Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document E2007P0004

    Talba għal Opinjoni Konsultattiva mill-Qorti ta' l-EFTA magħmula minn Héraðsdómur Reykjavíkur datata 19 ta' Marzu 2007 fil-kawża Jón Gunnar Þorkelsson v Gildi-lífeyrissjóður (Fond tal-Pensjoni Gildi) (Kawża E-4/07)

    ĠU C 272, 15.11.2007, p. 20–20 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    15.11.2007   

    MT

    Il-Ġurnal Uffiċjali ta’ l-Unjoni Ewropea

    C 272/20

    Talba għal Opinjoni Konsultattiva mill-Qorti ta' l-EFTA magħmula minn Héraðsdómur Reykjavíkur datata 19 ta' Marzu 2007 fil-kawża Jón Gunnar Þorkelsson v Gildi-lífeyrissjóður (Fond tal-Pensjoni Gildi)

    (Kawża E-4/07)

    (2007/C 272/08)

    Saret talba lill-Qorti ta' l-EFTA permezz ta' ittra datata d-19 ta' Marzu 2007 minn Héraðsdómur Reykjavíkur (il-Qorti Distrettwali ta' Reykjavík), li waslet fir-Reġistru tal-Qorti fis-26 ta' Marzu 2007, għal Opinjoni Konsultattiva fil-kawża Jón Gunnar Þorkelsson v Gildi-lífeyrissjóður (Fond tal-Pensjoni Gildi), dwar il-mistoqsijiet li ġejjin:

    1.

    It-terminu 'assigurazzjoni soċjali' kif użat fil-Ftehim ŻEE, u b'mod partikolari l-Artikolu 29 tat-test prinċipali tal-Ftehim u tar-Regolament tal-Kunsill (KEE) Nru 1408/71 ta' l-14 ta' Ġunju 1971 dwar l-applikazzjoni ta' l-iskemi tas-siġurtà soċjali għall-persuni impjegati u l-familja tagħhom li jiċċaqilqu ġewwa l-Komunità, ikopri l-intitolament għal benefiċċju għad-diżabbiltà li joħroġ minn skemi ta' fondi għall-pensjonijiet bħalma hi dik Iżlandiża?

    2.

    Irrispettivament mit-tweġiba għall-Mistoqsija 1, il-Qorti Distrettwali tistaqsi jekk id-dispożizzjonijiet tal-Ftehim ŻEE dwar il-moviment liberu tal-ħaddiema, u b'mod partikolari l-Artikoli 28 u 29, jistgħux jiġu interpretati b'mod li jfissru li regola fl-Artikoli ta' Assoċjazzjoni tal-fondi għall-pensjonijiet Iżlandiżi li tissoġġetta dritt għal benefiċċju speċifiku (id-dritt għal previżjoni ta' l-intitolamenti) għall-kundizzjoni li l-individwu involut ikun ħallas primjums lil fond għall-pensjonijiet Iżlandiż, li jkun parti fil-Ftehim dwar ir-Relazzjonijiet bejn il-Fondi għall-Pensjonijiet, għal mill-inqas 6 mit-12-il xahar ta' qabel id-data ta' l-inċident, hix kompatibbli mal-Ftehim ŻEE meta r-raġuni għala l-individwu ma jkunx jista' jissodisfa din il-kundizzjoni tkun li huwa jkun iċċaqlaq lejn stat ieħor fiż-ŻEE minħabba impjieg komparabbli għal dak li kellu preċedentement, u jkun ħallas f'fond għall-pensjonijiet f'dak l-istat?

    3.

    Ir-Regolament tal-Kunsill (KEE) Nru 1408/71 ta' l-14 ta' Ġunju 1971, dwar l-applikazzjoni ta' l-iskemi tas-siġurtà soċjali għall-persuni impjegati u l-familja tagħhom li jiċċaqilqu ġewwa l-Komunità, għandu jkun interpretat b'mod li jfisser li l-ħaddiema għandhom jippreżentaw it-talbiet tagħhom għal kumpens fl-istat fejn kienu residenti u fejn kellhom intitolamenti tas-sigurtà soċjali fiż-żmien meta jseħħ il-korriment?
    Top