(a)

It-terminu ‘Maniġer tan-Netwerk’ ikun jirreferi għall-Maniġer tan-Netwerk, li ġie nnominat kemm għall-Istati Membri tal-UE kif ukoll għall-Istati tal-EFTA taż-ŻEE.

(b)

Minkejja d-dispożizzjonijiet tal-Protokoll 1 tal-Ftehim, it-terminu ‘Stat/i Membru(i)’ ikun jinftiehem li jinkludi, b'żieda mat-tifsira tiegħu fir-Regolament, lill-Istati tal-EFTA.

(c)

Fl-Artikolu 3(3), fir-rigward tal-Istati tal-EFTA, il-kliem ‘Deċiżjoni tal-Kummissjoni wara li jiġi kkonsultat il-Kumitat dwar l-Ajru Uniku skont l-Artikolu 5(3) tar-Regolament (KE) Nru 549/2004 u’ għandu jaqra ‘Deċiżjoni mill-Kumitat Permanenti tal-Istati tal-EFTA’ u l-kelma ‘Kummissjoni’ għandha tinqara ‘Kumitat Permanenti tal-Istati tal-EFTA’.

(d)

Fl-Artikolu 4(4), il-kliem ‘il-Kumitat Permanenti tal-Istati tal-EFTA, l-Awtorità ta' Sorveljanza tal-EFTA’ jiddaħħlu wara l-kelma ‘il-Kummissjoni’.

(e)

Fl-Artikolu 7(5), il-kliem ‘il-Kumitat Permanenti tal-Istati tal-EFTA, l-Awtorità ta' Sorveljanza tal-EFTA’ jiddaħħlu wara l-kelma ‘il-Kummissjoni’.

(f)

Fl-Artikolu 16(3)(b), il-kliem ‘kif ukoll rappreżentant wieħed mill-Awtorità ta' Sorveljanza tal-EFTA’ jiddaħħal wara l-kelma ‘il-Kummissjoni’.

(g)

L-Artikolu 17(2)(a) ma jkunx japplika għall-Istati tal-EFTA.

(h)

Fl- Artikolu 18(2), il-kliem ‘, rappreżentant wieħed tal-Istat tal-EFTA li jkollu l-presidenza tal-Kumitat Permanenti tal-Istati tal-EFTA’ jiddaħħlu wara l-kelma ‘Kunsill’.

(i)

Fl-Artikolu 20(3), l-ewwel sentenza, il-kliem ‘il-Kumitat Permanenti tal-Istati tal-EFTA, l-Awtorità ta' Sorveljanza tal-EFTA’ jiddaħħlu wara l-kliem ‘lill-Kummissjoni’.

(j)

Fl-Artikolu 21, l-ewwel sentenza, fir-rigward tal-Istati tal-EFTA, il-kelma ‘Kummissjoni’ tkun tinqara ‘l-Awtorità ta' Sorveljanza tal-EFTA’.”