8.4.2008   

MT

Il-Ġurnal Uffiċjali ta’ l-Unjoni Ewropea

C 87/6

1.

Fit-28 ta' Marzu 2008, il-Kummissjoni rċeviet notifika ta' proposta ta' konċentrazzjoni skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Abe Investment, L.P. (“Abe Investment”, l-Istati Uniti ta' l-Amerika), ikkontrollata minn Hellman & Friedman Capital Partners VI, L.P. (“HFCP”, l-Istati Uniti ta' l-Amerika), akkwistat skond it-tifsira ta' l-Artikolu 3(1)(b) tar-Regolament tal-Kunsill kontroll sħiħ ta' l-impriża Getty Images, Inc. (“Getty Images”, l-Istati Uniti ta' l-Amerika), permezz ta' ftehim għall-amalgamazzjoni ta' Abe Acquisition Corp. (“Abe Acquisition”, l-Istati Uniti ta' l-Amerika), sussidjarja li hija kollha kemm hi proprjetà ta' Abe Investment, ma' Getty Images.

2.

L-attivitajiet ta' negozju ta' l-impriżi kkonċernati huma:

3.

Permezz ta' eżaminazzjoni preliminari, il-Kummissjoni ssib li t-tranżazzjoni notifikata tista' taqa' taħt ir-Regolament (KE) Nru 139/2004. Madankollu, id-deċiżjoni finali dwar dan il-punt hija riservata. Skond l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni l-osservazzjonijiet li jista' jkollhom dwar din l-operazzjoni proposta.

L-osservazzjonijiet għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (nru tal-faks (32-2) 296 43 01 jew 296 72 44) jew bil-posta, taħt in-numru ta' referenza COMP/M.5113 — Abe Investment/Getty, fl-indirizz li ġej: