This document is an excerpt from the EUR-Lex website
Document C2007/164/04
Open Call for Proposals –— GP/D/ReferNet-FPA/001/07 — ReferNet — European Network of Reference and Expertise in Vocational Education and Training (VET)
Sejħa Pubblika għall-Proposti — GP/D/ReferNet-FPA/001/07 — ReferNet — Ir-Rettikolat Ewropew ta' referenza u esperjenza għall-edukazzjoni u t-taħriġ professjonali (VET)
Sejħa Pubblika għall-Proposti — GP/D/ReferNet-FPA/001/07 — ReferNet — Ir-Rettikolat Ewropew ta' referenza u esperjenza għall-edukazzjoni u t-taħriġ professjonali (VET)
ĠU C 164, 18.7.2007, p. 6–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
18.7.2007 |
MT |
Il-Ġurnal Uffiċjali ta’ l-Unjoni Ewropea |
C 164/6 |
SEJĦA PUBBLIKA GĦALL-PROPOSTI — GP/D/ReferNet-FPA/001/07
ReferNet — Ir-Rettikolat Ewropew ta' referenza u esperjenza għall-edukazzjoni u t-taħriġ professjonali (VET)
(2007/C 164/04)
1. Oġġettivi u deskrizzjoni
Ir-Rettikolat Ewropew ta' Referenza u Esperjenza f'VET (ReferNet) jinkludi konsorzju nazzjonali f'kull Stat Membru, l-Iżlanda u n-Norveġja, li huwa magħmul minn organizzazzjonijiet li jirrappreżentaw lil VET. Kull konsorzju huwa mmexxi minn kap nazzjonali tal-konsorzju.
Biex jiġu ffaċilitati dawn l-attivitajiet din is-sejħa tistieden proposti minn konsorzja nazzjonali jew organizzazzjonijiet importanti li huma involuti f'VET. Ser jintgħażel benefiċċjarju wieħed għal kull Stat Membru, n-Norveġja u l-Iżlanda. Il-konsorzju nazzjonali ser jikkoopera mar-rappreżentant nazzjonali tar-ReferNet u Cedefop fl-implimentazzjoni u l-validazzjoni ta' l-attivitajiet.
L-oġġettiv ġenerali ta' din is-sejħa hu li ssir għażla u li jiġi konkluż ftehim qafas ta' sħubija ta' erba' snin ma' l-applikant wieħed li jirnexxi (organizzazzjoni waħda jew konsorzju wieħed) minn kull pajjiż eliġibbli biex iwaqqaf u jmexxi konsorzju nazzjonali rappreżentattiv magħmul minn organizzazzjonijiet importanti fil-qasam tal-VET sabiex jappoġġja lil Cedefop u flimkien mas-soċji tal-konsorzja, jtella' attivitajiet li jkunu ġew miftiehma kull sena fi pjan annwali ta' azzjoni (ara sezzjoni 3). L-implimentazzjoni tal-ftehim qafas ta' sħubija ta' ReferNet hija soġġetta għal xi tibdil, skond id-deċizjoni tal-Bord Governattiv ta' Cedefop matul l-aħħar tlett xhur ta' l-2007, tal-Programm tax-Xogħol Annwali.
Barra milli tistabbilixxi l-qafas tas-sħubija, din is-sejħa tistieden lil dawk li japplikaw biex jipproponu pjan ta' azzjoni għal 2008.
Ser jintgħażlu attivitajiet minn fost dawk elenkati fil-'kamp ta' attivitajiet', mill-pjan ta' azzjoni ta' kull konsorzju. Għalkemm il-mexxej tal-konsorzju jrid juri li l-konsorzju għandu r-riżorsi biex iwettaq l-attivitajiet elenkati kollha, wieħed irid iżomm f'moħħu li mhux l-attivitajiet elenkati kollha jridu jitwettqu kull sena mill-konsorzju.
L-azzjoni annwali tal-konsorzju ser tigi iffinanzjata permezz ta' ftehim speċifiku ta' allokazzjoni konkluż kull sena. L-għotja ser tvarja skond il-kobor tal-pajjiż u ta' l-azzjoni (set ta' attivitajiet) mwettqa.
2. Baġit u dewmien tal-proposta
Il-baġġit disponibbli prevvist għal matul l-erba' snin tal-ftehim qafas ta' sħubija jammonta għal 4 000 000 EUR, skond id-deċiżjonijiet ta' l-Awtorità tal-Baġġit.
Il-baġġit kollu disponibbli għall-pjan ta' azzjoni 2008 (dewmien tal-proġett: 12 –il xahar) huwa ta' 925 000 EUR għas-27 Stat Membru, l-Iżlanda u n-Norveġja.
Il-baġġit totali disponibbli ser jiġi distribwit abbażi tat-tlett gruppi ta' pajjiżi li huma bbażati fuq il-popolazzjoni tal-pajjiż:
|
— |
Grupp ta' pajjiżi 1: Ċipru, l-Estonja, il-Latvja, il-Litwanja, il-Lussemburgu, Malta, is-Slovenja u l-Iżlanda. L-ammont massimu ta' l-allokazzjoni: 22 580 EUR. |
|
— |
Grupp ta' pajjiżi 2: L-Awstrija, l-Belġju, l-Bulgarija, ir-Repubblika Ċeka, id-Danimarka, l-Finlandja, l-Greċja, l-Ungerija, l-Irlanda, l-Olanda, l-Portugal, ir-Rumanija, ir-Repubblika Slovakka, Svezja u n-Norveġja. L-ammont massimu ta' l-allokazzjoni: 32 590 EUR. |
|
— |
Grupp ta' pajjiżi 3: il-Germanja, Franza, l-Italja, il-Polonja, Spanja, ir-Renju Unit. L-ammont massimu ta' l-allokazzjoni: 42 585 EUR. |
L-għotja mil-Komunità hija kontribuzzjoni finanzjarja għan-nefqa tal-benefiċċjarju (u/jew il-ko-benefiċjarji) li trid tiġi issupplimentata b'kontribuzzjoni finanzjarja minn naħa tiegħu u/jew kontribuzzjonijiet lokali, reġjonali, nazzjonali u/jew privati. Il-kontribuzzjoni totali tal-Komunità m'ghandiex tkun iktar minn 70 % tan-nefqiet eliġġibli.
Cedefop tirriserva d-dritt li ma tagħtix il-baġġit totali disponibbli.
3. Kriterji ta' l-eliġibilità
Applikazzjonijiet li jissodisfaw il-kriterji ta' l-eliġibilità ser ikunu soġġetti għall-eżami.
3.1. Organizzazzjonijiet Eliġibbli
Biex ikun eliġibbli, l-applikant (il-mexxej nazzjonali tal-Konsorzju) jrid jissodisfa dawn il-ħtiġiet li ġejjin:
|
— |
ikun organizzazzjoni pubblika jew privata, bi stat legali u personalità ġuridika (konsegwentement, persuni naturali — i.e. individwi — ma jistgħux jissottomettu applikazzjonijiet); |
|
— |
imexxi konsorzju nazzjonali li l-komposizzjoni tiegħu tirrappreżenta d-diversità tal-partijiet interessati fil-pajjiż; |
|
— |
ikun jista' jwettaq l-attivitajiet kollha fi ħdan l-iskop ta' dawk imsemmija fis-sezzjoni 3 tat-test komplet tas- sejħa għall-proposti (kollezzjoni u analiżi ta' informazzjoni, riċerka, dokumentazzjoni u databases, disseminazzjoni u promozzjoni). |
3.2. Pajjiżi eliġibbli
Applikanti mill-pajjiżi mniżżla hawn taħt huma eliġġibli:
|
— |
UE 27 (L-Awstrija, l-Belġju, l-Bulgarija, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, l-Olanda, il-Polonja, il-Portugall, ir-Rumanija, is-Slovakkja, is-Slovenja, Spanja, l-Isvezja, ir-Renju Unit); |
|
— |
in-Norveġja u l-Iżlanda; |
l-Organizzazzjonijiet stabbiliti f'pajjiżi għajr dawk il-pajjiżi mniżżla hawn fuq mhumiex eliġibbli.
3.3. Proposti Eliġibbli
Id-data ta' l-għeluq tas-sottomissjoni u l-kriterji l-oħra formali ta' l-eliġġibilità speċifikati fis-sezzjoni 13 tat-test komplet tas-sejħa għall-proposti jridu jiġu osservati.
Cedefop tirriserva d-dritt li tinjora proposti li mhumiex kompleti sad-data ta' l-għeluq. Tirriserva wkoll id-dritt li titlob informazzjoni addizzjonali neċessarja biex tittieħed id-deċiżjoni finali dwar l-għoti ta' sostenn finanzjarju.
4. Data ta' l-għeluq
Applikazzjonijiet għall-ftehim qafas ta' sħubija AND 2008 pjan ta' azzjoni iridu jintbagħtu mhux aktar tard mil-14 ta' Settembru 2007.
Il-pjan ta' azzjoni 2008 propost għal għoti tal-ftehim speċifiku ta' allokazzjoni 2008 (ara anness I tat-test komplet tas-sejħa għall-proposti) jrid jibda f'Jannar 2008 għall-dewmien ta' 12–il xahar.
5. Informazzjoni ulterjuri
L-ispeċifikazzjoni ulterjuri tas-sejħa għall-proposti, il-formola ta' applikazzjoni u l-annessi tagħha huma disponibbli fuq il-websajt ta' Cedefop fl-indirizz li ġej:
http://www.cedefop.europa.eu/index.asp?section=3&sub=2.
L-applikazzjonijiet jridu jissodisfaw il-ħtiġiet stabbiliti fit-test komplet tas-sejħa u jridu jiġu sottomessi fuq il-formoli uffiċjali ipprovduti.
L-eżami tal-proposti ser ikun ibbażat fuq il-prinċipji tat-trasparenza u t-trattament ugwali.
L-applikanti kollha eliġġibli ser ikunu eżaminati minn Kumitati fuq il-kriterji ta' għotja kwantitattivi u kwalitattivi stabbiliti fil-verżjoni tat-test komplet tas-sejħa. Esperti esterni ser jiġu mistiedna biex jieħdu sehem fil-proċedura ta' evalwazzjoni.