29.7.2008   

MT

Il-Ġurnal Uffiċjali ta’ l-Unjoni Ewropea

C 192/1

a)

l-ebda kriterju ma kien ġie stabbilit biex jiddetermina fuq bażi oġġettiva jekk piż baġitarju huwiex eċċessiv u meta Stat Membru għandu jibbenefika minn korrezzjoni;

b)

m'hemm l-ebda mekkaniżmu għal monitoraġġ, matul iż-żmien, jekk piż baġitarju jkompli jkun eċċessiv u jekk għadux iġġustifikat li Stat Membru jibbenefika minn korrezzjoni; u

c)

m’hemm l-ebda mekkaniżmu li jħalli Stat Membru għajr dawk imsemmija b’mod espliċitu fil-proposta, jikkwalifika għal korrezzjoni,

1.

Il-proposta tal-Kummissjoni għal Regolament tal-Kunsill li jemenda r-Regolament (KE, Euratom) Nru 1150/2000 jaġġorna r-regoli għall-implimentazzjoni tad-Deċiżjoni 2007/436/KE, Euratom il-ġdida, dwar is-sistema tar-riżorsi proprji tal-Komunitajiet Ewropej, b’mod partikolari:

2.

Barra minn hekk, tikkunsidra l-evoluzzjoni tal-leġiżlazzjoni tal-Komunità mill-aħħar emendi 'l hawn, introdotti mir-Regolament (KE, Euratom) Nru 2028/2004. L-elementi prinċipali jikkonċernaw:

3.

Ir-Regolament propost kif ukoll id-Deċiżjoni 2007/436/KE, Euratom għandu jidħol fis-seħħ ladarba l-Istati Membri jkunu adottaw id-Deċiżjoni skond il-bżonnijiet kostituzzjonali tagħhom, b’effett retroattiv mill-1 ta’ Jannar 2007.

4.

It-tħassib espress fl-Opinjoni tal-Qorti Nru 2/2006 dwar il-kumplessità addizzjonali tas-sistema emendata tar-riżorsi proprji tal-Komunitajiet Ewropej ma ġiex ikkunsidrat fid-Deċiżjoni 2007/436/KE, Euratom. Il-Qorti kkonkludiet li din id-Deċiżjoni marret iktar ‘il bogħod minn sistema ta' riżorsi proprji bbażata fuq mekkaniżmi ċari u applikati b'mod ġenerali, lejn kontribuzzjonijiet nazzjonali nnegozjati abbażi ta' kull pajjiż.

5.

Barra minn hekk, l-Opinjoni stiednet lill-Kummissjoni biex tikkunsidra mill-ġdid il-forma legali tad-dokument li jistabbilixxi d-dispożizzjonijiet dwar il-kalkulazzjoni, l-iffinanzjar, il-pagament u d-dħul fil-baġit tal-korrezzjoni ta' l-iżbilanċi fil-baġit favur ir-Renju Unit. Il-Qorti tikkunsidra li l-proposta tal-Kummissjoni taħt eżami kellha tinkludi diżposizzjonijiet simili.

6.

Il-modifiki proposti mill-Kummissjoni f’COM(2008) 223 finali, ġeneralment jaġġornaw id-diżposizzjonijiet għall-implimentazzjoni tad-Deċiżjoni 2007/436/KE, Euratom.

7.

Il-Qorti tilqa’ l-emendi l-oħra proposti li jimmiraw li jaġġornaw referenzi, termini u regoli fl-oqsma tal-GNP/GNI, FAEGG/FAEG u riżervi (li jirrelataw ma' self, garanziji dwar self u għajnuna waqt emerġenza) u li jipprovdu test irrevedut u kkonsolidat ta’ l-Artikolu 10. Hija tappoġġa wkoll id-dispożizzjonijiet il-ġodda proposti intenzjonati li jtejjbu l-ġestjoni tal-kontijiet tar-riżorsi proprji tal-Kummissjoni.

8.

L-Artikolu 1(4) tal-proposta tal-Kummissjoni jipprevedi li l-Artikolu 3(2) tar-Regolament (KE, Euratom) Nru 1150/2000 jinbidel b’test ġdid rigward iż-żamma ta’ dokumenti ta’ sostenn li jirrelataw mal-proċeduri u bażijiet ta’ statistika msemmija fir-Regolament tal-GNI (11). It-test preċedenti jinkludi wkoll l-istess regola li għandha x’taqsam mar-riżorsi tal-VAT li fl-opinjoni tal-Qorti għandhom jinżammu.

9.

Fit-test kollu tal-proposta tal-Kummissjoni (12), il-“korrezzjoni tar-Renju Unit” qed tissejjaħ “il-korrezzjoni mogħtija lir-Renju Unit għall-iżbilanċi baġitarji”, ħlief għall-Artikolu 1(6) li jintroduċi modifika għall-Artikolu 6(3)(c), li jirreferi għall-“korrezzjoni mogħtija lir-Renju Unit”. Sabiex tiġi żgurata l-konsistenza, jeħtieġ li din tinbidel.

10.

L-Artikolu 1(8) tal-proposta tal-Kummissjoni tipprovdi verżjoni konsolidata ta’ l-Artikolu 10. L-Artikolu 10(9) propost jikkonċerna t-tnaqqis gross mogħti lill-Olanda u lill-Iżvezja, introdott mid-Deċiżjoni 2007/436/KE, Euratom. Fit-tieni sentenza, huwa ddikjarat li m’għandu jkun hemm ebda reviżjoni sussegwenti ta’ l-iffinanzjar ta’ dak it-tnaqqis gross fil-każ ta’ modifika sussegwenti tal-figura tal-GNI. Il-Qorti tifhem li dan in-nuqqas ta’ reviżjoni sussegwenti jista’ jkun iġġustifikat abbażi ta’ l-effettività ta’ l-ispejjeż, imma tikkunsidra li prinċipalment dan ma jikkonformax ma l-objettiv ta’ l-ekwità, imfakkar mill-Kunsill ta’ l-Ewropa f’diversi okkażjonijiet.

11.

Simili għas-sistema preċedenti r-riżorsi proprji tal-Komunitajiet Ewropej, l-Artikolu 2(7) tad-Deċiżjoni 2007/436/KE, Euratom jiddikjara li jekk il-modifiki għas-Sistema Ewropea tal-Kontijiet (13) (ESA 95) jirriżultaw f’bidliet sinifikanti fil-GNI kif ipprovdut mill-Kummissjoni, il-Kunsill, wara li jikkonsulta l-Parlament Ewropew, għandu jiddeċiedi jekk dawn il-modifiki għandhomx japplikaw għall-iskopijiet ta’ riżorsi proprji. L-istess Deċiżjoni introduċiet ukoll l-Artikolu 3(3) l-ġdid, li jiddikjara li jekk modifiki simili tabilħaqq japplikaw, il-limiti ta’ l-approprijazzjonijiet annwali għal pagamenti u impenji għandhom jiġu kkalkolati mill-ġdid permezz ta’ formula speċifikata (14). Sabiex ikun hemm applikazzjoni konsistenti ta’ dawn ir-regoli, f’każ ta’ reviżjonijiet oħra ta’ ESA 95, il-Qorti tipproponi li d-dispożizzjonijiet ta’ implimentazzjoni għandhom jiġu inklużi fl-emenda tar-Regolament (KE, Euratom) Nru 1150/2000 sabiex jistabbilixxu prinċipji li jiddefinixxu t-terminu “bidliet sinifikanti”.