Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2007/304/16

Notifika minn qabel ta' konċentrazzjoni (Każ COMP/M.4765 — Symantec/Huawei/JV) — Każ li jista' jiġi kkunsidrat għall-proċedura simplifikata Test b'rilevanza għaż-ŻEE

ĠU C 304, 15.12.2007, p. 29–29 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

15.12.2007   

MT

Il-Ġurnal Uffiċjali ta’ l-Unjoni Ewropea

C 304/29

Notifika minn qabel ta' konċentrazzjoni

(Każ COMP/M.4765 — Symantec/Huawei/JV)

Każ li jista' jiġi kkunsidrat għall-proċedura simplifikata

(Test b'rilevanza għaż-ŻEE)

(2007/C 304/16)

1.

Fis-16 ta' Novembru 2007, il-Kummissjoni rċeviet notifika ta' konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Symantec Corporation (“Symantec”, l-Istati Uniti ta' l-Amerka) u Huawei Technologies Co., Ltd. (“Huawei”, P.R. taċ-Ċina) jakkwistaw skond it-tifsira ta' l-Artikolu 3(1)(b) tar-Regolament tal-Kunsill il-kontroll konġunt ta' l-impriża JVCO (“JVCO”, P.R. taċ-Cina) permezz tax-xiri ta' ishma f'kumpanija maħluqa mill-ġdid li tikkostitwixxi impriża konġunta.

2.

L-attivitajiet kummerċjali ta' l-impriżi kkonċernati huma:

—

għal Symantec : fornitur dinji ta' soluzzjonijiet software u hardware u prodotti simili u servizzi li jgħinu lill-individwi u lill-intrapriżi sabiex jassiguraw is-sigurtà, id-disponibbiltà, u l-integrità ta' l-informazzjoni tagħhom.

—

għal Huawei: fornitur dinji ta' soluzzjonijiet ta' netwerkjar tat-telekomunikazzjonijiet u servizzi simili. Hija tispeċjalizza fir-riċerka u l-iżvilupp, il-produzzjoni u l-kummerċjalizzazzjoni ta' tagħmir tal-komunikazzjoni, u fil-forniment ta' soluzzjonijiet għan-netwerks personalizzati għall-operaturi ta' telecom.

—

għal JVCO: l-iżvilupp u l-bejgħ ta' soluzzjonijiet għal tagħmir tal-ħżin u soluzzjonijiet għal tagħmir tas-sigurtà.

3.

Wara eżami preliminari, il-Kummissjoni jidhrilha li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skond in-Notifika tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fin-Notifika.

4.

Il-Kummissjoni tistieden lill-partijiet terzi interessati sabiex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (nru tal-faks (32-2) 296 43 01 jew 296 72 44) jew bil-posta, bin-numru ta' referenza COMP/M.4765 — Symantec/Huawei/JV, fl-indirizz li ġej:

Kummissjoni Ewropea

Direttorat Ġenerali għall-Kompetizzjoni

Reġistru ta' l-Amalgamazzjonijiet

J-70

B-1049 Bruxelles/Brussel

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

Top