This document is an excerpt from the EUR-Lex website
Document 52009TA1215(12)
Report on the annual accounts of the European Environment Agency for the financial year 2008, together with the Agency’s replies
Rapport dwar il-kontijiet annwali tal-Aġenzija Ewropea għall-Ambjent għas-sena finanzjarja 2008, flimkien mar-risposti tal-Aġenzija
Rapport dwar il-kontijiet annwali tal-Aġenzija Ewropea għall-Ambjent għas-sena finanzjarja 2008, flimkien mar-risposti tal-Aġenzija
ĠU C 304, 15.12.2009, p. 60–64
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
15.12.2009 |
MT |
Il-Ġurnal Uffiċjali tal-Unjoni Ewropea |
C 304/60 |
RAPPORT
dwar il-kontijiet annwali tal-Aġenzija Ewropea għall-Ambjent għas-sena finanzjarja 2008, flimkien mar-risposti tal-Aġenzija
2009/C 304/12
WERREJ
|
Paragrafu |
Paġna |
INTRODUZZJONI… |
1-2 |
61 |
ID-DIKJARAZZJONI TA’ ASSIGURAZZJONI … |
3-12 |
61 |
KUMMENTI DWAR IL-ĠESTJONI TAL-BAĠIT U DIK FINANZJARJA … |
13 |
62 |
KWISTJONIJIET OĦRAJN … |
14 |
62 |
Tabella… |
63 |
|
Ir-risposti tal-Aġenzija… |
64 |
INTRODUZZJONI
1. |
L-Aġenzija Ewropea għall-Ambjent (minn hawn ’il quddiem imsejħa “l-Aġenzija”), li tinsab f’Copenhagen, kienet imwaqqfa mir-Regolament tal-Kunsill (KEE) Nru 1210/90 tas-7 ta’ Mejju 1990 (1). Hija responsabbli mit-twaqqif ta’ netwerk ta’ osservazzjoni li jipprovdi lill-Kummissjoni, lill-Parlament, lill-Istati Membri u, b’mod aktar ġenerali, lill-pubbliku b’informazzjoni affidabbli dwar l-istat tal-ambjent. Din l-informazzjoni għandha, b’mod partikolari, tippermetti lill-Unjoni Ewropea u lill-Istati Membri biex jieħdu azzjoni ħalli jissalvagwardjaw l-ambjent u jevalwaw l-effettività ta’ tali azzjoni (2). |
2. |
Il-baġit tal-Aġenzija għall-2008 ammonta għal 37,1 miljun euro meta mqabbel ma’ 35,1 miljun euro s-sena ta’ qabel. L-għadd ta’ persunal impjegat mill-Aġenzija fi tmiem is-sena kien 123 meta mqabbel mal-116 is-sena ta’ qabel. |
ID-DIKJARAZZJONI TA’ ASSIGURAZZJONI
3. |
Skont id-dispożizzjonijiet tal-Artikolu 248 tat-Trattat il-Qorti vverifikat il-kontijiet annwali (3) tal-Aġenzija, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2008 u l-legalità u r-regolarità tat-tranżazzjonijiet li fuqhom huma bbażati dawk il-kontijiet. |
4. |
Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6). |
Ir-responsabbiltà tad-Direttriċi
5. |
Bħala uffiċjal li jawtorizza, id-Direttriċi timplimenta d-dħul u l-infiq tal-baġit skont ir-regoli finanzjarji tal-Aġenzija li taqa’ taħt ir-responsabbiltà tagħha u fi ħdan il-limiti tal-approprijazzjonijiet awtorizzati (7). Id-Direttriċi hija responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti għat-tfassil tal-kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex tiżgura li t-tranżazzjonijiet li fuqhom huma bbażati dawn il-kontijiet huma legali u regolari. |
Ir-responsabbiltà tal-Qorti
6. |
Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom. |
7. |
Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (10). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari. |
8. |
Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u t-tagħrif fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri magħżula jiddependu fuq l-evalwazzjoni tagħha tal-verifika inkluża l-evalwazzjoni tar-riskji ta’ dikjarazzjoni żbaljata materjali fil-kontijiet jew ta’ tranżazzjonijiet illegali jew irregolari, kemm jekk minħabba frodi jew inkella żball. Meta tagħmel dawk l-evalwazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali. |
9. |
Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt. |
L-opinjoni dwar l-affidabbiltà tal-kontijiet
10. |
Fl-opinjoni tal-Qorti, il-Kontijiet Annwali (11) tal-Aġenzija jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2008 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha. |
L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet
11. |
Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2008, fl-aspetti materjali kollha huma legali u regolari. |
12. |
Il-kummenti li ġejjin ma jpoġġux f’diskussjoni l-opinjonijiet tal-Qorti. |
KUMMENTI DWAR IL-ĠESTJONI TAL-BAĠIT U DIK FINANZJARJA
13. |
Fl-2008, l-Aġenzija ddeċidiet li terġa’ tirranġa l-bini mikri tagħha mill-ġdid. L-estimu tal-ispiża totali kien ta’ 147 elf euro. Kien imissha tnediet proċedura tas-sejħiet għall-offerti imma minflok, l-Aġenzija kopriet l-ispejjeż tax-xogħol li sar minn kumpanija magħżula minn sidien il-bini. |
KWISTJONIJIET OĦRAJN
14. |
Għall-ftehimiet tal-għotja, hemm bżonn li jiġi ċċarat aħjar il-ħin fatturat mill-imsieħba. Biex jitnaqqas ir-riskju ta’ pagamenti mhux ġustifikati, għandhom jingħataw istruzzjonijiet aktar ċari lill-benefiċjarji għall-kalkoli tar-rati u għandha tiġi stabbilita rabta ċara bejn l-ispejjeż fatturati u l-estimi tal-ispejjeż fil-pjanijiet ta’ implimentazzjoni. |
Dan ir-rapport ġie adottat mill-Qorti tal-Awdituri fil-Lussemburgu fil-laqgħa tagħha tat-8 ta’ Ottubru 2009.
Għall-Qorti tal-Awdituri
Vítor Manuel da SILVA CALDEIRA
President
Tabella
L-Aġenzija Ewropea għall-Ambjent (Copenhagen)
Oqsma ta’ kompetenza Komunitarja stipulati fit-Trattat |
Kompetenzi tal-Aġenzija kif definiti mir-Regolament tal-Kunsill (KEE) Nru 1210/90 |
Tmexxija |
Riżorsi disponibbli għall-Aġenzija fl-2008 (Data għall-2007) |
Prodotti u servizzi prinċipali mogħtija fl-2008 |
|||||||||||||||||||||||||||||||||||||||||||||||||||||||
Politika dwar l-ambjent Il-politika Komunitarja dwar l-ambjent għandu jkollha mira ta’ protezzjoni ta’ livell għoli li tieħu kont tad-diversità tas-sitwazzjonijiet fid-diversi reġjuni tal-Komunità. Għandha tkun ibbażata fuq il-prinċipju ta’ prekawzjoni u fuq il-prinċipji li azzjoni preventiva għandha tittieħed, li l-ħsara lill-ambjent għandha, bħala prijorità tissewwa f’ras il-għajn u li min iniġġes għandu jħallas. (…) Fil-preparazzjoni tagħha tal-politika (…), il-Komunità għandha tieħu inkonsiderazzjoni dati xjentifiċi u tekniċi eżistenti (…). (L-Artikolu 174 tat-Trattat) |
Objettivi
|
Kompiti
|
1 - Il-Bord ta’ Tmexxija Kompożizzjoni:
Kompiti
2 - Id-Direttur Eżekuttiv Maħtur mill-Bord ta’ Tmexxija fuq proposta mill-Kummissjoni. 3 - Il-Kumitat Xjentifiku Magħmul minn persuni kwalifikati fil-qasam tal-ambjent. 4 - Il-Verifika esterna Magħmul minn persuni kwalifikati fil-qasam tal-ambjent. 5 - L-Awtorità ta’ kwittanza Il-Parlament fuq rakkomandazzjoni tal-Kunsill. |
Baġit 37, 1 miljun euro (35, 1 miljun euro) Sussidju Komunitarju 85 % (82 %) Persunal fil-31 ta’ Diċembru 2008 Għadd ta’ karigi fil-Pjan ta’ stabbiliment: 123 (116) Karigi okkupati: 116 (111) u 51 (55) kariga oħra (persunal kuntrattwali u esperti nazzjonali ssekondati). Għadd totali tal-persunal: 123 (116) assenjati għall-kompiti li ġejjin:
|
|
||||||||||||||||||||||||||||||||||||||||||||||||||||||
Sors: Informazzjoni mogħtija mill-Aġenzija |
IR-RISPOSTI TAL-AĠENZIJA
13. |
Peress li huwa rekwiżit ta’ ftehim tal-kera tagħna li tinkiseb l-approvazzjoni ta' sid il-kera għal kull xogħol ta’ bini maġġuri, proċedura miftuħa mnedija mill-Aġenzija ma kinitx xierqa. Fil-futur, dawn l-avvenimenti se jiġu ddokumentati fir-reġistru tal-Eċċezzjonijiet. |
14. |
L-EEA regolarment tat istruzzjonijiet lill-konsorzji kollha dwar kif jiġu kkalkulati l-ispejjeż. Dawn se jiġu riveduti u mtejba kif xieraq. L-EEA ser tieħu wkoll miżuri addizzjonali biex tiżgura li l-bidliet bejn l-ispejjeż mitluba u l-ispejjeż stmati fil-pjanijiet ta’ implimentazzjoni jkunu spjegati b'mod aktar ċar. |
(1) ĠU L 120, 11.5.1990, p. 1.
(2) It-Tabella tagħti sommarju tal-kompetenzi u tal-attivitajiet tal-Aġenzija. Tiġi ppreżentata għal skopijiet ta’ informazzjoni.
(3) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprijazzjonijiet flimkien ma’ informazzjoni fil-qosor dwar it-trasferimenti ta’ approprijazzjonijiet fost il-partiti varji tal-baġit.
(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludu d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.
(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.
(6) ĠU L 248, 16.9.2002, p. 1.
(7) L-Artikolu 33 tar-Regolament tal-Kummissjoni (KE, Euratom) Nru 2343/2002 tat-23 ta’ Diċembru 2002 (ĠU L 357, 31.12.2002, p. 72).
(8) L-Artikolu 38 tar-Regolament tal-Kummissjoni (KE, Euratom) Nru 2343/2002.
(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament tal-Kummissjoni (KE, Euratom) Nru 652/2008 tad-9 ta’ Lulju 2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju tal-Aġenzija.
(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).
(11) Il-Kontijiet Annwali Finali kienu ppreparati fit-18 ta’ Mejju 2009 u rċevuti mill-Qorti fid-29 ta’ Ġunju 2009. Il-Kontijiet Annwali Finali, konsolidati ma’ dawk tal-Kummissjoni huma ppubblikati fil-Ġurnal Uffiċjali tal-Unjoni Ewropea sal-15 ta’ Novembru tas-sena ta’ wara. Dawn jistgħu jinstabu fuq il-websajt li ġej http://eca.europa.eu jew http://www.eea.europa.eu/about-us/documents/administrativedocuments/eea-accounts-for-the-year-2008/