6.6.2008   

MT

Il-Ġurnal Uffiċjali ta’ l-Unjoni Ewropea

C 140/10

(1)

Il-konklużjonijiet tal-Kunsill Ewropew ta' Lisbona tar-Rebbiegħa 2000 (1) appellaw sabiex is-sistemi Ewropej edukattivi u ta' taħriġ jiġu mmodernizzati b'rispons għad-domanda ta' ekonomija bbażata fuq l-għarfien u ta' l-isfidi dejjem jiżdiedu soċjo-ekonomiċi u demografiċi li qed jikkonfrontaw lill-Unjoni f'dinja globalizzata.

(2)

Il-konklużjonijiet tal-Kunsill Ewropew ta' Barċellona tar-Rebbiegħa 2002 (2) ħeġġew lill-Istati Membri biex jiżguraw li ċ-ċittadini kollha jkollhom il-kwalifiki bażiċi, kif ukoll biex jiżdiedu l-opportunitajiet għall-ħaddiema ta' età akbar biex jibqgħu fis-suq tax-xogħol, b'mod partikolari billi jkun garantit aċċess reali għat-tagħlim tul il-ħajja.

(3)

Ir-Riżoluzzjoni tal-Kunsill tas-27 ta' Ġunju 2002 dwar it-tagħlim tul il-ħajja (3) enfasizzat li t-tagħlim tul il-ħajja għandu jkopri t-tagħlim mill-età ta' qabel l-iskola sa dak ta' wara l-irtirar, inkluż l-ispektrum kollu tat-tagħlim formali, non-formali u dak informali.

(4)

Ir-Riżoluzzjoni tal-Kunsill tad-19 ta' Diċembru 2002 dwar il-kooperazzjoni msaħħa fl-edukazzjoni u t-taħriġ vokazzjonali (4) nnotat li l-adattabbilità u l-impjegabbiltà ta' l-adulti, inklużi l-ħaddiema ta' età akbar, tiddependi ħafna mill-opportunitajiet li jiġu aġġornati u li jinkisbu kompetenzi ġodda matul il-ħajja tax-xogħol.

(5)

Ir-Riżoluzzjoni tal-Kunsill tat-28 ta' Mejju 2004 dwar it-tisħiħ tal-linji politiċi, is-sistemi u l-prattiki fil-qasam tal-gwida (5) enfasizzat li ċ-ċittadini Ewropej kollha għandu jkollhom aċċess għas-servizzi ta' gwida fl-istadji kollha tal-ħajja, b'attenzjoni partikolari għall-individwi u l-gruppi f'riskju.

(6)

Il-konklużjonijiet tal-Kunsill tat-28 ta' Mejju 2004 dwar il-prinċipji komuni Ewropej għall-identifikazzjoni u l-validazzjoni tat-tagħlim non-formali u informali (6), kif stabbilit b'rispons għad-Dikjarazzjoni ta' Kopenħagen ta' Novembru 2002, appellaw għall-iżvilupp u t-tixrid ta' strumenti Ewropej biex jiġi rikonoxxut it-tagħlim non-formali u informali.

(7)

Ir-Rakkomandazzjoni tal-Parlament Ewropew u tal-Kunsill tat-18 ta' Diċembru 2006 dwar il-kompetenzi ewlenin għat-tagħlim tul il-ħajja (7) għandha l-għan fost oħrajn li jkun żgurat li l-adulti jkunu jistgħu jiżviluppaw u jaġġornaw il-kompetenzi tagħhom matul ħajjithom u li jkun hemm infrastruttura adatta biex jitkomplew l-edukazzjoni u t-taħriġ ta' l-adulti.

(8)

Il-konklużjonijiet tal-Kunsill tal-25 ta' Mejju 2007 dwar qafas koerenti ta' indikaturi u punti ta' referenza fl-edukazzjoni u t-taħriġ (8) appellaw biex jiġi segwit l-iżvilupp ta' l-indikaturi dwar il-kompetenzi ta' l-adulti.

(9)

Ir-Rakkomandazzjoni tal-Parlament Ewropew u tal-Kunsill tat-23 ta' April 2008 dwar l-istabbiliment tal-Qafas Ewropew tal-Kwalifiki (9) tippromwovi approċċ tad-deskrizzjoni tal-kwalifiki bbażati fuq riżultati tat-tagħlim, irrespettivament minn kif jew fejn dawn inkisbu.

(10)

Ir-rapport ta' progress konġunt 2008 tal-Kunsill u tal-Kummissjoni dwar l-implimentazzjoni tal-programm ta' ħidma “Edukazzjoni u Taħriġ 2010” jenfasizza li l-livell baxx tal-parteċipazzjoni tal-ħaddiema ta' età akbar u ta' kompetenzi fit-tagħlim għall-adulti b'kompetenzi limitati jibqa' problema maġġuri.

(11)

Ir-Riżoluzzjoni tal-Parlament Ewropew tas-16 ta' Jannar 2008 dwar it-tagħlim għall-adulti: Qatt ma huwa tard wisq li titgħallem  (10) iħeġġeġ lill-Istati Membri biex jippromwovu l-akkwist ta' l-għarfien u jiżviluppaw kultura ta' tagħlim tul il-ħajja, notevolment billi jiġu implimentati linji ta' politika dwar l-ugwaljanza bejn is-sessi mfassla biex jagħmlu l-edukazzjoni għall-adulti aktar attraenti, aktar aċċessibbli u aktar effettiva,

(1)

jitjiebu l-livelli tal-kompetenzi ta' numru li għadu sinifikanti ta' ħaddiema b'kompetenzi limitati, bil-ħsieb li ċ-ċittadini kollha jkun jistgħu jadattaw għall-bidla teknoliġika u l-ħtiġiet ta' kompetenzi futuri u b'hekk jikkontribwixxu għat-titjib ġenerali tal-prestazzjoni ekonomika;

(2)

tiġi indirizzata l-problema tan-numru persistentament għoli ta' dawk li jħallu l-iskola minn qabel billi jingħata ċans ieħor lil dawk li jilħqu l-età adulta mingħajr kwalifiki, b'fokus fuq oqsma ta' tħassib partikolari, bħal-litteriżmu u n-numeriżmu bażiku, il-kompetenzi ta' l-IT u t-tagħlim tal-lingwi;

(3)

il-ġlieda kontra l-esklużjoni soċjali minħabba ċirkostanzi bħal livelli baxxi ta' l-edukazzjoni inizjali, il-qgħad u l-iżolament rurali, filwaqt li tingħata aktar attenzjoni — fil-konfront tat-tendenzi attwali demografiċi u ta' migrazzjoni — għat-tagħlim tul il-ħajja u l-ħtiġiet ta' taħriġ għall-ħaddiema ta' età akbar u l-migranti;

(4)

tiġi żgurata l-effiċjenza, l-effettività u l-kwalità tat-tagħlim għall-adulti, bil-għan li tiżdied il-parteċipazzjoni attiva f'tali tagħlim, speċjalment fost il-gruppi svantaġġati, li jiġi attirat l-investiment suffiċjenti privat u pubbliku f'dan il-qasam, u biex is-settur privat ikun inkoraġġut biex jikkunsidra tali tagħlim bħala komponent ewlieni ta' l-iżvilupp tal-post tax-xogħol u n-negozju.

(1)

it-tagħlim għall-adulti għandu jingħata enfasi aktar qawwija u appoġġ aktar effettiv fil-livell nazzjonali, bħala parti mill-isforzi ġenerali biex tiġi żviluppata kultura ta' tagħlim tul il-ħajja;

(2)

il-miżuri speċifiċi dettaljati fl-Anness għal dawn il-konklużjonijiet jistgħu jifformaw qafas koerenti għal azzjoni futura f'dan il-qasam fil-programm ta' ħidma “Edukazzjoni u Taħriġ 2010”;

(3)

l-iżvilupp u l-implimentazzjoni ulterjuri ta' tali miżuri għandhom jirrispettaw bis-sħiħ ir-responsabbiltà ta' l-Istati Membri għall-kontenut tat-tagħlim u l-organizzazzjoni tas-sistemi ta' l-edukazzjoni u t-taħriġ, u għandhom jużaw il-metodu miftuħ ta' koordinazzjoni;

(4)

il-progress u l-monitoraġġ tat-tagħlim għandhom ikunu konsistenti mal-qafas koerenti ta' l-indikaturi u l-punti ta' referenza adottati mill-Kunsill f'Mejju 2007 u għandhom ikunu inklużi fir-rapporti futuri konġunti tal-progress dwar il-programm ta' ħidma “Edukazzjoni u Taħriġ”;

(5)

in-natura, id-diversità, il-komplessità u r-rikkezza trasversali tat-tagħlim għall-adulti jimponu l-ħtieġa għal approċċ integrat li jinvolvi l-partijiet interessati kollha, inklużi dawk fil-livell lokali u reġjonali, l-imsieħba soċjali u l-NGOs;

—

tappoġġa lill-Istati Membri fl-iżvilupp u l-implimentazzjoni ulterjuri tat-tagħlim għall-adulti f'termini mhux biss ta' aktar opportunitajiet, aċċess usa' u parteċipazzjoni akbar, iżda wkoll ta' eżiti tat-tagħlim rilevanti orjentati lejn ir-riżultati, bl-użu ta' miżuri bħal dawk delineati fl-Anness għal dawn il-konklużjonijiet,

—

tiżgura l-komplementarjetà u l-koerenza bejn is-segwitu mogħti lil kwalunkwe tali miżura u implimentazzjoni tal-proċessi ta' Bolonja u Kopenħagen, safejn dawn jirreletaw ma' studenti adulti,

—

issaħħaħ u tuża l-istruttura eżistenti ta' riċerka għall-ħtiġijiet ta' l-edukazzjoni għall-adulti,

—

issegwi u tintensifika l-kooperazzjoni ma' l-organizzazzjonijiet internazzjonali u l-korpi non-governattivi rilevanti li jaħdmu f'dan il-qasam, kif ukoll tistabbilixxi rabtiet ma' inizjattivi reġjonali bħall-kooperazzjoni Ewropa-Asja u inizjattivi dinjija bħall-“Edukazzjoni għal Kulħadd” u l-Għanijiet tal-Millennju għall-Iżvilupp.