This document is an excerpt from the EUR-Lex website
Document 52008XX0916(02)
Final report of the Hearing Officer in Case COMP/M.4854 — TomTom/Tele Atlas (Pursuant to Articles 15 and 16 of Commission Decision 2001/462/EC, ECSC of 23 May 2001 on the terms of reference of Hearing Officers in certain competition proceedings — OJ L 162, 19.6.2001, p. 21 )
Rapport finali ta' l-Uffiċjal tas-Smigħ fil-Każ COMP/M.4854 — TomTom/Tele Atlas (Skond l-Artikoli 15 u 16 tad-Deċiżjoni tal-Kummissjoni 2001/462/KE, KEFA tat- 23 ta' Mejju 2001 dwar it-termini ta' referenza ta' l-Uffiċjal tas-Smigħ f'ċerti proċedimenti tal-kompetizzjoni — ĠU L 162, 19.6.2001, p. 21 )
Rapport finali ta' l-Uffiċjal tas-Smigħ fil-Każ COMP/M.4854 — TomTom/Tele Atlas (Skond l-Artikoli 15 u 16 tad-Deċiżjoni tal-Kummissjoni 2001/462/KE, KEFA tat- 23 ta' Mejju 2001 dwar it-termini ta' referenza ta' l-Uffiċjal tas-Smigħ f'ċerti proċedimenti tal-kompetizzjoni — ĠU L 162, 19.6.2001, p. 21 )
ĠU C 237, 16.9.2008, p. 7–7
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
16.9.2008 |
MT |
Il-Ġurnal Uffiċjali ta’ l-Unjoni Ewropea |
C 237/7 |
Rapport finali ta' l-Uffiċjal tas-Smigħ fil-Każ COMP/M.4854 — TomTom/Tele Atlas
(Skond l-Artikoli 15 u 16 tad-Deċiżjoni tal-Kummissjoni 2001/462/KE, KEFA tat-23 ta' Mejju 2001 dwar it-termini ta' referenza ta' l-Uffiċjal tas-Smigħ f'ċerti proċedimenti tal-kompetizzjoni — ĠU L 162, 19.6.2001, p. 21)
(2008/C 237/11)
Fit-22 ta' Ottubru 2007, il-Kummissjoni rċeviet notifika ta' proposta ta' konċentrazzjoni skond l-Artikolu 4 u skond referenza għal Artikolu 4(5) tar-Regolament tal-Kunsill (KE) Nru 139/2004 (1) li permezz tagħha l-impriża TomTom NV (“TomTom”) takkwista fis-sens ta' l-Artikolu 3(1)(b) tar-Regolament tal-Kunsill il-kontroll totali of Tele Atlas NV (“Tele Atlas”) permezz ta' offerta pubblika.
Wara li eżaminat in-notifika, il-Kummissjoni kkonkludiet fit-28 ta' Novembru 2007 illi t-tranżazzjoni notifikata kienet taqa' fl-ambitu tar-Regolament dwar l-Amalgamazzjonijiet u li kienet tqajjem dubji serji dwar il-kompatibbiltà tagħha mas-suq komuni u mal-Ftehim taż-ŻEE. Għaldqstant, il-Kummissjoni tat bidu għal proċedimenti skond l-Artikolu 6(1)(c) tar-Regolament dwar l-Amalgamazzjonijiet.
Fit-3 u fit-12 ta' Diċembru 2007 ngħata aċċess għal dokumenti ewlenin lill-parti li nnotifikat, skond il-paragrafu 45 ta' l-Aħjar Prassi tad-DĠ għall-Kompetizzjoni dwar it-tmexxija ta' proċeduri ta' kontroll ta' għaqdiet fil-KE.
Il-Kummissjoni bagħtet Dikjarazzjoni ta' Oġġezzjonijiet (Statement of Objections“SO”) lil TomTom fid-29 ta' Frar 2008. Tele Atlas ukoll irċeviet kopja ta' l-SO. TomTom ingħatat aċċess għall-fajl fl-istess waqt li inħareġ l-SO. TomTom u Tele Atlas wieġbu flimkien fis-17 ta' Marzu 2008. Il-partijiet ma talbux smigħ orali formali.
Fis-sens ta' l-Artikolu 18(4) tar-Regolament dwar l-Amalgamazzjonijiet u l-Artikolu 11(c) tar-Regolament tal-Kunsill (KE) Nru 802/2004 ikkonċedejt it-talba ta' tmien impriżi biex jitħallew jattendu l-proċedimenti bħala partijiet terzi interessati. TomTom ingħatat aċċess għall-verżjonijiet mhux kunfidenzjali tal-kummenti bil-miktub sottomessi minn erba' mill-partijiet terzi.
Bħala riżultat ta' l-investagazzjoni fil-fond il-Kummmissjoni kkonkludiet li l-konċentrazzjoni proposta ma tostakolax b'mod sinifikanti l-kompetizzjoni effettiva fis-suq komuni jew f'parti sostanzjali minnu.
Fid-dawl ta' dan, inqis li d-drittijiet li jinstemgħu tal-parteċipanti f'dan il-proċediment ġew rispettati.
Brussell, is-6 ta' Mejju 2008.
Karen WILLIAMS