EUR-Lex Access to European Union law
This document is an excerpt from the EUR-Lex website
Document C2014/387/06
Prior notification of a concentration (Case M.7389 — Aegon Spain/Santander Totta Seguros/Aegon Santander Vida/Aegon Santander Não Vida) — Candidate case for simplified procedure Text with EEA relevance
Notifika minn qabel ta’ konċentrazzjoni (Il-Każ M.7389 — Aegon Spain/Santander Totta Seguros/Aegon Santander Vida/Aegon Santander Não Vida) — Każ li jista’ jiġi kkunsidrat għal proċedura ssimplifikata Test b'rilevanza għaż-ŻEE
Notifika minn qabel ta’ konċentrazzjoni (Il-Każ M.7389 — Aegon Spain/Santander Totta Seguros/Aegon Santander Vida/Aegon Santander Não Vida) — Każ li jista’ jiġi kkunsidrat għal proċedura ssimplifikata Test b'rilevanza għaż-ŻEE
ĠU C 387, 1.11.2014, p. 6–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
1.11.2014 |
MT |
Il-Ġurnal Uffiċjali tal-Unjoni Ewropea |
C 387/6 |
Notifika minn qabel ta’ konċentrazzjoni
(Il-Każ M.7389 — Aegon Spain/Santander Totta Seguros/Aegon Santander Vida/Aegon Santander Não Vida)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2014/C 387/06)
1. |
Fis-27 ta’ Ottubru 2014, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Aegon Spain Holding B.V. (“Aegon Spain”, Spanja), proprjetà ta’ Aegon Group (“Aegon”, il-Pajjiżi l-Baxxi) u Santander Totta Seguros (“Santander Totta Seguros”, il-Portugall), li huma għalkollox proprjetà ta’ Santander Group (“Santander”, Spanja) takkwista fit-tifsira tal-Artikolu 3(1)(b) tar-Regolament dwar l-Għaqdiet kontroll konġunt ta’ Aegon Santander Portugal Vida — Companhia de Seguros de Vida, S.A. (“Aegon Santander Portugal Vida”, il-Portugall) u AEGON Santander Portugal Não Vida — Companhia de Seguros de Vida, S.A. (“Aegon Santander Portugal Não Vida”, il-Portugall) permezz tax-xiri ta’ ishma f’żewġ kumpaniji ġodda li jikkostitwixxu impriża konġunta. |
2. |
L-attivitajiet kummerċjali tal-impriżi kkonċernati huma: — Aegon Group: il-provvediment ta’ ġestjoni ta’ assi, assigurazzjoni, pensjoni u prodotti relatati magħhom madwar id-dinja kollha, prinċipalment fl-Istati Uniti, il-Pajjiżi l-Baxxi u r-Renju Unit, — Aegon Spain: il-produzzjoni u d-distribuzzjoni ta’ prodotti tal-assigurazzjoni fuq il-ħajja u mhux u prodotti tal-pensjoni fi Spanja, — Santander Group: grupp internazzjonali ta’ servizzi bankarji u kumpaniji finanzjarji li joperaw fi Spanja, ir-Renju Unit u xi pajjiżi Ewropej oħra, kif ukoll fl-Amerika ta’ Fuq u t’Isfel, — Santander Totta Seguros: il-provvediment ta’ assigurazzjoni fuq il-ħajja u mhux fil-Portugall, — Aegon Santander Portugal Vida: il-provvediment ta’ assigurazzjoni fuq il-ħajja, — Aegon Santander Portugal Não Vida: il-provvediment ta’ assigurazzjoni mhux fuq il-ħajja. |
3. |
Wara analiżi preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament dwar l-Għaqdiet (2), ta’ min jinnota li dan il-każ jista’ jiġi kkunsidrat għat-trattament skont il-proċedura stipulata fl-Avviż. |
4. |
Il-Kummissjoni Ewropea tistieden lill-partijiet terzi interessati sabiex jissottomettu l-kummenti li jista’ jkollhom dwar l-operazzjoni proposta lill-Kummissjoni Ewropea. Il-kummenti jridu jaslu għand il-Kummissjoni Ewropea mhux aktar tard minn għaxart ijiem mid-data ta’ din il-pubblikazzjoni. Il-kummenti jistgħu jintbagħtu lill-Kummissjoni Ewropea bil-faks (+32 22964301) jew b’email lil COMP-MERGER-REGISTRY@ec.europa.eu jew bil-posta, bin-numru ta’ referenza M.7389 — Aegon Spain/Santander Totta Seguros/Aegon Santander Vida/Aegon Santander Não Vida, f’dan l-indirizz:
|
(1) ĠU L 24, 29.1.2004, p. 1 (“ir-Regolament dwar l-Għaqdiet”).
(2) ĠU C 366, 14.12.2013, p. 5.