Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022R2091

Regolament ta’ Implimentazzjoni tal-Kummissjoni (UE) 2022/2091 tal-25 ta’ Awwissu 2022 li jemenda r-Regolament ta’ Implimentazzjoni (UE) 2017/892 u r-Regolament ta’ Implimentazzjoni (UE) Nru 511/2012 fir-rigward ta’ notifiki mill-Istati Membri dwar l-organizzazzjonijiet rikonoxxuti tal-produtturi, l-assoċjazzjonijiet ta’ organizzazzjonijiet tal-produtturi u l-organizzazzjonijiet interprofessjonali fis-setturi tal-frott u l-ħaxix, u tal-ħalib u l-prodotti tal-ħalib

C/2022/6007

ĠU L 281, 31.10.2022, p. 16–17 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2022/2091/oj

Date of document:
25/08/2022; Data ta' adozzjoni
Date of effect:
20/11/2022; Dħul fis-seħħ Data tal-pubblikazzjoni +20 Ara Art. 3
Date of effect:
01/01/2023; Applikazzjoni Ara Art. 3
Date of end of validity:
No end date
Author:
Il-Kummissjoni Ewropea, Id-Direttorat Ġenerali għall-Agrikoltura u l-Iżvilupp Rurali
Responsible body:
AGRI
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32012R0511 Tħassir artikolu 1 01/01/2023
Modifies 32017R0892 Tħassir anness II parti A punt 2 01/01/2023
Instruments cited:
Link

31.10.2022   

MT

Il-Ġurnal Uffiċjali tal-Unjoni Ewropea

L 281/16

REGOLAMENT TA’ IMPLIMENTAZZJONI TAL-KUMMISSJONI (UE) 2022/2091

tal-25 ta’ Awwissu 2022

li jemenda r-Regolament ta’ Implimentazzjoni (UE) 2017/892 u r-Regolament ta’ Implimentazzjoni (UE) Nru 511/2012 fir-rigward ta’ notifiki mill-Istati Membri dwar l-organizzazzjonijiet rikonoxxuti tal-produtturi, l-assoċjazzjonijiet ta’ organizzazzjonijiet tal-produtturi u l-organizzazzjonijiet interprofessjonali fis-setturi tal-frott u l-ħaxix, u tal-ħalib u l-prodotti tal-ħalib

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b’mod partikolari l-Artikoli 174(1), il-punt (a), 174(2), il-punt (a) u 223(3), il-punt (b), tiegħu,

Billi:

(1)

Ir-Regolament (UE) Nru 1308/2013 jistabbilixxi regoli speċifiċi dwar ir-rikonoxximent tal-organizzazzjonijiet tal-produtturi, l-assoċjazzjonijiet ta’ organizzazzjonijiet tal-produtturi u l-organizzazzjonijiet interprofessjonali u jagħti s-setgħa lill-Kummissjoni li tadotta atti delegati u ta’ implimentazzjoni f’dak ir-rigward.

(2)

Ir-Regolament (UE) Nru 1308/2013 jipprevedi li l-Istati Membri jridu jinfurmaw lill-Kummissjoni bid-deċiżjonijiet tagħhom li jagħtu, jiċħdu jew jirtiraw rikonoxximenti għall-organizzazzjonijiet tal-produtturi, l-assoċjazzjonijiet ta’ organizzazzjonijiet tal-produtturi u l-organizzazzjonijiet interprofessjonali li jkunu ħadu matul is-sena kalendarja preċedenti.

(3)

Ir-Regolament ta’ Implimentazzjoni tal-Kummissjoni (UE) 2017/892 (2) jistabbilixxi ċerti obbligi tar-rapportar għall-organizzazzjonijiet rikonoxxuti tal-produtturi, l-assoċjazzjonijiet ta’ organizzazzjonijiet tal-produtturi u l-organizzazzjonijiet tranżnazzjonali ta’ entitajiet bħal dawn fis-setturi tal-frott u l-ħaxix u tal-frott u l-ħaxix ipproċessat.

(4)

Ir-Regolament ta’ Implimentazzjoni tal-Kummissjoni (UE) Nru 511/2012 (3) jistabbilixxi, fost l-oħrajn, obbligi tar-rapportar fir-rigward tal-organizzazzjonijiet rikonoxxuti tal-produtturi, l-assoċjazzjonijiet ta’ organizzazzjonijiet tal-produtturi rikonoxxuti u l-organizzazzjonijiet interprofessjonali fis-settur tal-ħalib u l-prodotti tal-ħalib.

(5)

Ir-Regolament Delegat tal-Kummissjoni (UE) 2016/232 (4) kif emendat bir-Regolament Delegat tal-Kummissjoni (UE) 2022/2092 (5) jipprevedi sistema ta’ notifika mtejba u ssimplifikata għall-organizzazzjonijiet rikonoxxuti tal-produtturi nazzjonali u tranżnazzjonali, l-assoċjazzjonijiet ta’ organizzazzjonijiet tal-produtturi u l-organizzazzjonijiet interprofessjonali b’mod uniformi għas-setturi kollha. Għaldaqstant, ir-regoli dwar in-notifiki mill-Istati Membri stabbiliti f’dak ir-Regolament japplikaw għall-informazzjoni dwar l-organizzazzjonijiet rikonoxxuti tal-produtturi fis-setturi kollha tal-prodotti agrikoli elenkati fl-Artikolu 1(2) tar-Regolament (UE) Nru 1308/2013, inkluż l-informazzjoni attwalment meħtieġa skont l-Artikolu 21 tar-Regolament ta’ Implimentazzjoni (UE) 2017/892 fir-rigward tas-setturi tal-frott u l-ħaxix u tal-frott u l-ħaxix ipproċessat u skont l-Artiklu 1 tar-Regolament ta’ Implimentazzjoni (UE) Nru 511/2012 fir-rigward tas-settur tal-ħalib u l-prodotti tal-ħalib.

(6)

Sabiex jiġi evitat li l-Istati Membri jkollhom jipprovdu l-informazzjoni meħtieġa darbtejn, jixraq li r-Regolamenti ta’ Implimentazzjoni (UE) 2017/892 u (UE) Nru 511/2012 jiġu emendati.

(7)

Jenħtieġ li r-regoli stabbiliti f’dan ir-Regolament jibdew japplikaw mill-1 ta’ Jannar 2023, biex jiġi żgurat li ma jkun hemm l-ebda tfixkil bejn ir-reġimi ta’ notifika l-qodma u dawk ġodda.

(8)

Il-miżuri previsti f’dan ir-Regolament huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Fil-Parti A tal-Anness II tar-Regolament ta’ Implimentazzjoni (UE) 2017/892, jitħassar il-punt 2.

Artikolu 2

L-Artikolu 1 tar-Regolament ta’ Implimentazzjoni (UE) Nru 511/2012 jitħassar.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2023.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-25 ta’ Awwissu 2022.

Għall-Kummissjoni

Il-President

Ursula VON DER LEYEN

(1)   ĠU L 347, 20.12.2013, p. 671.

(2)  Ir-Regolament ta’ Implimentazzjoni tal-Kummissjoni (UE) 2017/892 tat-13 ta’ Marzu 2017 li jistabbilixxi regoli għall-applikazzjoni tar-Regolament (UE) Nru 1308/2013 tal-Parlament Ewropew u tal-Kunsill fis-setturi tal-frott u l-ħxejjex u tal-frott u l-ħxejjex ipproċessati (ĠU L 138, 25.5.2017, p. 57).

(3)  Ir-Regolament ta’ Implimentazzjoni tal-Kummissjoni (UE) Nru 511/2012 tal-15 ta’ Ġunju 2012 dwar notifiki li jikkonċernaw l-organizzazzjonijiet tal-produtturi u dawk interprofessjonali u negozjati kuntrattwali u relazzjonijiet previsti fir-Regolament tal-Kunsill (KE) Nru 1234/2007 fis-settur tal-ħalib u tal-prodotti tal-ħalib (ĠU L 156, 16.6.2012, p. 39).

(4)  Ir-Regolament Delegat tal-Kummissjoni (UE) 2016/232 tal-15 ta’ Diċembru 2015 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill f’dak li jikkonċerna ċerti aspetti ta’ kooperazzjoni bejn il-produtturi (ĠU L 44, 19.2.2016, p. 1).

(5)  Ir-Regolament Delegat tal-Kummissjoni (UE) 2022/2092 tal-25 ta’ Awwissu 2022 li jemenda r-Regolament Delegat (UE) 2016/232 u r-Regolament Delegat (UE) 2017/891 fir-rigward tan-notifiki mill-Istati Membri ta’ organizzazzjonijiet tal-produtturi, assoċjazzjonijiet ta’ organizzazzjonijiet tal-produtturi u organizzazzjonijiet interprofessjonali rikonoxxuti (Ara paġna 18 ta’ dan il-Ġurnal Uffiċjali).

Top