
Il-Ġurnal Uffiċjali tal-Unjoni Ewropea |
C 195/3 |
Rikors ippreżentat fid-19 ta’ April 2010 — Il-Kummissjoni Ewropea vs Ir-Renju ta’ Spanja
(Kawża C-192/10)
2010/C 195/05
Lingwa tal-kawża: l-Ispanjol
Partijiet
Rikorrenti: Il-Kummissjoni Ewropea (rappreżentanti: S. Pardo Quintillán u A. Marghelis, aġenti)
Konvenut: Ir-Renju ta’ Spanja
Talbiet tar-rikorrenti
— |
tikkonstata li billi ma adottax il-miżuri nazzjonali neċessarji biex jiżgura l-osservanza tal-obbligi dwar l-għeluq, l-amministrazzjoni u l-kontroll wara l-għeluq tal-landfill ta’ Cova da Loba, li tinsab f’O Grove (Pontevedra, Galicia), ir-Renju ta’ Spanja naqas milli jwettaq l-obbligi tiegħu taħt l-Artikoli 13 u 14 tad-Direttiva tal-Kunsill 1999/31/KE, tas-26 ta’ April 1999, dwar ir-rimi ta’ skart f’terraferma [landfill] (1); |
— |
tikkundanna lir-Renju ta’ Spanja għall-ispejjeż. |
Motivi u argumenti prinċipali
(1) |
L-għan prinċipali tad-Direttiva 1999/31/KE huwa li jiġu pprevenuti jew imnaqqsa, sa fejn possibbli, l-effetti negattivi fuq l-ambjent li jġib miegħu r-rimi ta’ skart f’landfill u, b’mod partikolari, it-tniġġis tal-ilma tal-wiċċ, tal-ilma ta’ taħt l-art, tal-art u tal-arja, inkluż l-effett serra, kif ukoll ir-riskji li jirriżultaw għas-saħħa tal-bniedem, matul il-perijodu kollu ta’ ħajja tal-landfill. |
(2) |
Kif jirriżulta mill-informazzjoni pprovduta mill-awtoritajiet kompetenti Spanjoli, il-landfill ta’ Cova da Loba ġiet awtorizzata fl-2000. Għalhekk din hija landfill eżistenti fis-sens tal-Artikolu 14 tad-Direttiva 1999/31/KE. |
(3) |
Il-landfill ta’ Cova da Loba ġiet abbandunata, mingħajr ma ngħalqet u mingħajr ma ġew żgurati l-amministrazzjoni u l-kontroll tagħha wara l-għeluq, kif previst mill-Artikolu 13 tad-direttiva. |
(4) |
Konsegwentement, mill-informazzjoni pprovduta mill-awtoritajiet Spanjoli jirriżulta li l-proċedura ta’ għeluq tal-landfill ta’ Cova da Loba ma tlestietx. Konsegwentement, abbażi tal-kunsiderazzjonijiet preċedenti jirriżulta li s-sitwazzjoni ta’ din il-landfill tikser l-Artikoli 13 u 14 tad-Direttiva 1999/31/KE. |
(1) ĠU Edizzjoni Speċjali bil-Malti, Kapitolu 15, Vol 4, p. 228