This document is an excerpt from the EUR-Lex website
Document 62012CN0164
Case C-164/12: Reference for a preliminary ruling from the Finanzgericht Hamburg (Germany) lodged on 3 April 2012 — DMC Beteiligungsgesellschaft mbH v Finanzamt Hamburg-Mitte
Kawża C-164/12: Talba għal deċiżjoni preliminari mressqa mill-Finanzgericht Hamburg (il-Ġermanja) fit- 3 ta’ April 2012 — DMC Beteiligungsgesellschaft mbH vs Finanzamt Hamburg-Mitte
Kawża C-164/12: Talba għal deċiżjoni preliminari mressqa mill-Finanzgericht Hamburg (il-Ġermanja) fit- 3 ta’ April 2012 — DMC Beteiligungsgesellschaft mbH vs Finanzamt Hamburg-Mitte
ĠU C 217, 21.7.2012, p. 5–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
21.7.2012 |
MT |
Il-Ġurnal Uffiċjali tal-Unjoni Ewropea |
C 217/5 |
Talba għal deċiżjoni preliminari mressqa mill-Finanzgericht Hamburg (il-Ġermanja) fit-3 ta’ April 2012 — DMC Beteiligungsgesellschaft mbH vs Finanzamt Hamburg-Mitte
(Kawża C-164/12)
2012/C 217/09
Lingwa tal-kawża: il-Ġermaniż
Qorti tar-rinviju
Finanzgericht Hamburg
Partijiet fil-kawża prinċipali
Rikorrenti: DMC Beteiligungsgesellschaft mbH
Konvenut: Finanzamt Hamburg-Mitte
Domandi preliminari
(1) |
L-Artikolu 43 KE (jew l-Artikolu 49 TFUE) jawtorizza leġiżlazzjoni nazzjonali li tipprovdi li, fil-każ ta’ kontribuzzjoni ta’ ishma ta’ imprendituri lill-kumpannija b’kapital azzjonarju, il-valur tal-patrimonju kkontribwit għandu imperattivament jiġi stabbilit skont il-valur parzjali (b’mod li, minħabba l-iżvelar ta’ riżervi moħbija, jirriżulta profitt mill-bejgħ favur il-kontributur), sa fejn ir-Repubblika Federali tal-Ġermanja ma għandhiex id-dritt li tintaxxa l-profitt magħmul mill-bejgħ tal-ishma l-ġodda tal-kumpannija mogħtija lill-kontributur meta ssir il-kontribuzzjoni in natura u bi skambju ta’ tali kontribuzzjoni? |
(2) |
Fil-każ ta’ risposta fin-negattiv għall-ewwel domanda: l-Artikolu 43 KE (jew l-Artikolu 49 TFUE) jawtorizza leġiżlazzjoni nazzjonali li tagħti lill-kontributur id-dritt li jitlob, fir-rigward tat-taxxa dovuta wara l-iżvelar ta’ riżervi moħbija, sospensjoni tal-ħlas mingħajr interessi fis-sens li l-ħlas tat-taxxa dovuta li tirriżulta minn profitt mill-bejgħ jista’ jsir bin-nifs fuq perijodu ta’ diversi snin, jiġifieri b’minimu ta’ 20 % tal-ħlas fis-sena, sa fejn il-ħlas ta’ dawn il-pagamenti parzjali jkun iggarantit? |