Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2010/147/09

Notifika minn qabel ta' konċentrazzjoni (Każ COMP/M.5838 – Bertelsmann/Planeta/Círculo) Test b’relevanza għaż-ŻEE

ĠU C 147, 5.6.2010, p. 23–23 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

5.6.2010   

MT

Il-Ġurnal Uffiċjali tal-Unjoni Ewropea

C 147/23

Notifika minn qabel ta' konċentrazzjoni

(Każ COMP/M.5838 – Bertelsmann/Planeta/Círculo)

(Test b’relevanza għaż-ŻEE)

2010/C 147/09

1.

Fil-31 ta’ Mejju 2010, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Media Finance Holding S.L. ikkontrollata minn Bertelsmann AG (“Bertelsmann”, il-Ġermanja) u Editorial Planeta S.A. ikkontrollata minn Planeta Corporación S.R.L. (“Planeta”, Spanja), jakkwistaw skont it-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt tal-impriża Círculo de Lectores S.A. (“Círculo”, Spanja) permezz tax-xiri ta' ishma fil-kumpanija l-ġdida li tikkostitwixxi intrapriża konġunta.

2.

L-attivitajiet kummerċjali tal-impriżi kkonċernati huma:

—

għal Bertelsmann: televiżjoni, ippubblikar ta' kotba, ippubblikar ta' rivisti, ġestjoni ta' drittijiet tal-mużika, bejgħ minn distanza, servizzi tal-midja u klabbs tal-midja,

—

għal Planeta: il-produzzjoni ta' kontenut ta' natura kulturali, edukattiva kif ukoll ta' aħbarijiet u ta' divertiment, għas-swieq ta' lingwa Spanjola u ta' lingwa Franċiża,

—

għal Círculo: klabb tal-kotba.

3.

Wara eżami preliminari, il-Kummissjoni ssib li l-operazzjoni nnotifikata tista’ taqa’ fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5838 – Bertelsmann/Planeta/Círculo, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

Top