22.12.2005

MT

Il-Ġurnal Uffiċjali ta’ l-Unjoni Ewropea

C NaN/1

---

ISTRUZZJONIJIET KONSULARI KOMUNI DWAR VIŻI GĦALL-MISSJONIJIET DIPLOMATIĊI U POSTIJIET KONSULARI

KONTENUT

I.	Id-disposizzjonijiet ġenerali

1.	Kamp ta' applikazzjoni

2.	Definizzjoni u tipi ta' viża

2.1.	Viżi uniformi

2.1.1.

Viża li tippermeti bniedem jgħaddi minn ajruport

2.1.2.

Viżi tal-passaġġ

2.1.3.

Viża ta' żmien qasir viża ta' l-ivvjaġġar jew viża ta' diversi dħul

2.1.4.

Viża tal-grupp

2.2.	Viża ta' żmien twil

2.3.	Viża b'validità territorjali limitata

2.4.	Viża maħruġa fil-fruntieri

2.5.	Dokumenti li għandhom l-istess valur bħall-viża li tawtorizza il-qsim ta' fruntieri esterni: FTD/FRTD

II.	Missjoni diplomatika jew post konsulari responsabbli

1.	Kif jiġi stabbilit l-Istat responsabbli

1.1.	Stat responsabbli sabiex jiddeċiedi dwar applikazzjoni

1.2.	Stat li jirrapreżenta l-Istat responsabbli

2.	Applikazzjonijiet tal-viża li jeħtieġu konsultazzjoni ma' l-awtorità ċentrali nazzjonali jew l-awtorità ta' wieħed mill-Partijiet Kontraenti jew aktar skond l- Artikolu 17(2)

2.1.	Konsultazzjoni ma' l-awtorità ċentrali nazzjonali

2.2.	Konsultazzjoni ma' l-awtorità ċentrali ta' wieħed mill-Partijiet Kontraenti jew aktar aktar

2.3.	Proċedura ta' konsultazzjoni fil-qafas tar-rappreżentazzjoni

3.	Applikazzjonijiet tal-viża li jingħataw minn dawk li mhumiex residenti

4.	Awtorizzazzjoni sabiex tinħareġ viża uniformi

III.	Wasla ta' l-applikazzjoni

1.	Forom ta' l-applikazzjoni tal-Viża. Numru ta' formoli ta' l-applikazzjoni

2.	Dokumenti li għandhom jingħataw

3.	Garanziji dwar ir-ritorn u l-mezzi ta' għajxien

4.	Intervista personali ma' l-applikant

IV.	Bażi legali

V.	Eżaminazzjoni ta' l-applikazzjonijiet u d-deċiżjonijiet li jittieħdu

Kriterji bażiċi għall-eżaminazzjoni ta' applikazzjonijiet

1.	Eżaminazzjoni ta' l-applikazzjonijiet tal-viża

1.1.	Verifika ta' l-applikazzjoni tal-viża

1.2.	Verifika ta' l-identità ta' l-applikant

1.3.	Verifika tad-dokument ta' l-ivvjaġġar

1.4.	Verifika ta' dokumenti oħra li jiddependu fuq l-applikazzjoni

–	Dokumenti ta' appoġġ dwar l-iskop tal-vjaġġ

–	Dokumenti ta' appoġġ rigward il-mezzi tat-trasport u r-ritorn

–	Dokumenti ta' appoġġ rigward il-mezzi ta' l-għajxien

–	Dokumenti ta' appoġġ rigward l-akkomodazzjoni

–	Dokumenti oħra li jistgħu jintalbu

1.5.	Stima tar-rieda tajba ta' l-applikant

2.	Proċedura tat-teħid ta' deċiżjonijiet għall-applikazzjonijiet tal-viża

2.1.	Għażla tat-tip ta' viża u numru ta' daħliet

2.2.	Ir-responsabbilità amministrattiva ta' l-awtorità li tintervjeni

2.3.	Il-proċedura li għandha tiġi segwita f'każijiet qabel il-konsultazzjoni ma' l-awtoritajiet ċentrali tal-Partijiet Kontraenti l-oħra

(a)

Proċedura

(b)	Trasmissjoni ta' l-applikazzjonijiet lill-awtorità ċentrali nazzjonali

(ċ)	Tagħrif li jintbagħat lill-awtorità ċentrali

(d)	Trasmissjoni ta' l-applikazzjonijiet bejn l-awtoritajiet ċentrali

(e)	Limitu taż-żmien għar-risposti: Estensjoni

(f)	Deċiżjoni bbażata fuq ir-riżultat tal-konsultazzjoni

(g)	Trasmissjoni ta' dokumenti speċifiċi

2.4.	Rifjut li tkun eżaminata applikazzjoni, li tinħareġ viża

3.	Viża b'validità territorjali limitata

VI.	Kif timla l-istikers tal-viża

1.	Taqsima tad-dħul komuni (Taqsima 8)

1.1.	L-intestatura “VALIDA GĦAL”

1.2.	L-intestatura “MINN … SA”

1.3.	L-intestatura “NUMRU TA' DAĦLIET”

1.4.	L-intestatura “TUL TAŻ-ŻMIEN TAŻ-ŻJARA... SA”

1.5.	L-intestatura “MAĦRUĠA FI

1.6.	L-intestatura ‘NUMRU TAL-PASSAPORT’

1.7.	L-intestatura ‘TIP TA' VIŻA’

1.8.	L-intestatura ‘KUNJOM U L-EWWEL ISEM’

2.	Taqsima tad-dħul nazzjonali (kummenti) (Taqsima 9)

3.	Taqsima għar-ritratt

4.	Taqsima li għandha tiġi eżaminata bi skàner b'mod elettroniku (Taqsima 5)

5.	Aspetti oħra li għandhom x'jaqsmu mal-ħruġ ta' viża

5.1.	L-iffirmar ta' viżi

5.2.	Stikers tal-viża kompluti ta' invalidazzjoni

5.3.	It-twaħħil ta' stikers mal-passaporti

5.4.	Il-passaporti u d-dokumenti ta' l-ivvjaġġar li magħhom jistgħu jitwaħħlu viżi uniformi

5.5.	It-timbru tal-missjoni diplomatika li toħroġ jew il-post konsulari

VII.	Tmexxija u organizzazzjoni amministrattivi

1.	Organizzazzjoni tad-dipartimenti tal-viża

2.

Iffajljar

3.	Reġistri tal-viża

4.	Drittijiet li għandhom jitħallsu għall-ħruġ ta' viża

VIII.

Kooperazzjoni konsulari fuq livell lokali

1.	Qafas tal-kooperazzjoni konsulari fuq livell lokali

2.	Kif għandhom ikunu evitati applikazzjonijiet multipli jew applikazzjonijiet li jingħataw wara rifjut riċenti ta' ħruġ

3.	Stima tar-rieda tajba ta' l-applikant

4.	Skambju ta' l-istatistika

5.	Applikazzjonijiet tal-viża pproċessati mill-aġenziji amministrattivi privati, aġenziji ta' l-ivvjaġġar u ta' l-organizzaturi tat-turs

5.1.	Tipi ta' intermedjarji

5.2.	Armonizzazzjoni tal-kooperazzjoni ma' l-aġenziji amministrattivi privati, aġenziji ta' l-ivvjaġġar, organizzaturi tat-turs u l-bejjiegħa tagħhom

ANNESSI MA' L-ISTRUZZJONIJIET KONSULARI KOMUNI DWAR IL-VIŻA

1.

— Lista konġunta ta' pajjiżi terzi li ċ-ċittadini tagħhom huma mitluba li jkollhom viża mill- Istati Membri marbuta b'Regolament (KE) Nru 539/2001, kif emendat b'Regolament (KE) Nru 2414/02001 u Regolament (KE) Nru 453/2003 — Lista konġunta ta' pajjiżi terzi li ċ-ċittadini tagħhom huma eżentati mill-ħtieġa tal-viża mill-Istati Membri marbuta b'Regolament (KE) Nru 539/2001, kif emendat b'Regolament (KE) Nru 2414/02001 u Regolament (KE) Nru 453/2003

2.	Regolamenti li jirregolaw il-moviment tad-detenturi ta' passaporti diplomatiċi, uffiċjali u passaporti tas-servizz u detenturi ta' laissez-passers maħruġa minn ċerti Organizzazzjonijiet Intergovernattivi Internazzjonali lill-uffiċjali tagħhom

3.	Lista ta' Stati li ċ-ċittadini tagħhom huma suġġetti għall-ħtieġa ta' viża ta' transitu ta' l-ajruport, fejn id-detenturi ta' dokumenti ta' l-ivvjaġġar maħruġa minn dawn l-Istati huma wkoll suġġetti għal din il-ħtieġa ta' viża

4.	Lista ta' dokumenti li jagħtu d-dritt lid-detenturi li jidħlu mingħajr viża

5.	Lista ta' applikazzjonijiet għal viża li jeħtieġu konsultazzjoni minn qabel ma' l-awtoritajiet ċentrali, skond l-Artikolu 17(2)

6.	Lista tal-konsli onorarji awtorizzati li joħorġu viżi uniformi f'każijiet eċċezzjonali u fuq bażi temporanja

7.	Ammonti ta' riferenza stabbiliti ta' kull sena mill-awtoritajiet nazzjonali għall- qsim tal-fruntieri.

8.	Format uniformi għall-istikers tal-viża u t-tagħrif dwar l-aspetti tekniċi u tas-sigurtà tagħhom

9.	Tagħrif li għandu jiddaħħal mill-Partijiet Kuntraenti, jekk neċessarju, fit-taqsima ‘kummenti’

10.	Struzzjonijiet dwar id-dħul ta' tagħrif fil-parti tal-qari ottiku

11.	Il-kriterji sabiex jiġi stabbilit jekk dokument ta' l-ivvjaġġar jistax ikollu miegħu viża

12.	Drittijiet li għandhom jitħallsu, f'EWRO, li jikkorrispondu ma' l-ispejjez amministrattivi ta' l-ipproċessar ta' l-applikazzjoni tal-viża

13.	Linji gwida dwar kif timla l-istikers tal-visa

14.	Obbligi fir-rigward tat-tagħrif li għandu jintbagħat mill-Partijiet Kuntraenti fejn jinħarġu viża b'validità territorjali limitata, meta l-perjodu ta' validità ta' viża uniformi huwa kkanċellat, revokat jew imnaqqas u fejn jinħarġu permessi ta' residenza nazzjonali huma maħruġa

15.	Formoli ta' kampjuni armonizzati li joffru prova ta' stedina, garanzija u akkomodazzjoni abbozzati mill-Partijiet Kuntraenti

16.	Kampjun tal-formola ta' l-applikazzjoni tal-viża uniformi armonizzata

17.	Dokument ta' l-ivvjaġġar minn post għall-ieħor faċilitat (FTD) u Dokument ta' l-ivvjaġġar minn post għall-ieħor bil-ferrovija faċilitat (FRTD)

18.	Tabella ta' rappreżentazzjoni għall-ħruġ ta' viża uniformi

ISTRUZZJONIJIET KONSULARI KOMUNI DWAR

il-viża għall-missjonijiet diplomatiċi u postijiet konsulari tal-partijiet kuntraenti għall-konvenzjoni ta' Schengen

SUĠĠETT:   Kondizzjonijiet li jirregolaw il-ħruġ ta' viżi uniformi, validi għat-territorju tal-Partijiet Kuntraenti kollha.

I.   DISPOSIZZJONIJIET ĠENERALI

1.   Kamp ta' applikazzjoni

Id-disposizzjonijiet komuni li ġejjin, li huma bbażati fuq id-disposizzjonijiet ta' Kapitolu 3 (taqsimiet 1 u 2) tal-Konvenzjoni li Timplimenta l-Ftehim ta' Schengen ta' l-14 ta' Ġunju 1985 bejn il-Gvernijiet ta' l-Istati ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża dwar it-tneħħija bil-mod ta' l-ispezzjonijiet fil-fruntieri komuni tagħhom (minn issa 'l quddiem imsejjħa ‘il-Konvenzjoni’) iffirmata f'Schengen fid-19 ta' Ġunju 1990, u li ssieħbu fiha l-Italja, Spanja, il-Portugall, il-Greċja u l-Awstrija, japplikaw għall-eżaminazzjoni ta' l-applikazzjonijiet tal-viża li ma taqbizx it-tliet xhur, inkluż il-viża minn post għall-ieħor, valida għat-territorju tal-Partijiet Kuntraenti kollha. (1)

Viża għaż-żjarat li jaqbżu t-tliet xhur jibqgħu suġġetti għall-proċeduri nazzjonali u jawtorizzaw biss lid-detentur li jibqa' f'territorju nazzjonali wieħed. Minkejja dan, viża bħal din għandha tgħin lid-detenturi tagħhom li jgħaddu mit-territorju ta' Partijiet Kuntraenti oħra sabiex jilħqu t-territorju tal-Parti Kuntraenti li ħarġet il-viża, għajr jekk jonqsu milli jissodisfaw il-kondizzjonijiet tad-dħul msemmija f'Artikolu 5(1)(a), (d) u (e) jew huma fuq il-lista nazzjonali ta' allarm tal-Parti Kuntraenti li mit-territorju tiegħu jippruvaw jgħaddu.

2.   Definizzjoni u tipi ta' viża

2.1.   Viżi uniformi

Viża uniformi huma l-awtorizzazzjoni jew deċiżjoni meħuda f'forma ta' stiker mwaħħla mill-Parti Kuntraenti ma' passaport, dokument ta' l-ivvjaġġar jew dokument ieħor li jagħti d-dritt lid-detentur li jaqsam il-fruntieri. Tagħti d-dritt lis-stranġieri suġġetti għall-ħtieġa tal-viża li jippreżentaw rwieħhom fil-fruntieri esterni tal-Parti Kuntraenti li ħareġ il-viża jew dik ta' Parti Kuntraenti ieħor u jitolbu, skond it-tip ta' viża, li jgħaddu jew li jibdew jgħixu, sakemm il-kondizzjonijiet l-oħra li jgħaddu jew tad-dħul ikunu ġew sodisfatti. Sempliċiment pussess tal-viża uniformi ma jagħtix dritt awtomatiku tad-dħul.

2.1.1.   Viża li tippermeti bniedem jgħaddi minn ajruport

Din il-viża tagħti d-dritt lil stranġieri li huma mitluba li jkollhom viża bħal din li jgħaddu minn żona ta' passaġġ internazzjonali ta' ajruporti mingħajr ma attwalment jidħlu fit-territorju nazzjonali tal-pajjiż konċernat, matul waqfa jew trasferiment bejn żewġ stadji ta' titjira internazzjonali. Il-ħtieġa li jkollhom din il-viża hija eċċezzjoni għad-dritt ġenerali ta' passaġġ mingħajr viża miż-żona ta' mogħdija internazzjonali hawn fuq imsemmija.

Iċ-ċittadini minn pajjiżi msemmija f'Anness 3 u l-persuni li mhumiex neċessarjament ċittadini ta' dawk il-pajjiżi iżda li għandhom dokumenti ta' l-ivvjaġar maħruġa mill-awtoritajiet tagħhom huma mitluba li jkollhom din it-tip ta' viża.

L-eċċezzjonijiet għall-ħtieġa ta' viża li tippermetti bniedem jgħaddi minn ajruport huma mniżżla f'Taqsima III f'Anness 3.

2.1.2.   Viżi tal-passaġġ

Din il-viża tagħti d-dritt lill-istranġieri li qedgħin jivvjaġġaw minn Stat Terz għal Stat Terz ieħor li jgħaddu mit-territorji tal-Partjiet Kontraenti.

Din il-viża tista' tinħareġ għall-passaġġ wieħed minn post għall-ieħor, jew diversi, sakemm illi kull dewmien f'kull każ ma jaqbiżx il-ħames t'ijiem.

2.1.3.   Waqfiet qosra jew viża ta' l-ivvjaġġar: viża ta' diversi dħul

Din il-viża tagħti d-dritt lill-istranġier li jipprova jidħol fit-territorji tal-Partijiet Kuntraenti, għar-raġunijiet minbarra l-immigrazzjoni, li jagħmel żjara kontinwa jew diversi żjarat, bit-tul taż-żmien tagħhom ma jaqbiżx it-tliet xhur fi kwalunkwe nofs sena mid-data ta' l-ewwel dħul. Bħala regola ġenerali, din il-viża tista' tinħareġ għad-dħul wieħed jew diversi.

Fil-każ ta' stranġieri li għandhom bżonn jivvjaġġaw ta' spiss minn Stat ta' Schengen wieħed jew aktar, per eżempju fuq negozju, tista' tinħareġ viża ta' żmien qasir għal diversi żjarat, sakemm it-tul totali ta' dawn iż-żjarat ma jaqbiżx it-tliet xhur fi kwalunkwe nofs sena. Din il-viża tad-diversi dħul tista' tkun valida għal sena, u f'każijiet eċċezzjonali, għal aktar minn sena għal ċertu kategoriji ta' persuni. (ara V, 2, 2.1).

2.1.4.   Viża tal-grupp

Din hija viża sabiex bniedem jgħaddi minn post għall-ieħor għall-massimu ta' tletin ġurnata, li tista' titwaħħal ma' passaport tal-grupp – għajr fejn il-liġi nazzjonali tgħid mod ieħor – maħruġa lill-grupp ta' stranġieri iffurmat qabel id-deċiżjoni ta' l-ivvjaġġar, sakemm illi l-membri tal-grupp jidħlu fit-territorju, joqogħdu hemm u jitilqu minnu bħala grupp.

Il-viżi tal-grupp jistgħu jinħarġu lill-gruppi ta' bejn 5 u 50 ruħ. Il-persuna responsabbli mill-grupp għandu jkollha passaport individwali u, fejn ikun neċessarju, viża individwali.

B'deroga minn dak li ntqal hawn fuq, il-viża tal-grupp ta' passaġġ minn post għall-ieħor tista' tinħareġ lill-baħħara skond id-disposizzjonijiet tar-Regolament tal-Kunsill (KE) Nru 415/2003 tas-27 ta' Frar 2003 mal-ħarġa ta' viża fil-fruntieri, inkluż il-ħruġ ta' viża bħal din lill-baħħara li qedgħin jgħaddu minn post għall-ieħor (2).

2.2.   Viżi tal-waqfiet twal

Viża għaż-żjarat li jaqbżu t-tliet xhur għandha tkun viża nazzjonali maħruġa minn wieħed mill-Istati Membri skond il-liġi nazzjonali tiegħu.

Madankollu, din il-viża għandha, għall-perjodu ta' mhux aktar minn tliet xhur mill-ewwel data ta' validità tagħha, tkun valida fl-istess ħin bħall-viża taż-żmien qasir uniformi, sakemm illi tkun inħarġet skond il-kondizzjonijiet u l-kriterji komuni adottati taħt jew skond id-disposizzjonijiet rilevanti ta' Kapitolu 3, taqsima I tal-Konvenzjoni hawn fuq imsemmija u d-detenturi tagħhom jissodisfaw il-kondizzjonijiet tad-dħul msemmija f'Artikolu 5(1)(a), (c), (d) u (e) tal-Konvenzjoni u li hemm f'Parti IV ta' dawn l-Istruzzjonijiet. Inkella, viża bħal din għandha tgħin lid-detenturi tagħhom li sempliċiment jgħaddu mit-territorju ta' Partijiet Kontraenti oħra sabiex jilħqu t-territorju ta' l-Istat Membru li ħareġ il-viża, għajr jekk id-detenturi ma jissodisfawx il-kondizzjonijiet tad-dħul msemmija f'Artikolu 5(1)(a), (d) u (e) jew huma fuq il-lista nazzjonali ta' allarm ta' l-Istat Membru li mit-territorju tiegħu jippruvaw jgħaddu.

2.3.   Viża b'validità territorjali limitata

Din il-viża titwaħħal f'każijiet eċċezzjonali ma' passaport, dokument ta' l-ivvjaġġar jew dokument ieħor li jagħti d-dritt lid-detentur li jaqsam il-fruntieri, fejn iż-żjara hija awtorizzata biss fit-territorju nazzjonali ta' wieħed mill-Partijiet Kontraenti jew aktar, sakemm illi kemm id-daħla u l-ħruġ huma mit-territorju ta' dan jew dawn il-Partijiet Kontraenti (ara V.3 ta' dawn l-Istruzzjonijiet).

2.4.   Viża maħruġa fil-fruntieri (3)

2.5.   Dokumenti li għandhom l-istess valur bħall-viża li tawtorizza il-qsim ta' fruntieri esterni: FTD/FRTD

Għall-passaġġ minn post għall-ieħor faċilitat, jistgħu jinħarġu FTD jew FRTD skond ir-Regolament tal-Kunsill (KE) Nru 693/2003 (4) u (KE) Nru 694/2003 (5) (ara Anness 17).

II.   MISSJONI DIPLOMATIKA JEW POST KONSULARI RESPONSABBLI

L-istranġieri li huma suġġetti għall-ħtieġa tal-viża (ara Anness 1) u li jfittxu li jidħlu fit-territorju ta' Parti Kontraenti, huma obbligati li japplikaw għand it-taqsima tal-viża fil-missjoni diplomatika jew post konsulari responsabbli.

1.   Kif jiġi stabbilit l-Istat responsabbli

1.1.   Stat responsabbli sabiex jiddeċiedi dwar applikazzjoni

Dawn li ġejjin huma responsabbli għall-eżaminazzjoni ta' applikazzjonijiet għal żmien qasir jew viża uniformi ta' passaġġ minn post għall-ieħor:

(a)

— Il-Parti Kontraenti li fit-territorju tiegħu ikun hemm id-destinazzjoni unika jew prinċipali taż-żjara. Il-Pajjiż Kontraenti li wieħed jgħaddi minnu ma jista' taħt l-ebda ċirkustanza jitqies bħala l-pajjiż tad-destinazzjoni prinċipali. Il-missjoni diplomatika jew il-post konsulari li lilu tingħata applikazzjoni għandu jiddeċiedi, fuq bażi każ każ, liema huwa l-Parti Kontraenti tad-destinazzjoni prinċipali, filwaqt li jżomm f'moħħu, fl-istima tiegħu, il-fatti kollha, u b'mod partikolari, l-iskop taż-żjara, ir-rotta u d-dewmien taż-żjara jew żjarat. Meta jagħmlu stima ta' dawn il-fatturi, il-missjoni jew il-post għandhom jiffukkaw b'mod prinċipali fuq id-dokumenti li jsaħħu li jingħataw mill-applikant. — Għandha tiffokka b'mod partikolari fuq ir-raġuni prinċipali jew l-iskop taż-żjara meta destinazzjoni waħda jew aktar huma r-riżultat dirett ta' destinazzjoni żejda jew oħra; — Din għandha tiffokka b'mod partikolari dwar l-itwal żjara fejn l-ebda destinazzjoni hija r-riżultat dirett jew żejjed ta' destinazzjoni oħra; fejn iż-żjarat huma ta' l-istess tul, l-ewwel destinazzjoni għandha tkun fattur determinanti.

(b)

— Il-Parti Kontraenti ta' l-ewwel daħla, meta l-Parti Kontraenti tad-destinazzjoni prinċipali ma jistax jiġi stabbilit. Il-Parti Kontraenti ta' l-ewwel daħla għandu jkun l-Istat li l-applikant jaqsam il-fruntiera esterna tiegħu sabiex jidħol fiż-żona Schengen wara li jkollu d-dokumenti tiegħu/tagħha ikkontrollati. — Meta l-Parti Kontraenti ta' l-ewwel daħla ma għandux bżonn viża, mhux obbligat li joħroġ viża u – għajr li joħroġ viża b'mod volontarju, suġġett għall-kunsens tal-persuna kkonċernata – ir-responsabbilità tgħaddi lill-ewwel Parti Kontraenti tad-destinazzjoni jew ta' passaġġ li jeħtieġ il-viża. — L-eżaminazzjoni ta' l-applikazzjonijiet u l-ħruġ ta' viża b'validità territorjali limitata (limitati għat-territorju ta' Parti Kontraenti waħda jew għat-territorju ta' l-Istati ta' Benelux) għandha tkun ir-responsabbilità tal-Parti Kontraenti jew il-Partijiet konċernati.

1.2.   Stat li jirrapreżenta l-Istat responsabbli

(a)

Jekk l-Istat responsabbli ma għandux missjoni diplomatika jew post konsulari fi Stat partikolari, il-viża uniformi tista' tinħareġ mill-missjoni jew post ta' l-Istat li jirrapreżenta l-Istat responsabbli. Il-viża tinħareġ għan-nom ta' l-Istat li qiegħed ikun rappreżentat, u suġġett għall-awtorizzazzjoni minn qabel tiegħu, u fejn ikun hemm bżonn, għall-konsultazzjoni bejn l-awtoritajiet ċentrali. Jekk wieħed mill-Istati ta' Benelux għandu missjoni jew post konsulari, dan fil-prinċipju jirrappreżenta b'mod awtomatiku lill-Istati ta' Benelux l-oħra, għajr jekk l-Istat ta' Benelux ikkonċernat ma jistax fil-prattika jirrapreżenta l-Istati Benelux l-oħra, f'liema każ dawn ta' l-aħħar jistgħu jsejjħu lill-Istat sieħeb li jirrapreżentahom fuq kwistjonijiet ta' viża fil-pajjiż terz ikkonċernat.

(b)

Jekk Stat għandu missjoni diplomatika jew post konsulari f'pajjiż terz ukoll, jista' jistaqsi Stat ieħor li għandu post konsulari f'dak il-pajjiż terz li jirrapreżentah. Il-viża uniformi tinħareġ għan-nom ta' l-Istat li qiegħed ikun rappreżentat, u suġġett għall- awtorizzazzjoni minn qabel tiegħu, u fejn ikun hemm bżonn, għall-konsultazzjoni bejn l-awtoritajiet ċentrali.

(ċ)

Meta viża uniformi tinħareġ skond (a) u (b), il-forma ta' rappreżentazzjoni għandha tkun miftehma bejn l-Istat jew Stati li qedgħin ikunu rappreżentati u l-Istat li jirrapreżenta dak jew dawk l-Istat (i), u għandha tispeċifika: — it-tul ta' żmien ta' din ir-rappreżentazzjoni u l-kondizzjonijiet għall-waqfien tagħha; — u, għall-applikazzjoni ta' punt (b), l-arranġamenti għall-implimentazzjoni ta' rappreżentazzjoni bħal din, inkluż il-kondizzjonijiet li jirregolaw l-għoti tal-fondi mill-Istat li jirrapreżenta jew l-għoti ta' l-istaff mill-Istat li jirrapreżenta u l-Istat li qiegħed ikun rappreżentat, u l-kontribut finanzjarju possibbli ta' l-Istat li qiegħed ikun rappreżentat għall-ispejjez involuti fil-ħruġ ta' visa li jġarrab l-Istat li jirrapreżenta.

(d)	Meta viża uniformi tinħareġ skond (a) u (b), ir-rappreżentazzjoni għandha tkun tidher fit-tabella ta' rappreżentazzjoni għall-ħruġ ta' viża uniformi mniżżla f'Anness 18.”.

(e)

Il-proċedura għall-ħruġ tal-viża ta' Schengen f'każ ta' rappreżentazzjoni skond (a) u (b) għandha tkun ibbażata fuq il-prinċipji li ġejjin: — Ir-regoli dwar ir-rappreżentazzjoni għandhom japplikaw għall-ipproċessar ta' l-applikazzjonijiet għall-viża ta' passaġġ minn ajruport għall-ieħor, viża ta' passaġġ minn post għall-ieħor u viża ta' waqfien fil-qosor maħruġa skond il-Konvenzjoni Schengen u skond l-Istruzzjonijiet Konsulari Komuni. L-Istat li jirrapreżenta huwa obbligat li jikkonforma mad-disposizzjonijiet ta' l-Istruzzjonijiet Konsulari Komuni mill-aktar fis meta joħroġ il-viża tiegħu stess ta' l-istess kategorija u bl-istess perjodu ta' validità. — Għajr fejn jingħad b'mod dirett fi ftehim bilaterali, ir-regoli dwar ir-rappreżentazzjoni ma għandhomx japplikaw għall-viża maħruġa għall-iskop ta' impjieg bi ħlas jew attività li titlob permess minn qabel mill-Istat fejn din titwettaq. L-applikant għandu jikkuntattja lill-post konsulari akkreditat ta' l-Istat fejn għandha ssir l-attività. — L-Istati Schengen mhumiex obbligati li jiżguraw li huma rappreżentati għall-iskopijiet ta' viża fl-Istati terzi kollha. Huma jistgħu jiddeċiedu li f'ċerti Stati terzi l-applikazzjonijiet għall-viża jew l-applikazzjonijiet għal tip partikolari ta' viża għandhom isiru f'post konsulari permanenti jew missjoni diplomatika ta' l-Istat li huwa d-destinazzjoni prinċipali ta' l-applikant. — Il-missjonijiet diplomatiċi u l-postijiet konsulari għandhom iġorru r-responsabbilità sħiħa sabiex jagħmlu stima tar-riskju ta' l-immigrazzjoni illegali fejn tingħata applikazzjoni tal-viża. — L-Istati rappreżentati għandhom ikollhom responsabbilità sħiħa għall-applikazzjonijiet tal-kenn politiku li jsiru minn detenturi ta' viża li tkun inħarġet mill-Istati li jirrapreżentaw għan-nom tagħhom u li tgħid li din inħarġet fil-qafas tar-rappreżentazzjoni. — F'każijiet eċċezzjonali, il-ftehim bilaterali jista' jgħid li l-applikazzjonijiet tal-viża minn ċertu kategoriji ta' stranġieri jew jintbagħtu mill-Istat li jirrapreżenta lill-awtoritajiet ta' l-Istat rappreżentat fejn ikun hemm id-destinazzjoni prinċipali jew li jintbagħtu lir-rappreżentazzjoni konsulari permanenti ta' dak l-Istat. Dawn il-kategoriji għandhom jitniżżlu bil-miktub (jekk ikun hemm bżonn għal kull missjoni diplomatika jew post konsulari). Għaldaqstant għandu jkun hemm is-supposizzjoni li l-viża nħarġet fuq l-awtorizzazzjoni ta' l-Istat rappreżentat skond l-Artikolu 30(1) tal-Konvenzjoni ta' Schengen. — Il-ftehim bilaterali jista' jkun emendat biż-żmien fid-dawl ta' deċiżjonijiet li jittieħdu fuq livell nazzjonali dwar l-applikazzjonijiet għall-kenn politiku fi żmien stabbilit minn detenturi ta' viża maħruġa fil-qafas tar-rappreżentazzjoni u tagħrif rilevanti ieħor għall-ħruġ tal-viża. Skond ir-riżultat, jista' jiġi stabbilit ukoll li jitwarrbu r-regoli dwar ir-rappreżentazzjoni għal ċerti missjonijiet diplomatiċi u postijiet konsulari (u possibilment għal ċerti nazzjonalitajiet). — Ir-rappreżentazzjoni għandha tapplika biss għall-ħruġ ta' viża. L-istranġieri li ma jistgħux japplikaw għall-viża għaliex ma jistgħux jagħtu prova suffiċjenti li huma jissodisfaw il-kondizzjonijiet rilevanti għandhom ikunu avżati li huma jistgħu japplikaw għall-viża fil-post konsulari permanenti jew il-missjoni diplomatika ta' Stat ta' Schengen fejn hemm id-destinazzjoni prinċipali tagħhom. — Ir-regoli dwar ir-rappreżentazzjoni jistgħu jkunu raffinati b'estensjoni tan-netwerk tal-konsultazzjoni li tirriżulta mill-iżvilupp tas-software li jgħin lill-postijiet konsulari u l-missjonijiet diplomatiċi li qedgħin jagħmlu r-rappreżentazzjoni li jikkonsultaw l-awtoritajiet ċentrali ta' l-Istat rappreżentat b'mod sempliċi. — - Fuq livell lokali, il-missjonijiet diplomatiċi jew il-postijiet konsulari għandhom, fil-qafas tal-kooperazzjoni konsulari lokali, jiżguraw li t-tagħrif xieraq dwar ir-responsabbiltajiet li ġejjin mill-użu tar-rappreżentazzjoni skond (a) u (b) jsiru disponibbli għall-applikanti tal-viża.

2.   Applikazzjonijiet tal-viża li jeħtieġu konsultazzjoni ma' l-awtorità ċentrali nazzjonali jew l-awtorità ta' Parti Kontraenti jew aktar skond l-Artikolu 17(2)

2.1.   Konsultazzjoni ma' l-awtorità ċentrali nazzjonali

Il-missjoni diplomatika jew il-post konsulari li jeżamina l-applikazzjoni għandu jfittex l-awtorizzazzjoni mill-awtorità ċentrali tiegħu, jikkonsultaha jew javzaha bid-deċiżjoni li huwa għandu l-intenzjoni li jieħu skond l-arranġamenti u l-limiti taż-żmien imniżżla mill-liġi u l-prattika nazzjonali. Il-każijiet li jitolbu l-konsultazzjoni interna huma mniżżla f'Anness 5A.

2.2.   Konsultazzjoni ma' l-awtorità ċentrali ta' wieħed mill-Partijiet Kontraenti jew aktar

Il-missjoni diplomatika jew il-post konsulari li lilu tingħata applikazzjoni għandu jfittex l-awtorizzazzjoni mill-awtorità ċentrali tiegħu, li, minn naħa tagħha, għandha tibgħat l-applikazzjoni lill-awtoritajiet ċentrali kompetenti ta' wieħed jew aktar mill-Partijiet Kontraenti (ara parti V, 2, 2.3). Sakemm il-lista finali ta' każijiet ta' konsultazzjoni reċiproka tkun ġiet approvata mill-Kumitat Eżekutiv, għandha tapplika l-lista mehmuża ma' dawn l-Istruzzjonijiet Konsulari Komuni (ara Anness 5B).

2.3.   Proċedura ta' konsultazzjoni fil-qafas tar-rappreżentazzjoni

(a)	Meta applikazzjonijiet tal-viża jingħataw miċ-ċittadini tal-pajjiżi mniżżla f'Anness 5C f'missjoni diplomatika jew ir-rappreżentazzjoni konsulari ta' Stat Schengen li jirrapreżenta Stat Schengen ieħor, l-Istat rappreżentat għandu jkun ikkonsultat.

(b)	It-tagħrif mibdul fir-rigward ta' dawn l-applikazzjonijiet tal-viża għandu jkun l-istess bħal dak li bħalissa huwa mibdul fil-qafas tal-konsultazzjoni skond l-Anness 5B. Madankollu, għandu jkun hemm intestatura obbligatorja fuq il-formola għar-riferenzi għat-territorju ta' l-Istat rappreżentat.

(ċ)	Id-disposizzjonijiet kurrenti ta' l-Istruzzjonijiet Konsulari Komuni dwar il-Viża għandhom japplikaw għall-limiti ta' żmien, l-estensjoni tagħhom u l-formola tar-risposta.

(d)	Il-konsultazzjoni msemmija f'Anness 5B għandha ssir mill-Istat rappreżentat.

3.   Applikazzjonijiet tal-viża li jingħataw minn dawk li mhumiex residenti

Fejn tingħata applikazzjoni lill-Istat li mhuwiex l-Istat ta' residenza ta' l-applikant u hemm dubji dwar l-intenzjonijiet tal-persuna (b'mod partikolari fejn hemm prova li tipponta lejn l-immigrazzjoni illegali), il-viża għandha tinħareġ biss wara konsultazzjoni mal-missjoni diplomatika jew il-post konsulari ta' l-Istat ta' residenza ta' l-applikant u/jew l-awtorità ċentrali tiegħu.

4.   Awtorizzazzjoni sabiex tinħareġ viża uniformi

Il-missjoni diplomatika jew il-postijiet konsulari biss tal-Partijiet Kontraenti għandhom ikollhom id-dritt li joħorġu viża uniformi, għajr fil-każijiet imniżżla f'Anness 6.

III.   WASLA TA' L-APPLIKAZZJONI

1.   Formoli ta' l-applikazzjoni tal-viża – numru ta' formoli ta' l-applikazzjoni

L-istranġieri għandhom ikunu mitlubu ukoll li jimlew il-formola tal-viża uniformi. L-applikazzjonijiet għall-viża uniformi għandhom isiru billi tintuża formola armonizzata li tingħata f'Anness 16.

Ta' l-inqas kopja waħda tal-formola ta' l-applikazzjoni għandha timtela' sabiex tkun tista' tintuża matul il-konsultazzjoni ma' l-awtoritajiet ċentrali. Il-Partijiet Kontraenti jistgħu, sakemm il-proċeduri amministrattivi nazzjonali jitolbu hekk, jitolbu diversi kopji ta' l-applikazzjoni.

2.   Dokumenti li għandhom jingħataw

L-istranġieri għandhom jagħtu dawn id-dokumenti ma' l-applikazzjoni:

(a)	d-dokumenti ta' l-ivvjaġġar validi li miegħu tista' titwaħħal viża (ara Anness 11);

(b)

fejn jixraq, dokumenti li jagħtu appoġġ lill-iskop u l-kondizzjonijiet taż-żjara ppjanata; Jekk it-tagħrif mogħti huwa biżejjed sabiex jgħin lill-missjoni diplomatika jew il-post konsulari li jivverifikaw li l-applikant qiegħed jaġixxi b'rieda tajba, l-istaff responsabbli għall-ħruġ tal-viża jista' jeżenta lill-applikant milli jagħti d-dokumenti li jagħtu appoġġ hawn fuq imsemmija.

3.   Garanziji dwar ir-ritorn u l-mezzi ta' għajxien

L-istranġieri għandhom fl-aħħar ikunu kapaċi li jikkonvinċu lill-missjoni diplomatika jew il-post konsulari li lilu jagħtu l-applikazzjoni tagħhom li huma għandhom mezzi xierqa sabiex jiżguraw is-sussistenza u r-ritorn tagħhom.

4.   Intervista personali ma' l-applikant

Bħala regola ġenerali, l-applikant għandu jissejjaħ sabiex jidher sabiex jispjega verbalment ir-raġunijiet għall-applikazzjoni, speċjalment fejn hemm dubji dwar l-iskop attwali taż-żjara jew l-intenzjoni ta' l-applikant li jerġa lura lejn il-pajjiż tat-tluq.

Din il-ħtieġa tista' tinħafer f'każijiet fejn l-applikant huwa magħruf sewwa jew fejn id-distanza mill-missjoni diplomatika jew il-post konsulari hija kbira wisq, sakemm m'hemmx dubju dwar ir-rieda tajba ta' l-applikant u, fil-każ ta' mawriet ta' grupp, għaqda ta' fama u ta' min jafdaha tkun tista' tiżgura r-rieda tajba ta' dawk il-persuni kkonċernati.

Parti VIII.5 fiha regoli aktar dettaljati dwar l-applikazzjonijiet tal-viża proċessati minn aġenziji amministrattivi privati, aġenziji ta' l-ivvjaġġar u organizzaturi tat-turs u l-bejjiegħa tagħhom.

IV.   BAŻI LEGALI

Viża uniformi tista' tinħareġ biss meta jkunu ntlaħqu l-kondizzjonijiet tad-dħul imniżżla f'Artikoli 15 u 5 tal-Konvenzjoni. Dawn l-artikoli jgħidu hekk:

Artikolu 15

Fil-prinċipju, il-viża msemmija f'Artikolu 10 tista' tinħareġ biss jekk stranġier jissodisfa l-kondizzjonijiet tad-dħul imniżżla f'Artikolu 5(1) (a), (c), (d) u (e).

Artikolu 5

1.

Għall-waqfiet li ma jaqbżux it-tliet xhur, l-istranġieri li jissodisfaw il-kondizzjonijiet li ġejjin jistgħu jingħataw dħul fit-territorji tal-Partijiet Kontraenti: (a) illi l-istranġieri għandhom dokument jew dokumenti validi, kif imfissra mill-Kumitat Eżekuttiv, li jawtorizzawhom li jaqsmu l-fruntieri; (b) illi l-istranġieri għandhom viża valida jekk tkun meħtieġa; (ċ) illi l-istranġieri jagħtu, jekk ikun meħtieġ, id-dokumenti li jiġġustifikaw l-iskop u l-kondizzjonijiet tal-waqfa ntiża u għar-ritorn lejn il-pajjiż ta' l-oriġini jew ta' passaġġ għal Stat Terz fejn huma ċerti li ser jiddaħħlu, jew huma f'posizzjoni li jiksbu dawn il-mezzi b'mod legali; (d) illi l-istranġieri mhumiex persuni li għalihom inħareġ allarm għall-iskopijiet li ma jitħallewx jidħlu; (e) illi l-istranġieri ma għandhomx jitqiesu bħala theddida għall-politika pubblika, is-sigurtà nazzjonali jew ir-relazzjonijiet internazzjonali ta' kwalunkwe Partijiet Kontraenti.

2.

Stranġier li ma jissodisfax il-kondizzjonijiet ta' hawn fuq kollha ma għandux jitħalla jidħol fit-territorju tal-Partijiet Kontraenti għajr jekk Parti Kontraenti tqis neċessarju li tidderoga minn dak il-prinċipju għar-raġunijiet umanitarji, fuq raġunijiet ta' interess nazzjonali jew minħabba obbligi internazzjonali. F'każijiet bħal dawn l-awtorizzazzjoni għad-dħul għandha tkun ristretta għat-territorju tal-Parti Kontraenti kkonċernat, li għandha tavża l-Partijiet Kontraenti l-oħra kif jixraq. Dawn ir-regoli ma għandhomx jipprekludu l-applikazzjoni ta' disposizzjonijiet speċjali dwar id-dritt tal-kenn politiku jew tad-disposizzjonijiet imniżżla f'Artikolu 18.

Viża b'validità territorjali limitata tista' tinħareġ bla ħsara għall-kondizzjonijiet imniżżla f'Artikoli 11(2), 14(1) u 16 flimkien ma' Artikolu 5(2) (ara V.3).

Artikolu 11(2)

2.	Paragrafu 1 ma għandux jipprekludi Parti Kontraenti milli joħroġ viża ġdida, bil-validità limitata għat-territorju tiegħu stess, f'dak in-nofs tas-sena jekk ikun meħtieġ.

Artikolu 14(1)

1.

L-ebda viża ma għandha titwaħħal ma' dokument ta' l-ivvjaġġar jekk dak id-dokument ta' l-ivvjaġġar mhux validu għal kwalunkwe Partijiet Kontraenti. Jekk dokument ta' l-ivvjaġġar huwa validu biss għal wieħed mill-Parti Kontraenti jew għal numru ta' Partijiet Kontraenti, il-viża li għandha titwaħħal għandha tkun limitata għal dan il-Parti, jew dawn il-Partijiet, Kontraenti.

Artikolu 16

Jekk Parti Kontraenti jqis il-bżonn li jidderoga fuq wieħed mir-raġunijiet imniżżla f'Artikolu 5(2) mill-prinċipju imniżżel f'Artikolu 15, billi joħrġ viża lil stranġier li ma jissodisfax il-kondizzjonijiet tad-dħul kollha msemmija f'Artikolu 5(1), il-validità ta' din il-viża għandha tkun ristretta għat-territorju ta' dak il-Parti Kontraenti, li għandu javża l-Partijiet Kontraenti kif jixraq.

V.   EŻAMINAZZJONI TA' L-APPLIKAZZJONIJIET U D-DEĊIŻJONIJIET MEĦUDA

Il-missjoni diplomatika jew il-post konsulari għandu l-ewwel jikkontrolla d-dokumenti mogħtija (1) u imbagħad jibbaża d-deċiżjoni tiegħu dwar l-applikazzjoni tal-viża fuq dawn id-dokumenti (2):

Kriterji bażiċi għall-eżaminazzjoni ta' applikazzjonijiet

Il-kwistjonijiet prinċipali li wieħed għandu jżomm f'moħħu fl-eżaminazzjoni ta' l-applikazzjonijiet tal-viża huma: is-sigurtà tal-Partijiet Kontraenti u l-ġlieda kontra l-immigrazzjoni illegali, kif ukoll l-aspetti l-oħra li jirrigwardaw ir-relazzjonijiet internazzjonali. Jiddependi fuq il-pajjiż ikkonċernat, wieħed minn dawn l-aspetti jista' jieħu preċedenza fuq l-ieħor, iżda fl-ebda ħin ma għandhom jitwarrbu.

Fir-rigward tas-sigurtà, huwa ta' min li jsir kontroll li l-kontrolli neċessarji jkunu twettqu: tfittxija tal-fajl tar-rifjut tad-dħul (allarmi għall-iskop li jirrifjutaw id-dħul) fis-Sistema ta' l-Informazzjoni ta' Schengen u konsultazzjoni ma' l-awtoritajiet ċentrali tal-pajjiżi soġġetti għal din il-proċedura.

Il-missjoni diplomatika jew il-post konsulari għandhom jieħdu r-responsabbilita sħiħa fl-istima jekk hemmx riskju ta' immigrazzjoni. L-iskop ta' l-eżaminazzjoni ta' l-applikazzjoni huwa li jinstabu dawk l-applikanti li qedgħin ifittxu li jemigraw lejn l-Istati Membri u li jistabilixxu rwieħhom hemm, u jużaw raġunijiet bħat-turiżmu, in-negozju, l-istudju, ix-xogħol jew iż-żjarat lill-familja bħala skuża. Għaldaqstant, huwa neċessarju li jkunu attenti b'mod partikolari meta jittrattaw mal-“kategoriji ta' riskju”, persuni bla xogħol, dawk li ma għandhomx dħul regolari, eċċ. Għall-istess għan, tingħata importanza fundamentali lill-intervista li ssir ma' l-applikant sabiex jiġi stabbilit l-iskop tal-vjaġġ. Tista' tintalab ukoll dokumentazzjoni li ssaħħaħ oħra, miftehma permezz tal-kooperazzjoni konsulari lokali jekk ikun possibbli. Il-missjoni diplomatika jew il-post konsulari għandhom ikomplu ukoll fuq il-kooperazzjoni konsulari lokali sabiex itejjbu l-kapaċità tagħhom li jsibu dokumenti foloz jew falsifikati mogħtija f'appoġġ ta' ċerti applikazzjonijiet tal-viża. Jekk hemm kwalunkwe dubju dwar l-awtentiċità tal-karti u d-dokumenti li jsaħħu mogħtija, inkluż dubju dwar il-veraċità tal-kontenuti tagħhom, jew dwar il-kredibilità ta' dikjarazzjonijiet miġbura matul l-intervista, il-missjoni diplomatika jew il-post konsulari għandhom iżommu lura milli joħorġu l-viża.

Minn naħa l-oħra, il-kontrolli għandhom jitnaqqsu fejn l-applikant huwa magħruf bħala persuna ta' fama tajba, liema tagħrif ikun mibdul permezz tal-kooperazzjoni konsolari.

1.   Eżaminazzjoni ta' l-applikazzjonijiet tal-viża

1.1.   Verifika ta' l-applikazzjoni tal-viża

—	it-tul taż-żmien taż-żjara mitluba għandha tikkorrispondi ma' l-iskop taż-żjara

—	ir-risposti għall-mistoqsijiet fuq il-formola għandhom ikunu sħaħ u konsistenti. Il-formola għandha tinkludi ritratt ta' l-identità ta' l-applikant tal-viża u għandha turi, sakemm ikun possibbli, id-destinazzjoni prinċipali fejn huwa qiegħed jivvjaġġa.

1.2.   Verifika ta' l-identità ta' l-applikant u verifika jekk inħariġx allarm dwar l-applikant fis-Sistema ta' l-Informazzjoni ta' (SIS) għall-iskop ta' rifjut tad-dħul jew verifika jekk l-applikant huwiex ta' theddid ieħor (għas-sigurtà) li jista' jikkostitwixxi raġunijiet għar-rifjut tal-ħruġ tal-viża u jekk, mill-punt ta' l-immigrazzjoni, l-applikant huwiex ta' riskju għaliex fi żjara ta' qabel huwa/hija damu iktar mit-tul taż-żmien tal-waqfa awtorizzata.

1.3.   Verifika tad-dokument ta' l-ivvjaġġar:

—	Verifika jekk id-dokument huwiex f'postu jew le: għandu jkun mimli u ma jistax ikun emendat jew iffalsifikat;

—	Verifika tal-validità territorjali tad-dokument ta' l-ivvjaġġar: għandu jkun validu għad-dħul fit-territorju tal-Partijiet Kontraenti;

—	Verifika tal-perjodu ta' validità tad-dokument ta' l-ivvjaġġar: il-perjodu ta' validità tad-dokument ta' l-ivvjaġġar għandha taqbeż dik tal-viża bi tliet xhur (Artikolu 13(2) tal-Konvenzjoni);

—

Madankollu, għal raġunijiet umanitarji urġenti, għar-raġunijiet ta' interess nazzjonali jew minħabba obbligi internazzjonali, il-viżi jistgħu, f'każijiet eċċezzjonali, jitwaħħlu ma' dokumenti ta' l-ivvjaġġar bil-perjodu ta' validità anqas minn dik speċifikata fil-paragrafu ta' qabel (tliet xhur), sakemm illi l-perjodu ta' validità jaqbeż dak tal-viża u ma jkunx hemm kompromess tal-garanzija tar-ritorn;

—	Verifika tat-tul taż-żmien tal-waqfiet ta' qabel fit-territorju tal-Partijiet Kontraenti.

1.4.   Verifika ta' dokumenti oħra li jiddependu fuq l-applikazzjoni:

In-numru u t-tip tad-dokumenti li jappoġġjaw mitluba jiddependu fuq ir-riskju possibbli ta' l-immigrazzjoni illegali u s-sitwazzjoni lokali (per eżempju, kemm jistgħu jinqalbu l-flus) u jista' jvarja minn pajjiż għall-ieħor. Fir-rigward ta' l-istima tad-dokumenti li jsaħħu, il-missjonijiet diplomatiċi jew il-postijiet konsulari tal-Partijiet Kontraenti jistgħu jiftehmu dwar arranġamenti prattiċi adattati sabiex ikunu adattati għaċ-ċirkustanzi lokali.

Id-dokumenti li jsaħħu għandhom ikopru l-iskop tal-vjaġġ, il-mezzi tat-trasport u r-ritorn, il-mezzi ta' l-għajxien u l-akkomodazzjoni:

—	id-dokumenti ta' appoġġ dwar l-iskop tal-vjaġġ ifissru, per eżempju: — ittra ta' stedina, — taħrika, — vjaġġ organizzat.

—	id-dokumenti ta' appoġġ dwar il-mezzi tat-trasport u r-ritorn għandhom ifissru, per eżempju: — biljett tat-ritorn, — flus għall-petrol u l-assigurazzjoni tal-karozza.

—

dokumenti ta' appoġġ rigward il-mezzi ta' l-għajxien: “Dawn li ġejjin jistgħu jiġu aċċettati bħala prova ta' mezzi ta' sussistenza: flus f'munita li tinqaleb, ċekkijiet tal-vjaġġattur, kotba taċ-ċekkijiet għall-kont kurrenti barrani, karti tal-kreditu jew kwalunkwe mezzi oħra li jiggarantixxu fondi fi flus. Il-livell tal-mezzi ta' l-għajxien għandu jkun proporzjonali għat-tul u l-iskop tal-waqfa, u għall-ispejjeż tal-ħajja fi Stat jew Stati Schengen li ser issirilhom żjara. Għal din il-fini, l-ammonti ta' riferenza għall-qsim tal-fruntieri għandhom jiġu stabbiliti kull sena mill-awtoritajiet nazzjonali tal-Partijiet Kontraenti (ara Anness 7) (6). Minbarra dan, f'appoġġ għall-applikazzjoni għall-viża ta' żmien qasir jew ta' l-ivvjaġġar, l-applikanti għandhom juru li għandhom assigurazzjoni ta' l-ivvjaġġar adegwata u valida individwali jew ta' grupp sabiex tkopri kwalunkwe spejjeż li jistgħu jqumu f'rabta mar-ripatriazzjoni għar-raġunijiet mediċi, attenzjoni medika urġenti u/jew trattament fi sptar ta' emerġenza. L-applikanti għandhom fi prinċipju jagħmlu sottoskrizzjoni ta' l-assigurazzjoni fl-Istat tar-residenza. Fejn dan mhuwiex possibbli, huma għandhom ifittxu li jiksbu assigurazzjoni fi kwalunkwe pajjiż ieħor. Jekk il-pajjiż li jilqa' jagħmel assigurazzjoni għall-applikant, dan għandu jagħmel dan fil-post tiegħu tar-residenza. L-assigurazzjoni għandha tkun valida madwar it-territorju ta' l-Istat Membru li japplika b'mod sħiħ id-disposizzjonijiet ta' l-aquis ta' Schengen u tkopri l-perjodu sħiħ tal-waqfa tal-persuna. Il-kopertura minima għandha tkun ta' EUR 30 000. Fil-prinċipju, il-prova ta' din l-assigurazzjoni għandha tingħata meta tinħareġ il-viża. Il-missjoni diplomatika jew il-post konsulari li jeżaminaw l-applikazzjoni tal-viża jistgħu jiddeċiedu li din il-ħtieġa ġiet sodisfatta fejn jiġi stabbilit li jista' jkun hemm supossizzjoni ta' livell adegwat ta' assigurazzjoni fid-dawl tas-sitwazzjoni professjonali ta' l-applikant. Il-missjonijiet diplomatiċi jew postijiet konsulari jistgħu, fuq bażi każ b'każ, jiddeċiedu li jagħmlu eċċezzjoni minn din il-ħtieġa għad-detenturi ta' passaporti diplomatiċi, ta' xogħol uffiċjali u passaporti uffiċjali oħra, jew fejn dan jipproteġi l-interessi nazzjonali fil-qasam tal-politika barranija, il-politika ta' l-iżvilupp jew oqsma oħra ta' interess pubbliku vitali. Eċċezzjonijiet minn din il-ħtieġa li jipproduċu prova ta' l-assigurazzjoni ta' l-ivvjaġġar tista' ssir ukoll meta, fil-qafas tal-kooperazzjoni konsulari, jiġi stabbilit li huwa impossibbli għaċ-ċittadini ta' ċerti Stati terzi li jiksbu din l-assigurazzjoni. Meta jagħmlu stima ta' jekk l-assigurazzjoni hijiex adegwata, l-Istati Membri jistgħu jivverifikaw jekk it-talbiet mill-kumpanija ta l-assigurazzjoni jistgħux jiġu rkuprati fi Stat Membru, l-Isvizzera jew il-Liechtenstein.

—

dokumenti ta' appoġġ rigward l-akkomodazzjoni: Dawn id-dokumenti li ġejjin jistgħu inter alia jkunu aċċettati bħala prova ta' l-akkomodazzjoni: (a) ibbukkjar gewwa lukanda jew ibbukkjar fi stabbiliment simili. (b) dokumenti li jippruvaw l-eżistenza ta' kirja jew dokument ta' titolu, fl-isem ta' l-applikant, għall-proprjetà li tkun tinsab fil-pajjiż fejn ser issir iż-żjara. (ċ) Fejn stranġier jgħid illi huwa/hija għandhom joqogħdu fid-dar ta' persuna jew f'istituzzjoni, il-missjonijiet diplomatiċi u l-postijiet konsulari għandhom jivverifikaw jekk l-istranġier huwiex fil-fatt sejjer jgħix hemmhekk: — jew billi jikkontrollaw ma' l-awtoritajiet nazzjonali, fejn dawn il-kontrolli huma neċessarji; — jew billi jitolbu li jkun preżentat ċertifikat li jiggarantixxi l-impenn li jakkomodaw, fil-forma ta' formola armonizzata mimlija minn dak li jilqa'/l-istituzzjoni u ttimbrata mill-awtorità kompetenti tal-Parti Kontraenti, skond id-disposizzjonijiet imniżżla fil-liġi nazzjonali. Il-mudell tal-forma jista' jkun adottat mill-Kumitat Eżekuttiv. — jew billi jitolbu li ċertifikat jew dokument uffiċjali jew pubbliku jkun preżentat li jiggarantixxi l-impenn li jakkomoda, ifformolat u verifikat skond il-liġi nterna tal-Parti Kontraenti kkonċernat. Il-preżentazzjoni tad-dokumenti li tirrigwarda l-impenn li takkomoda msemmija fiż-żewġ paragrafi ta' qabel mhijiex kondizzjoni ġdida għall-ħruġ tal-viżi. Dawn id-dokumenti għandhom skop prattiku, intiżi sabiex jikkonfermaw d-disponibbilità ta' l-akkomodazzjoni u, fejn jixraq, il-mezzi ta' l-għajxien. Jekk Parti Kontraenti tuża dan it-tip ta' dokument, għandha dejjem tispeċifika l-identità tal-pajjiż li jilqa' u tal-mistieden jew mistiednin, l-indirizz ta' l-akkomodazzjoni, it-tul u l-iskop taż-żjara, ir-rabtiet familjari, u turi jekk dak li jilqa' jgħix b'mod legali fil-pajjiż. Wara li toħroġ il-viża, il-missjoni diplomatika jew il-post konsulari għandhom jagħmlu t-timbru tagħhom u jiktbu n-numru tal-viża fuq id-dokument sabiex jevitaw milli dan jerġa jintuża. Dawn il-kontrolli huma ntiżi sabiex jevitaw kwalunkwe stedin ta' konvenjenza, stedin qarrieqi jew stedin minn stranġiera illegali jew stranġiera bi stat mhux sikur. L-applikanti jistgħu jkunu eżentati mill-ħtieġa li jagħtu dokumenti li jsaħħu fir-rigward ta' l-applikazzjoni qabel ma japplikaw għall-viża uniformi jekk huma kapaċi jippruvaw li għandhom mezzi finanzjarji biżejjed sabiex ikopru l-meżżi ta' l-għajxien u l-ispejjeż ta' l-akkomodazzjoni tagħhom fi Stat jew Stati ta' Schengen li huma għandhom l-intenzjoni li jżuru

—

Dokumenti oħra li jistgħu jintalbu — prova tal-post tar-residenza u prova tar-rabtiet fil-pajjiż tar-residenza, — awtorizzazzjoni tal-ġenituri fil-każ ta' minuri, — prova ta' l-istat soċjali u professjonali ta' l-applikant. Fejn il-liġijiet nazzjonali ta' l-Istati Schengen jitolbu prova ta' stedin minn individwi privati jew għall-vjaġġi tan-negozju, id-dikjarazzjonijiet ta' garanzija jew prova ta' akkomodazzjoni, għandha tintuża formola armonizzata.

1.5.   Stima tar-rieda tajba ta' l-applikant

Sabiex jagħmlu stima tar-rieda tajba ta' l-applikant, il-missjoni jew il-post għandhom jikkontrollaw jekk l-applikant huwiex magħruf bħala persuna ta' rieda tajba fil-qafas tal-kooperazzjoni konsulari lokali.

Minbarra dan, huma għandhom jikkonsultaw it-tagħrif mibdul kif imsemmi f'Kapitolu VIII, 3, ta' dawn l-Istruzzjonijiet.

2.   Proċedura tat-teħid ta' deċiżjonijiet għall-applikazzjonijiet tal-viża

2.1.   Għażla tat-tip ta' viża u numru ta' daħliet

Viża uniformi skond l-Artikolu 11 tista' tkun:

—	viża ta' l-ivvjaġġar valida għal daħla waħda jew aktar, sakemm la t-tul ta' waqfa kontinwa u lanqas it-tul totali ta' waqfiet suċċessivi ma jaqbeż it-tliet xhur fi kwalunkwe nofs ta' sena, mid-data ta' l-ewwel dħul;

—

viża valida għal sena, li tagħti d-dritt għall-waqfa ta' tliet xhur matul kwalunkwe nofs ta' sena u diversi dħul; din il-viża tista' tinħareġ lill-persuni li jagħtu l-garanziji neċessarji u l-persuni li fihom il-Partijiet Kontraenti urew interess partikolari. F'każijiet eċċezzjonali, viża valida għal aktar minn sena, iżda mhux għal aktar minn ħames snin, tista' tinħareġ għal ċerti kategoriji ta' nies għal diversi dħul;

—

viża ta' passaġġ minn post għall-ieħor li tawtorizza lid-detentur tagħha li jgħaddi mit-territorji tal-Partijiet Kontraenti darba, darbtejn jew b'mod eċċezzjonali diversi drabi en route għat-territorju ta' Stat Terz, sakemm illi l-ebda passaġġ ma jaqbeż il-ħames t'ijiem u sakemm illi d-dħul ta' stranġier fit-territorju ta' l-Istat Terz tad-destinazzjoni tkun garantita u illi r-rotta meħuda normalment titlob passaġġ mit-territorji tal-Partijiet Kontraenti.

2.2.   Ir-responsabbilità amministrattiva ta' l-awtorità li tintervjeni

Ir-rappreżentant diplomatiku jew il-kap tat-taqsima konsulari għandhom jassumu, skond is-setgħat nazzjonali tagħhom, ir-responabbilità sħiħa għall-arranġamenti prattiċi għall-ħruġ tal-viżi mill-missjonijiet jew postijiet tagħhom u għandhom jikkonsultaw ma' xulxin.

Il-missjoni diplomatika jew il-post konsulari għandhom jagħmlu d-deċiżjoni tagħhom fuq il-bażi tat-tagħrif kollu disponibbli lilhom u jżommu f'moħħhom is-sitwazzjoni speċifika ta' kull applikant.

2.3.   Proċedura li għandha tiġi segwita f'każijiet ta' konsultazzjoni minn qabel ma' l-awtoritajiet ċentrali tal-Partijiet Kontraenti l-oħra

Il-Partijiet Kontraenti deċiedew li jwaqqfu sistema għall-iskop sabiex iwettqu konsultazzjoni ma' l-awtoritajiet ċentrali. Fil-każ illi s-sistema teknika għall-konsultazzjoni tfalli, jistgħu jkunu applikati l-miżuri li ġejjin b'mod temporanju fuq bażi każ każ:

—	Limitazzjoni tan-numru ta' każijiet tal-konsultazzjoni ta' dawk fejn il-konsultazzjoni titqies essenzjali

—	Użu tan-netwerk lokali ta' l-ambaxxati u l-konsulati tal-Partijiet Kontraenti kkonċernati sabiex jgħaddu l-konsultazzjoni

—	L-użu tan-netwerk ta' l-ambaxxati tal-Partijiet Kontraenti li jkunu jinsabu (a) fil-pajjiż li jwettaq il-konsultazzjoni, (b) fil-pajjiż li għandu jkun ikkonsultat

—	L-użu tal-mezzi konvenzjonali tal-komunikazzjoni bejn il-punti ta' kuntatt: fax, telefon, eċċ.

—	L-użu ta' aktar attenzjoni fl-interess komuni.

F'każijiet fejn l-applikanti jaqgħu taħt il-kategoriji mniżżla f'Anness 5 B li huma suġġetti għall-konsultazzjoni ta' l-awtorità ċentrali – il-Ministeru ta' l-Affarijiet Barranin jew għaqda oħra – (Artikolu 17(2) tal-Konvenzjoni), il-viżi uniformi u l-viżi ta' waqfiet fit-tul validi b'mod konkurrenti bħall-viżi ta' waqfiet qosra għandhom jinħarġu skond il-proċedura mniżżla hawn taħt.

Il-missjoni diplomatika jew il-post konsulari li lilhom tingħata applikazzjoni minn persuna minn waħda minn dawn il-kategoriji għandha fl-ewwel istanza tikkontrolla, billi tagħmel tfittxija fis-Sistema ta' l-Informazzjoni ta' Schengen, jekk inħariġx allarm fuq l-applikant bl-iskop li ma jiddħalhiex jidħol.

Imbagħad għandha ssegwi l-proċedura mniżżla hawn taħt:

(a)	Proċedura Il-proċedura taħt (b) ma għandhiex tapplika meta l-applikant tal-viża huwa suġġett għall-allarm fis-Sistema ta' l-Informazzjoni ta' Schengen sabiex ma jingħatax permess li jidħol.

(b)

Trasmissjoni ta' l-applikazzjonijiet lill-awtorità ċentrali nazzjonali Il-missjoni diplomatika jew il-post konsulari li lilhom tingħata applikazzjoni minn persuna minn waħda mill-kategoriji suġġetti għall-konsultazzjoni għandhom jibagħtu din l-applikazzjoni immedjatament lill-awtorità ċentrali fil-pajjiż tagħha stess. — Jekk l-awtorità ċentrali tiddeċiedi li tirrifjuta applikazzjoni li għaliha l-Parti Kontraenti li ssirlu l-applikazzjoni huwa responsabbli, ma hemmx il-bżonn li jibdew jew ikomplu l-proċedura tal-konsultazzjoni ma' l-awtoritajiet ċentrali tal-Partijiet Kontraenti li staqsew li jiġu kkonsultati. — Fil-każ ta' applikazzjonijiet eżaminati mir-rappreżentant ta' l-Istat responsabbli, l-awtorità ċentrali tal-Parti Kontraenti li lilu ngħatat l-applikazzjoni għandha tibgħatha lill-awtorità ċentrali ta' l-Istat responsabbli. Jekk l-awtorità ċentrali ta' l-Istat rappreżentat – jew l-awtorità ċentrali ta' l-Istat li jirrappreżenta, fejn ikun provdut hekk fil-ftehim tar-rappreżentazzjoni – tiddeċiedi li twarrab l-applikazzjoni tal-viża, ma għandux ikun hemm il-bżonn li tinbeda jew titkompla l-proċedura ta' konsultazzjoni ma' l-awtoritajiet ċentrali tal-Partijiet Kontraenti li staqsew li jkunu konsultati.

(ċ)

Tagħrif li jintbagħat lill-awtorità ċentrali Bħala parti mill-konsultazzjoni ma' l-awtoritajiet ċentrali, il-missjonijiet diplomatiċi jew postijiet konsulari li lilhom ingħatat applikazzjoni għandhom jibagħtu t-tagħrif li ġej lill-awtorità ċentrali tagħhom: 1. Missjoni diplomatika jew post konsulari li lilu ngħatat l-applikazzjoni. 2. Il-kunjom u l-ewwel ismijiet, id-data u l-post tat-twelid u, jekk ikunu magħrufa, l-ismijiet tal-ġenituri ta' l-applikant. 3. Iċ-ċittadinanza ta' l-applikant(i) u, jekk ikunu magħrufa, kwalunkwe ċittadinanza ta' qabel. 4. It-tip u n-numru ta' dokument(i) ta' l-ivvjaġġar li ngħataw, id-data tal-ħruġ tagħhom u d-data meta jiskadu. 5. It-tul u l-iskop tal-waqfa ntiża. 6. Dati ppjanati ta' l-ivvjaġġar. 7. Residenza, professjoni, min jimpjega l-applikant tal-viża. 8. Ir-riferenzi mill-Istati Membri, b'mod partikolari, kwalunkwe applikazzjonijiet ta' qabel jew żjarat lill-Istati Firmatarji. 9. Il-fruntiera li l-applikant fi ħsiebu li jaqsam sabiex jidħol f'territorju Schengen. 10. Kwalunkwe ismijiet oħra (kunjom xebba, jew fejn jixraq, kunjom taż-żwieġ, sabiex titlesta l-identifikazzjoni skond il-ħtiġiet skond il-liġi nazzjonali tal-Partijiet Kontraenti u l-liġi nazzjonali ta' l-Istat li tagħha l-applikant huwa ċittadin). 11. Kwalunkwe tagħrif ieħor li jitqies neċessarju mill-missjonijiet diplomatiċi jew postijiet konsulari, dwar, per eżempju, is-sieħeb jew it-tfal minuri li jakkumpanjaw il-persuna kkonċernata, kwalunkwe viża li nħarġet qabel lill-applikant u l-applikazzjonijiet tal-viża għall-istess destinazzjoni. Dan it-tagħrif għandu jittieħed mill-formola ta' l-applikazzjoni tal-viża, fl-ordni li dan jidher fuq il-formola hawn fuq imsemmija. L-intestaturi ta' hawn fuq għandhom jiffurmaw il-bażi għat-tagħrif li għandu jintbagħat fil-qafas tal-konsultazzjoni bejn l-awtoritajiet ċentrali. Il-Parti Kontraenti li qedgħa twettaq il-konsultazzjoni għandha bħala regola tkun responsabbli għall-arranġament tat-trasmissjoni, fuq il-ftehim li d-data u l-ħin tat-trasmissjoni u l-wasla tagħha mill-awtoritajiet ċentrali li jirċievu jkunu mmarkati b'mod ċar.

(d)

Trasmissjoni ta' l-applikazzjonijiet bejn l-awtoritajiet ċentrali L-awtorità ċentrali tal-Parti Kontraenti li l-missjoni jew il-post tagħha rċevew applikazzjoni għandhom jikkonsultaw, wara, l-awtorità jew l-awtoritajiet ċentrali tal-Parti jew Partijiet Kontraenti li staqsew li jiġu kkonsultati. Għal dan il-għan, l-awtoritajiet nominati mill-Partijiet Kontraenti għandhom jitqiesu l-awtoritajiet ċentrali. Wara li jwettqu l-kontrolli rilevanti, dawn l-awtoritajiet għandhom jibagħtu l-istima tagħhom ta' l-applikazzjoni tal-viża lill-awtorità ċentrali li kkonsultathom.

(e)

Limitu taż-żmien għar-risposti: Estensjoni L-awtoritajiet ċentrali konsultati għandhom limitu ta' żmien massimu ta' 7 t'ijiem tal-kalendarju sabiex jibagħtu risposta lill-awtorità ċentrali li staqsiet għall-konsultazzjoni. Il-limitu ta' żmien tal-bidu jibda' fid-data meta l-applikazzjoni tintbagħat mill-awtorità ċentrali li għandha tagħmel il-konsultazzjoni. Jekk matul 7 t'ijiem waħda mill-awtoritajiet ċentrali kkonsultati tistaqsi li l-limitu taż-żmien jiġi estiż, dan jista' jiżdied b'7 t'ijiem. F'każijiet eċċezzjonali, l-awtorità ċentrali kkonsultata tista' tagħti talba ġustifikata għall-estensjoni ta' aktar minn 7 t'ijiem, u tagħti r-raġunijiet. L-awtoritajiet konsultati għandhom jiżguraw li f'każijiet urġenti, ir-risposta tintbagħat mill-aktar fis possibbli. Fejn ma jkun hemm l-ebda risposta sa' l-aħħar tal-limitu taż-żmien tal-bidu jew, fejn jixraq, sa' l-aħħar tal-limitu taż-żmien estiż, in-nuqqas ta' risposta għandha tkun ekwivalenti għall-awtorizzazzjoni u għandha tfisser illi hemm, sakemm il-Parti jew Partijiet Kontraenti kkonsultati huma kkonċernati, l-ebda raġunijiet għall-oġġezzjoni għall-ħruġ tal-viża.

(f)

Deċiżjoni bbażata fuq ir-riżultat tal-konsultazzjoni Meta l-limitu taż-żmien tal-bidu jew estiż ikun skada, l-awtorità ċentrali tal-Parti Kontraenti li lilha tkun ingħatat applikazzjoni tista' tawtorizza l-missjoni diplomatika jew il-post konsulari li joħroġ il-viża uniformi. Fejn ma hemmx deċiżjoni ċara minn-naħa ta' l-awtorità ċentrali, il-missjoni diplomatika jew il-post konsulari li lilhom ingħatat l-applikazzjoni jistgħu joħorġu l-viża wara li jkun għadda perjodu ta' 14-il ġurnata miż-żmien meta l-applikazzjoni ntbagħtet mill-awtorità ċentrali li tkun għamlet il-konsultazzjoni. Hija r-responsabbilità ta' kull awtorità ċentrali li tavża l-missjonijiet tagħha u l-postijiet tagħha fil-bidu ta' kull perjodu ta' konsultazzjoni. F'każijiet fejn l-awtorità ċentrali tirċievi talba għall-estensjoni eċċezzjonali għall-limitu ta' żmien, hija għandha tavża l-missjoni jew il-post li lilhom ingħatat l-applikazzjoni kif jixraq: hija ma għandhiex tiddeċiedi dwar l-applikazzjoni qabel ma tirċievi struzzjonijiet ċari mill-awtorità ċentrali tagħha.

(g)

Trasmissjoni ta' dokumenti speċifiċi F'każijiet eċċezzjonali, l-ambazzata fejn tkun ingħatat l-applikazzjoni tal-viża tista', fuq talba tal-missjoni konsulari ta' l-Istat konsultat, tibgħat il-formola ta' l-applikazzjoni tal-viża (bi spazju għar-ritratt) skond l-Artikolu 17 tal-Konvenzjoni Schengen. Din il-proċedura għandha tapplika biss f'ibliet fejn hemm missjonijiet diplomatiċi jew postijiet konsulari kemm ta' l-Istat li jikkonsulta u l-Istat konsultat u biss fir-rigward tan-nazzjonalitajiet imniżżla f'Anness 5B. Ir-risposta jew it-talba sabiex jiġi estiż il-limitu taż-żmien għall-konsultazzjoni ma jistgħux taħt l-ebda ċirkustanza jintbagħtu fil-lokal, għajr fil-każijiet ta' konsultazzjoni fuq livell lokali skond id-disposizzjonijiet kurrenti ta' Anness 5B ta' l-Istruzzjonijiet Konsulari Komuni dwar il-Viża. Fil-prinċipju, in-netwerk tal-konsultazzjoni għandu jintuża għall-iskambju bejn l-awtoritajiet ċentrali.

2.4.   Rifjut li tkun eżaminata applikazzjoni, li tinħareġ viża

Il-proċedura u l-mezzi possibbli ta' appell f'każijiet fejn il-missjoni diplomatika jew il-post konsulari tal-Parti Kontraenti jirrifjutaw li jeżaminaw applikazzjoni jew li joħorġu viża huma rregolati mill-liġi ta' dak il-Parti Kontraenti.

Jekk viża tkun rifjutata u l-liġi nazzjonali toffri raġunijiet li jingħata dan ir-rifjut, dan għandu jsir fuq il-bażi tat-test li ġej:

Jekk ikun hemm bżonn, ir-raġunijiet ta' hawn fuq għandu jkollhom magħhom aktar tagħrif dettaljat jew ikollhom tagħrif ieħor skond il-ħtiġiet f'dan il-qasam imniżżla mill-liġi nazzjonali ta' l-Istati Schengen.

Fejn missjoni diplomatika jew konsulari li qedgħa tirrapreżenta Stat Schengen ieħor hija sfurzata li twaqqaf l-eżaminazzjoni tagħha ta' l-applikazzjoni tal-viża, l-applikant għandu jkun avżat dwar dan u avżat li huwa/hija jistgħu jmorru l-eqreb missjoni diplomatika jew konsulari ta' l-Istat kompetenti sabiex jeżaminaw l-applikazzjoni tiegħu.

3.   Viża b'validità territorjali limitata

Viża b'validità limitata għat-territorju nazzjonali ta' wieħed, jew diversi, mill-Partijiet Kontraenti tista' tinħareġ:

(1)

f'każijiet fejn il-missjoni diplomatika jew il-post konsulari jqisu l-bżonn li jidderogaw mill-prinċipju mniżżel f'Artikolu 15 tal-Konvenzjoni (Artikolu 16) fuq wieħed mir-raġunijiet imniżżla f'Artikolu 5(2) (dwar raġunijiet umanitarji, għar-raġunijiet ta' l-interess nazzjonali jew minħabba l-obbligi internazzjonali);

(2)

f'każijiet imsemmija f'Artikolu 14 tal-Konvenzjoni, li jgħid: ‘1. L-ebda viża ma tista' titwaħħal ma' dokument ta' l-ivvjaġġar jekk dak id-dokument ta' l-ivvjaġġar mhux validu għal kwalunkwe mill-Partijiet Kontraenti. Jekk dokument ta' l-ivvjaġġar huwa validu biss għal wieħed mill-Parti Kontraenti jew għal numru ta' Partijiet Kontraenti, il-viża li għandha titwaħħal għandha tkun limitata għal dan il-Parti, jew dawn il-Partijiet, Kontraenti. 2. Jekk dokument ta' l-ivvjaġġar ma jingħarafx bħala validu minn wieħed, jew aktar, mill-Partijiet Kontraenti, tista' tinħareġ awtorizzazzjoni minflok il-viża.’

(3)	f'każijiet fejn, minħabba l-urġenza, (għal raġunijiet umanitarji, għal raġunijiet ta' interess nazzjonali jew minħabba obbligi internazzjonali), missjoni jew post ma jikkonsultawx l-awtoritajiet ċentrali jew fejn din il-proċedura tagħti lok għall-objezzjonijiet;

(4)

f'każijiet fejn il-missjoni jew il-post joħorġu, minħabba bżonn, viża ġdida għall-waqfa matul l-istess nofs sena lill-applikant li, matul perjodu ta' sitt xhur, diga uża viża b'validità ta' tliet xhur. Il-validità hija limitata għat-territorju ta' wieħed mill-Parti Kontraenti, il-Benelux, jew żewġ Stati tal-Benelux għall-każijiet 1, 3 u 4 hawn fuq, u għat-territorju ta' wieħed jew diversi Partijiet Kontraenti, il-Benelux jew żewġ Stati tal-Benelux għall-każ 2. Il-missjonijiet jew il-postijiet tal-Partijiet Kontraenti l-oħrajn għandhom ikunu avżati dwar il-każijiet fejn tinħareġ din il-viża.

VI.   KIF TIMLA L-ISTIKERS TAL-VIŻA

Annessi 8 u 13 fihom dan li ġej: 8 – spjegazzjoni tal-karatteristiċi tas-sigurtà ta' l-istiker; 13 – eżempji tal-kampjuni ta' l-istikers tal-viża li diġa iMtlew.

1.   Taqsima tad-dħul komuni (Taqsima 8)

1.1.   L-intestatura ‘VALIDA GĦAL’

Din l-intestatura turi t-territorju fejn id-detentur tal-viża għandu d-dritt li jivvjaġġa.

Din l-intestatura għandha timtela f'wieħed mill-erba' metodi li ġejjin biss:

(a)	l-Istati ta' Schengen;

(b)

Stat ta' Schengen jew Stati ta' Schengen tat-territorju fejn il-validità tal-viża hija limitata (f'dan il-każ jintużaw it-taqsiriet li ġejjin: A għall-Awstrija, F għall-Franza, D għall-Ġermanja, E għall-Spanja, GR għall-Greċja, P għall-Portugall, I għall-Italja, L għall-Lussemburgu, NL għall-Olanda, B għall-Belġju);

(ċ)

Benelux;

(d)	Stat ta' Schengen (bit-taqsiriet f'(b)) li ħareġ il-viża ta' waqfa nazzjonali twila + Stati Schengen

—

Meta l–istiker tintuża sabiex tinħareġ viża uniformi skond l-Artikoli 10 u 11 tal-Konvenzjoni, jew sabiex tinħareġ viża bil-validità mhux limitata għat-territorju tal-Parti Kontraenti li ħareġ il-viża, l-intestatura ‘valida għal’ timtela' bil-kliem ‘Stati Schengen’, fil-lingwa tal-Parti Kontraenti li ħareġ il-viża.

—	Meta l-istiker tintuża sabiex tinħareġ viża li tillimita d-dħul, il-waqfa u l-ħruġ għal territorju wieħed, din l-intestatura għandha timtela, fil-lingwa nazzjonali, bl-isem tal-Parti Kontraenti fejn id-dħul, il-waqfa u l-ħruġ taż-żammiem tal-viża huma limitati.

—

Meta l-istiker tintuża sabiex tinħareġ viża nazzjonali valida għall-qawfa twila fl-istess ħin tal-viża uniformi tal-waqfa qasira għall-perjodu massimu ta' tliet xhur mid-data tal-bidu tal-validità tagħha, din l-intestatura għandha timtela ma' l-Istat Membru li ħareġ il-viża tal-waqfa twila nazzjonali, u jkollha warajha ‘Stati Schengen’.

—

Skond l-Artikolu 14 tal-Konvenzjoni, il-validità territorjali limitata tista' tkopri t-territorju tad-diversi Stati Membri; f'dak il-każ, skond il-kodiċi ta' l-Istati Membri li għandhom jiddaħħlu taħt din l-intestatura, l-għażliet li ġejjin huma disponibbli: (a) id-daħla tal-kodiċi għall-Istati Membri kkonċernati; (b) id-daħla tal-kliem ‘Stati Schengen’ fil-lingwa ta' l-Istat Membru li joħroġ, u jkollha warajha l-parentesi permezz tas-sinjal tal-minus u l-kodiċi ta' l-Istati Membri għat-territorji fejn il-viża mhux valida.

—	Il-Validità territorjali limitata ma tistax tapplika għal parti tat-territorju tal-Parti Kontraenti biss.

1.2.   L-intestatura ‘MINN … SA’

Din l-intestatura tindika l-perjodu tal-waqfa taż-żammiem kif awtorizzat mill-viża.

Id-data minn meta ż-żammiem tal-viża jista' jidħol fit-territorju fejn il-viża hija valida huwa miktub kif hawn hawn taħt, wara l-kelma ‘MINN’:

—	id-data tinkiteb bl-użu ta' żewġ numri, l-ewwel ikun iż-żero jekk din id-data hija figura waħda.

—	linja oriżżontali.

—	ix-xahar jinkiteb bl-użu ta' żewġ numri, l-ewwel ikun iż-żero jekk dan ix-xahar huwa figura waħda.

—	linja oriżżontali.

—	is-sena tinkiteb permezz ta' żewġ numri, li jikkorrispondu ma' l-aħħar żewġ numri tas-sena.

—	Per eżempju: 15-04-94 = 15 ta' April 1994.

Id-data ta' l-aħħar jum tal-perjodu tal-waqfa awtorizzata taż-żammiem tal-viża tiddaħħal wara l-kelma ‘GĦAL’. Id-detentur tal-viża għandu jkun ħalla t-territorju li għaliha l-viża hija valida sa' nofs il-lejl ta' din id-data.

Din id-data tinkiteb bl-istess mod bħall-ewwel data hawn fuq.

1.3.   L-intestatura ‘NUMRU TA' DAĦLIET’

Din l-intestatura turi n-numru tad-drabi li ż-żammiem tal-viża jista' jidħol fit-territorju fejn il-viża hija valida; fi kliem ieħor, tirreferi għan-numru ta' perjodi ta' waqfa li jistgħu jinfirxu matul il-perjodu sħiħ ta' validità, ara 1.4.

In-numru ta' daħliet jista' jkun wieħed, tnejn jew aktar. Dan in-numru jinkiteb fuq in-naħa tal-lemin tal-parti stampata minn qabel, u jintużaw ‘01’, ‘02’ jew it-tqassir ‘MULT’, fejn il-viża tawtorizza aktar minn żewġ daħliet.

Għall-viża ta' passaġġ minn post għall-ieħor, jistgħu jkunu awtorizzati daħla waħda jew tnejn (jiddaħħal ‘01’ jew ‘02’). Aktar minn żewġ daħliet (‘MULT’) għandhom ikunu awtorizzati biss f'każijiet eċċezzjonali.

Il-viża għandha tiskadi meta n-numru totali ta' ħruġ li jagħmel id-detentur ikunu ugwali għan-numra ta' dħul awtorizzat, anke jekk id-detentur ma jkunx uża n-numru ta' ġranet awtorizzati mill-viża.

1.4.   L-intestatura ‘TUL TAŻ-ŻMIEN TAŻ-ŻJARA... SA'’

Din l-intestatura tindika n-numru ta' ġranet li matulhom id-detentur jista' joqgħod fit-territorju fejn il-viża hija valida  (7). 1) Din il-waqfa tista' tkun kontinwa jew, skond in-numru ta' jiem awtorizzati, mifruxa fuq diversi perjodi bejn id-dati msemmija taħt 1.2, filwaqt li jibqa' mfakkar in-numru ta' daħliet awtorizzati skond 1.3.

In-numru ta' jiem awtorizzati huwa miktub fl-ispazju vojt bejn ‘IT-TUL TAŻ-ŻJARA’ u ‘JIEM’, fil-forma ta' żewġ numri, l-ewwel ikun iż-żero jekk in-numru ta' ġranet huwa anqas minn 10.

In-numru massimu ta' ġranet jista' jiddaħħal taħt din l-intestatura huwa 90 fi kwalunkwe nofs ta' sena.

1.5.   L-intestatura ‘MAĦRUĠA FIL- ... FI ...’

Din l-intestatura tagħti l-isem tal-belt fejn tkun qiedgħa l-missjoni diplomatika jew post konsulari li qiegħed joħroġ il-viża; fil-lingwa tal-Parti Kontraenti li joħroġ il-viża dan l-isem jiddaħħal bejn ‘FIL’ u ‘FI’. Id-data tal-ħruġ jintwera' wara ‘FI’.

id-data tal-ħruġ tinkiteb bl-istess mod bħad-data msemmija f'1.2.

L-awtorità li ħarġet il-viża tista' tkun identifikata b'riferenza li tidher fuq it-timbru mwaħħal f'taqsima 4.

1.6.   Intestatura ‘NUMRU TAL-PASSAPORT’:

Din l-intestatura turi n-numru tal-passaport li miegħu hija mwaħħla l-istiker tal-viża. Dan in-numru għandu jkollu warajh riferenza għat-tfal u s-sieħeb li jakkumpanjaw id-detentur jekk l-ismijiet tagħhom jiddaħħlu fil-passaport (ittra ‘X’ għat-tfal bin-numru tagħhom qabilhom (per eżempju 3X = tliet itfal) u l-ittra ‘Y’ għas-sieħeb).

Fejn, minħabba li d-dokument ta' l-ivvjaġġar tad-detentur mhux rikonoxxut, jintuża l-format uniformi għall-formoli għall-viża, il-missjoni diplomatika jew il-post konsulari li joħorġu jistgħu jagħżlu li jużaw l-istess formola sabiex jestendu l-validità tal-viża għas-sieħeb taż-żammiem u għall-minorenni li jakkumpanjawh li jiddependu fuq id-detentur tal-formola li jakkumpanjaw lid-detentur jew li joħorġu formoli separati għaż-żammiem, is-sieħeb tiegħu u kull persuna dipendenti fuqu, u jwaħħlu l-viża korrispondenti fuq kull formola separatament.

In-numru tal-passaport huwa n-numru tas-serje li huwa stampat minn qabel jew imtaqqab fuq il-paġni kollha jew kważi kollha tal-passaport.

In-numru li għandu jiddaħħal taħt din l-intestatura, fil-każ ta' viża li għandha titwaħħal mal-formola tal-format uniformi, mhuwiex in-numru tal-passaport iżda l-istess numru tipoġrafiku li jidher fuq il-formola, magħmul minn sitt numri, li jista' jkun akkumpanjat mill-ittra jew ittri assenjati lill-Istat Membru jew grupp ta' Stati Membri li ħarġu l-viża.

1.7.   L-intestatura ‘TIP TA' VIŻA’:

Sabiex jitħaffu l-affarijiet għall-awtoritajiet ta' kontroll, din l-intestatura għandha tispeċifika t-tip ta' viża billi jintużaw l-ittri A, B, C, D u L kif ġej:”;

A	:	Viżi li jippermetu bniedem jgħaddi minn ajruport
B	:	Viżi li jippermettu bniedem jgħaddi minn post għall-ieħor
Ċ	:	Viża ta' waqfa fil-qosor
D	:	Viża nazzjonali ta' waqfa fit-tul
D + C	:	Viżi ta' waqfa fit-tul nazzjonali valida fl-istess ħin ma' viża ta' waqfa qasira

Għall-viża b'validità territorjali limitata u viża tal-grupp, l-ittri A, B jew Ċ għandhom jintużaw kif mitlub.

1.8.   Intestatura “KUNJOM U L-EWWEL ISEM”:

L-ewwel kelma fil-kaxxa tal-“kunjom” li jkollha warajha l-ewwel kelma fil-kaxxa “l-ewwel isem” tal-passaport taż-żammiem tal-viża jew id-dokument ta' l-ivvjaġġar għandhom jinkitbu f'dik l-ordni. Il-missjoni diplomatika jew il-post konsulari għandhom jivverifikaw li l-isem u l-kunjom li jidhru fuq il-passaport jew id-dokument ta' l-ivvjaġar u li għandhom jiddaħħlu taħt din l-intestatura u fit-taqsima li għandha tiġi eżaminata bi skàner huma l-istess bħal dawk li jidhru fl-applikazzjoni tal-viża.

2.   Taqsima tad-dħul nazzjonali (“KUMMENTI”). Taqsima 9

Kuntrarjament għat-taqsima 8 (dħul konġunt u obligatorju), din it-taqsima hija riservata għal kwalunkwe kummenti li jirrigwardaw id-disposizzjonijiet nazzjonali. Għalkemm il-Partijiet Kontraenti huma liberi li jinkludu kwalunkwe kummenti li huma jqisu rilevanti, huma għandhom ikunu obbligati li javżaw lis-sieħba tagħhom dwar l-iskop ta' l-interpretazzjoni (ara Anness 9).

3.   Taqsima għar-ritratt

Ir-rittrat tad-detentur tal-viża, bil-kulur, għandu jkun integrat fl-ispazju riservat għal dak l-iskop kif jidher f'Anness 8. Ir-regoli li ġejjin għandhom ikunu osservati fir-rigward tar-ritratt li għandu jkun integrat fl-istiker tal-viża.

Id-daqs tar-ras mill-geddum sa fuq għandha tkun bejn 70 % u 80 % tad-dimensjoni vertikali tal-wiċċ tar-ritratt.

Il-ħtiġiet minimi tar-riżoluzzjoni għandhom ikunu:

—	300 pixels kull pulzier (ppi), mhux kompressat, sabiex jgħaddi minn skàner,

—	720 tikek kull pulzier (dpi) għall-istampar bil-kulur tar-ritratti.

Fin-nuqqas ta' ritratt, għandu jkun obbligatorju li jiddaħħlu l-kliem “validu mingħajr ritratt” f'din it-taqsima f'żewġ lingwi jew tlieta (il-lingwa ta' l-Istat Membru li joħroġ il-viża, l-Ingliż u l-Franċiż). Fil-prinċipju dawn il-kliem għandhom jiddaħħlu permezz ta' stampatur u, b'mod eċċezzjonali, timbru speċifiku, fejn it-timbru għandu jkopri ukoll parti mit-taqsima rotogravure bin-naħa tax-xellug jew tal-lemin jillimita l-ispazju fejn jiddaħħal ir-ritratt.

4.   Taqsima li għandha tiġi eżaminata bi skàner bmod elettroniku Taqsima 5

Kemm il-format ta' l-istiker tal-viża u dik tat-taqsima li tgħaddi minn scàner b'mod elettroniku kienu adottati mill-ICAO fuq il-bażi ta' proposta li saret mill-Istati Schengen. Din it-taqsima fiha żewġ lini ta' 36 karattru (OCR B-10 cpi). Anness 10 jispjega kif din it-taqsima għandha timtela.

5.   Aspetti oħra li għandhom x'jaqsmu mal-ħruġ ta' viża

5.1.   L-iffirmar tal-viża:

Fil-każijiet fejn il-liġi jew il-prattika ta' Parti Kontraenti jitolbu firma bl-idejn, l-istiker imwaħħla mal-paġna tal-passaport għandha tkun iffirmata mill-uffiċjal kompetenti.

Il-firma titqiegħed fuq in-naħa tal-lemin ta' l-intestatura “KUMMENTI”; parti mill-firma għandha testendi fuq il-paġna tal-passaport jew id-dokument ta' l-ivvjaġġar, iżda ma għandhiex tkopri t-taqsima li għandha tgħaddi minn skàner b'mod elettroniku.

5.2.   Stikers tal-viża kompluti li jinvalidaw:

L-ebda tibdiliet ma għandhom isiru lill-istiker tal-viża. Jekk isir żball meta tinħareġ il-viża, l-istiker ma għandhiex tibqa' valida.

—	Jekk jinstab żball fuq stiker li tkun għadha ma twaħħlitx mal-passaport, l-istiker għandha tinqered jew tinqata' fin-nofs b'mod dijagonali.

—	Jekk jinstab żball wara li l-istiker tkun twaħħlet mal-passaport, għandu jsir salib aħmar fuq l-istiker u titwaħħal stiker ġdida.

5.3.   It-twaħħil ta' stikers tal-viża mal-passaporti:

L-istiker għandha timtela qabel ma titwaħħal mal-passaport. It-timbru u l-firma għandhom jitpoġġew fuq l-istiker meta din titwaħħal mal-passaport jew id-dokument ta' l-ivvjaġġar.

Meta l-istiker tal-viża tkun imtliet b'mod korrett, din għandha titwaħħal fuq l-ewwel paġna tal-passaport li ma jkunx fih daħliet jew timbri – minbarra t-timbru ta' l-identifikazzjoni ta' l-applikazzjoni. Il-passaporti li ma għandhomx spazju vojt sabiex titwaħħal l-istiker, il-passaporti li skadew u l-passaporti li ma jawtorizzawx il-ħruġ mit-territorju qabel ma tiskadi l-viża, jew ir-ritorn ta' l-istranġier lejn il-pajjiż ta' oriġini tiegħu/tagħha jew id-dħul f'pajjiż terz (ara Artikolu 13 tal-Konvenzjoni), għandhom ikunu rifjutati.

5.4.   Il-passaporti u d-dokumenti ta' l-ivvjaġġar li magħhom jistgħu jitwaħħlu viżi uniformi

Il-kriterji sabiex jiġi stabbilit liema dokumenti ta' l-ivvjaġġar għandhom ikollhom viża skond id-disposizzjoni ta' Artikolu 17(3) (a) tal-Konvenzjoni huma mniżżla f'Anness 11.

Skond l-artikolu 14, l-ebda viża ma tista' titwaħħal ma' dokument ta' l-ivvjaġġar jekk dak id-dokument ta' l-ivvjaġġar mhux validu għal kwalunkwe mill-Partijiet Kontraenti. Jekk dokument ta' l-ivvjaġġar huwa validu biss għal wieħed mill-Parti Kontraenti jew għal numru ta' Partijiet Kontraenti, il-viża li għandha titwaħħal għandha tkun limitata għal dan il-Parti, jew dawn il-Partijiet, Kontraenti.

Jekk dokument ta' l-ivvjaġġar ma jingħarafx bħala validu minn wieħed mill-Istati Membri jew aktar, il-viża għandu jkollha biss validità territorjali limitata. Il-missjoni diplomatika jew il-post konsulari ta' Stat Membru għandhom jużaw il-formola tal-format uniformi sabiex iwaħħlu viża maħruġa lid-detenturi ta' dokument ta' l-ivvjaġġar mhux rikonoxxut mill-Istat Membru li joħroġ il-formoli. Din il-viża għandu jkollha biss validità territorjali limitata.

5.5.   It-timbru tal-missjoni diplomatika li toħroġ jew il-post konsulari

It-timbru tal-missjoni diplomatika jew il-post konsulari li joħorġu l-viża għandhom isiru fit-taqsima “KUMMENTI”, b'attenzjoni speċjali sabiex ikun żgurat li ma tevitax milli tinqara d-data, u għandha testendi lill-hinn mill-istiker għal fuq il-paġna tal-passaport jew id-dokument ta' l-ivvjaġġar. It-timbru jista' jitpoġġa f'din it-taqsima hekk li tagħmilha ma tistax tintuża f'każijiet biss fejn hemm il-bżonn li jitwarrab il-mili tat-taqsima li għandha tkun skannjata b'mod elettroniku. Id-daqs u l-kontenut tat-timbru u l-inka li għandhom jintużaw għandhom ikunu stabbiliti mid-disposizzjonijiet nazzjonali ta' l-Istat Membru.

Sabiex ikun evitat l-użu mill-ġdid ta' stiker tal-viża mwaħħla mal-formola tal-format uniformi, is-siġill ta' l-uffiċċju konsulari li joħroġ għandu jkun iffirmat fuq il-lemin, b'biċċa minnu fuq l-istiker u l-formola, b'tali mod li ma jfixkilx il-qari ta' l-intestaturi u t-tlestija tad-data u lanqas ma jidħol fiż-żona ta l-iskannjar jekk titlesta.

VII.   TMEXXIJA U ORGANIZZAZZJONI AMMINISTRATTIVI

1.   Organizzazzjoni tat-taqsimiet tal-viża

Kull Parti Kontraenti għandha tkun responsabbli sabiex torganiżża t-taqsimiet tal-viża tagħha.

Il-kapijiet tal-missjoni jew tal-postijiet għandhom jiżguraw li t-taqsima responsabbli sabiex toħroġ il-viża hija organizzata b'tali mod li tevita kwalunkwe tip ta' imġiba traskurata li tista' tħaffef is-serq u l-falsifikazzjonijiet.

—	L-istaff responsabbli sabiex joħroġ il-viża ma għandu bl-ebda mod ma jkun espost għall-pressjoni lokali.

—	Sabiex ikunu evitati “d-drawwiet” li jistgħu jwasslu għat-tnaqqis fil-livell ta' viġilanza, l-uffiċjali responsabbli għandhom jitbiddlu fuq bażi regolari.

—	Il-ħażna u l-użu ta' l-istikers tal-viża għandhom ikunu suġġetti għall-miżuri tas-sigurtà simili għal dawk applikati għal dokumenti oħra li jeħtieġu protezzjoni.

2.   Iffajljar

Kull Parti Kontraenti għandha tkun responsabbli għall-iffajljar ta' l-applikazzjonijiet tal-viża u f'każijiet fejn il-viżi huma suġġetti għall-konsultazzjoni ċentrali, ir-ritratti ta' l-applikanti.

L-applikazzjoniijiet tal-viża għandhom jinżammu ta' l-inqas sena fejn il-viża nħarġet u ta' l-inqas ħames snin meta viża ġiet rifjutata.

Sabiex ikun eħfef li tinstab applikazzjoni, il-fajl u r-riferenzi ta' l-arkivju għandhom jissemmew matul il-konsultazzjoni u fir-risposti għall-konsultazzjoni.

3.   Reġistri tal-viża

Kull Parti Kontraenti għandu jirreġistra l-viżi li nħarġu skond il-prattika nazzjonali. Stikers tal-viża kkanċellati għandhom ikunu reġistrati hekk.

4.   Drittijiet li għandhom jitħallsu li jikkorrispondu għall-ispejjez amministrattivi ta' l-ipproċessar ta' l-applikazzjonijiet tal-viża

Drittijiet li għandhom jitħallsu li jikkorrispondu għall-ispejjez amministrattivi ta' l-ipproċessar ta' l-applikazzjonijiet tal-viża huma elenkati fl-Anness I2.

Madankollu, l-ebda drittijiet ma għandhom jitħallsu għall-ispejjez amministrattivi għall-applikazzjonijiet tal-viża li jingħataw minn ċittadini ta' pajjiżi terzi li huma membri tal-familja ta' ċittadin ta' l-Unjoni jew ta' ċittadin ta' Stat Parti fil-Ftehim ŻEE u li qedgħin jużaw id-dritt tagħhom tal-moviment ħieles.

VIII.   Kooperazzjoni konsulari fuq livell lokali

1.   Qafas tal-kooperazzjoni konsulari fuq livell lokali

B'mod ġenerali, il-kooperazzjoni konsulari in situ għandha tikkonċerna l-istima tar-riskji ta' l-immigrazzjoni. Għandha tkun intiża prinċipalment li tistabilixxi l-kriterji komuni għall-eżaminazzjoni ta' fajls, l-iskambju ta' tagħrif dwar l-użu ta' dokumenti foloz, dwar ir-rotot ta' l-immigrazzjoni illegali possibbli u dwar ir-rifjut ta' viżi fejn l-applikazzjonijiet huma b'mod ovvju b'bażi ħżiena jew li jqarrqu. Għandha tippermetti ukoll l-iskambju tat-tagħrif dwar l-applikanti ta' rieda tajba u l-finalizzazzjoni konġunta tat-tagħrif għall-pubbliku dwar il-kondizzjonijiet li jirregolaw l-applikazzjonijiet tal-viża ta' Schengen.

Il-kooperazzjoni konsolari għandha tieħu kont ukoll tas-sitwazzjoni amministrattiva lokali u l-istruttura soċjo-ekonomika.

Il-missjonijiet u l-postijiet għandhom jorganizzaw laqgħat fuq bażi regolari skond iċ-ċirkustanzi u kull kemm huma jqisu xieraq: huma għandhom jagħtu rapporti dwar dawn il-laqgħat lill-awtoritajiet ċentrali. Fuq talba tal-Presidenza huma għandhom jagħtu rapport ġenerali ta' nofs is-sena.

2.   Kif għandhom ikunu evitati applikazzjonijiet multipli jew applikazzjonijiet li jingħataw wara rifjut riċenti li joħorġu

L-iskambju tat-tagħrif bejn il-missjonijiet u l-postijiet u l-identifikazzjoni ta' l-applikazzjonijiet permezz ta' timbru jew mod ieħor huma ntiżi li jevitaw l-istess persuna milli tippreżenta applikazzjonijiet diversi jew suċċessivi, jew filwaqt li applikazzjoni tkun qedgħa tiġi eżaminata, jew wara li applikazzjoni tkun ġiet rifjutata, lill-istess missjoni jew post jew lill-missjoni differenti jew post.

Mingħajr preġudizzju għall-konsultazzjoni li tista' ssir bejn il-missjonijiet u l-postijiet u l-iskambju tat-tagħrif li huma jistgħu jagħmlu, il-missjoni jew il-post li lilha tingħata applikazzjoni għandhom jagħmlu timbru fuq kull passaport ta' l-applikant li jgħid “Applikazzjoni għall-viża fil... fi ...”. L-ispazju wara “fil” għandu jimtela b'sitt numri (tnejn għad-data, tnejn għax-xahar u tnejn għas-sena); it-tieni spazju għandu jkun riżervat għall-missjoni diplomatika jew il-post konsulari konċernat. Għandha titniżżel il-kodiċi għall-viża li saret applikazzjoni għaliha.

Il-missjoni jew il-post li jirċievi applikazzjoni għandu jiddeċiedi jekk iwaħħalx jew le timbru ma' passaporti diplomatiċi jew tas-servizz.

It-timbru għandu jsir ukoll fil-każ ta' applikazzjonijiet għall-viżi ta' waqfiet twal.

Meta Stat Schengen qiegħed jirrapreżenta Stat Schengen ieħor, it-timbru għandu juri, wara l-kodiċi tat-tip ta' viża mitluba, l-indikazzjoni “R” li jkollha warajha l-kodiċi ta' l-Istat rappreżentat.

Fejn tinħareġ il-viża, l-istiker għandha, fejn ikun possibbli, titwaħħal fuq it-timbru ta' l-identifikazzjoni.

F'każijiet eċċezzjonali fejn mhuwiex prattiku li jitwaħħal timbru, il-missjoni jew il-post tal-Presidenza fl-uffiċċju għandha tavża lill-grupp kompetenti ta' Schengen u tagħti l-approvazzjoni tagħha għall-proposta alternattiva, per eżempju, l-iskambju ta' kopji tal-passaporti jew listi ta' applikazzjonijiet ta' viża rifjutati u tagħti raġunijiet għar-rifjut.

Il-kapijiet tal-missjonijiet jew postijiet diplomatiċi għandhom jiddeċiedu, jew fuq l-inizjattiva tal-Presidenza jew fuq l-inizjattiva tagħhom stess, jekk hemmx il-bżonn ta' miżuri ta' prevenzjoni alternattivi jew adizzjonali.

3.   Stima tar-rieda tajba ta' l-applikant

Sabiex titħaffef l-istima tar-rieda tajba ta' l-applikant, il-missjonijiet diplomatiċi jew postijiet konsulari jistgħu, skond il-liġi nazzjonali, ibiddlu tagħrif fuq il-bażi ta' l-arranġamenti li jsiru fuq livell lokali fil-qafas tal-kooperazzjoni tagħhom skond punt 1 ta' dan il-kapitolu.

Jista' jkun hemm skambju minn żmien għal żmien tat-tagħrif li ġej: persuni li l-applikazzjonijiet tagħhom ġew rifjutati għax misruqa, mitlufa jew intużaw dokumenti falsifikati, jew għaliex id-data tal-ħruġ fuq il-viża ta' qabel ma ġietx osservata jew għaliex hemm riskju għas-sigurtà u, b'mod partikolari, hemm ir-raġuni li sar attentat ta' immigrazzjoni illegali għat-territorju tal-Partijiet Kontraenti.

It-tagħrif li jiġi mibdul u provdut b'mod konġunt għandu jservi bħala strument ta' ħidma għall-istima ta' l-applikazzjonijiet tal-viża. Ma għandux madankollu, jieħu post l-eżaminazzjoni attwali ta' l-applikazzjoni tal-viża, lanqas it-tfittxija fis-Sistema ta' l-Informazzjoni ta' Schengen, lanqas il-konsultazzjoni ma' l-awtoritajiet ċentrali li jagħmlu t-talba.

4.   Skambju ta' l-istatistika

4.1.	L-istatistika fuq viżi ta' waqfiet qsar, viżi sabiex bniedem jgħaddi minn post għall-ieħor u viżi sabiex bniedem jgħaddi minn ajruport għall-ieħor li nħarġu u fuq applikazzjonijiet għall-viżi bħal dawn li twarrbu b'mod formali għandu jiġi mibdul kull tliet xhur.

4.2.

Minkejja l-obbligi mniżżla f'Artikolu 16 tal-Konvenzjoni ta' Schengen, li huma formulati b'mod ċar f'Anness 14 ta' l-Istruzzjonijiet Konsulari Komuni u li jitolbu lill-Istati ta' Schengen li jibagħtu fi żmien 72 siegħa d-dettalji dwar il-ħruġ ta' visas b'validità territorjali limitata, il-missjonijiet diplomatiċi u r-rappreżentazzjonijiet konsulari ta' l-Istati Schengen għandhom ikollhom struzzjonijiet li jbiddlu l-istatistiċi tagħhom dwar il-viżi b'validità territorjali limitata maħruġa fix-xahar ta' qabel u jibagħtuhom lill-awtoritajiet ċentrali rispettivi tagħhom.

5.   Applikazzjonijiet tal-viża pproċessati mill-aġenziji amministrattivi privati, aġenziji ta' l-ivvjaġġar u l-operaturi tat-turs

Ir-regola bażika għall-applikazzjonijiet tal-viża hija li għandu jkun hemm il-possibilità ta' intervista personali. Madankollu, din tista' titwarrab, fejn ma hemmx dubju raġonevoli dwar ir-rieda tajba ta' l-applikant, l-iskop tal-vjaġġ jew l-intenzjonijiet attwali ta' l-applikant li jirritorna għall-pajjiż ta' l-oriġini, entità ta' fama u sinjura, l-organizzazzjoni ta' vjaġġi għall-gruppi, jagħti lill-missjoni diplomatika jew il-post konsulari bid-dokumentazzjoni neċessarja u jiggarantixxi, b'mod kemm jista' joqogħdu fuqu b'mod raġonevoli, l-iskop tal-vjaġġ u l-intenzjoni attwali ta' l-applikant li jirritorna (ara punt III.4).

Huma komuni u utli, b'mod partikolari f'pajjiżi b'erja kbira, għall-aġenziji ta' l-ivvjaġġar privati, l-aġenziji ta' l-ivvjaġġar u l-operaturi tat-turs u l-bejjiegħa tagħhom li jaġixxu bħala intermedjarji awtorizzati ta' l-applikant. Dawn l-intermedjarji kummerċjali mhumiex uniformi fin-natura għaliex ma jdaħħlux l-istess grad ta' impenn fir-rigward tal-klijenti li jafdawhom bl-ipproċessar tal-viża; sabiex, il-grad ta' solvibilità u l-kredibilità mistennija minnhom, tkun, fil-prinċipju, direttament proporzjonali għall-grad ta' involviment tagħhom fl-ippjanar ġenerali tal-vjaġġ, l-akkomodazzjoni, l-assigurazzjoni medika u ta' l-ivvjaġġar, u r-responsabbilità tagħhom għar-ritorn tal-klient fil-pajjiż ta' l-oriġini.

5.1.   Tipi ta' intermedjarji

(a)	It-tip ta' intermedjarju l-aktar sempliċi hija l-aġenżiji amministrattivi privati, fejn l-għajnuna mogħtija lill-klijent tinvolvi biss l-għoti ta' identità u dokumentazzjoni ta' appoġġ oħra għan-nom tal-klijent.

(b)

It-tieni tip ta' entità kummerċjali hija dik ta' l-aġenzija tat-trasport jew l-aġenzija ta' l-ivvjaġġar lokali f'ċerti każijiet marbuta mal-ġarriera bl-ajru, kemm jekk dawn iġorru bandiera jew le, involuti fit-trasport skedat jew mikri tal-passiġieri. L-għajnuna tagħhom lill-klient tinkludi l-għoti ta' dokumenti ta' appoġġ kif ukoll, fejn jixraq, il-bejgħ tal-biljetti u l-ibbukkjar tal-lukanda.

(c)

It-tielet tip ta' intermedjarju huwa magħmul minn organizzaturi jew operaturi tat-turs, li jkunu persuni naturali jew legali li jorganizzaw turs fuq bażi mhux ta' darba (il-preparazzjoni tad-dokumentazzjoni ta' l-ivvjaġġar, it-trasport, l-akkomodazzjoni, is-servizzi tat-turisti oħra mhux anċillari għal dawn l-elementi, l-assigurazzjoni medika u ta' l-ivvjaġġar, it-trasferimenti interni, eċċ.) li jbiegħu dawn il-pakketti tat-turs, jew joffruhom għall-bejgħ direttament jew permezz ta' bejjiegħ jew aġenzija ta' l-ivvjaġġar marbuta ma' l-operatur tat-tur b'kuntratt. Għall-operatur tat-tur u l-aġenzija li tbiegħ il-pakkett tal-vjaġġ, l-applikant tal-viża mhux għajr konsumatur tal-vjaġġ irranġat, bl-offerta li tipproċessa l-applikazzjoni tal-viża jkun parti mill-arranġament. It-tielet servizz ta' intermedjarju, ta' tip kumpless fih diversi fażijiet u wċuh li jistħu jkunu suġġetti għall-osservazzjoni objettiva: dokumentazzjoni tan-negozju, l-amministrazzjoni, it-tlestija attwali u d-destinazzjoni tal-vjaġġ, l-akkomodazzjoni u d-dħul u l-ħruġ skedati tal-grupp.

5.2.   Armonizzazzjoni tal-kooperazzjoni ma' l-aġenziji amministrattivi privati, aġenziji ta' l-ivvjaġġar, operaturi tat-turs u l-bejjiegħa tagħhom

(a)

Il-missjonijiet diplomatiċi kollha u l-postijiet konsulari li jkunu jinsabu fl-istess belt għandhom jippruvaw li jiksbu l-applikazzjoni armonizzata fuq livell lokali tal-linji gwida mniżżla hawn taħt, bbażati fuq it-tip tar-rwol intermedjarju li jsir mill-aġenziji kkonċernati. Għalkemm hija r-responsabbilità tal-missjoni diplomatika jew post konsulari li tiddeċiedi jekk jaħdmux ma' l-aġenzija, huma għandhom iżommu ċ-ċans li jirtiraw l-akkreditament fi kwalunkwe ħin jekk l-esperjenza u l-interessi tal-politika dwar il-viża komuni titlob hekk. Jekk missjoni diplomatika jew post konsulari jiddeċiedu li jaħdmu ma' aġenzija, din għandha taderixxi mal-prattika u l-proċedura tax-xogħol imniżżla f'din it-taqsima. — Il-postijiet konsulari ta' l-Istati Membri għandhom ikunu attenti b'mod partikolari u għandhom jikkoperaw mill-qrib fl-istima u akkreditament eċċezzjonali ta' l-aġenziji amministrattivi privati. L-ipproċessar ta' l-applikazzjonijiet tal-viża għandhom ikunu suġġetti għall-eżaminazzjoni bir-reqqa, b'kontrolli jsiru f'kull każ dwar id-dokumenti ta' appoġġ taż-żammiem tal-viża u dawk li jirrigwardaw il-liċenzja u d-dħul fir-reġistru kummerċjali ta' l-aġenzija privata. — Għall-istima ta' l-applikazzjonijiet tal-viża li jingħataw minn aġenziji tat-trasport jew aġenziji ta' l-ivvjaġġar lokali, għandha tingħata attenzjoni partikolari għaċ-ċirkustanzi ta' l-applikant u l-verifika każ b'każ tad-dokumenti ta' appoġġ. Il-postijiet konsulari għandhom jikoperaw mill-qrib, u jinfurzaw il-mekkaniżmi rispettivi tagħhom sabiex isibu irregolaritajiet fl-aġenziji u l-ġarriera innifishom, u, f'appoġġ ta' dawk il-mekkaniżmi, l-irregolaritajiet li jsiru mill-aġenziji għandhom ikunu notifikati fuq il-livell tal-kooperazzjoni konsulari lokali u reġjunali. — Il-kriterji li jirregolaw l-akkreditament ta' l-aġenziji ta' l-ivvjaġġar (l-operaturi tat-turs u l-bejjiegħa tagħhom) għandhom, inter alia, jieħdu kont ta': il-liċenzja kurrenti, ir-reġistru kummerċjali, l-istatuti tal-kumpanija, il-kuntratti mal-banek li huma jużaw, il-kuntratti aġġornati ma' dawk li jirċievu fil-Komunità s-servizzi tat-turiżmu, u li għandhom jinkludu l-elementi kollha tal-vjaġġ tal-pakkett (akkomodazzjoni u servizzi ta' pakketti tat-turs), il-kuntratti mal-linji ta' l-ajru, li għandhom jinkludu vjaġġi 'l barra u garantiti, b'ritorn fiss, kif ukoll l-assigurazzjoni medika u ta' l-ivvjaġġar meħtieġ. L-applikazzjonijiet tal-viża li jingħataw minn dawn l-aġenzija ta' l-ivvjaġġar għandhom ikunu eżaminati bir-reqqa.

(b)

Fil-kuntest tal-kooperazzjoni konsulari lokali, il-missjonijiet diplomatiċi u l-postijiet konsulari għandhom jippruvaw ukoll jarmonizzaw il-prattika u l-proċeduri tax-xogħol kif ukoll il-kriterji għat-tħaris tal-funzjonament xieraq ta' l-aġenziji amministrattivi privati, l-aġenziji ta' l-ivvjaġġar u l-organizzaturi tat-turs (l-operaturi tat-turs u l-bejjiegħa tagħhom). Din l-osservazzjoni għandha ta' l-inqas ikun fiha kontrolli fi kwalunkwe ħin mad-dokumentazzjoni ta' l-akkreditament, l-ispezzjonijiet fuq il-post li jinvolvu intervisti personali jew bit-telefon ma' l-applikanti, il-verifika tal-vjaġġi u l-akkomodazzjoni, u, kull meta jkun possibli, il-verifika tad-dokumenti li jirrigwardaw ir-ritorn tal-grupp.

(c)

Għandu jkun hemm skambju intensiv tat-tagħrif rilevanti dwar il-ħidma ta' l-aġenziji amministrattivi privati, l-aġenziji ta' l-ivvjaġġar u l-organizzaturi tat-turs (organizzaturi tat-turs u l-bejjiegħa tagħhom): notifika ta' l-irregolaritajiet li nstabu, skambju regolari dwar viżi rifjutati, komunikazzjoni ta' forom misjuba ta' falsifikazzjoni ta' dokument ta' l-ivvjaġġar u nuqqas li jwettqu vjaġġi skedati. Il-kooperazzjoni ma' l-aġenziji amministrattivi privati, l-aġenziji ta' l-ivvjaġġar u l-organizzaturi tat-turs (operaturi tat-tur u l-bejjiegħa tagħhom) għandha tiġi diskussa f'laqgħat regolari organizzati fil-qafas tal-kooperazzjoni konsulari komuni.

(d)

Fuq il-livell tal-kooperazzjoni konsulari lokali, għandu jkun hemm skambju tal-listi ta' l-aġenziji amministrattivi privati, l-aġenziji ta' l-ivvjaġġar u l-organizaturi tat-turs (operaturi tat-tur u l-bejjiegħa tagħhom) li lilhom ikun ingħata akkreditament minn kull missjoni diplomatika jew post konsulari jew li ġie irtirat l-akkreditament tagħhom, flimkien mar-raġunijiet għal dan l-irtirar.

(e)

L-aġenziji amministrattivi privati, l-aġenziji ta' l-ivvjaġġar u l-organizzaturi tat-turs (operaturi tat-turs u l-bejjiegħa tagħhom) għandhom jagħtu lill-missjonijiet diplomatiċi u l-postijiet konsulari li lilhom huma akkreditati l-ismijiet ta' wieħed jew tnejn mill-istaff awtorizzat bħala intermedjarji sabiex jagħtu l-applikazzjonijiet tal-viża.

---

(1)  Skond l-Artikolu 138 tal-Konvenzjoni, dawn id-disposizzjonijiet għandhom japplikaw biss għat-territorju Ewropew tar-Repubblika Franċiża u r-Renju ta' l-Olanda.

(2)  ĠU L 64, 17.3.2003, p. 1.

(3)  F'każijiet eċċezzjonali, il-viżi ta' waqfiet qosra jew tal-passaġġ jistgħu jinħarġu fil-fruntiera, skond il-kondizzjonijiet imfissra f'parti II, punt 5 tal-Manwal Komuni dwar il-Fruntieri Esterni.

(4)  ĠU L 99, 17.4.2003, p. 8.

(5)  ĠU L 99, 17.4.2003, p. 15.

(6)  Dawn l-ammonti ta' referenza għandhom jiġu stabbiliti skond l-arranġamenti mniżżla f'parti I tal-Manwal Komuni dwar il-Fruntieri Esterni.

(7)  Fil-każ ta' viża ta' transitu, it-tul tat-transitu ma jistax jaqbeż il-5 t'ijiem.

---

---

---

---

---

---

---

---

---

---

---

---

---

---

---

---

---

---

---