This document is an excerpt from the EUR-Lex website
Document C2006/245A/01
Notice of recruitment — Deputy Director
Avviz għal Reklutaġġ – Deputat Direttur
Avviz għal Reklutaġġ – Deputat Direttur
ĠU C 245A, 12.10.2006, p. 1–4
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)
|
12.10.2006 |
MT |
Il-Ġurnal Uffiċjali ta’ l-Unjoni Ewropea |
C NaN/1 |
AVVIZ GĦAL REKLUTAĠĠ
DEPUTAT DIRETTUR
(2006/C 245 A/01)
L-Europol iqis li rappreżentazzjoni bbilanċjata ta’ nisa u rġiel hija importanti daqs ir-rappreżentazzjoni adegwata taċ-ċittadini ta' l-Istati Membri kollha, b’kont meħud ta’ rappreżentazzjoni ġeografika xierqa, u tal-lingwi uffiċjali ta' l-Unjoni Ewropea. Għal dan l-iskop, l-Europol jinkuraġġixxi b’mod partikolari lin-nisa mill-Istati Membri kollha sabiex japplikaw għal dan il-post tax-xogħol battal.
IL-MISSJONI TA’ L-EUROPOL
L-għan ta' l-Europol huwa dak li jgħin fit-titjib ta’ l-effikaċja u l-koperazzjoni ta’ l-awtoritajiet kompetenti ta’ l-Istati Membri fil-prevenzjoni u l-ġlieda tal-forom serji kollha tal-kriminalità internazzjonali. Din il-missjoni ssir prinċiplament f’ambjent fejn jiġi mitkellem l-Ingliż.
1. DESKRIZZJONI TAX-XOGĦOL
A. Responsabbiltajiet prinċipali għall-Viċi Diretturi ta’ l-Europol
|
1. |
J(t)ipprovdi tmexxija u direzzjoni lid-dipartiment sabiex jintlaħqu l-objettivi ta' l-Europol; |
|
2. |
J(t)assigura l-amminstrazzjoni ta’ kuljum u t-tmexxija tal-personal fuq livell dipartimentali; |
|
3. |
J(t)ipprovdi preparazzjoni u implimentazzjoni xierqa tad-deċiżjonijiet tal-korpi rilevanti; |
|
4. |
J(t)assigura preparazzjoni u implimentazzjoni xierqa ta’ kwistjonijiet relatati mal-baġit fuq livell dipartimentali; |
|
5. |
J(Is)sostni u j(t)assisti lid-Direttur fl-iżvilupp strateġiku ta' l-Europol; |
|
6. |
J(t)issorvelja l-ippjanar korporattiv u l-ġestjoni tal-prestazzjoni fi ħdan id-dipartiment; |
|
7. |
J(t)ippromwovi l-kisbiet ta’ l-Europol lill-midja; |
|
8. |
I(t)mexxi u j(t)ippromwovi l-iżvilupp ta’ programmi li jqajmu l-għarfien; |
|
9. |
Iżomm kuntatt strett u jorganizza diskussjonijiet regolari mad-dipartimenti l-oħra; |
|
10. |
J(t)irrapreżenta u jieħu post id-Diretttur kif u meta meħtieġ; |
|
11. |
I(t)wettaq kull kompitu ieħor assenjat lilhom mid-Direttur. |
B. Responsabbiltajiet speċifiċi għall-post vakanti
Mingħajr preġudizzju għad-definizzjoni tal-kompiti u responsabbiltajiet tad-Direttur, il-persuna li tingħata l-post se tkun, partikolarment responsabbli għal:
|
1. |
It-tmexxija u l-kontroll tad-Dipartiment tal-Ġestjoni u t-Teknoloġija ta’ l-Informazzjoni u l-koordinazzjoni ta’ l-unitajiet tiegħu; |
|
2. |
Tkompli tiżviluppa u tikkontrolla l-implimentazzjoni ta’ l-istrateġiji li ġejjin:
|
|
3. |
Il-ġestjoni tat-temma ta’ l-iżvilupp u l-implimentazzjoni tas-Sistema ta' l-Informazzjoni; |
|
4. |
Il-forniment ta’ qafas fi ħdan l-organizzazzjoni għall-ġestjoni koerenti tad-dejtabejżis tiegħu kollha; |
|
5. |
Jassigura li l-Europol jipprovdi ħażna ta’ dejta u t-trażmissjoni tagħha b’mod effettiv u effiċjenti bejn l-Europol u imsieħba oħra ta’ koperazzjoni li magħhom l-Europol kien iffirma ftehim; |
|
6. |
Jisponsorja l-professjonaliżmu ta’ l-Europol fil-qasam tal-ġestjoni ta’ l-informazzjoni u t-teknoloġija tal-komunikazzjoni; |
|
7. |
Jaħdem bħala Koordinatur tal-Kunfidenzjalità; |
|
8. |
Jmexxi s-superviżjoni tal-proġett tat-tkabbir; |
|
9. |
Jassumi l-funzjoni temporanja bħala l-punt ta’ kuntatt tad-Direttorat għall-assitenza lill-Bureau ta’ Kollegament. |
2. KAPAĊITAJIET PERSONALI MEĦTIEĠA
L-Applikanti jkunu jridu juru għarfien tajjeb ħafna fil-Ġestjoni u fit-Teknoloġija ta’ l-Informazzjoni fuq livell maniġerjali għoli, preferibbilment fi ħdan kuntest internazzjonali. Għarfien u esperjenza fl-ambjent ta’ l-infurzar tal-liġi huma kkonsidrati bħala ta’ vantaġġ.
Barra minn hekk, l-applikanti ikunu meħtieġa li:
|
1. |
ikollhom lawrja universitarja jew ekwivalenti; |
|
2. |
jkunu maniġers bl-esperjenza u fi grad għoli (minimu ta’ 10 snin ta’ esperjenza maniġerjali); |
|
3. |
jippossjedu kapaċitatjiet pruvati ta’ tmexxija (effikaċja meta jkunu jridu jikkonvinċu l-aċċettazzjoni ta' xi ideat u fl-iggwidar ta' grupp jew individwu sabiex iwettqu xi kompitu); |
|
4. |
juru kapaċiatjiet imprenditorjali b’saħħithom fil-mod ta’ kif jidentifikaw u jsegwu oqsma ġodda ta' attivitaijiet; |
|
5. |
juru ftehim strateġiku (viżjoni wiesgħa, l-abilità li jifhem kwistjonijiet kruċjali malajr u l-kapaċità li japplikaw viżjoni strateġika biex isib soluzzjoni għal problemi prattiċi). |
|
6. |
jkun kapaċi li jikkomunika b’mod effettiv (b’mod sewwa, ċar u fil-qosor, kemm orali kif ukoll bil-miktub) ma’ udjenzi kemm interni kif ukoll esterni u mal-midja. Konoxxenza tajba ta’ mill-anqas żewġ lingwi uffiċjali ta’ l-UE, inkluż l-Ingliż. |
|
7. |
juru u jżommu livell għoli ta' onestá u integritá (permezz ta' l-imġieba personali u eżembju għal ħaddieħor, inkluża t-trasparenza fl-azzjonijiet u fit-teħid ta' deċiżjonijiet u jinkoraġixxu imġieba etika f'ħaddieħor); |
|
8. |
juru kapaċitajiet tajba ta' influenzar fuq il-livelli l-aktar għoljin (jinfluenzaw lil ħaddieħor sabiex jintlaħaq ftehim jew isir impenn); |
|
9. |
ikollhom kapaċitajiet diplomatiċi eċċelenti u l-kapaċità li jaħdmu fuq kwistjonijiet sensittivi fuq l-ogħla livelli amministrattivi u politiċi; |
|
10. |
jipposjedu kapaċitajiet interpersonali b’saħħithom bis-saħħa li jispira u jimmotiva personal li jkun ġej minn diversi oqsma tal-ħajja kif ukoll ta’ nazzjonalitajiet differenti (li jkunu flessibbli u attivi fl-interazzjonijiet tiegħu, jaħdmu b’mod koperattiv u b’mod li jagħti sostenn meta jkun f’tim); |
|
11. |
ikunu jifilħu għall-istress (sabiex iżomm effikaċja kbira u approċċ pożittiv quddiem diffikultajiet u oppożizzjoni); |
|
12. |
juru li kapaċi jkunu innovattivi (kapaċità li joħroġu b’soluzzjonijiet ġodda għal sitwazzjonijiet ta’ xogħol, jirikonnoxxu u jaċċettaw soluzzjonijiet oriġinali), |
|
13. |
ikunu jafu jippjanaw u jorganizzaw b’mod effettiv (kapaċi li jistabbilixxu u jikkontrollaw metodu ta’ azzjoni xieraq kemm għalih/għaliha kif ukoll għall-oħrajn sabiex jiksbu għan speċifiku bl-użu approprijat ta’ riżorsi u jiddelegaw b’mod effettiv). |
3. KONDIZZJONIJIET GĦALL-IMPJIEG
Il-kandidat jista' jiġi mpjegat biss fuq il-kondizzjoni li huwa/hija ċittadin ta' wieħed mill-Istati Membri ta’ l-Unjoni Ewropea u jgawdi drittijiet sħaħ bħala ċittadin fil-ġurnata ta’ l-applikazzjoni tiegħu/tagħha.
Il-Konvenzjoni ta’ l-Europol flimkien ma’ l-Att tal-Kunsill tat-3 ta' Diċembru 1998, li jistipula r-Regolamenti tal-Personal li huma applikabbli għall-Impjegati ta' l-Europol (1998/C/26/07), kif emendat mill-Att tal-Kunsill tad-19 ta' Diċembru 2002 (2003/C/24/01), jipprovdu l-qafas legali ta’ din il-proċedura ta’ selezzjoni.
Aktar informazzjoni tista’ tinsab f’www.europol.eu.int.
4. ĦATRA
Il-kandidat li jintgħażel jiġi maħtur mill-Kunsill, wara li jottjeni l-opinjoni tal-Bord tat-Tmexxija ta’ l-Europol, għal perjodu ta’ erba’ snin li jista’ jiġġedded darba biss.
5. SALARJU
Skala tas-Salarju: 2
Is-salarju bażiku huwa EUR 13 180,56
Minbarra dan, meta rilevanti, jistgħu jingħataw sussidji għall-familja:
|
— |
5 % tas-salarju bażiku – konċessjoni għad-dar; |
|
— |
EUR 275,59 għal kull wild li huwa dipendenti; |
|
— |
EUR 1 198,24 – konċessjoni ta' espatrijazzjoni |
Kontribuzzjonijiet soċjali u taxxi għandhom jiġu mnaqqsa mill-ammonti hawn fuq imsemmija.
6. EŻAMI TAS-SIGURTÁ
L-applikanti li jintgħażlu jiġu soġġetti għal eżami tas-sigurtà (security screening) skond r-regolamenti dwar segretezza adottati skond l-Artikolu 31 tal-Konvenzjoni ta’ l-Europol.
7. DATI IMPORTANTI
Data ta’ l-għeluq għall-applikazzjoni: 60 jum mill-pubblikazzjoni fil-Ġurnal Uffiċjali ta’ l-Unjoni Ewropea
Proċedura ta’ selezzjoni: l-ewwel semestru ta’ l-2007
Data minn meta jibda l-impieg: 1 ta’ Lulju 2007
8. APPLIKAZZJONIJIET
L-Applikanti huma ġentilment mitluba li jissottomettu l-applikazzjonijiet tagħhom bil-miktub billi jużaw il-formola ta’ l-applikazzjoni li hija disponibbli fuq il-websajt ta’ l-Europol u jibgħatuhom lil:
|
Il-President tal-Bord ta' Tmexxija ta' l-Europol |
|
C/o Il-Kap tar-Riżorsi Umani |
|
L-Europol |
|
Raamweg 47; |
|
PO Box 90850 |
|
2509 LW, L-Aja; |
|
L-Olanda |
|
Faks: + 31 70 318 08 61 |
|
www.europol.eu.int |
Persuna ta' Kuntatt:
|
Is-Sur C. Jechoutek, Assistant Direttur |
|
Tel: + 31 70 302 53 61 |
|
E-mail: hru@europol.eu.int |