Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52009AP0199

    Kontroll ġudizzjarju fil-qafas tal-proċeduri ta' qabel is-sentenza * Riżoluzzjoni leġiżlattiva tal-Parlament Ewropew tat- 2 ta' April 2009 dwar l-abbozz tad-Deċiżjoni Qafas tal-Kunsill dwar l-applikazzjoni, bejn l-Istati Membri tal-Unjoni Ewropea, tal-prinċipju ta' rikonoxximent reċiproku għal deċiżjonijiet dwar miżuri ta' superviżjoni bħala alternattiva għal detenzjoni proviżorja (17002/2008 – C6-0009/2009 – 2006/0158(CNS))

    ĠU C 137E, 27.5.2010, p. 53–60 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    27.5.2010   

    MT

    Il-Ġurnal Uffiċjali tal-Unjoni Ewropea

    CE 137/53

    Il-Ħamis, 2 ta’ April 2009
    Kontroll ġudizzjarju fil-qafas tal-proċeduri ta' qabel is-sentenza *

    P6_TA(2009)0199

    Riżoluzzjoni leġiżlattiva tal-Parlament Ewropew tat-2 ta' April 2009 dwar l-abbozz tad-Deċiżjoni Qafas tal-Kunsill dwar l-applikazzjoni, bejn l-Istati Membri tal-Unjoni Ewropea, tal-prinċipju ta' rikonoxximent reċiproku għal deċiżjonijiet dwar miżuri ta' superviżjoni bħala alternattiva għal detenzjoni proviżorja (17002/2008 – C6-0009/2009 – 2006/0158(CNS))

    2010/C 137 E/13

    (Proċedura ta' konsultazzjoni - konsultazzjoni mġedda)

    Il-Parlament Ewropew,

    wara li kkunsidra l-abbozz tal-Kunsill (17002/2008),

    wara li kkunsidra l-proposta tal-Kummissjoni lill-Kunsill (COM(2006)0468),

    wara li kkunsidra l-pożizzjoni tiegħu tad-29 ta' Novembru 2007 (1),

    wara li kkunsidra l-Artikolu 34(2)(b) tat-Trattat UE,

    wara li kkunsidra l-Artikolu 39(1) tat-Trattat UE, skont liema Artikolu l-Kunsill reġa' kkonsulta mal-Parlament (C6-0009/2009),

    wara li kkunsidra l-Artikoli 93, 51u 55(3) tar-Regoli ta' Proċedura tiegħu,

    wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern (A6–0147/2009),

    1.

    Japprova l-abbozz tal-Kunsill kif emendat;

    2.

    Jistieden lill-Kunsill sabiex jemenda t-test f'dan is-sens;

    3.

    Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

    4.

    Jitlob lill-Kunsill biex jerġa' jikkonsultah jekk ikollu l-ħsieb li jemenda l-abbozz b'mod sustanzjali jew li jissostitwih b'test ieħor;

    5.

    Jekk dan l-abbozz ma jkunx adottat qabel id-dħul fis-seħħ tat-Trattat ta’ Liżbona, huwa determinat li jikkunsidra kwalunkwe proposta futura permezz tal-proċedura ta’ urġenża, b’koperazzjoni mill-qrib mal-parlamenti nazzjonali;

    6.

    Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

    ABBOZZ TAL-KUNSILL

    EMENDA

    Emenda 1

    Abbozz ta' Deċiżjoni ta' Qafas

    Premessa 13 a (ġdida)

     

    (13a)

    Fil-każ ta' ksur ta' miżura ta' sorveljanza Ewropea, l-awtorità tal-ħruġ tista' tiddeċiedi li toħroġ mandat ta' arrest Ewropew bl-iskop tat-trasferiment tal-persuna kkonċernata lejn l-Istat emittenti. F'ċirkustanzi bħal dawn, li għandhom ikunu limitati strettament għall-applikazzjoni ta' din id-Deċiżjoni ta' Qafas, id-Deċiżjoni ta' Qafas 2002/584/JHA tkopri l-offiżi kollha li fir-rigward tagħhom tista' tinħareġ miżura ta' sorveljanza Ewropea.

    Emenda 2

    Abbozz ta' Deċiżjoni ta' Qafas

    Premessa 17 a (ġdida)

     

    (17a)

    Sett komuni u uniformi ta’ salvagwardji proċedurali huwa prerekwiżit neċessarju biex tiġi żgurata applikazzjoni ġusta u effettiva tal-miżuri li jikkonċernaw il-koperazzjoni ġudizzjarja fi kwistjonijiet kriminali; il-Kunsill, filwaqt li jqis kif xieraq l-opinjoni tal-Parlament Ewropew, għandu jadotta bla dewmien strument legali dwar salvagwardji proċedurali fil-proċedimenti legali, abbażi tal-prinċipju tal-preżunzjoni tal-innoċenza, li għandu jinkludi tal-anqas l-awtorizzazzjoni maħruġa mill-awtorità ġudizzjarja għal kwalunkwe restrizzjoni jew ċaħda tal-libertà, id-dritt għal “Ittra tad-Drittijiet”, id-dritt għall-parir legali, id-dritt għall-evidenza, id-dritt li wieħed ikun infurmat dwar in-natura u r-raġunijiet tal-akkużi u l-bażi tas-suspett, id-dritt għall-aċċess għad-dokumenti relevanti kollha f'lingwa li l-persuna kkonċernata tifhem u d-dritt għal interpretu;

    Emenda 3

    Abbozz ta' Deċiżjoni ta' Qafas

    Article 2 - paragraph 2 a (new)

     

    2a.     Għall-fini ta' din id-Deċiżjoni Qafas, persuna hija meqjusa mhux residenti meta r-residenza legali u ordinarja tagħha tkun tinsab fi Stat Membru li mhuwiex dak fejn ikunu għaddejjin il-proċedimenti.

    Emenda 4

    Abbozz ta' Deċiżjoni ta' Qafas

    Artikolu 4 - punt a

    a)

    “deċiżjoni dwar miżuri ta' superviżjoni” għandha tfisser deċiżjoni infurzabbli mogħtija matul proċedimenti kriminali minn awtorità kompetenti tal-Istat emittenti f'konformità mal-liġi u l-proċeduri nazzjonali tiegħu u li timponi fuq persuna fiżika, bħala alternattiva għad-detenzjoni proviżorja, miżura waħda jew aktar ta' superviżjoni;

    a)

    “deċiżjoni dwar miżuri ta' superviżjoni” għandha tfisser deċiżjoni infurzabbli mogħtija matul proċedimenti kriminali minn awtorità ġudizzjarja kompetenti tal-Istat emittenti f'konformità mal-liġi u l-proċeduri nazzjonali tiegħu u li timponi fuq persuna fiżika, bħala alternattiva għad-detenzjoni proviżorja, miżura waħda jew aktar ta' superviżjoni;

    Emenda 5

    Abbozz ta' Deċiżjoni ta' Qafas

    Artikolu 4 - punt d a (ġdid)

     

    (da)

    “l-awtorità kompetenti fl-Istat emittenti” għandha tfisser qorti, imħallef, maġistrat tal-investigazzjoni jew prosekutur pubbliku, b'kompetenza skont il-liġi nazzjonali biex joħroġ deċiżjoni dwar il-miżuri ta' superviżjoni;

    Emenda 6

    Abbozz ta' Deċiżjoni ta' Qafas

    Artikolu 4 - punt d b (ġdid)

     

    (db)

    “l-awtorità kompetenti fl-Istat ta' eżekuzzjoni” għandha tfisser qorti, imħallef, maġistrat tal-investigazzjoni jew prosekutur pubbliku, b'kompetenza skont il-liġi nazzjonali biex jesegwixxi u jimmonitorja deċiżjoni dwar il-miżuri ta' superviżjoni

    Emenda 7

    Abbozz ta' Deċiżjoni ta' Qafas

    Artikolu 5 a (ġdid)

     

    Artikolu 5a

    Data personali

    L-ipproċessar tad-data peronali għall-finijiet ta’ din id-Deċiżjoni Qafas għandu jkun konformi tal-anqas mal-prinċipji bażiċi stipulati fid-Deċiżjoni Qafas 2008/977/JHA tas-27 ta’ Novembru 2008 dwar il-protezzjoni ta’ data personali pproċessata fil-qafas tal-kooperazzjoni tal-pulizija u dik ġudizzjarja f’materji kriminali (2) u fil-Konvenzjoni tal-Kunsill tal-Ewropa tat-28 ta’ Jannar 1981 dwar il-Protezzjoni tal-Individwi rigward l-Ipproċessar Awtomatiku tad-Data Personali u l-protokolli sussegwenti.

    Emenda 8

    Abbozz ta' Deċiżjoni ta' Qafas

    Artikolu 6 - paragrafu 2

    2.     Bħala eċċezzjoni għall-paragrafu 1 u mingħajr preġudizzju għall-paragrafu 3, l-Istati Membri jistgħu jinnominaw awtoritajiet non-ġudizzjarji bħala l-awtoritajiet kompetenti għat-teħid ta' deċiżjonijiet skont din id-Deċiżjoni Qafas, dment li tali awtoritajiet ikollhom il-kompetenza għat-teħid ta' deċiżjonijiet ta' natura simili skont il-liġi u l-proċeduri nazzjonali tagħhom.

    imħassar

    Emenda 9

    Abbozz ta' Deċiżjoni ta' Qafas

    Artikolu 8 - paragrafu 1 - punt f a (ġdid)

     

    fa)

    obbligu li tiġi ddepożitata ċertu somma ta' flus jew li tingħata tip ieħor ta’ sigurta', li tista' tiġi pprovduta permezz ta' numru speċifiku ta' pagamenti bin-nifs jew f'pagament wieħed.

    Emenda 10

    Abbozz ta' Deċiżjoni ta' Qafas

    Artikolu 8 - paragrafu 2 - punt c

    c)

    obbligu li tiġi ddepożitata ċertu somma ta' flus bħala garanzija jew li tingħata tip ieħor ta' garanzija, li tista' tingħata jew permezz ta' numru speċifiku ta' pagamenti bin-nifs jew inkella f'darba;

    imħassra

    Emenda 11

    Abbozz ta' Deċiżjoni ta' Qafas

    Artikolu 9 - paragrafu 1

    1.   Deċiżjoni dwar miżuri ta' superviżjoni tista' tintbagħat lill-awtorità kompetenti tal-Istat Membru li fih il-persuna qed tirrisjedi legalment u ordinarjament, f'każijiet fejn il-persuna li ġiet infurmata dwar il-miżuri kkonċernati, tagħti l-kunsens tagħha biex tirritorna f'dak l-Istat.

    1.   Deċiżjoni dwar miżuri ta' superviżjoni tista' tintbagħat lill-awtorità kompetenti tal-Istat Membru li fih il-persuna qed tirrisjedi legalment u ordinarjament, f'każijiet fejn il-persuna li ġiet infurmata b'mod adegwat dwar il-miżuri kkonċernati b'lingwa li hu/hi jifhem/tifhem , tagħti l-kunsens tagħha biex tirritorna f'dak l-Istat.

    Emenda 12

    Abbozz ta' Deċiżjoni ta' Qafas

    Artikolu 13 - paragrafu 2

    2.   Il-miżura ta' superviżjoni adattata m'għandhiex tkun aktar severa mill-miżura ta' superviżjoni li kienet imposta oriġinarjament.

    2.   Il-miżura ta' superviżjoni adattata għandha tkun ta' natura teknika biss u m'għandhiex timponi minnha nnifisha kwalunkwe obbligu addizzjonali fuq il-persuna kkonċernata. Hija m'għandhiex tkun aktar severa mill-miżura ta' superviżjoni li kienet imposta oriġinarjament.

    Emenda 13

    Abbozz ta' Deċiżjoni ta' Qafas

    Artikolu 14 - paragrafu 1

    1.     Ir-reati li ġejjin, jekk huma punibbli fl-Istat emittenti b'sentenza ta' kustodja jew miżura li tinvolvi ċaħda ta' libertà għal perijodu massimu ta' mill-inqas tliet snin, u skont kif inhuma definiti bil-liġi tal-Istat emittenti, għandhom, skont it-termini ta' din id-Deċiżjoni Qafas u mingħajr verifika tal-kriminalità doppja tal-att, iwasslu għal rikonoxximent tad-deċiżjoni dwar miżuri ta' superviżjoni:

    —

    parteċipazzjoni f'organizzazzjoni kriminali,

    —

    terroriżmu,

    —

    traffikar tal-bnedmin,

    —

    sfruttament sesswali ta' tfal u l-pornografija bi tfal,

    —

    traffikar illeċitu fid-drogi narkotiċi u s-sustanzi psikotropiċi,

    —

    traffikar illeċitu ta' armi, munizzjoni u splussivi,

    —

    korruzzjoni,

    —

    frodi, inkluża dik li tolqot l-interessi finanzjarji tal-Komunitajiet Ewropej skont it-tifsira tal-Konvenzjoni tas-26 ta' Lulju 1995 dwar il-protezzjoni ta' l-interessi finanzjarji tal-Komunitajiet Ewropej,

    —

    laundering ta' rikavati mill-kriminalità,

    —

    falsifikazzjoni ta' flus, inkluż l-euro,

    —

    atti kriminali konnessi mal-informatika,

    —

    reati ambjentali, inkluż it-traffikar illeċitu ta' speċi ta' annimali fil-periklu li jinqerdu u ta' speċi ta' pjanti u varjetajiet fil-periklu li jinqerdu,

    —

    faċilitazzjoni tad-dħul u tar-residenza mhux awtorizzati,

    —

    omiċidju, offiża gravi fuq persuna,

    —

    kummerċ illeċitu ta' organi u tessuti umani,

    —

    ħtif ta' persuni, iż-żamma illegali ta' persuni u t-teħid ta' ostaġġi,

    —

    razziżmu u xenofobja,

    —

    serq kwalifikat bil-vjolenza, organizzat jew bl-użu ta' armi,

    —

    it-traffikar illeċitu f'beni kulturali, inklużi antikitajiet u opri tal-arti,

    —

    frodi,

    —

    racketeering u estorsjoni,

    —

    falsifikazzjoni u piraterija ta' prodotti,

    —

    falsifikazzjoni ta' dokumenti amministrattivi u traffikar tagħhom,

    —

    falsifikazzjoni ta' mezzi ta' ħlas,

    —

    traffikar illeċitu ta' sustanzi ormonali u growth promoters oħra,

    —

    traffikar illeċitu ta' materjali nukleari jew radjoattivi,

    —

    traffikar ta' vetturi misruqa,

    —

    stupru,

    —

    inċendju volontarju,

    —

    atti kriminali li jaqgħu fil-kompetenza tal-Qorti Kriminali Internazzjonali,

    —

    ħtif illegali ta' inġenji tal-ajru/bastimenti,

    —

    sabutaġġ.

    imħassra

    Emenda 14

    Abbozz ta' Deċiżjoni ta' Qafas

    Artikolu 14 - paragrafu 2

    2.     Il-Kunsill jista', filwaqt li jaġixxi unanimament wara konsultazzjoni mal-Parlament Ewropew skont il-kondizzjonijiet stabbiliti fl-Artikolu 39(1) tat-Trattat dwar l-Unjoni Ewropea, jiddeċiedi fi kwalunkwe waqt li jżid kategoriji oħrajn ta' reati mal-lista fil-paragrafu 1. Il-Kunsill għandu jeżamina, fid-dawl tar-rapport ippreżentat lilu skont l-Artikolu 27 ta' din id-Deċiżjoni Qafas, jekk il-lista għandhiex tiġi estiża jew emendata.

    imħassra

    Emenda 15

    Abbozz ta' Deċiżjoni ta' Qafas

    Artikolu 14 - paragrafu 3

    3.     Għal reati oħra barra dawk koperti mill-paragrafu 1, l-Istat ta' esekuzzjoni jista' jagħmel ir-rikonoxximent tad-deċiżjoni dwar miżuri ta' superviżjoni soġġett għall-kondizzjoni li d-deċiżjoni tirrigwarda atti li jikkostitwixxu wkoll reat skont il-liġi tal-Istat ta' esekuzzjoni, indipendentement mill-elementi kostituttivi jew minn kif inhu deskritt.

    imħassra

    Emenda 16

    Abbozz ta' Deċiżjoni ta' Qafas

    Artikolu 14 - paragrafu 4

    4.     L-Istati Membri jistgħu, għal raġunijiet kostituzzjonali, mal-adozzjoni ta' din id-Deċiżjoni Qafas, permezz ta' dikjarazzjoni notifikata lis-Segretarjat Ġenerali tal-Kunsill, jiddikjaraw li huma ma humiex ser japplikaw il-paragrafu 1 fir-rigward ta' xi reati jew tar-reati kollha msemmijin f'dak il-paragrafu. Tali dikjarazzjoni tista' tiġi rtirata fi kwalunkwe mument. Tali dikjarazzjonijiet jew irtirar ta' dikjarazzjonijiet għandhom jiġu ppubblikati fil-Ġurnal Uffiċjali tal-Unjoni Ewropea.

    imħassra

    Emenda 17

    Abbozz ta' Deċiżjoni ta' Qafas

    Artikolu 15 - paragrafu 1 - punt d

    (d)

    id-deċiżjoni dwar miżuri ta' superviżjoni hija relatata, fil-każijiet imsemmija fl-Artikolu 14(3) u, fejn l-Istat ta' esekuzzjoni jkun għamel dikjarazzjoni taħt l-Artikolu 14(4), fil-każijiet imsemmijin fl-Artikolu 14(1), għal att li ma jkunx jikkostitwixxi reat taħt il-liġi tal-Istat ta' esekuzzjoni; fi kwistjonijiet ta' taxxa, dwana u valuta, madankollu, l-esekuzzjoni tad-deċiżjoni ma tistax tiġi miċħuda minħabba li l-liġi tal-Istat ta' esekuzzjoni ma tippreskrivix taxxi tal-istess tip jew ma fiha ebda dispożizzjoni dwar taxxi, dazji jew valuta tal-istess tip bħal-liġi tal-Istat emittenti;

    imħassra

    Emenda 18

    Abbozz ta' Deċiżjoni ta' Qafas

    Artikolu 21 - paragrafu 1

    1.   Jekk l-awtorità kompetenti tal-Istat emittenti ħarġet mandat ta' arrest jew kwalunkwe deċiżjoni ġudizzjarja oħra li tista' tiġi nfurzata li għandhom l-istess effett , il-persuna għandha tiġi kkonsenjata skont id-Deċiżjoni Qafas dwar il-Mandat ta' Arrest Ewropew.

    1.   Jekk, f'każ ta' ksur ta' miżura ta' sorveljanza , l-awtorità kompetenti tal-Istat emittenti ħarġet mandat ta' arrest, il-persuna għandha tiġi kkonsenjata skont id-Deċiżjoni ta' Qafas dwar il-Mandat ta' Arrest Ewropew.

    Emenda 19

    Abbozz ta' Deċiżjoni ta' Qafas

    Artikolu 21 - paragrafu 3

    3.     Kull Stat Membru jista' jinnotifika lis-Segretarjat Ġenerali tal-Kunsill, meta jittrasponi din id-Deċiżjoni Qafas jew fi stadju aktar tard, li huwa ser japplika wkoll l-Artikolu 2(1) tad-Deċiżjoni Kwadru dwar il-Mandat ta' Arrest Ewropew fit-teħid tad-deċiżjoni dwar il-konsenja tal-persuna kkonċernata lill-Istat emittenti.

    imħassra

    Emenda 20

    Abbozz ta' Deċiżjoni ta' Qafas

    Artikolu 21 - paragrafu 4

    4.     Is-Segretarjat Ġenerali tal-Kunsill għandu jagħmel l-informazzjoni li tkun ġiet irċevuta taħt il-paragrafu preċedenti disponibbli għall-Istati Membri kollha u għall-Kummissjoni.

    imħassra

    Emenda 21

    Abbozz ta' Deċiżjoni ta' Qafas

    Anness 1 - Il-kaxxa taċ-ċertifikat (f) - punt 2

    2.

    Jekk ir-reat(i) allegat(i) msemmi/jin fil-punt 1 jikkorrispondi/u ma' wieħed jew aktar mir-reati allegati li ġejjin, kif definiti fil-liġi ta’ l-Istat emittenti u li huma kastigabbli fl-Istat emittenti b’sentenza ta’ kustodja jew miżura li tinvolvi ċ-ċaħda tal-liberta' ta’ massimu ta’ mill-inqas tliet snin, jekk jogħġbok ikkonferma billi timmarka l-kaxxa/i rilevanti:

    —

    parteċipazzjoni f'organizzazzjoni kriminali,

    —

    terroriżmu,

    —

    traffikar tal-bnedmin,

    —

    sfruttament sesswali ta' tfal u l-pornografija bi tfal,

    —

    traffikar illeċitu fid-drogi narkotiċi u s-sustanzi psikotropiċi,

    —

    traffikar illeċitu ta' armi, munizzjoni u splussivi,

    —

    korruzzjoni,

    —

    frodi, inkluża dik li tolqot l-interessi finanzjarji tal-Komunitajiet Ewropej skont it-tifsira tal-Konvenzjoni tas-26 ta' Lulju 1995 dwar il-protezzjoni ta' l-interessi finanzjarji tal-Komunitajiet Ewropej,

    —

    laundering ta' rikavati mill-kriminalità,

    —

    falsifikazzjoni ta' flus, inkluż l-euro,

    —

    atti kriminali konnessi mal-informatika,

    —

    reati ambjentali, inkluż it-traffikar illeċitu ta' speċi ta' annimali fil-periklu li jinqerdu u ta' speċi ta' pjanti u varjetajiet fil-periklu li jinqerdu,

    —

    faċilitazzjoni tad-dħul u tar-residenza mhux awtorizzati,

    —

    omiċidju, offiża gravi fuq persuna,

    —

    kummerċ illeċitu ta' organi u tessuti umani,

    —

    ħtif ta' persuni, iż-żamma illegali ta' persuni u t-teħid ta' ostaġġi,

    —

    razziżmu u xenofobja,

    —

    serq kwalifikat bil-vjolenza, organizzat jew bl-użu ta' armi,

    —

    it-traffikar illeċitu f'beni kulturali, inklużi antikitajiet u opri tal-arti,

    —

    frodi,

    —

    racketeering u estorsjoni,

    —

    falsifikazzjoni u piraterija ta' prodotti,

    —

    falsifikazzjoni ta' dokumenti amministrattivi u traffikar tagħhom,

    —

    falsifikazzjoni ta' mezzi ta' ħlas,

    —

    traffikar illeċitu ta' sustanzi ormonali u growth promoters oħra,

    —

    traffikar illeċitu ta' materjali nukleari jew radjoattivi,

    —

    traffikar ta' vetturi misruqa,

    —

    stupru,

    —

    inċendju volontarju,

    —

    atti kriminali li jaqgħu fil-kompetenza tal-Qorti Kriminali Internazzjonali,

    —

    ħtif illegali ta' inġenji tal-ajru/bastimenti,

    —

    sabutaġġ.

    imħassra

    Emenda 22

    Abbozz ta' Deċiżjoni ta' Qafas

    Anness 1 - Il-kaxxa taċ-ċertifikat (f) - punt 3

    3.

    Safejn ir-reat(i) allegat(i) identifikat(i) fil-punt 1 hawn fuq mhux kopert(i) mill-punt 2 jew jekk id-deċiżjoni, kif ukoll iċ-ċertifikat jintbagħtu lil Stat Membru, li jkun iddikjara li ser jivverifika l-kriminalità doppja (Artikolu 14(4) tad-Deċiżjoni Qafas), jekk jogħġbok agħti deskrizzjoni sħiħa tar-reat(i) allegat(i) kkonċernat(i):

    imħassra

    Emenda 23

    Abbozz ta' Deċiżjoni ta' Qafas

    Anness 1 – Kaxxa taċ-ċertifikat (g) - paragrafu 3 - subparagrafu 1 - inċiż 3 a (ġdid)

     

    obbligu li tiġi ddepożitata ċertu somma ta' flus bħala garanzija jew li tingħata tip ieħor ta' sigurta', li tista' tingħata jew permezz ta' numru speċifiku ta' pagamenti bin-nifs jew inkella f'pagament wieħed;

    Emenda 24

    Abbozz ta' Deċiżjoni ta' Qafas

    Anness 1 – Kaxxa taċ-ċertifikat (g) - paragrafu 3 - subparagrafu 2 - inċiż 3

    obbligu li tiġi ddepożitata ċertu somma ta' flus bħala garanzija jew li tingħata tip ieħor ta' garanzija, li tista' tingħata jew permezz ta' numru speċifiku ta' pagamenti bin-nifs jew inkella f'darba;

    imħassra

    (1)  ĠU C 297E, 20.11.2008, p. 116.

    (2)   OJ L 350, 30.12.2008, p. 60.

    Top