Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2007/297/49

Kawża C-459/07: Talba għal deċiżjoni preliminari mressqa mill-Unabhängiger Finanzsenat, Außenstelle Graz (L-Awstrija) fid- 9 ta' Ottubru 2007 — Veli Elshani vs Hauptzollamt Linz

ĠU C 297, 8.12.2007, p. 30–31 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

8.12.2007   

MT

Il-Ġurnal Uffiċjali ta’ l-Unjoni Ewropea

C 297/30

Talba għal deċiżjoni preliminari mressqa mill-Unabhängiger Finanzsenat, Außenstelle Graz (L-Awstrija) fid-9 ta' Ottubru 2007 — Veli Elshani vs Hauptzollamt Linz

(Kawża C-459/07)

(2007/C 297/49)

Lingwa tal-kawża: Il-Ġermaniż

Qorti tar-rinviju

Unabhängiger Finanzsenat, Außenstelle Graz

Partijiet fil-kawża prinċipali

Rikorrent: Veli Elshani

Konvenut: Hauptzollamt Linz

Domandi preliminari

1.

Fid-dawl tal-fatt li l-ipoteżi ta' estinzjoni prevista fil-punt (d) ta' l-ewwel paragrafu ta' l-Artikolu 233 tar-Regolament tal-Kunsill (KEE) Nru 2913/92 (1), tat-12 ta' Ottubru 1992, li jwaqqaf il-Kodiċi Doganali tal-Komunità (iktar 'il quddiem il-“kodiċi doganali”) ma tirreferix għal mument li fih id-dejn doganali jkun ġie inkors, iżda għal perijodu ta' wara li fih id-dejn doganali jkun ġie inkors, billi din tippreżupponi li dejn doganali jkun ġie “inkors” fil-kundizzjonijiet previsti fl-Artikolu 202 tal-Kodiċi Doganali.

Il-kliem “ma' l-introduzzjoni kontra l-ligi” fis-sens tal-punt (d) ta' l-ewwel paragrafu ta' l-Artikolu 233 tal-kodiċi doganali għandhom jiġu interpretati fis-sens li:

—

l-introduzzjoni, fit-territorju doganali tal-Komunità, ta' merkanzija li għaliha dejn doganali jkun ġie inkors skond l-Artikolu 202 tal-kodiċi doganali jiġi estint ma' l-introduzzjoni tiegħhu fl-uffiċċju tad-dwana tal-fruntiera jew f'kull post ieħor stabbilit mill-awtoritajiet doganali, iżda mhux iktar tard minn meta din il-merkanzija titlaq mill-post fejn jinsab l-uffiċċju tal-fruntiera jew minn dak il-post stabbilit, għax b'hekk il-merkanzija tkun daħlet fit-territorju doganali, b'mod illi l-qbid u l-konfiska tal-merkanzija wara dan il-mument ma jkollux bħala effett l-estinzjoni ta' l-obbligu doganali,

jew fis-sens li

—

l-introduzzjoni, fit-territorju doganali tal-Komunità, ta' merkanzija li għaliha dejn doganali jkun ġie inkors skond l-Artikolu 202 tal-kodiċi doganali, tkompli skond perspettiva ekonomika sakemm ikompli t-trasport tagħha, bħala proċess uniformi li jirrigwarda l-introduzzjoni tal-merkanzija fit-territorju doganali, li jkompli wkoll sakemm il-merkanzija ma tilħaq l-ewwel post tagħha ta' destinazjoni u tieqaf hemm, b'mod illi qbid u konfiska tal-merkanzija jkollhom ukoll bħala effett, sa dak il-mument, li jġib fit-tmiem id-dejn doganali?

2.

Fil-każ ta' mġiba kontra l-liġi fis-sens ta' l-Artikolu 202 tal-kodiċi doganali, li jiġi skopert ma' l-introduzzjoni tal-merkanzija, id-dejn doganali għandu jiġi estint. Minn naħa l-oħra, il-qbid ta' merkanzija li sseħħ mat-tneħħija tas-sorveljanza doganali fuq din il-merkanzija, peress li hija mġiba kontra l-liġi fis-sens ta' l-Artikolu 203 tal-kodiċi doganali, m'għandux bħala effett l-estinzjoni immedjata tad-dejn doganali.

Il-punt (d) ta' l-ewwel paragrafu ta' l-Artikolu 233 tal-kodiċi doganali għandu jiġi interpretat fis-sens li din l-estinzjoni tad-dejn doganali, li hija espressament limitata għall-każijiet li fih id-dejn doganali jiġi inkors skond l-Artikolu 202 tal-kodiċi doganali, għall-inqas tissodisfa l-obbligu ta' trattament ugwali fir-rigward ta' mġiba kontra l-liġi?

(1)  ĠU L 302, p. 1.

Top