27.2.2008   

MT

Il-Ġurnal Uffiċjali ta’ l-Unjoni Ewropea

C 54/4

(1)

L-Eurojust ġie stabbilit bid-Deċiżjoni 2002/187/ĠAI (1) bħala korp ta' l-UE b'personalità ġuridika, sabiex jiġu stimulati u mtejba l-koordinazzjoni u l-koperazzjoni bejn awtoritajiet ġudizzjarji kompetenti ta' l-Istati Membri.

(2)

Wara aktar minn 5 snin, wasal il-waqt li tiġi valutata l-espjerenza miksuba mill-Eurojust u li tissaħħaħ aktar l-effikaċja operattiva tagħha billi jittieħed kont ta' dik l-esperjenza.

(3)

Wasal il-waqt li jiġi żgurat li l-Eurojust issir aktar operattiva u li l-istatus tal-Membri Nazzjonali jiġu approssimati.

(4)

L-istabbiliment ta' Ċellula għall-Koordinazzjoni ta' Emerġenza fl-Eurojust hu meħtieġ sabiex l-Eurojust issir disponibbli kull ħin tal-ġurnata u sabiex tkun tista' tintervjeni f'każijiet urġenti.

(5)

Is-sistemi ta' koordinazzjoni nazzjonali ta' l-Eurojust għandhom jiġu stabbiliti fl-Istati Membri sabiex tiġi kkoordinata l-ħidma mwettqa mill-korrispondenti nazzjonali għall-Eurojust, il-korrispondent nazzjonali għall-kwistjonijiet ta' terroriżmu, il-korrispondent nazzjonali għan-Network Ġudizzjarju Ewropew, punti ta' kuntatt oħrajn tan-Network Ġudizzjarju Ewropew u r-rappreżentanti fin-Network għal Timijiet ta' Investigazzjoni Konġunta u tan-Networks stabbiliti bid-Deċiżjoni 2002/494/ĠAI (2) (networks ta' delitti tal-gwerra), bid-Deċiżjoni 2007/845/ĠAI (3) (uffiċċji għall-irkupru ta' l-assi) u bi kwalunkwe Deċiżjoni futura dwar punt ta' kuntatt kontra l-korruzjoni.

(6)

Teħtieġ li tiġi riżolta l-kwistjoni ta' sforzi doppji u l-kjarifika tad-diviżjoni tal-ħidma bejn l-Eurojust u n-Network Ġudizzjarju Ewropew, filwaqt li tinżamm l-ispeċifiċità tan-Network Ġudizzjarju Ewropew. Filwaqt li jżomm l-ispeċifiċità bħala network u l-kapaċitajiet nazzjonali u operattivi tiegħu, in-Network Ġudizzjarju Ewropew għandu jkun jista' juża l-baġit Komunitarju għall-ispejjeż operattivi tiegħu.

(7)

Hu meħtieġ ukoll li tissaħħaħ il-kapaċità ta' l-Eurojust li taħdem ma mseħbin esterni, bħal pajjiżi terzi, l-Europol, l-OLAF u l-FRONTEX.

(8)

Għandu jsir provvediment sabiex l-Eurojust tissekonda maġistrati ta' kollegament lil pajjiżi terzi,

(1)

fl-Artikolu 2:

(2)

Fl-Artikolu 4, il-paragrafu 1 jinbidel b'dan li ġej:

“1.   Il-kompetenza ġenerali ta' l-Eurojust għandha tkopri:

(3)

Jiddaħħal l-Artikolu li ġej:

“Artikolu 5a

Ċellula għall-Koordinazzjoni ta' Emerġenza (ECC)

1.   Sabiex twettaq il-kompiti tagħha abbażi ta' emerġenza, l-Eurojust għandha tistabbilixxi ‘Ċellula għall-Koordinazzjoni ta' Emerġenza’ (ECC).

2.   L-ECC għandha tkun komposta minn rappreżentant wieħed minn kull Stat Membru, li jista' jkun jew il-membru nazzjonali, id-deputat tiegħu jew tagħha, jew assistent intitolat li jissostitwixxi l-membru nazzjonali L-ECC għandha tkun kuntattabbli u tkun tista' taġixxi fi kwalunkwe mument kull erbgħa u għoxrin siegħa.

3.   Meta f'każi urġenti, teħtieġ titwettaq talba għal koperazzjoni ġudizzjarja f'diversi Stati Membri, l-awtorità kompetenti tista' tressaqha lill-ECC permezz tar-rappreżentant ta' l-Istat Membru tagħha fl-ECC. Ir-rappreżentant ta' l-Istat membru konċernat fl-ECC għandu jibgħat it-talba sabiex titwettaq lill-awtoritajiet kompetenti ta' l-Istati Membri rilevanti. Fejn ma ġiet identifikata l-ebda awtorità nazzjonali jew mhuwiex possibbli li tiġi identifikata b'mod f'waqtu, il-membru ta' l-ECC għandu jkollu s-setgħa li jwettaq it-talba huwa stess.

4.   Ir-rappreżentant msemmi fil-paragrafu 2 jista' juża s-setgħat konferiti lilu skond l-Arikolu 9a bil-ħsieb tas-segwitu ta' deċiżjonijiet meħudin fl-ECC inkluża, fejn applikabbli, is-setgħa li titwettaq it-talba msemmija fil-paragrafu 3.

5.   L-Eurojust għandha tieħu l-miżuri meħtieġa sabiex tiżgura li l-awtoritajiet nazzjonali jkunu jistgħu faċilment u fi kwalunkwe waqt jikkuntattjaw lill-ECC direttament.”;

(4)

L-Artikolu 6 jinbidel b'dan li ġej:

Artikolu 6

Kompiti ta' l-Eurojust meta taġixxi permezz tal-membri nazzjonali tagħha

“1.   Meta l-Eurojust taġixxi permezz tal-membri nazzjonali kkonċernati tagħha, hi:

2.   L-Istati Membri għandhom ukoll jiżguraw li l-awtoritajiet nazzjonali kompetenti jwieġbu mingħajr dewmien talbiet magħmulin skond dan l-artikolu.”;

(5)

L-Artikolu 7 jinbidel b'dan li ġej:

“Artikolu 7

Kompiti ta' l-Eurojust meta taġixxi bħala Kulleġġ

1.   Meta l-Eurojust taġixxi bħala Kulleġġ, hija:

2.   Fejn żewġ membri nazzjonali jew aktar ma jaqblux dwar kif jiġi solvut każ ta' konflitt ta' ġurisdizzjoni rigward li jinbdew investigazzjonijiet jew prosekuzzjonijiet skond l-Artikolu 6, il-Kulleġġ għandu joħroġ opinjoni non-vinkolanti bil-miktub dwar kif għandu jiġi solvut il-każ. L-opinjoni tal-Kulleġġ għandha tintbagħat minnufih lill-Istati Membri konċernati.

3.   Minkejja d-dispożizzjonijiet li jinsabu fi kwalunkwe strument adottat taħt it-Titolu VI tat-Trattat, l-awtoritajiet kompetenti rikjedenti jistgħu jirrapportaw lill-Eurojust kwalunkwe ċaħda jew diffikultà dwar it-twettiq ta' talba għal koperazzjoni ġudizzjarja u jitolbu lill-Kulleġġ sabiex joħroġ opinjoni non-vinkolanti bil-miktub dwar kif il-każ għandu jiġi solvut. L-opinjoni tal-Kulleġġ għandha tintbagħat minnufih lill-Istati Membri konċernati.

4.   Il-Kulleġġ jista', fuq talba mill-awtoritajiet nazzjonali kompetenti konċernati u f'koperazzjoni magħhom, jiddeċiedi li l-ispiża rilevanti ta' grupp ta' investigazzjoni konġunta stabbilit skond l-Artikolu 13 tal-Konvenzjoni tad-29 ta' Mejju 2000 dwar Assistenza Reċiproka f'Affarijiet Kriminali bejn l-Istati Membri ta' l-Unjoni Ewropea jew id-Deċiżjoni Kwadru 2002/465/ĠAI (4) dwar gruppi investigattivi konġunti* għandha tiġi kkunsidrata bħala spiża operattiva ta' l-Eurojust fis-sens ta' l-Artikolu 41(3) tat-Trattat..”;

(6)

L-Artikolu 8 jinbidel b'dan li ġej:

“Artikolu 8

Effetti ta' deċiżjonijiet ta' l-Eurojust

Jekk l-awtoritajiet kompetenti ta' l-Istati Membri konċernati jiddeċiedu li ma jikkonformawx ma' talba msemmija fl-Artikolu 6(1)(a), 6(1)(g), 7(1)(a), 7(2) u 7(3), huma għandhom jinformaw lill-Eurjust dwar id-deċiżjoni tagħhom u r-raġunijiet għaliha.”;

(7)

Fl-Artikolu 9:

(8)

Jiddaħħal l-Artikolu li ġej:

“Artikolu 9a

Setgħat tal-membru nazzjonali konferiti lilu fil-livell nazzjonali

1.   Kull Stat Membru għandu jiddefinixxi n-natura u l-estent tas-setgħat ġudizzjarji li jagħti lill-membri nazzjonali tiegħu fir-rigward ta' koperazzjoni ġudizzjarja rigward dak l-Istat. Huma għandhom ta' l-anqas jinkludu s-setgħat ekwivalenti li ġejjin:

2.   Il-membri nazzjonali jistgħu, fil-kapaċità tagħhom bħala awtoritajiet ġudizzjarji nazzjonali, bi ftehim ma' awtorità nazzjonali kompetenti jew fuq talba tagħha u abbażi ta' każ b'każ, jeżerċitaw is-setgħat delegati li ġejjin:

3.   Il-membri nazzjonali jistgħu, f'każi urġenti u fejn ma hemm l-ebda awtorità nazzjonali kompetenti identifikata jew ma jkunx possibbli li tiġi identifikata f'waqtha, jawtorizzaw u jikkoordinaw kunsenji kkontrollati.

4.   Is-setgħat eżerċitati taħt il-paragrafu 1(a) għandhom għall-ewwel dejjem jiġu eżerċitati minn awtorità nazzjonali kompetenti.

5.   Meta s-setgħat imsemmija fil-paragrafu 1 u 3 jkunu ġew eżerċitati minn membru nazzjonali, l-awtorità kompetenti għandha tiġi informata minnufih.

6.   Meta regoli kostituzzjonali rigward id-diviżjoni ta' setgħat bejn prosekuturi u mħallfin jagħmluha imposibbli sabiex tiġi konferita waħda jew aktar mis-setgħat imsemmijin fil-paragrafi 1, 2 u 3 ta' dan l-Artikolu u fl-Artikolu 5a(3) lill-membru nazzjonali, huwa għandu ta' l-anqas ikun kompetenti li joħroġ talba lill-awtorità kompetenti għat-twettiq ta' tali setgħat.

7.   Kull Stat Membru għandu wkoll jiddefinixxi d-dritt għal membru nazzjonali li jaġixxi fir-rigward ta' l-awtoritajiet ġudizzjarji barranin, f'konformità ma' l-impenji internazzjonali tiegħu.

8.   Meta jaħtar lill-membru nazzjonali tiegħu u f'kull ħin ieħor jekk xieraq, l-Istat Membru għandu jgħarraf lill-Eurojust u lis-Segretarjat Ġenerali tal-Kunsill dwar id-deċiżjoni tiegħu rigward l-implimentazzjoni tal-paragrafi 1 sa 3 sabiex dan ta' l-aħħar ikun jista' jinforma lill-Istati Membri l-oħrajn. L-Istati Membri għandhom jintrabtu li jaċċettaw u li jirrikonoxxu l-prerogattivi mogħtija sakemm ikunu konformi ma' l-impenli internazzjonali.

9.   Fil-qadi tal-kompiti tiegħu, membru nazzjonali għandu, fejn xieraq, jgħarraf jekk hux qed jaġixxi skond is-setgħat ġudizzjarji mogħtija lilu skond dan l-Artikolu.”;

(9)

L-Artikolu 10(2) jinbidel b'dan li ġej:

“2.   Wara konsultazzjoni mal-Korp Konġunt ta' Sorveljanza msemmi fl-Artikolu 23 fir-rigward tad-dispożizzjonijiet dwar l-ipproċessar ta' data personali, il-Kunsill għandu japprova r-regoli ta' proċedura ta' l-Eurojust fuq proposta mill-Kulleġġ li kienet adottata minn qabel b'maġġoranza ta' żewġ terzi minn dan ta' l-aħħar. Id-dispożizzjonijiet tar-regoli ta' proċedura li jikkonċernaw l-ipproċessar ta' data personali jistgħu jsiru s-suġġett ta' approvazzjoni separata mill-Kunsill.”;

(10)

L-Artikolu 12 jinbidel b'dan li ġej:

“Artikolu 12

Sistema ta' koordinazzjoni nazzjonali ta' l-Eurojust

1.   Kull Stat Membru għandu jaħtar korrispondent nazzjonali wieħed jew aktar għall-Eurojust.

2.   Kull Stat membru għandu jistabbilixxi sistema ta' koordinazzjoni nazzjonali ta' l-Eurojust sabiex tkun żgurata l-koordinazzjoni ta' ħidma mwettqa minn:

3.   Il-persuni msemmijin fil-paragrafi 1 u 2 għandhom iżommu l-pożizzjoni u l-istatus tagħhom skond il-liġi nazzjonali.

4.   Wieħed mill-korrispondenti nazzjonali għall-Eurojust għandu jkun responsabbli għall-funzjonament tas-sistema ta' koordinazzjoni nazzjonali ta' l-Eurojust.

5.   Is-sistema ta' koordinazzjoni nazzjonali ta' l-Eurojust għandha:

6.   Ir-relazzjonijiet bejn il-membru nazzjonali u l-korrispondenti nazzjonali m'għandhomx jipprekludu relazzjonijiet diretti bejn il-membru nazzjonali u l-awtoritajiet kompetenti tiegħu.

7.   Xejn f'dan l-Artikolu m'għandu jinftiehem li jaffettwa kuntratti diretti bejn l-awtoritajiet ġudizzjarji kompetenti kif previst fi strumenti dwar il-koperazzjoni ġudizzjarja, bħall-Artikolu 6 tal-Konvenzjoni tad-29 ta' Mejju 2000 dwar Assistenza Reċiproka f'Affarijiet Kriminali bejn l-Istati Membri ta' l-Unjoni Ewropea.

8.   L-ispejjeż għas-sistema ta' koordinazzjoni nazzjonali ta' l-Eurojust bħall-kera, it-tagħmir, it-telekominikazzjonijiet u l-pagi tal-persunal amministrattiv għandhom jistgħu jiġu kkunsidrati bħala spejjeż operattivi ta' l-Eurojust skond l-Artikolu 30.

(11)

Fl-Artikolu 13:

(12)

Jiddaħħal l-Artikolu li ġej:

“Artikolu 13a

Informazzjoni provduta mill-Eurojust lill-awtoritajiet nazzjonali

1.   L-Eurojust, fuq inizjattiva proprja, għandha tipprovdi lill-awtoritajiet nazzjonali kompetenti b'informazzjoni u feedback dwar ir-riżultati ta' l-ipproċċessar ta' l-informazzjoni, inkluża l-eżistenza ta' kollegamenti ma' każijiet diġà maħżunin fis-Sistema ta' Ġestjoni tal-Każijiet.

2.   Barra minn hekk, fejn awtorità nazzjonali kompetenti titlob lill-Eurojust sabiex tipprovdiha b'informazzjoni, l-Eurojust għandha tibgħatha fiż-żmien mitlub minn dik l-awtorità.”;

(13)

Fl-Artikolu 14(4) u 16(1), il-kliem “indiċi ta'” jinbidlu bi “Sistema ta' Ġestjoni tal-Każijiet li fiha”;

(14)

Fl-Artikoli 15(4), 16(1), u 16(2) il-kelma “indiċi” tinbidel bi “Sistema ta' Ġestjoni tal-Każijiet”;

(15)

Fl-Artikolu 15:

(16)

Fl-Artikolu 16, jiddaħħal il-paragrafu li ġej:

“2a.   Is-Sistema ta' Maniġġar tal-Każijiet għandha tippermetti d-dħul ta' data u l-aċċess fil-livell nazzjonali. Is-Sistema ta' Ġestjoni tal-Każijiet, safejn dan ikun konformi mar-regoli dwar il-protezzjoni tad-data li tinsab f'din id-Deċiżjoni, tista' tiġi konnessa man-network ta' telekomunikazzjonijiet stabbilit imsemmi fl-Artikolu 10 tad-Deċiżjoni tal-Kunsill…/…/ĠAI dwar in-Network Ġudizzjarju Ewropew.” ;

(17)

Fl-Artikolu 23(10), tiddaħħal is-sentenza li ġejja:

“Is-Segretarjat tal-Korp Konġunt ta' Sorveljanza għandu jkun jista' jiddependi fuq it-tagħrif espert tas-segretarjat stabbilit bid-Deċiżjoni tal-Kunsill 2000/641/ĠAI.”

(18)

Fl-Artikolu 26:

(19)

Jiddaħħal l-Artikolu li ġej:

“Artikolu 26a

Maġistrati ta' Kollegament mibgħutin fi Stati terzi

1.   Għall-finijiet tal-faċilitazzjoni tal-koperazzjoni ġudizzjarja, l-Eurojust tista' tissekonda maġistrati ta' kollegament f'pajjiżi terzi, soġġett għal ftehim mal-pajjiż ospitanti li għandu jiġi approvat mill-Kunsill. Il-maġistrat ta' kollegament għandu jkun deputat, assistent, membru nazzjonali ta' l-Eurojust jew maġistrat issekondat lill-Eurojust. Is-sekondament bħala maġistrat ta' kollegament f'isem l-Eurojust għandu jkun soġġett għall-kunsens preċedenti tal-maġistrat jew u l-Istat Membru tiegħu.

2.   Il-maġistrati ta' kollegament sekondati skond il-paragrafu 1 għandhom ikunu maġistrati ta' kollegament għall-benefiċċju ta' l-Eurojust u ta' l-awtoritajiet kompetenti ta' l-Istati Membri. L-attivitajiet tal-maġistrati ta' kollegament sekondati mill-Eurojust għandhom ikunu s-soġġett ta' sorveljanza mill-Korp Konġunt ta' Sorveljanza. Huma għandhom jirrapportaw darba fis-sena lill-Kulleġġ ta' l-Eurojust li għandu jinforma lill-Kunsill u lill-Parlament Ewropew dwar l-attivitajiet tagħhom f'manjiera adatta. Il-maġistrati ta' kollegament għandhom ukoll jinformaw lill-membri nazzjonali u lill-awtoritajiet nazzjonali kompetenti dwar il-każijiet kollha rigward l-Istat Membru tagħhom.

3.   L-awtoritajiet nazzjonali kompetenti, u l-maġistrati ta' kollegament imsemmijin fil-paragrafu 1, jistgħu jikkontattjaw lil xulxin direttament. F'tali każijiet, il-maġistrat ta' kollegament għandu jinforma lill-membru nazzjonali konċernat dwar tali kuntatti.

4.   Il-maġistrati ta' kollegament imsemmijin fil-paragrafu 1 għandhom ikunu konnessi mas-Sistema ta' Ġestjoni tal-Każijiet.

5.   In-nefqa rilevanti tal-maġistrati ta' kollegament sekondati mill-Eurojust f'pajjiż terz għandha titqies bħala nefqa operattiva fis-sens ta' l-Art. 41(3) tat-Trattat. Qabel id-dħul f'negozjati ma' pajjiż terz, il-Kunsill għandu jagħti l-approvazzjoni tiegħu. L-Eurojust għandha tinforma lill-Kunsill dwar kwalunkwe pjan li għandha għad-dħul f'tali negozjati u l-Kunsill jista' jasal għal kwalunkwe konklużjoni li jqis adatta.”;

(20)

Jiddaħħlu l-Artikoli li ġejjin:

“Artikolu 27a

Talbiet għal koperazzjoni ġudizzjarja minn Stati terzi

1.   L-Eurojust għandha tikkoordina t-twettiq ta' talbiet għal koperazzjoni ġudizzjarja maħruġa minn Stat terz fejn dwan it-talbiet huma parti mill-istess investigazzjoni u jeħtieġu twettiq f'ta' l-anqas żewġ Stati Membri.

2.   It-talbiet imsemmijin fil-Paragrafu 1 jistgħu jiġu rċevuti direttament mill-Eurojust jekk hemm konformità ma' l-istrumenti applikabbli għar-relazzjoni bejn dak l-Istat terz u l-Unjoni Ewropea jew l-Istat Membru konċernat.

3.   It-talbiet imsemmijin fil-Paragrafu 1 jistgħu wkoll jinbagħtu lill-Eurojust minn awtorità nazzjonali kompetenti li taġixxi jew fuq l-inizjattiva tagħha proprja jew għaliex l-intervent ta' l-Eurojust intalab minn Stat terz konċernat.

4.   F'każ ta' urġenza, iċ-Ċellula għall-Koordinazzjoni ta' Emerġenza msemmija fl-Artikolu 5a tista' tittratta talbiet imsemmijin fil-paragrafu 1 ta' dan l-Artikolu.

Artikolu 27b

Responsabbiltà

1.   Ir-responsabbiltà kuntrattwali ta' l-Eurjust għandha tkun irregolata mil-liġi applikabbli għall-kuntratt in kwistjoni.

2.   Fil-każ tar-responsabbiltà non-kuntrattwali, l-Eurojust għandha, indipendentement minn kwalunkwe responsabbiltà skond l-Artikolu 24, tagħmel tajjeb għal kwalunkwe ħsara kkawżata ħtija tal-Kulleġġ jew il-persunal ta' l-Eurojust fil-qadi tad-doveri tagħhom, independentement mill-proċeduri differenti għat-talba tad-danni li teżisti skond il-liġi ta' l-Istati Membri.

3.   Il-paragrafu 2 għandu wkoll japplika għal danni kawżati minn membru nazzjonali fil-qadi tad-doveri tiegħu, ħlief meta jkun qed jaġixxi abbażi tas-setgħat konferiti lilu skond l-Artikolu 9a.

4.   Il-parti milquta għandha jkollha d-dritt li titlob li l-Eurojust ma' tieħu l-ebda, jew tieqaf minn kull, azzjoni.

5.   Il-qrati nazzjonali ta' l-Istati Membri kompetenti li jittrattaw disputi li jinvolvu r-responsabbiltà ta' l-Eurojust kif imsemmi f'dan l-Artikolu għandhom jiġu determinati b'referenza għar-Regolament tal-Kunsill (KE) Nru 44/2001 tat-22 ta' Diċembru 2000 dwar ġurisdizzjoni u r-rikonoxximent u l-infurzar ta' sentenzi f'materji ċivili u kummerċjali (8).

(21)

Fl-Artikolu 29:

(22)

L-Artikolu 32 jiġi emendat kif ġej

(23)

L-Artikolu 33(2) jinbidel b'dan li ġej:

“2.   Fejn membri nazzjonali, deputati, assistenti u persuni fis-sistema ta' koordinazzjoni nazzjonali ta' l-Eurojust jaġixxu fil-qafas tal-kompiti ta' l-Eurojust, in-nefqa rilevanti, inkluża dik fuq il-persunal nazzjonali ta' l-Eurojust, għandha titqies bħala nefqa operattiva fis-sens ta' l-Art. 41(3) tat-Trattat.”

(24)

Is-sentenza li ġejja tinżdied fl-aħħar ta' l-Artikolu 35(1):

“Qabel tintbagħat l-istima lill-Kummissjoni, in-Network Ġudizzjarju Ewropew għandu jiġi kkonsultat skond il-modalitajiet definiti minnu.”

(25)

L-Artikolu 41 jinbidel b'dan li ġej:

“Artikolu 41

Rappurtar

1.   L-Istati Membri għandhom jinformaw lill-Eurojust u lis-Segretarjat Ġenerali tal-Kunsill bi kwalunkwe bidla rigward il-membri nazzjonali, deputati u assistenti kif ukoll l-ismijiet u d-dettalji ta' kuntatt ta' persuni msemmijin fl-Artikolu 12, il-paragrafu 1 u l-paragrafu 2. Is-Segretarjat Ġenerali għandu jżomm lista aġġornata ta' dawn il-persuni u għandu jagħmel l-ismijiet u d-dettalji ta' kuntatt tagħhom disponibbli lill-Istati Membri kollha u lill-Kummissjoni.

2.   Kull Stat Membru għandu wkoll, skond l-Artikolu 9a(4), meta jaħtar il-membru nazzjonali tiegħu u fi kwalunkwe waqt ieħor jekk adatt, jinforma lill-Eurojust u lis-Segretarjat Ġenerali tal-Kunsill dwar kwalunkwe setgħa konferita lill-membru nazzjonali skond dak l-Artikolu.

3.   Il-ħatra definittiva ta' membru nazzjonali għandha jkollha effett fil-jum li fih is-Segretarjat Ġenerali tal-Kunsill jirċievi n-notifika uffiċjali msemmija fil-paragrafu 1.”

(26)

Fl-Artikolu 42, il-paragrafu attwali jsir il-paragrafu 1 u jiżdied il-paragrafu li ġej:

“2.   Il-Kummissjoni għandha teżamina regolarment l-implimentazzjoni mill-Istati Membri ta' din id-Deċiżjoni u għandha tippreżenta rapport dwarha lill-Kunsill flimkien ma', jekk xieraq, il-proposti meħtieġa sabiex jitjiebu l-koperazzjoni ġudizzjarja u l-funzjonament ta' l-Eurojust. Dan għandu japplika b'mod partikolari għall-kapaċitajiet ta' l-Eurojust sabiex tappoġġa lill-Istati Membri fil-ġlieda kontra t-terroriżmu.”