ANNESS I

Applikazzjoni tar-regolamenti NU/KEE

Regolament NU/KEE Nru	Suġġett	Serje ta’ emendi	Referenza fil-ĠU	Applikabbiltà
14	Ankraġġi taċ-ċinturin tas-sikurezza, sistemi tal-ankraġġi ISOFIX u ankraġġi tal-katina ta’ fuq (top tether) ISOFIX	Suppliment 1 għas-serje 07 tal-emendi	ĠU L 109, 28.4.2011, p. 1	T u C
16	Ċinturini tas-sikurezza, sistemi ta’ trażżin u sistemi ta’ trażżin tat-tfal	Suppliment 1 għas-serje 06 tal-emendi	ĠU L 233, 9.9.2011, p. 1	T u C
43	Ħġieġa tas-sikurezza	Suppliment 12 għas-serje 00 tal-emendi	ĠU L 230, 31.8.2010, p. 119	T u C
60	Kontrolli mħaddma mix-xufier – identifikazzjoni ta’ kontrolli, indikatur operatorju u indikaturi (ċiklomuturi/muturi)		ĠU L 95, 31.3.2004, p. 10	T u C
79	Tagħmir tal-istering	Suppliment 3 għas-serje 01 tal-emendi u Corrigendum 20 ta’ Jannar 2006	ĠU L 137, 27.5.2008, p. 25	T u C

Nota ta’ spjegazzjoni:

Il-fatt li komponent huwa inkluż f’din il-lista ma jagħmilx l-installazzjoni tiegħu obbligatorja. Madankollu, għal ċerti komponenti, ir-rekwiżiti ta’ installazzjoni obbligatorja huma stabbiliti f’Annessi oħra ta’ dan ir-Regolament.

ANNESS II

Rikonoxximent ta’ rapporti ta’ testijiet maħruġa abbażi tal-Kodiċijiet OECD għall-finijiet tal-approvazzjoni tat-tip tal-UE

Rapport ta’ test abbażi tal-Kodiċi OECD Nru	Suġġett	Edizzjoni	Applikabbiltà	Alternattivi għar-rapport tat-test tal-UE abbażi ta’
3	Ittestjar uffiċjali ta’ strutturi ta’ protezzjoni fuq tratturi għall-agrikoltura u l-forestrija (test dinamiku)	Edizzjoni 2015 -Lulju 2014-	T1, T4.2 u T4.3	Anness VI u Anness XVIII (jekk l-ankraġġi taċ-ċinturini tas-sikurezza ġew ittestjati)
4	Ittestjar uffiċjali ta’ strutturi ta’ protezzjoni fuq tratturi agrikoli u tal-forestrija (test statiku)	Edizzjoni 2015 -Lulju 2014-	T1/C1, T4.2/C4.2 u T4.3/C4.3	Anness VIII u Anness XVIII (jekk l-ankraġġi taċ-ċinturini tas-sikurezza ġew ittestjati)
5	Miżuri uffiċjali ta’ storbju fil-pożizzjoni(ijiet) tas-sewqan fuq tratturi agrikoli u ta’ forestrija	Edizzjoni 2015 -Lulju 2014-	T u C	Anness XIII
6	Ittestjar uffiċjali ta’ strutturi ta’ protezzjoni kontra l-qlib immuntati fuq quddiem fuq tratturi agrikoli u forestali b'karreġġjata dejqa	Edizzjoni 2015 -Lulju 2014-	T2, T3 u T4.3	Anness IX u Anness XVIII (jekk l-ankraġġi taċ-ċinturini tas-sikurezza ġew ittestjati)
7	Ittestjar uffiċjali ta’ strutturi ta’ protezzjoni kontra l-qlib mmuntati fuq wara fuq tratturi agrikoli u forestali b'karreġġjata dejqa	Edizzjoni 2015 -Lulju 2014-	T2/C2, T3/C3 uT4.3/C4.3	Anness X u Anness XVIII (jekk l-ankraġġi taċ-ċinturini tas-sikurezza ġew ittestjati)
8	Ittestjar uffiċjali tal-istrutturi ta’ protezzjoni fuq it-tratturi għall-agrikoltura u għall-forestrija biċ-ċineg	Edizzjoni 2015 -Lulju 2014-	C1, C2, C4.2 u C4.3	Anness VII u Anness XVIII (jekk l-ankraġġi taċ-ċinturini tas-sikurezza ġew ittestjati)
10	Ittestjar uffiċjali ta’ strutturi ta’ protezzjoni minn oġġetti li jaqgħu fuq tratturi agrikoli u tal-foresti	Edizzjoni 2015 -Lulju 2014-	T u C	Anness XI Parti C

ANNESS III

Arranġamenti fir-rigward ta’ proċeduri ta’ approvazzjoni tat-tip inklużi r-rekwiżiti relatati ma' ttestjar virtwali

1.   Proċess ta’ approvazzjoni tat-tip

Meta tirċievi applikazzjoni għal approvazzjoni tat-tip ta’ vettura, l-awtorità ta’ approvazzjoni għandha:

1.1.

tivverifika li ċ-ċertifikati kollha tal-approvazzjoni tat-tip tal-UE u r-rapporti tat-test maħruġa skont ir-Regolament (UE) Nru 167/2013 u skont l-atti ddelegati u ta' implimentazzjoni adottati skont dak ir-Regolament li huma applikabbli għall-approvazzjoni tat-tip ta’ vetturi jkopru t-tip ta’ vettura u jikkorrispondu għar-rekwiżiti preskritti;

1.2.

b’referenza għad-dokumentazzjoni, tiżgura li l-ispeċifikazzjonijiet tal-vettura u d-dejta inkluża fid-dokument ta’ informazzjoni tal-vettura huma inklużi fid-dejta fil-pakketti tal-informazzjoni u fiċ-ċertifikati tal-approvazzjoni tat-tip tal-UE maħruġin skont ir-Regolament (UE) Nru 167/2013 u skont l-atti ddelegati u ta’ implimentazzjoni adottati skont dak ir-Regolament;

1.3.

fuq kampjun magħżul ta' vetturi mit-tip li għandu jiġi approvat, twettaq jew torganizza biex jitwettqu spezzjonijiet tal-parts u s-sistemi tal-vettura sabiex jiġi vverifikat li l-vettura(i) hija/huma mibnija skont id-dejta rilevanti li hemm fil-pakkett ta' informazzjoni awtentifikat fir-rigward tar-Regolament (UE) Nru 167/2013 u tal-atti ddelegati u ta' implimentazzjoni adottati skont dak ir-Regolament;

1.4.	tagħmel jew tirranġa biex isiru verifiki rilevanti ta’ installazzjoni fir-rigward ta’ unitajiet tekniċi separati fejn applikabbli;

1.5.	tagħmel jew torganizza sabiex isiru l-verifiki neċessarji fir-rigward tal-preżenza tas-suġġetti previsti fl-Anness I tar-Regolament (UE) Nru 167/2013;

2.   Kombinazzjoni ta’ speċifikazzjonijiet tekniċi

In-numru ta’ vetturi li se jiġu sottomessi huwa suffiċjenti sabiex tkun possibbli verifika xierqa tad-diversi kombinazzjonijiet għall-approvazzjoni tat-tip skont il-kriterji li ġejjin:

2.1.	unità ta' propulsjoni;

2.2.	trasmissjoni;

2.3.	fusijiet motorizzati (numru, pożizzjoni u interkonnessjoni);

2.4.	fusijiet immanuvrati (numru u pożizzjoni);

2.5.	sistema tal-ibbrejkjar u fusijiet ibbrejkjati (numru);

2.6.	struttura ta’ protezzjoni kontra l-qlib;

2.7.	protezzjoni kontra s-sustanzi perikolużi.

3.   Dispożizzjonijiet speċifiċi

3. Meta ma jkun disponibbli l-ebda ċertifikat ta’ approvazzjoni jew rapport ta’ ttestjar fir-rigward tas-suġġetti koperti mir-Regolament (UE) Nru 167/2013 jew mill-atti ddelegati u ta' implimentazzjoni adottati skont dak ir-Regolament, l-awtorità ta’ approvazzjoni għandha:

3.1.	torganizza sabiex isiru t-testijiet u l-verifiki neċessarji kif meħtieġ mir-Regolament (UE) Nru 167/2013 u mill-atti ddelegati u ta' implimentazzjoni adottati skont dak ir-Regolament;

3.2.	tivverifika li l-vettura tikkonforma mal-karatteristiċi mogħtija fil-fowlder tal-informazzjoni dwar il-vettura u li din tissodisfa r-rekwiżiti tekniċi tar-Regolament (UE) Nru 167/2013 u tal-atti ddelegati u ta' implimentazzjoni adottati skont dak ir-Regolament;

3.3.	tagħmel jew torganizza sabiex isiru l-verifiki rilevanti tal-installazzjoni fir-rigward ta’ komponenti u unitajiet tekniċi separati fejn applikabbli.

4.   Proċeduri li għandhom jiġu segwiti matul approvazzjoni tat-tip tal-UE f’diversi stadji

4.1.   Ġenerali

4.1.1.

L-operazzjoni sodisfaċenti tal-proċess tal-approvazzjoni tat-tip tal-UE f’diversi stadji tirrikjedi azzjoni konġunta mill-manifatturi kollha kkonċernati. Għal dan il-għan, l-awtoritajiet tal-approvazzjoni tat-tip għandhom jiżguraw, qabel ma jagħtu l-ewwel approvazzjoni u l-approvazzjoni tal-istadju sussegwenti, li jeżistu arranġamenti xierqa bejn il-manifatturi rilevanti għall-provvista u l-interkambju ta’ dokumenti u informazzjoni b’tali mod li t-tip ta’ vettura kompluta jkun jissodisfa r-rekwiżiti tekniċi tar-Regolament (UE) Nru 167/2013 u tal-atti ddelegati u ta' implimentazzjoni adottati skont dak ir-Regolament. Tali informazzjoni tinkludi dettalji ta’ sistema rilevanti, approvazzjonijiet ta’ komponenti u ta’ unitajiet tekniċi separati u ta’ partijiet ta’ vetturi li jiffurmaw parti minn vettura mhux kompluta iżda li għadhom mhux approvati.

4.1.2.

It-tipi ta’ approvazzjonijiet tal-UE b’konformità mal-punt 4 jingħataw abbażi tal-istat attwali tal-ikkompletar tat-tip ta’ vettura u jinkorporaw l-approvazzjonijiet kollha mogħtija fi stadji preċedenti.

4.1.3.

Kull manifattur fi proċess tal-approvazzjoni tat-tip tal-UE f’diversi stadji huwa responsabbli għall-approvazzjoni u għall-konformità tal-produzzjoni tas-sistemi kollha, komponenti u unitajiet tekniċi separati mmanifatturati minnu jew miżjudin minnu għall-istadju mibni qabel. Mhuwiex responsabbli għas-suġġetti li kienu approvati fi stadju preċedenti minbarra f’dawk il-każijiet meta jimmodifika partijiet rilevanti sal-punt li l-approvazzjoni mogħtija qabel ssir invalida.

4.2.   Proċeduri.

L-awtorità ta’ approvazzjoni għandha:

4.2.1.

tivverifika li ċ-ċertifikati tal-approvazzjoni tat-tip tal-UE u r-rapporti tat-testijiet mogħtija skont ir-Regolament (UE) Nru 167/2013 u l-atti ddelegati u ta' implimentazzjoni adottati skont dak ir-Regolament li huma applikabbli għall-approvazzjoni tat-tip ta’ vettura jkopru t-tip ta’ vettura fl-istat komplet tagħha u jikkorrispondu għar-rekwiżiti preskritti;

4.2.2.

tiżgura li d-dejta rilevanti kollha, b’kunsiderazzjoni għall-istat komplet tal-vettura, hija inkluża fil-fowlder tal-informazzjoni;

4.2.3.

b’referenza għad-dokumentazzjoni, tiżgura li l-ispeċifikazzjoni(jiet) tal-vettura u d-dejta inkluża fil-fowlder tal-informazzjoni dwar il-vettura huma inklużi fid-dejta fil-pakketti tal-informazzjoni u fiċ-ċertifikati tal-approvazzjoni tat-tip tal-UE, skont ir-Regolament (UE) Nru 167/2013 jew l-atti ddelegati u ta’ implimentazzjoni adottati skont dak ir-Regolament; u fil-każ ta’ vettura kompluta, meta n-numru ta’ punt fil-fowlder ta’ informazzjoni ma jkun inkluż fl-ebda pakkett ta’ informazzjoni, tikkonferma li l-parti rilevanti tal-karatteristika tikkonforma mad-dettalji mogħtija fil-fowlder tal-informazzjoni;

4.2.4.

fuq kampjun magħżul ta' vetturi mit-tip li għandu jiġi approvat, twettaq jew torganizza biex jitwettqu spezzjonijiet tal-parts u sistemi tal-vettura sabiex jiġi vverifikat li l-vettura(i) hija/huma mibnija skont id-dejta rilevanti li hemm fil-pakkett ta' informazzjoni awtentifikat fir-rigward tar-Regolament (UE) Nru 167/2013 u tal-atti ddelegati u ta' implimentazzjoni adottati skont dak ir-Regolament;

4.2.5.

tagħmel jew torganizza sabiex isiru l-verifiki rilevanti tal-installazzjoni fir-rigward ta’ unitajiet tekniċi separati fejn dan ikun applikabbli.

4.3.   In-numru ta’ vetturi li għandhom jiġu spezzjonati għall-finijiet tal-punt 4.2.4 huwa suffiċjenti sabiex ikun jista' jsir il-kontroll xieraq tad-diversi kombinazzjonijiet sabiex ikunu tipi approvati tal-UE skont l-istat ta’ kkompletar tal-vettura u l-kriterji stabbiliti fil-punt 2.

5.   Kundizzjonijiet li bihom irid isir l-ittestjar virtwali u rekwiżiti li għalihom jista’ jsir l-ittestjar virtwali

5.1.   Għanijiet u kamp ta’ applikazzjoni

Il-punt 5, jistabbilixxi dispożizzjonijiet xierqa dwar ittestjar virtwali b’konformità mal-Artikolu 27(6) tar-Regolament (UE) Nru 167/2013 huwa ma japplikax għat-tieni subparagrafu tal-Artikolu 27(3) ta’ dak ir-Regolament.

5.2.   Lista ta’ rekwiżiti li għalihom jista’ jsir l-ittestjar virtwali

Tabella 1

Lista ta' rekwiżiti li għalihom jista’ jsir l-ittestjar virtwali

Referenza tal-Att iddelegat	Nru tal-Anness	Rekwiżit	Restrizzjonijiet / Kummenti
RVCR	IX	imġiba ta’ qlib kontinwa jew interrotta fil-każ li trattur li jagħmel raddi dojoq li għandu qafas ta’ protezzjoni mmuntat quddiem is-sit tax-xufier jinqaleb fuq ġenb	Taqsima B4

6.   Kundizzjonijiet li bihom irid isir l-ittestjar virtwali

6.1.   Xejra ta’ test virtwali

L-iskema li ġejja tintuża bħala struttura bażika għad-deskrizzjoni u t-twettiq ta’ ttestjar virtwali:

6.1.1.

għan;

6.1.2.

mudell tal-istruttura;

6.1.3.

kundizzjonijiet tal-konfini;

6.1.4.

suppożizzjonijiet tat-tagħbija;

6.1.5.

kalkolu;

6.1.6.

valutazzjoni;

6.1.7.

Dokumentazzjoni.

6.2.   Prinċipji ta’ simulazzjoni u kalkolu tal-kompjuters

6.2.1.   Mudell matematiku

Il-mudell matematiku jiġi pprovdut mill-manifattur huwa jirrifletti l-kumplessità tal-istruttura tal-vettura, tas-sistema u tal-komponenti li għandhom jiġu ttestjati fir-rigward tar-rekwiżiti. L-istess dispożizzjonijiet japplikaw mutatis mutandis għall-ittestjar ta’ komponenti u unitajiet tekniċi indipendentement mill-vettura.

6.2.2.   Proċess ta’ validazzjoni tal-mudell matematiku

Il-mudell matematiku jiġi vvalidat meta mqabbel mal-kundizzjonijiet attwali tat-test. Isir test fiżiku għall-finijiet tat-tqabbil tar-riżultati miksuba meta jintuża l-mudell matematiku mar-riżultati ta’ test fiżiku. Tingħata prova tal-komparabbiltà tar-riżultati tat-test. Jiġi abbozzat rapport ta’ validazzjoni mill-manifattur jew mis-servizz tekniku u jiġi sottomess għall-awtorità ta’ approvazzjoni. Kwalunkwe bidla li ssir fil-mudell matematiku jew fis-softwer li probabbilment se tinvalida r-rapport ta’ validazzjoni, tinġieb għall-attenzjoni tal-awtorità ta’ approvazzjoni, li tista’ tirrikjedi li jsir proċess ta’ validazzjoni ġdid. Il-flow chart tal-proċess ta’ validazzjoni tidher fil-Figura 1 tal-punt 7

6.2.3.   Dokumentazzjoni

Id-dejta u l-għodda awżiljarja użati għas-simulazzjoni u l-kalkolu għandhom isiru disponibbli mill-manifattur u jiġu ddokumentati b’mod xieraq.

6.2.4.   Għodod u sostenn

Wara talba mis-servizz tekniku, il-manifattur iforni jew jipprovdi aċċess għall-għodod neċessarji, inkluż softwer adattat.

6.2.5.   Barra minn hekk, il-manifattur jipprovdi sostenn xieraq għas-servizz tekniku.

6.2.6.   Il-provvediment ta’ aċċess u s-sostenn għas-servizz tekniku ma jnaqqas mill-ebda obbligu tas-servizz tekniku rigward il-ħiliet tal-persunal tiegħu, il-ħlas tad-drittijiet tal-liċenzja u r-rispett tal-kunfidenzjalità.

7.   Ittestjar virtwali tal-proċess ta’ validazzjoni

Figura 1

Flow chart tal-ittestjar virtwali tal-proċess ta’ validazzjoni

ANNESS IV

Arranġamenti fir-rigward tal-konformità tal-produzzjoni

1.   Definizzjonijiet

Għall-finijiet ta’ dan l-Anness japplikaw id-definizzjonijiet li ġejjin:

1.1.	“sistema ta’ mmaniġġjar tal-kwalità” tfisser sett ta’ elementi interrelatati jew li jinteraġixxu li l-organizzazzjonijiet jużaw sabiex imexxu u jirregolaw kif jiġu implimentati l-politiki tal-kwalità u kif jintlaħqu l-għanijiet tal-kwalità;

1.2.	“eżerċizzju tal-awditjar” tfisser proċess ta’ ġbir ta’ evidenza użat biex jiġi evalwat kemm qed jiġu applikati tajjeb il-kriterji tal-awditjar; dan għandu jkun oġġettiv, imparzjali u indipendenti u l-proċess tal-awditjar għandu jkun kemm sistematiku kif ukoll dokumentat;

1.3.	“azzjonijiet korrettivi” tfisser proċess ta’ soluzzjoni ta’ problemi b’passi sussegwenti meħuda biex jitneħħew il-kawżi ta’ nuqqas ta’ konformità jew sitwazzjoni mhux mixtieqa u ddisinjati biex jipprevjenu li jerġgħu jokkorru;

2.   Għan

2.1.

Il-konformità tal-proċedura ta’ produzzjoni għandha l-għan li tiżgura li kull vettura, sistema, komponent, unità teknika separata, parti jew tagħmir prodott tkun f’konformità mar-rekwiżiti ta’ speċifikazzjoni, prestazzjoni u mmarkar tat-tip approvat.

2.2.

Il-proċeduri jinkludu, b’mod inseparabbli, il-valutazzjoni tas-sistemi ta’ mmaniġġjar tal-kwalità, imsejħa l-“valutazzjoni inizjali” u stabbilita fit-taqsima 3., u l-verifika u l-kontrolli relatati mal-produzzjoni, imsejħa l-“arranġamenti tal-konformità tal-prodott” u stabbiliti fit-taqsima 4.

3.   Valutazzjoni inizjali

3.1.

Qabel ma tagħti l-approvazzjoni tat-tip, l-awtorità ta’ approvazzjoni tivverifika l-eżistenza ta’ arranġamenti u proċeduri sodisfaċenti mill-manifattur sabiex jiġi żgurat kontroll effettiv sabiex il-vetturi, is-sistemi, il-komponenti u l-unitajiet tekniċi separati, meta jkunu qed jiġu mmanifatturati, jikkonformaw mat-tip approvat.

3.2.

Il-linji gwida għall-kwalità u/jew għall-awditjar ta' sistemi ta' ġestjoni ambjentali stabbiliti fl-Istandard EN ISO 19011:2011 għandhom japplikaw għall-valutazzjoni inizjali.

3.3.

Ir-rekwiżiti msemmija fil-punt 3.1 jiġu vverifikati għas-sodisfazzjon tal-awtorità ta’ approvazzjoni li tagħti l-approvazzjoni tat-tip. L-awtorità ta’ approvazzjoni tiġi ssodisfata bil-valutazzjoni inizjali u bl-arranġamenti ta’ konformità tal-prodott mogħtija fit-taqsima 4 billi tikkunsidra, skont il-bżonn, wieħed mill-arranġamenti deskritti fil-punti 3.3.1 sa 3.3.3 jew taħlita ta’ dawk l-arranġamenti b’mod sħiħ jew parzjali kif xieraq.

3.3.1.

Il-valutazzjoni inizjali u/jew il-verifika l-arranġamenti ta’ konformità tal-prodott isiru mill-awtorità ta’ approvazzjoni li tagħti l-approvazzjoni jew korp maħtur li jaġixxi f’isem l-awtorità ta’ approvazzjoni.

3.3.1.1.

Meta wieħed jikkunsidra l-limitu tal-valutazzjoni inizjali li għandha ssir, l-awtorità ta’ approvazzjoni tista’ tikkunsidra l-informazzjoni disponibbli relatata ma’: 3.3.1.1.1. iċ-ċertifikazzjoni tal-manifattur deskritta fil-punt 3.3.3, li ma ġietx ikkwalifikata jew rikonoxxuta taħt dak il-punt; 3.3.1.1.2. fil-każ ta’ approvazzjonijiet tat-tip ta’ komponenti jew unitajiet tekniċi separati, valutazzjonijiet tas-sistema tal-kwalità li jkunu saru fil-bini tal-manifattur tal-komponent jew tal-unità teknika separata mill-manifattur(i) tal-vettura, skont speċifikazzjoni waħda jew iktar tas-settur industrijali, li jissodisfaw ir-rekwiżiti tal-istandard armonizzat EN ISO 9001:2008.

3.3.2.

Il-valutazzjoni inizjali u/jew il-verifikazzjoni tal-konformità tal-prodott jistgħu jsiru wkoll mill-awtorità ta’ approvazzjoni ta’ Stat Membru ieħor, jew mill-korp identifikat maħtur għall-dan l-għan mill-awtorità ta’ approvazzjoni.

3.3.2.1.

Fit-tali każ, l-awtorità ta’ approvazzjoni tal-Istat Membru l-ieħor tipprepara dikjarazzjoni ta’ konformità li tiddefinixxi l-oqsma u l-faċilitajiet ta’ produzzjoni li kopriet bħala rilevanti għall-vetturi, is-sistemi, il-komponenti jew l-unitajiet tekniċi separati li jridu jingħataw approvazzjoni tat-tip.

3.3.2.2.

Meta tirċievi applikazzjoni għal dikjarazzjoni ta’ konformità mill-awtorità ta’ approvazzjoni ta’ Stat Membru li jagħti l-approvazzjoni tat-tip, l-awtorità ta’ approvazzjoni ta’ Stat Membru ieħor għandha tibgħat id-dikjarazzjoni ta’ konformità jew tagħti l-parir li mhix f’pożizzjoni li tipprovdi tali dikjarazzjoni.

3.3.2.3.

Id-dikjarazzjoni ta’ konformità tal-inqas tinkludi dan li ġej: 3.3.2.3.1. grupp jew kumpanija (eż. XYZ automotive); 3.3.2.3.2. organizzazzjoni partikolari (eż. diviżjoni Ewropea); 3.3.2.3.3. impjanti/siti (eż. impjant 1 tal-magni (Renju Unit) – impjant 2 tal-vetturi (il-Ġermanja)); 3.3.2.3.4. firxa ta’ vetturi/komponenti (eż. il-mudelli kollha tal-kategorija T1); 3.3.2.3.5. oqsma vvalutati (eż. immuntar tal-magni, ippressar u mmuntar tal-body, immuntar tal-vettura); 3.3.2.3.6. dokumenti eżaminati (eż. Manwal u proċeduri tal-kwalità tal-kumpanija u tas-sit); 3.3.2.3.7. data tal-valutazzjoni (eż. Awditjar li sar mit-18 sat-30.5.2013); 3.3.2.3.8. żjara ppjanata tal-monitoraġġ (eż. Ottubru 2014).

3.3.3.

L-awtorità ta’ approvazzjoni taċċetta wkoll iċ-ċertifikazzjoni xierqa tal-manifattur għall-istandard armonizzat EN ISO 9001:2008 jew standard armonizzat ekwivalenti bħala li tissodisfa r-rekwiżiti inizjali ta’ valutazzjoni tal-punt 3.3. Il-manifattur jipprovdi dettalji taċ-ċertifikazzjoni u jimpenja ruħu li jinforma lill-awtorità ta’ approvazzjoni bi kwalunkwe reviżjoni għall-validità u l-kamp ta’ applikazzjoni tagħha.

3.4.

Għall-finijiet tal-approvazzjoni tat-tip ta’ vettura, il-valutazzjonijiet inizjali li saru għall-għoti ta’ approvazzjonijiet għal sistemi, komponenti u unitajiet tekniċi separati ta’ vetturi ma għandhomx għalfejn jerġgħu jsiru iżda għandhom jiġu kkumplimentati minn valutazzjoni li tkopri l-lokazzjonijiet u l-attivitajiet relatati mal-immuntar tal-vettura kollga mhux koperti minn valutazzjonijiet preċedenti.

4.   Arranġamenti ta’ konformità ta’ prodott

4.1.

Kull vettura, sistema, komponent jew unità teknika separata approvata skont ir-Regolament (UE) Nru 167/2013 u skont l-atti ddelegati u ta’ implimentazzjoni adottati skont dak ir-Regolament, skont ir-regolament tan-NU/KEE mehmuż mal-Ftehim tan-NU/KEE rivedut tal-1958, jew skont rapport komplut tat-test maħruġ abbażi tal-Kodiċijiet tal-OECD elenkati fl-Anness II ta' dan ir-Regolament, għandhom jiġu mmanifatturati b’tali mod li jikkonformaw mat-tip approvat billi jissodisfaw ir-rekwiżiti ta’ dan l-Anness, tar-Regolament (UE) Nru 167/2013 u tal-atti ddelegati u ta’ implimentazzjoni adottati skont dak ir-Regolament, kif ukoll tar-regolament(i) tan-NU/KEE u tal-Kodiċi(jiet) tal-OECD rilevanti.

4.2.

Qabel ma tagħti l-approvazzjoni tat-tip skont ir-Regolament (UE) Nru 167/2013 u l-atti ddelegati u ta’ implimentazzjoni adottati skont dak ir-Regolament, regolament NU/KEE anness mal-Ftehim Rivedut tal-1958 jew Kodiċi OECD, l-awtorità ta’ approvazzjoni ta’ Stat Membru tivverifika l-eżistenza ta’ arranġamenti adegwati u pjanijiet ta’ kontroll iddokumentati, li jkunu miftiehma mal-manifattur għal kull approvazzjoni, sabiex jitwettqu dawk it-testijiet jew verifki assoċjati f’intervalli speċifikati li huma neċessarji sabiex tiġi vverifikata konformità kontinwa mal-approvazzjoni tat-tip, inkluż fejn applikabbli, testijiet speċifikati fir-Regolament (UE) Nru 167/2013, ir-regolament NU/KEE u l-Kodiċi OECD.

4.3.

Id-detentur tal-approvazzjoni tat-tip, b’mod partikolari għandu: 4.3.1. jiżgura l-eżistenza u l-applikazzjoni ta’ proċeduri għall-kontroll effettiv tal-konformità ta’ prodotti (vetturi, sistemi, komponenti jew unitajiet tekniċi separati) għall-approvazzjoni tat-tip; 4.3.2. ikollu aċċess għall-ittestjat jew tagħmir xieraq ieħor neċessarju sabiex tiġi ċċekjata l-konformità għal kull tip approvat; 4.3.3. jiżgura li r-riżultat tat-test jew verifika jiġi rrekordjat u li d-dokumenti annessi jibqgħu disponibbli għal perjodu sa għaxar snin li jiġi ddeterminat bi ftehim mal-awtorità ta’ approvazzjoni; 4.3.4. janalizza r-riżultati għal kull tip ta’ test jew verifika, sabiex tiġi vverifikata u żgurata l-istabbiltà tal-karatteristiċi tal-prodott, b’kunsiderazzjoni għall-varjazzjoni fil-produzzjoni industrijali; 4.3.5. jiżgura li għal kull tip ta’ prodott, jitwettqu tal-inqas il-verifiki u t-testijiet preskritti fir-Regolament (UE) Nru 167/2013 u fl-atti ddelegati u ta’ implimentazzjoni adottati skont dak ir-Regolament kif ukoll dawk stabbiliti fir-Regolament tan-NU/KEE jew fil-Kodiċi tal-OECD rilevanti; 4.3.6. jiżgura li kwalunkwe sett ta’ kampjuni jew partijiet għall-ittestjar li jagħtu evidenza ta’ nuqqas ta’ konformità fit-tip ta’ test inkwistjoni, iwassal għal kampjun u test jew verifika ulterjuri. Il-passi neċessarji kollha jittieħdu sabiex jiġi rrestawrat il-proċess ta’ produzzjoni sabiex tiġi żgurata konformità mal-tip approvat; 4.3.7. fil-każ ta’ approvazzjoni tat-tip ta’ vettura, il-verifiki msemmija fil-punt 4.3.5 tal-inqas jikkonsistu fil-verifika tal-ispeċifikazzjonijiet korretti tal-binja fir-rigward tal-approvazzjoni u l-informazzjoni meħtieġa għaċ-ċertifikati ta’ konformità.

4.4.

Fil-każ ta’ approvazzjonijiet każ b’każ, imħalltin jew f’diversi stadji, l-awtorità ta’ approvazzjoni li tagħti approvazzjoni tat-tip sħiħa għal vettura tista’ titlob dettalji speċifiċi rigward il-konformità mal-konformità tar-rekwiżiti ta’ produzzjoni stabbiliti f’dan l-Anness mingħand kwalunkwe awtorità tal-approvazzjoni li tat approvazzjoni tat-tip għal kwalunkwe sistema, komponent jew unità teknika separata rilevanti.

4.5.

Jekk l-awtorità ta’ approvazzjoni li tagħti l-approvazzjoni tat-tip sħiħa tal-vettura ma tkunx issodisfata bl-informazzjoni rrappurtata msemmija fil-punt 4.4 u tkun kkomunikat dan bil-miktub lill-manifattur inkwistjoni u lill-awtorità ta’ approvazzjoni li tagħti l-approvazzjoni tat-tip għas-sistema, il-komponent jew unità teknika separata, l-awtorità ta’ approvazzjoni li tagħti l-approvazzjoni tat-tip sħiħa għall-vettura titlob konformità addizzjonali tal-awditi jew verifiki tal-produzzjoni sabiex isiru fil-bini tal-manifattur(i) ta’ dawk is-sistemi, komponenti jew unitajiet tekniċi separati u r-riżultati jkunu immedjatament disponibbli għall-awtorità ta’ approvazzjoni kkonċernata.

4.6.

Jekk il-punti 4.4 u 4.5 japplikaw u r-riżultati tal-awditi u l-verifiki ulterjuri jitqiesu mhux sodiafaċenti fl-opinjoni tal-awtorità ta’ approvazzjoni li tagħti l-approvazzjoni tat-tip sħiħa, il-manifattur jiżgura li l-konformità tal-produzzjoni terġa’ tiġi għal li kienet hekk kif ikunu possibbli azzjonijiet korrettivi għas-sodisfazzjon tal-awtorità ta’ approvazzjoni li tagħti l-approvazzjoni tat-tip sħiħa u għas-sodisfazzjon tal-awtorità ta’ approvazzjoni li tagħti l-approvazzjoni tat-tip tas-sistema, l-komponent u l-unità teknika separata.

5.   Arranġamenti ta’ verifika kontinwi

5.1.

L-awtorità li tat l-approvazzjoni tat-tip tista’ fi kwalunkwe ħin tivverifika l-konformità ta’ metodi ta’ kontroll tal-produzzjoni applikati f’kull faċilità ta’ produzzjoni permezz ta’ awditi perijodiċi. Il-manifattur, għal dak l-għan, jipprovdi aċċess għall-manifattura, l-ispezzjoni, l-ittestjar, il-ħażna u s-siti ta’ distribuzzjoni u jipprovdi l-informazzjoni neċessarja kollha fir-rigward tad-dokumentazzjoni u r-rekords tas-sistema ta’ mmaniġġjar tal-kwalità.

5.1.1.

L-approċċ normali għal tali awditi perjodiċi jkun li tiġi mmonitorjata l-effikaċja tal-proċeduri stabbiliti fit-Taqsimiet 3 u 4 (valutazzjoni inizjali u arranġamenti ta’ konformità tal-prodott) ta’ dan l-Anness.

5.1.1.1.

L-attivitajiet ta’ sorveljanza li jkunu saru mis-servizzi tekniċi (ikkwalifikati jew rikonoxxuti kif rikjest fil-punt 3.3.3.) għandhom jiġu aċċettati bħala li jissodisfaw ir-rekwiżiti tal-punt 5.1.1 fir-rigward tal-proċeduri stabbiliti fil-valutazzjoni inizjali.

5.1.1.2.

Il-frekwenza normali ta’ dawn il-verifiki mill-awtorità ta’ approvazzjoni (minbarra dawk imsemmija fil-punt 5.1.1.1) tkun tali li tiżgura li l-konformità rilevanti tal-kontrolli ta’ produzzjoni applikati b’konformità mat-taqsimiet 3 u 4 tiġi riveduta fuq perjodu konsistenti mal-klima ta’ fiduċja stabbilita mill-awtorità ta’ approvazzjoni.

5.2.

F’kull reviżjoni, ir-rekords tat-testijiet, il-verifiki u r-rekords tal-produzzjoni, u b’mod partikolari r-rekords ta’ dawk it-testijiet jew verifiki ddokumentati kif rikjest fil-punt 4.2, għandhom ikunu disponibbli għall-ispettur.

5.3.

L-ispettur jista’ jagħżel b’mod aleatorju kampjuni li għandhom jiġu ttestjati fil-laboratorju tal-manifattur jew fil-faċilitajiet tas-servizz tekniku, f’liema każ, isiru biss testijiet fiżiċi. In-numru minimu ta’ kampjuni jista’ jiġi ddeterminat skont ir-riżultati tal-verifika proprja tal-manifattur.

5.4.

Meta l-livell ta’ kontroll jidher li mhux sodisfaċenti, jew meta jidher neċessarju li tiġi vverifikata l-validità tat-testijiet imwettqa b’applikazzjoni tal-punt 5.2, l-ispettur jagħżel il-kampjuni li għandhom jintbagħtu lis-servizz tekniku biex dan iwettaq testijiet fiżiċi fuqhom b’konformità mar-rekwiżiti stabbiliti fit-Taqsima 4 u fir-Regolament (UE) Nru 167/2013, fl-atti ddelegati u ta’ implimentazzjoni adottati skont dak ir-Regolament u fir-Regolament tan-NU/KEE jew fil-Kodiċi tal-OECD rilevanti.

5.5.

Meta jinstabu riżultati mhux sodisfaċenti matul spezzjoni jew reviżjoni ta’ monitoraġġ, l-awtorità ta’ approvazzjoni tiżgura li jittieħdu l-passi neċessarji kollha sabiex tiġi restawrata malajr kemm jista’ jkun il-konformità tal-produzzjoni.

5.6.

Fejn ir-Regolament (UE) Nru 167/2013 jeħtieġ konformità mar-regolamenti tan-NU/KEE jew fejn dan jippermetti l-użu ta' rapporti kompluti tat-testijiet maħruġin abbażi tal-Kodiċijiet standard tal-OECD bħala alternattiva għar-rekwiżiti stabbiliti fl-atti ddelegati adottati skont dak ir-Regolament, il-manifattur jista’ jagħżel li japplika d-dispożizzjonijiet ta’ dan l-Anness bħala alternattiva għall-konformità tar-rekwiżiti tal-produzzjoni fir-regolamenti tan-NU/KEE jew fil-Kodiċijiet tal-OECD rispettivi. Madankollu, jekk il-punti 4.5 jew 4.6 japplikaw, il-konformità separata kollha tar-rekwiżiti ta’ produzzjoni fir-Regolamenti NU/KEE jew il-Kodiċijiet OECD, għandha tikkonforma għas-sodisfazzjon tal-awtorità ta’ approvazzjoni sakemm tiddeċiedi li ġiet restawrata l-konformità tal-produzzjoni.

ANNESS V

Rekwiżiti fir-rigward tal-aċċess għal informazzjoni dwar it-tiswija u l-manutenzjoni

LISTA TA' APPENDIĊIJIET

Numru tal-Appendiċi	Titlu tal-Appendiċi	Paġna
1	Aċċess għall-OBD tal-vettura u għall-informazzjoni dwar it-tiswija u l-manutenzjoni tal-vettura	26
2	Informazzjoni biex ikunu jistgħu jiġu żviluppati l-għodda ġeneriċi ta' dijanjożi	28

1.   Definizzjoni

Għall-finijiet ta’ dan l-Anness, tapplika d-definizzjoni li ġejja: “aċċess għall-OBD ta’ Vettura u għall-Informazzjoni dwar it-Tiswija u l-Manutenzjoni ta’ Vettura” ifisser id-disponibbiltà tal-OBD kollha u tal-informazzjoni kollha dwar it-tiswija u l-manutenzjoni meħtieġa għall-ispezzjoni, id-dijanjożi, l-għoti ta’ servis jew it-tiswija tal-vettura.

2.   Konformità ma’ aċċess għall-OBD ta’ vettura u mar-rekwiżiti tal-informazzjoni dwar it-tiswija u l-manutenzjoni ta’ vettura fil-proċedura tal-approvazzjoni tat-tip

2.1.

Il-manifattur jiżgura konformità mar-rekwiżiti tekniċi fl-Anness rigward l-aċċess għall-OBD ta’ vettura u għall-informazzjoni dwar it-tiswija u l-manutenzjoni ta’ vettura.

2.2.

L-awtoritajiet ta’ approvazzjoni jagħtu l-approvazzjoni tat-tip biss wara li jirċievu mingħand il-manifattur Ċertifikat dwar l-Aċċess għal OBD ta’ Vettura u għal Informazzjoni dwar it-Tiswija u l-Manutenzjoni ta’ Vettura

2.3.

Iċ-Ċertifikat dwar Aċċess għal OBD ta’ Vettura u għal Informazzjoni dwar it-Tiswija u l-Manutenzjoni ta’ Vettura iservi bħala l-prova tal-konformità mal-Kapitolu XV tar-Regolament (UE) Nru 167/2013.

2.4.

Iċ-Ċertifikat dwar Aċċess għal OBD ta’ Vettura u għal Informazzjoni dwar it-Tiswija u l-Manutenzjoni ta’ Vettura jsir b’konformità mal-mudell imsemmi fl-Artikolu 53(8)(3) tar-Regolament (UE) Nru 167/2013

3.   Tariffi għall-aċċess

Minbarra aċċess ibbażat fuq iż-żmien skont l-Artikolu 55 tar-Regolament (UE) Nru 167/2013, il-manifatturi jistgħu joffru aċċess ibbażat fuq tranżazzjoni li għalih jiġu ċċarġjati tariffi għal kull tranżazzjoni u li ma jkunux ibbażat fuq iż-żmien li għalih jingħata l-aċċess. Meta l-manifatturi joffru sistemi ta’ aċċess ibbażati kemm fuq iż-żmien kif ukoll fuq it-tranżazzjoni, il-mekkaniks jagħżlu sistema ta’ aċċess preferuta, jew ibbażata fuq iż-żmien jew ibbażata fuq it-tranżazzjoni.

4.   Partijiet għas-servis, għodod dijanjostiċi u tagħmir għat-testijiet

4.1.

Fil-kuntest tal-Artikolu 53(6) tar-Regolament (UE) Nru 167/2013, il-manifattur jagħmel disponibbli l-informazzjoni li ġejja għall-partijiet interessati abbażi ta’ arranġamenti individwali li għalihom japplika l-prinċipju tal-Artikolu 55 tar-Regolament (UE) Nru 167/2013 u jipprovdi dettalji ta’ kuntatt fuq il-websajt tiegħu: 4.1.1. informazzjoni rilevanti li tippermetti l-iżvilupp ta’ komponenti ta’ sostituzzjoni li huma kritiċi għall-iffunzjonar korrett tas-sistema OBD; 4.1.2. informazzjoni li tippermetti l-iżvilupp ta’ għodod dijanjostiċi ġeneriċi kif elenkati fl-Appendiċi 2.

4.2.

Għall-finijiet tal-punti 4.1.1., l-iżvilupp tal-komponenti ta’ sostituzzjoni ma għandu jkun ristrett minn ebda waħda minn dawn li ġejjin: 4.2.1. in-nuqqas ta’ disponibbiltà ta’ informazzjoni pertinenti; 4.2.2. ir-rekwiżiti tekniċi relatati ma’ strateġiji ta’ indikazzjoni ta’ funzjoni ħażina jekk il-limiti minimi tal-OBD jinqabżu jew jekk is-sistema OBD mhix kapaċi tissodisfa r-rekwiżiti ta’ monitoraġġ bażiċi tal-OBD ta’ dan ir-Regolament; 4.2.3. modifikazzjonijiet speċifiċi għall-indirizzar ta’ informazzjoni OBD sabiex titratta b’mod indipendenti l-operat tal-vettura bi fjuwils likwidi jew magħmulin mill-gass; 4.2.4. l-approvazzjoni tat-tip ta’ vetturi li jaħdmu bi fjuwils magħmula mill-gass li jinkludu numru limitat ta’ defiċenzi minuri.

4.3.

Għall-finijiet tal-punt 4.1.2, meta l-manifatturi jużaw għodod dijanjostiċi u tal-ittestjar b’konformità mal- ISO 22900-2:2009 dwar interfaċċja modulari ta’ komunikazzjoni tal-vettura (MVCI) kif ukoll ISO 22901-2:2011 dwar Skambju Miftuħ ta’ Data Dijanjostika (ODX), fin-netwerks franchised tagħhom, il-fajls ODX ikunu aċċessibbli għal operaturi indipendenti permezz tal-website tal-manifattur.

5.   Approvazzjoni tat-tip f’diversi stadji

5.1.

Fil-każ ta’ approvazzjoni tat-tip f’diversi stadji, kif definit fl-Artikolu 20 tar-Regolament (UE) Nru 167/2013, il-manifattur finali huwa responsabbli sabiex jipprovdi aċċess għall-OBD ta’ vettura u għall-informazzjoni dwar it-tiswija u l-manutenzjoni ta’ vettura rigward l-istadju(i) u r-rabta mal-istadju(i) preċedenti.

5.2.

Barra minn hekk, il-manifattur finali jipprovdi fuq il-websajt tiegħu l-informazzjoni li ġejja għal operaturi indipendenti: 5.2.1. l-indirizz tal-websajt tal-manifattur(i) responsabbli għall-istadju(i) preċedenti; 5.2.2. l-isem u l-indirizz tal-manifatturi kollha responsabbli għall-istadju(i) preċedenti; 5.2.3. in-numru(i) tal-approvazzjoni tat-tip tal-istadju(i) preċedenti; 5.2.4. in-numru tal-magna

5.3.

Il-manifatturi responsabbli għal stadju jew stadji ta’ approvazzjoni tat-tip partikolari huma responsabbli li jipprovdu permezz tal-websajt tagħhom aċċess għall-OBD ta’ vettura u informazzjoni dwar it-tiswija u l-manutenzjoni ta’ vettura rigward l-istadju(i) tal-approvazzjoni tat-tip li huma responsabbli għalihom u r-rabta għall-istadju(i) preċedenti.

5.4.

Il-manifattur responsabbli għal stadju jew stadji partikolari ta’ approvazzjoni tat-tip għandu jipprovdi l-informazzjoni li ġejja lill-manifattur responsabbli għall-istadju li jmiss: 5.4.1. iċ-Ċertifikat ta’ Konformità relatat mal-istadju(i) li huwa responsabbli għalihom; 5.4.2. iċ-Ċertifikat dwar Aċċess għal OBD ta’ Vettura u għal Informazzjoni dwar it-Tiswija u l-Manutenzjoni ta’ Vettura, inkluż l-appendiċijiet tiegħu; 5.4.3. in-numru tal-approvazzjoni tat-tip li jikkorrispondi għall-istadju(i) li huwa responsabbli għalih; 5.4.4. id-dokumenti msemmija fil-punti 5.4.1., 5.4.2 u 5.4.3 huma pprovduti mill-manifattur(i) involut(i) fi stadju(i) preċedenti.

5.5.

Kull manifattur jawtorizza lill-manifattur responsabbli għall-istadju li jmiss biex jgħaddi d-dokumenti lill-manifatturi responsabbli għall-istadji sussegwenti u finali.

5.6.

Barra minn hekk, fuq bażi kuntrattwali, il-manifattur responsabbli għal stadju jew stadji partikolari tal-approvazzjoni tat-tip għandu: 5.6.1. jipprovdi lill-manifattur responsabbli għall-istadju li jmiss b’aċċess għall-OBD u għall-informazzjoni dwar it-tiswija u l-manutenzjoni u informazzjoni dwar l-interfaċċja korrispondenti għal stadju(i) partikolari li huwa responsabbli għalihom; 5.6.2. jipprovdi, wara li ssir talba mill-manifattur responsabbli għal stadju sussegwenti tal-approvazzjoni tat-tip, b’aċċess għal OBD ta’ vettura u għal informazzjoni dwar it-tiswija u l-manutenzjoni ta’ vettura, u informazzjoni dwar l-interfaċċja korrispondenti għal stadju(i) partikolari li huwa responsabbli għalihom.

5.7.

Manifattur, inkluż manifattur aħħari, jista’ jiċċarġġja tariffi b’konformità mal-Artikolu 55 tar-Regolament (UE) Nru 167/2013 biss fir-rigward ta’ stadju(i) partikolari li huwa responsabbli għalihom.

5.8.

Manifattur, inkluż manifattur aħħari ma jiċċarġjax tariffi sabiex jipprovdi informazzjoni relatata mal-indirizz tal-websajt jew dettalji ta’ kuntatt ta’ kwalunkwe manifattur ieħor.

6.   Manifatturi ta’ volumi żgħar

6.1.

Il-manifatturi għandhom jipprovdu aċċess għall-informazzjoni dwar it-tiswija u l-manutenzjoni b’mod aċċessibbli minnufih u fil-pront, u b’mod li ma jkunx diskriminatorju meta mqabbel mad-dispożizzjonijiet mogħtija jew mal-aċċess mogħti lil negozjanti u mekkaniks awtorizzati f’konformità mal-Artikolu 53(13) tar-Regolament UE Nru 167/2013, jekk il-produzzjoni dinjija annwali tagħhom ta’ tip ta’ vettura koperta minn dak ir-Regolament tkun inqas minn (a) għall-kategorija T: 200 vettura; (b) għall-kategorija C: 80 vettura; (c) għall-kategorija R: 400 vettura; (d) għall-kategorija S: 200 vettura. Għal tip ta’ sistema, komponent jew unità teknika separata koperti minn dan ir-Regolament, iċ-ċifra rilevanti fit-tifsira ta’ din id-dispożizzjoni hija 250 unità.

6.2.

Vetturi, sistemi, komponenti u unitajiet tekniċi separati koperti mill-paragrafu 1 huma elenkati fuq il-websajt tal-manifattur dwar l-informazzjoni dwar it-tiswija u l-manutenzjoni.

6.3.

L-awtorità ta’ approvazzjoni tinforma lill-Kummissjoni dwar l-approvazzjonijiet tat-tip kollha li tkun tat lill-manifatturi ta’ volumi żgħar

7.   Konformità mal-obbligi rigward l-aċċess għall-OBD ta’ vetturi u informazzjoni dwar it-tiswija u l-manutenzjoni ta’ vetturi

7.1.

Awtorità ta’ approvazzjoni tista’, fi kwalunkwe żmien, fuq l-inizjattiva tagħħa stess jew abbażi ta’ lment jew ta’ valutazzjoni minn servizz tekniku, tivverifika l-konformità tal-manifattur mal-obbligi tiegħu skont ir-Regolament (UE) Nru 167/2013, dan ir-Regolament u t-termini taċ-Ċertifikat dwar Aċċess għal OBD ta’ Vettura u għal Informazzjoni dwar it-Tiswija u l-Manutenzjoni ta’ Vettura.

7.2.

Meta awtorità ta’ approvazzjoni ssib li manifattur naqas milli jikkonforma mal-obbligi tiegħu rigward l-aċċess għal informazzjoni dwar l-OBD ta’ vettura u dwar it-tiswija u l-manutenzjoni ta’ vettura, l-awtorità ta’ approvazzjoni li tagħti l-approvazzjoni tat-tip rilevanti tieħu miżuri xierqa biex tirrimedja s-sitwazzjoni.

7.3.

Tali miżuri jistgħu jinkludu l-irtirar jew is-sospensjoni tal-approvazzjoni tat-tip, multi jew miżuri oħra adottati f’konformità mar-Regolament (UE) Nru 167/2013.

7.4.

Jekk operatur indipendenti jew assoċjazzjoni kummerċjali li tirrappreżenta operaturi indipendenti tressaq ilment quddiem l-awtorità ta’ approvazzjoni, l-awtorità twettaq awditu biex tivverifika l-konformità tal-manifattur mal-obbligi dwar l-aċċess għal OBD ta’ vettura u informazzjoni dwar it-tiswija u l-manutenzjoni ta’ vettura

7.5.

Meta tagħmel l-awditu, l-awtorità ta’ approvazzjoni tista’ titlob lil servizz tekniku jew lil kwalunkwe espert indipendenti ieħor biex jagħmel valutazzjoni biex jiġi vverifikat jekk dawn l-obbligi humiex issodisfati.

7.6.

Jekk OBD ta’ vettura u informazzjoni dwar it-tiswija u l-manutenzjoni ta’ vettura mhumiex disponibbli meta ssir l-applikazzjoni għall-approvazzjoni tat-tip, il-manifattur jipprovdi dik l-informazzjoni fi żmien sitt xhur mid-data tal-approvazzjoni tat-tip.

7.7.

Meta l-vettura titpoġġa fis-suq iktar minn sitt xhur wara l-approvazzjoni tat-tip, l-informazzjoni tiġi pprovduta fid-data meta l-vettura titpoġġa fis-suq.

7.8.

L-awtorità ta’ approvazzjoni tista’ tassumi abbażi ta’ Ċertifikat dwar Aċċess għal OBD ta’ Vettura u għal Informazzjoni dwar it-Tiswija u l-Manutenzjoni ta’ Vettura komplut li l-manifattur stabbilixxa arranġamenti u proċeduri sodisfaċenti fir-rigward ta’ aċċess għal OBD ta’ vettura u informazzjoni dwar tiswija u manutenzjoni ta’ vettura, sakemm ma jkun sar ebda ilment u li l-manifattur jipprovdi ċ-ċertifikat fil-perjodi msemmija fil-paragrafu 7.7.

7.9.

Jekk iċ-ċertifikat ta’ konformità ma jiġix ipprovdut f’dak il-perjodu, l-awtorità ta’ approvazzjoni tieħu l-miżuri xierqa sabiex tiżgura konformità.

8.   Rekwiżiti ta’ informazzjoni għall-għoti ta’ aċċess lill-operaturi indipendenti għal oqsma mhux siguri

8.1.

Għal aċċess għal kwalunkwe OBD u informazzjoni dwar tiswija u manutenzjoni ta’ vettura minbarra dak relatat għal oqsma siguri tal-vettura, ir-rekwiżiti ta’ reġistrazzjoni għall-użu tal-websajt tal-manifattur minn operatur indipendentijirrikjedu biss tali informazzjoni neċessarja biex jiġi kkonfermat kif għandu jsir il-ħlas għall-informazzjoni.

9.   Rekwiżiti ta’ informazzjoni għall-għoti ta’ aċċess lill-operaturi indipendenti ta’ oqsma siguri

9.1.

Għal aċċess għal kwalunkwe OBD u informazzjoni dwar tiswija u manutenzjoni dwar aċċess għal oqsma siguri tal-vettura, l-operatur indipendenti għandu jkun approvat u awtorizzat għal dan l-għan abbażi ta’ dokumenti li juru li huwa jwettaq attività kummerċjali leġittima u ma kien akkużat bl-ebda attività kriminali rilevanti.

9.2.

Operaturi indipendenti jingħataw aċċess għall-karatteristiċi ta’ sigurtà ta’ vettura minn negozjanti awtorizzati u ħwienet tat-tiswija taħt il-protezzjoni ta’ teknoloġija ta’ sigurtà rigward l-iskambju ta’ dejta li tiżgura kunfidenzjalità, integrità u protezzjoni sabiex ma jerġax jiġri l-istess

9.3.

Il-Forum dwar Aċċess għal Informazzjoni dwar Vettura previst mill-Artikolu 56 tar-Regolament (UE) Nru 167/2013 se jispeċifika l-iktar parametri avvanzati għall-issodisfar ta’ dawn ir-rekwiżiti.

9.4.

Għal informazzjoni rigward aċċess għal oqsma siguri tal-vettura, l-operatur indipendenti jippreżenta ċertifikat f’konformità ma’ ISO 20828:2006 biex jidentifika lilu nnifsu u l-organizzazzjoni li jappartjeni għaliha. Il-manifattur jirrispondi biċ-ċertifikat proprju tiegħu f’konformità ma’ ISO 20828:2006 biex jikkonferma lill-operatur indipendenti li qed jaċċessa sit leġittimu tal-manifattur inkwistjoni. Iż-żewġ partijiet iżommu log ta’ kwalunkwe tali tranżazzjoni billi jindikaw il-vetturi u l-bidliet li jkunu saru skont din id-dispożizzjoni.

ANNESS VI

Rekwiżiti li japplikaw għal strutturi ta’ protezzjoni kontra l-qlib (ittestjar dinamiku)

A.   DISPOŻIZZJONI ĠENERALI

1.

Ir-rekwiżiti tal-Unjoni li japplikaw għal strutturi ta’ protezzjoni kontra l-qlib (ittestjar dinamiku) huma stabbiliti fil-punt B.

B.   REKWIŻITI LI JAPPLIKAW GĦAL STRUTTURI TA’ PROTEZZJONI KONTRA L-QLIB (ITTESTJAR DINAMIKU) (1)

1.   Definizzjonijiet

1.1.   [Mhux applikabbli]

1.2.   Struttura Protettiva fil-Każ ta’ Qlib (ROPS)

Struttura ta’ protezzjoni fil-każ ta’ qlib (kabina jew qafas ta' protezzjoni), minn hawn ‘il quddiem imsejħa ‘struttura protettiva’, tfisser l-istruttura fuq trattur li l-iskop essenzjali tagħha huwa li jiġu evitati jew limitati riskji lis-sewwieq li jirriżultaw minn qlib tat-trattur waqt użu normali.

L-istruttura ta’ protezzjoni kontra l-qlib hija kkaratterizzata mill-provvista ta’ żona libera kbira biżżejjed biex tipproteġi lix-xufier meta jkun bilqiegħda kemm fuq ġewwa tal-involukru tal-istruttura jew barra l-ispazju imdawwar b’serje ta’ linji dritti mit-truf ta’ barra tal-istruttura għal kwalunkwe parti tat-trattur li tista’ tiġi f’kuntatt ma’ art ċatta u li kapaċi ssostni t-trattur f’dik il-pożizzjoni jekk it-trattur jinqaleb.

1.3.   Karreġġjata

1.3.1.   Definizzjoni preliminari: pjan medjan tar-rota

Il-pjan medjan tar-rota huwa mbiegħed indaqs miż-żewġ pjani li jinkludu l-periferiji tar-rimmijiet fit-truf ta’ barra tagħhom.

1.3.2.   Id-definizzjoni ta’ karreġġjata

Il-pjan vertikali minn ġol-fus tar-rota jaqsam minn naħa għall-oħra tal-pjan medjan tagħha tul linja dritta li tiltaqa’ mal-pjan li jerfa’ f’xi punt. Jekk A u B huma ż-żewġ punti għaldaqstant iddefiniti għar-roti fuq l-istess fus tat-trattur, allura l-wisgħa tal-karreġġjata hija d-distanza bejn il-punti A u B. Għaldaqstant, il-karreġġjata tista’ tiġi definita kemm għar-roti ta’ quddiem kif ukoll għal roti ta’ wara. Fejn hemm żewġ roti tewmin, il-karreġġjata hija d-distanza bejn żewġ pjani b’kull wieħed minnhom bħala l-pjan medjan tal-pari tar-roti.

Għat-tratturi biċ-ċineg, il-kareġġjata hija d-distanza bejn il-pjani medjani taċ-ċineg.

1.3.3.   Definizzjoni addizzjonali: pjan medjan tat-trattur

Jittieħdu l-pożizzjonijiet estremi tal-punti A u B għall-fus ta’ wara tat-trattur, li huwa l-akbar valur possibbli għall-karreġġjata. Il-pjan vertikali f’angolu rett għal-linja AB fil-punt ċentrali tiegħu huwa l-pjan medjan tat-trattur.

1.4.   Bażi tar-roti

Id-distanza bejn il-pjani vertikali għaddejjin miż-żewġ linji AB kif iddefinit hawn fuq, waħda għar-roti ta’ quddiem u waħda għar-roti ta’ wara.

1.5.   Determinazzjoni ta’ punt ta’ indiċi tas-sit; Pożizzjoni tas-sit u aġġustament għat-test

1.5.1.   Punt ta’ Indiċi tas-Sit (SIP) (2)

Il-punt ta’ indiċi ta’ sit jiġi ddeterminat b’konformità ma’ ISO 5353:1995.

1.5.2.   Post tas-sit u aġġustament għat-test

1.5.2.1.

Meta l-inklinazzjoni tad-daħar u l-magħqad tas-sit hija aġġustabbli, dawn għandhom jiġu aġġustati sabiex il-punt ta’ indiċi tas-sit ikun fl-iktar pożizzjoni għolja fuq wara;

1.5.2.2.

Meta s-sit huwa mgħammar b’sospensjoni, din għandha tkun imblukkata fin-nofs ta’ kemm jimxi s-sit, sakemm dan mhux kuntrarju għall-istruzzjonijiet ċari stabbiliti mill-manifattur tas-sit;

1.5.2.3.

Meta l-pożizzjoni tas-sit hija aġġustabbli biss fit-tul u b’mod vertikali, l-assi lonġitudinali li jgħaddi mill-punt ta’ indiċi tas-sit ikun parallel mal-pjan vertikali longitudinali tat-trattur li jgħaddi miċ-ċentru tal-istering u ma jkunx iktar minn 100 mm minn dak il-pjan.

1.6.   Żona libera

1.6.1.   Pjan ta’ referenza

Iż-żona libera hija murija fil-Figuri 3.8 sa 3.10 u fit-Tabella 3.3. Iż-żona hija ddefinita fir-rigward tal-pjan ta’ referenza u l-Punt tal-Indiċi tas-Sit. Il-pjan ta’ referenza huwa pjan vertikali, ġeneralment lonġitudinali għat-trattur u jgħaddi mill-punt ta’ indiċi tas-sit u miċ-ċentru tal-istering. Normalment il-pjan ta’ referenza jikkoinċidi mal-pjan medjan lonġitudinali tat-trattur. Il-pjan ta’ referenza għandu jitqies li jersaq orizzontalment mas-sit u r-rota tal-istering meta jkun mgħobbi iżda li jibqa’ perpendikulari mat-trattur jew mal-art tal-istruttura protettiva fil-każ ta’ qlib. Iż-żona libera hija definita abbażi tas-subklawżoli 1.6.2 u 1.6.3.

1.6.2.   Determinazzjoni taż-żona libera għal tratturi b’sit mhux riversibbli

Iż-żona libera għat-tratturi b’sit mhux riversibbli hija definita fil-punti 1.6.2.1 sa 1.6.2.10 t’hawn taħt u hija mdawra bl-uċuħ li ġejjin, it-trattur ikun fuq pjan orizzontali, is-sit, meta jkun aġġustabbli, aġġustat għall-iktar pożizzjoni għolja fuq wara (2), u l-istering, meta jkun aġġustabbli, aġġustat għal pożizzjoni fin-nofs għal sewqan bil-qiegħda:

1.6.2.1.

pjan orizzontali A1 B1 B2 A2, (810+av) mm ’il fuq mill-punt ta’ indiċi tas-sit (SIP) bil-linja B1B2 f’pożizzjoni (ah-10) mm wara s-SIP;

1.6.2.2.

pjan inklinat G1 G2 I2 I 1, perpendikolari għall-pjan ta’ referenza, inkluż kemm punt 150 mm wara l-linja B1B2 u l-iktar punt fuq wara tad-dahar tas-sit;

1.6.2.3.

pjan ċilindriku A1 A2 I2 I1 perpendikolari għall-pjan ta’ referenza, li għandu raġġ ta’ 120 mm tanġenzjali għall-uċuħ definiti f’1.6.2.1 u 1.6.2.2 hawn fuq;

1.6.2.4.

pjan ċilindriku B1 C1 C2 B2, perpendikolari għall-pjan ta’ referenza, li għandu raġġ ta’ 900mm li jestendi ’l quddiem għal 400mm u tanġenzjali għall-pjan definit f’1.6.2.1 hawn fuq mal-linja B1B2;

1.6.2.5.

pjan inklinat C1 D1 D2 C2, perpendikolari għall-pjan ta’ referenza, li jgħaqqad il-pjan definit f’1.6.2.4 hawn fuq u jgħaddi 40mm mix-xifer estern ta’ quddiem tal-istering. Fil-każ ta’ pożizzjoni għolja tal-istering, dan il-pjan jestendi ’l quddiem mil-linja B1B2 tanġenzjali għall-pjan definit f’1.6.2.4 hawn fuq;

1.6.2.6.

pjan vertikali D1E1 E2 D2 perpendikolari għall-pjan ta’ referenza mil-linja 40mm ’il quddiemmix-xifer estern tal-istering;

1.6.2.7.

pjan orizzontali E1F1 F2E2 li jgħddi minn punt (90-av)mm taħt il-punt ta’ indiċi tas-sit (SIP);

1.6.2.8.

pjan G1 F1 F2 G2, jekk hemm bżonn ġej għat-tond mil-limitu tal-qiegħ tal-pjan definit f’1.6.2.2 hawn fuq għall-pjan orizzontali definit f’1.6.2.7 hawn fuq, perpendikolari għall-pjan ta’ referenza, u f’kuntatt mad-dahar tas-sit fit-tul kollu tiegħu;

1.6.2.9.

Uċuħ vertikali J1 E1 F1 G1 H1 u J2 E2 F2 G2 H2. Dawn l-uċuħ vertikali jestendu ’l fuq mill-pjan E1 F1 F2 E2 għal 300 mm; id-distanzi E1 E0 u E2 E0 ikunu 250 mm;

1.6.2.10.

pjani paralleli A1 B1 C1 D1 J1 H1 I1 u A2 B2 C2 D2 J2 H2 I2 inklinati sabiex ix-xifer ta’ fuq tal-pjan li fuq in-naħa tiegħu tiġi applikata l-forza jkun tal-inqas 100 mm mill-pjan ta’ referenza vertikali.

1.6.3.   Determinazzjoni taż-żona libera għal tratturi b’pożizzjoni tas-sewwieq riversibbli

Għal tratturi b’pożizzjoni tas-sewwieq riversibbli (sit u rota tal-istering riversibbli), iż-żona libera huwa l-involukru taż-żewġ żoni liberi ddefiniti miż-żewġ pożizzjonijiet differenti tar-rota tal-istering u s-sit.

1.6.4.   Sits mhux obbligatorji

1.6.4.1.

F’każ ta’ tratturi li jistgħu jintramaw b’sits mhux obbligatorji, l-involukru li fih il-punti tal-indiċi tas-sit tal-għażliet kollha offruti għandu jintuża matul it-testijiet. L-istruttura protettiva ma għandhiex tidħol fiż-żona libera l-kbira li tqis dawn il-punti differenti tal-indiċi tas-sit.

1.6.4.2.

F’każ fejn tiġi offruta għażla ġdida ta’ sit wara li jkun sar it-test, għandu jsir kalkolu biex jinstab jekk iż-żona libera madwar l-SIP il-ġdid taqax fl-involukru stabbilit qabel. Jekk ma taqax hemm, irid isir test mill-ġdid.

1.6.4.3.

Sit opzjonali ma jinkludix sit għal persuna apparti dak tas-sewwieq u minn fejn it-trattur ma jistax jiġi kkontrollat. Is-SIP ma jinkluidx sit għal persuna apparti s-sewwieq u minn fejn it-trattur ma jistax jiġi kkontrollat.

1.7.   Massa mingħajr saborra

Il-massa tat-trattur mingħajr mezzi tas-saborra u, fil-każ ta' tratturi b'tajers pnewmatiċi, mingħajr saborra likwida fit-tajers. It-trattur għandu jkun jaħdem bit-tankijiet, ċirkuwiti u radjatur mimlijin, l-istruttura protettiva bil-cladding u bi kwalunkwe apparat tal-karreġġjata jew komponent ta' kontroll tar-rota ta' quddiem addizzjonali meħtieġ għal użu normali. L-operatur mhuwiex inkluż.

1.8.   Tolleranzi permissibbli ta’ kejl

Distanza	± 0,5 mm
Forza:	± 0,1% (tal-iskala sħiħa tas-senser)
Massa:	± 0,2% (tal-iskala sħiħa tas-senser)
Pressjoni tat-tajer	± 5,0 %
Angolu	± 0,1°

1.9.   Simboli

ah	(mm)	Nofs l-aġġustament orizzontali tas-sit
av	(mm)	Nofs l-aġġustament vertikali tas-sit
E	(J)	Input ta’ enerġija matul it-test
F	(N)	Forza ta’ tagħbija statika
H	(mm)	Għoli tal-lift taċ-ċentru tal-gravità tal-blokk pendlu
I	(kg.m2)	Mument ta’ inerzja madwar il-fus ta’ wara, minbarra roti użati għall-kalkolu tal-enerġija tal-impatt fuq wara
L	(mm)	Il-bażi tar-rota użat għall-kalkolu tal-enerġija tal-impatt fuq wara
M	(kg)	Massa użata għall-kalkolu tal-enerġija u l-forzi tat-tgħaffiġ

2.   Qasam ta' applikazzjoni

2.1.   Dan l-Anness huwa applikabbli għal tratturi li għandhom tal-inqas żewġ fusijiet għal roti b’tajers pnewmatiċi b’żidiet jew mingħajr żidiet għat-tracks u b’massa tat-trattur mhux bil-ballast ikbar minn 600kg iżda ġeneralment inqas minn 6 000 kg.

2.2.   Il-wisa' minimu tal-karreġġjata tar-roti ta' wara għandha normalment tkun ikbar minn 1 150 mm huwa magħruf li jista’ jkun hemm disinji ta’ tratturi pereżempju lawn mowers, tratturi dojoq għad-dwieli, tratturi bi profil baxx użati f’binjiet b'żona libera 'l fuq mir-ras limitata jew f’ġonna tal-frott, tratturi bi spazju liberu għoli u makkinarju speċjali għall-forestrija, bħall-forwarders u skidders, li għalihom mhux applikabbli dan l-Anness.

3.   Regoli u struzzjonijiet

3.1.   Regolamenti ġenerali

3.1.1.   L-istruttura ta' protezzjoni tista' tiġi mmanifatturara jew mill-produttur tat-trattur jew minn ditta indipendenti. Fi kwalunkwe każ, test huwa validu biss għall-mudell ta' trattur li fuqu jitwettaq. L-istruttura ta' protezzjoni trid tiġi ttestjata mill-ġdid għal kull mudell ta' trattur li fuqu tintrama'. Madankollu, stazzjonijiet ta’ ttestjar jistgħu jiċċertifikaw li t-testijiet tas-saħħa huma validi wkoll għal mudelli tat-tratturi derivati mill-mudell oriġinali permezz ta’ modifiki għall-magna, trażmissjoni u sospensjoni tal-istering u fuq quddiem (ara hawn taħt 3.6: Estensjoni għal mudelli ta’ tratturi oħrajn). Mill-banda l-oħra, aktar minn struttura waħda ta' protezzjoni tista' tiġi ttestjata għal kwalunkwe mudell ta' trattur.

3.1.2.   L-istruttura protettiva sottomessa għal test dinamiku għandha tiġi fornuta mehmuża b’mod normali għall-mudell tat-trattur li b’konnessjoni tiegħu qed tiġi ttestjata. It-trattur sottomess għandu jiġi komplut u jaħdem tajjeb.

3.1.3.   Meta jkun ikkonċernat trattur "tandem", għandha tintuża l-massa tal-verżjoni standard ta' dik il-parti li magħha titwaħħal l-istruttura protettiva.

3.1.4.   Struttura protettiva tistaż tiġi ddisinjata biss sabiex tipproteġi lis-sewwieq fil-każ li t-trattur jinqeleb. Fuq din l-istruttura jista' jkun possibbli li titwaħħal protezzjoni kontra t-temp għas-sewwieq li tkun ta' natura temporanja bejn wieħed u ieħor. Normalment, is-sewwieq ineħħiha meta tkun is-sħana hemm iżda strutturi ta' protezzjoni li l-kisi ta' barra tagħhom huwa permanenti u għandhom ventilazzjoni kontra s-sħana permezz ta' twieqi jew perpuri. Minħabba li l-cladding jista' jżid is-saħħa tal-istruttura u jekk jitneħħa jista' jkun assenti meta jseħħ l-aċċident, il-partijiet kollha li jistgħu jitneħħew ukoll mis-sewwieq, jitneħħew għall-għanijiet tat-test. Għat-test, il-bibien, it-tieqa fis-saqaf u t-twieqi li jisgħtu jinfetħu jew jitneħħew jew jiġu ffissati fil-pożizzjoni miftuħa, sabiex ma jżidux għas-saħħa tal-istruttura ta’ protezzjoni. Għandu jiġi nnotat jekk, f'din il-pożizzjoni, joħolqux periklu għas-sewwieq fil-każ li jinqeleb.

Tul il-bqija ta' dawn ir-regoli għandha ssir referenza biss għall-ittestjar tal-istruttura ta' protezzjoni. Irid ikun ċar li dan jinkludi l-kisi ta' barra li mhux ta' natura temporanja.

Deskrizzjoni ta' xi kisi ta' barra temporanju trid tiġi inkluża fl-ispeċifikazzjonijiet. Ħġieġ jew kull materjal bħalu li jinkiser malajr għandu jitneħħa qabel it-test. Komponenti tat-trattur u tal-istruttura ta' protezzjoni li tista' ssirilhom ħsara għal xejn b'xejn matul it-test u li ma jaffettwawx is-saħħa tal-istruttura ta' protezzjoni jew id-daqsijiet tagħha jistgħu jitneħħew qabel it-test jekk din tkun ix-xewqa tal-produttur. Tiswijiet jew aġġustamenti ma jistgħux isiru matul it-test.

3.1.5.   Kwalunkwe komponent tat-trattur li jikkontribwixxi għas-saħħa tal-istruttura protettiva bħal madgards, li jkun issaħħaħ mill-manifattur, għandu jiġi deskritt u l-kejl tiegħu għandu jingħata fir-rapport tat-test.

3.2.   Apparat u kundizzjonijiet tat-test

3.2.1.   L-istruttura tintlaqat minn blokk li jaġixxi bħala pendlu u tiġi sottomessa għal test ta’ tgħaffiġ fuq in-naħa ta’ quddiem u ta’ wara.

3.2.2.   Il-massa tal-blokk pendlu (Figura 3.1) tkun 2 000kg. Il-pjan tal-impatt tagħha għandu jkollu d-dimensjonijiet 680 × 680 mm ± 20. Għandha tkun magħmula b’tali mod li l-pożizzjoni taċ-ċentru tal-gravità tiegħu jkun kostanti (pereżempju bi blokok tal-ħadid imdawrin bil-konkrit). Għandha tiġi sospiża minn punt pivotali madwar 6m ’il fuq mill-art b’tali mod li l-għoli tal-pendlu jkun jista’ jiġi aġġustat b’mod sikur u konvenjenti.

3.2.3.   Għal tratturi b’inqas minn 50% tal-massa tagħhom fuq ir-roti ta’ quddiem, l-ewwel daqqa tkun fuq in-naħa ta’ wara tal-istruttura. Dan jiġi segwit minn test ta’ tgħaffiġ fuq in-naħa ta’ wara wkoll tal-istruttura. It-tieni daqqa tiġi fuq in-naħa ta’ quddiem u t-tielet fuq il-ġenb. Fl-aħħar ikun hemm it-tieni test ta’ tgħaffiġ fuq in-naħa ta’ quddiem.

Għal tratturi b’iktar minn 50% jew iktar tal-massa tagħhom fuq ir-roti ta’ quddiem, l-ewwel daqqa tkun fuq in-naħa ta’ quddiem u t-tieni daqqas fuq il-ġenb. Dan jiġi segwit miż-żewġ testijiet ta’ tgħaffiġ, l-ewwel wieħed fuq in-naħa ta’ wara u t-tieni fuq quddiem.

3.2.4.   Għal tratturi bil-pożizzjoni tax-xufier riversibbli (sit riversibbli u stering riversibbli), l-ewwel daqqa tkun lonġitudinali fuq l-itqal parti (b’iktar minn 50% tal-massa tat-trattur). Dan jiġi segwit minn test ta’ tgħaffiġ fuq l-istess parti. It-tieni daqqa tkun fuq il-parti l-oħra, u t-tielet fuq il-ġenb. Fl-aħħar, ikun hemm it-tieni test ta’ tgħaffiġ fuq in-naħa eħfef.

3.2.5.   Tintgħażel wisa’ tal-karreġġjata għar-roti ta’ wara b’tali mod li l-istruttura bl-ebda mod ma tkun sostnuta mit-tajers matul it-test Din id-dispożizzjoni tista’ ma tiġix ikkunsidrata jekk jingħata t-tali sostenn meta r-roti huma ssettjati fl-iktar alternattiva wiesgħa ta' karreġġjata.

3.2.6.   Il-ġenb tat-trattur li fuqu tingħata d-daqqa ikun dak li fl-opinjoni tal-istazzjon tal-ittestjar, probabbilment jagħti l-aħjar distorsjoni. Id-daqqa fuq wara tkun fuq il-kantuniera opposta għad-daqqa fuq il-ġenb u d-daqqa fuq quddiem fuq il-kantuniera eqreb għad-daqqa fuq il-ġenb. Id-daqqa fuq wara tiġi amministrata f’distanza ta’ żewġ terzi mill-pjan medjan tat-trattur għall-pjan vertikali li jmiss il-parti estrema ta’ barra tal-istruttura. Madankollu, jekk kurva fuq in-naħa ta’ wara tal-istruttura tibda tal-inqas żewġ-terzi tad-distanza miċ-ċentru, id-daqqa tingħata fil-bidu tal-kurva, jiġifieri fil-punt fejn il-kurva hija tanġenzjali għal-linja f’angolu rett għall-pjan medjan tat-trattur.

3.2.7.   Jekk, matul it-test, kwalunkwe rbit, props jew blokok jiċċaqilqu jew jinkisru, it-test għandu jiġi ripetut.

3.3.   Testijiet tal-impatt

3.3.1.   Impatt fuq in-naħa ta’ wara (Figuri 3.2.a u 3.2.b)

3.3.1.1.   L-impatt fuq wara mhux meħtieġ fuq tratturi li għandhom 50% jew iktar tal-massa tagħhom (kif definit hawn fuq) fuq ir-roti ta’ quddiem.

3.3.1.2.   Fir-rigward tal-pendlu, it-trattur għandu jitpoġġa b’tali mod li l-pendlu jolqot l-istruttura meta l-pjan li jagħti d-daqqa u l-ktajjen ta’ sostenn ikunu f’angolu ta’ 20° għall-vertikali sakemm l-istruttura fil-punt ta’ kuntatt, matul id-deflessjoni, ma għandhix angolu iktar mill-vertikali. F’dan il-każ, il-pjan li jagħti d-daqqa, jiġi aġġustat b'mod parallel għall-ġenb tal-istruttura fil-punt ta’ kuntatt fil-mument tad-deflessjoni massima minn sostenn addizzjonali, il-ktajjen ta’ sostenn jibqgħu f’angolu ta’ 20° għall-vertikali. Il-punt tal-impatt ikun dik il-parti tal-istruttura li probabbilment tolqot l-art l-ewwel f’aċċident ta’ qlib lura, normalment ix-xifer ta’ fuq. L-għoli tal-pendju għandha tkun aġġustata b'tali mod li ma jkollha ebda tendenza li ddur madwar il-punt ta' kuntatt.

3.3.1.3.   It-trattur jintrabat tajjeb. Il-punti fejn jiżdied l-irbit ikunu madwar 2m wara l-fus ta’ wara u 1,5 m fuq quddiem tal-fus ta’ quddiem. Ikun hemm żewġ rabtiet fuq kull fus, wieħed fuq kull naħa tal-pjan medjan tat-trattur. L-irbit ikun kejbil tal-azzar ta’ dijametru ta’ bejn 12,5 sa 15-il mm, b’saħħa ta’ ġbid ta’ 1 100 sa 1 260 MPa. It-tajers tat-trattur jintefħu u l-irbit jiġi ssikat biex it-tajers jingħataw il-pressjoni u d-deflessjonijiet, kif jidher fit-Tabella 3.1 hawn taħt.

Wara li l-irbit ikun ġie ssikkat, jiġi kklampjat travu tal-injam 150 x 150 mm fuq quddiem tar-roti ta’ wara, misjuqa b’mod strett kontrihom.

3.3.1.4.   Il-pendlu jinġibed lura sabiex l-għoli H taċ-ċentru ta’ gravità tiegħu ’l fuq minn hekk fil-punt tal-impatt jingħata minn waħda mill-formuli li ġejjin wara għażla mill-manifattur:

jew

3.3.1.5.   Il-pendlu jiġi rilaxxat u jitħalla jaħbat ġol-istruttura. Il-mekkaniżmu ta’ rilaxx malajr għandu jiġi pożizzjonat b’tali mod li ma jegħlibx il-piż b’relazzjoni għall-ktajjen li jkunu qed isostnuh fil-mument tar-rilaxx.

Tabella 3.1

Pressonijiet tat-tajers

	Pressjonijiet tat-tajers kPa (*)	Deflessjoni mm
Tratturi four-wheel drive bir-roti ta’ quddiem u ta’ wara tal-istess daqs:
Quddiem	100	25
Wara	100	25
Tratturi four-wheel drive bir-roti ir-roti ta’ warata’ quddiem iżgħar:
Quddiem	150	20
Wara	100	25
Tratturi two-wheel drive
Quddiem	200	15
Wara	100	25

3.3.2.   Impatt fuq quddiem (Figuri 3.3.a u 3.3.b)

3.3.2.1.   Dan isir bl-istess mod bħall-impatt fuq wara. L-irbit ikun l-istess iżda t-travu tal-injam ikun wara r-roti ta’ wara. L-għoli tal-waqgħa taċ-ċentru ta’ gravità tal-pendlu jingħata mill-formula li ġejja:

3.3.2.2.   Il-punt tal-impatt ikun dik il-parti tal-istruttura li tolqot l-art l-ewwel meta tinqaleb fuq il-ġenb waqt li tkun miexja ’l quddiem, normalment il-parti ta’ fuq tal-kantuniera ta’ quddiem.

3.3.3.   Impatt fuq il-ġenb (Figura 3.4)

3.3.3.1.   Fir-rigward tal-pendlu, it-trattur jitpoġġa b’tali mod li l-pendlu jaħbat mal-istruttura meta l-pjan li jolqot u l-ktajjen ta’ sostenn ikunu vertikali sakemm l-istruttura fil-punt ta’ kuntatt ma tkunx vertikali matul id-deflessjoni. F’dan il-każ, il-pjan li jolqot jiġi aġġustat sabiex bejn wieħed u ieħor ikun parallel għall-istruttura fil-punt ta’ kuntatt fil-mument ta’ deflessjoni massima. Dan l-aġġustament isir b’sostenn addizzjonali, il-ktajjen ta’ sostenn jibqgħu vertikali fil-mument tal-impatt. Il-punt tal-impatt ikun dik il-parti tal-istruttura li probabbilment tolqot l-art l-ewwel f’aċċident ta’ qlib fuq il-ġenb, normalment ix-xifer ta’ fuq

3.3.3.2.   Sakemm ma jkunx ċert li kwalunkwe parti oħra ta’ dan ix-xifer tolqot l-art l-ewwel, il-punt tal-impatt il-pjan f’angolu rett għall-pjan medjan tat-trattur u li jgħaddi 60 mm quddiem il-punt ta’ indiċi tas-sit, is-sit ikun fil-punt tan-nofs tiegħu ta’ aġġustament lonġitudinali. L-għoli tal-pendlu għandha tkun aġġustata b'tali mod li ma jkollha ebda tendenza li ddur madwar il-punt ta' kuntatt.

3.3.3.3.   Għal tratturi b’pożizzjoni tax-xufier riversibbli, il-punt tal-impatt ikun il-pjan f’angolu rett għall-pjan medjan tat-trattur u fil-punt fin-nofs bejn iż-żewġ punti ta’ indiċi tas-sit.

3.3.3.4.   Ir-rota ta’ wara tat-trattur fuq il-ġenb li għandha tintlaqat tiġi marbuta tajjeb. It-tensjoni tal-irbit tiġi determinata bħall-impatt fuq wara. Wara l-irbit, jiġi kklampjat travu 150 x 150 mm mal-ġenb tar-rota ta’ wara kontra d-daqqa, u misjuq bis-saħħa kontra t-tajer. It-travu jitpoġġa bħala prop kontra din ir-rota u jiġi żgurat mal-art sabiex jinżamm sod kontra r-rota waqt l-impatt. It-tul ta’ dan it-travu, jintgħażel sabiex meta jkun f’pożizzjoni kontra r-rota jifforma angolu ta’ 25 sa 40° mal-orizzontali. Barra minn hekk, it-tul tiegħu jkun bejn 20 u 25 darba l-ħxuna tiegħu u l-wisa’ bejn 2 u 3 darbiet il-ħxuna tiegħu.

3.3.3.5.   Il-pendlu jinġibed lura bħal f’testijiet preċedenti sabiex l-għoli H taċ-ċentru ta’ gravità tiegħu ’il fuq minn dan fil-mument tal-impatt jiġi determinat mill-formula li ġejja:

3.3.3.6.   Matul it-test tal-impatt fuq il-ġenb, tiġi rrekordjata d-differenza bejn id-deflessjoni momentarja massima u d-deflessjoni permanenti f’għoli ta’ (810 + av) mm ’il fuq mill-punt ta’ indiċi tas-sit. Dan jista’ jsir permezz ta’ tagħmir li fuq friction collar li jiċċaqlaq jitqiegħed fuq virga orizzontali. Tarf wieħed tal-virga jitwaħħal mal-membru ta’ fuq tal-istruttura u t-tarf l-ieħor jgħaddi minn toqba f’virga vertikali imwaħla max-xażi tat-trattur. Il-collar jiġi ppożizzjonat kontra l-virga vertikali imwaħħla max-xażi tat-trattur qabel id-daqqa u d-distanza minnu wara d-daqqa tagħti d-differenza bejn id-deflessjoni momentarja massima u d-deflessjoni permanenti.

3.4.   Testijiet tat-tgħaffiġ

Jista’ jkun meħtieġ li l-parti ta’ quddiem tat-trattur tinżamm ’l isfel meta jsir it-test fuq in-naħa ta’ wara. Blokok jitpoġġew taħt il-fusijiet sabiex it-tajers ma jġorrux il-forza tat-tgħaffiġ. It-traversa użata ikollha l-wisgħa ta’ madwar 250mm u tkun konnessa mal-mekkaniżmu li japplika t-tagħbija permezz ta’ ġonġituri universali (Figura 3.5).

3.4.1.   Tgħaffiġ fuq in-naħa ta’ wara (Figuri 3.6.a u 3.6.b)

3.4.1.1.   It-travu tat-tgħaffiġ jiġi pożizzjonat b’mod trasversali għall-membri strutturali l-iktar għoljin ta’ wara sabiex ir-riżultat tal-forzi tat-tgħaffiġ ikun jinsab fil-pjan ta’ referenza vertikali tat-trattur. Il-forza tat-tgħaffiġ (F) tiġi applikata meta:

F = 20 M

Din il-forza għandha tinżamm għal 5 sekondi wara li jieqaf kull moviment li jista' jidher viżwalment tal-istruttura protettiva.

3.4.1.2.   Il-parti ta’ wara tas-saqaf tal-istruttura ta’ protezzjoni ma sostnix il-forza ta’ tgħaffiġ kollha (figuri 3.7.a u 3.7.b), il-forza tiġi applikata sakemm is-saqaf jiġi defless biex jikkoinċidi mal-pjan li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ wara tat-trattur li kapaċi ssostni t-trattur meta jinqaleb.

Imbagħad il-forza għandha titneħħa u t-travu tat-tgħaffiġ għandu jiġi ppożizzjonat mill-ġdid fuq dik il-parti tal-istruttura protettiva li tappoġġa t-trattur meta maqlub għal kollox. Il-forza tat-tgħaffiġ F tiġi applikata.

3.4.2.   Tgħaffiġ fuq quddiem (Figuri 3.6.a u 3.6.b)

3.4.2.1.   It-travu tat-tgħaffiġ għandu jiġi ppożizzjonat b’mod trasversali għall-membri strutturali l-iktar għoljin ta’ quddiem sabiex ir-riżultat tal-forzi tat-tgħaffiġ ikun jinsab fil-pjan ta’ referenza vertikali tat-trattur. Il-forza tat-tgħaffiġ tiġi applikata meta:

F = 20 M

Din il-forza għandha tinżamm għal 5 sekondi wara li jieqaf kull moviment li jista' jidher viżwalment tal-istruttura protettiva.

3.4.2.2.   Il-parti ta’ quddiem tas-saqaf tal-istruttura ta’ protezzjoni ma sostnix il-forza ta’ tgaħffiġ kollha (figuri 3.7.a u 3.7.b), il-forza tiġi applikata sakemm is-saqaf jiġi defless biex jikkoinċidi mal-pjan li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ quddiem tat-trattur li kapaċi ssostni t-trattur meta jinqaleb.

Imbagħad il-forza għandha titneħħa u t-travu tat-tgħaffiġ għandu jiġi ppożizzjonat mill-ġdid fuq dik il-parti tal-istruttura protettiva li tappoġġa t-trattur meta maqlub għal kollox. Imbagħad għandha tiġi applikata l-forza tat-tgħaffiġ F.

3.5.   Kundizzjonijiet għall-aċċettazzjoni

3.5.1.   L-istruttura u t-trattur jiġu eżaminati viżwalment għal xquq jew qasmiet wara kull parti tat-test. Għall-istruttura sabiex tgħaddi mit-test, jeħtieġu jiġu ssodisfati l-kundizzjonijiet li ġejjin:

3.5.1.1.

ma hemmx xquq fil-membri strutturali, fil-komponenti tal-immuntar jew fil-partijiet tat-tratturi li jikkontribwixxu għas-saħħa tal-istruttura ta’ protezzjoni (minbarra kif kopert minn 3.5.1.3 hawn taħt);

3.5.1.2.

ma hemmx qasmiet fil-ħadid iwweldjati li jikkontribwixxu għas-saħħa tal-istruttura ta’ protezzjoni jew il-komponenti ta’ mmuntar tiegħu. Iwweldjar spot jew tack użat sabiex jitwaħħlu flimkien pannelli ta’ kisi minn barra normalment huma esklużi minn din il-kundizzjoni;

3.5.1.3.

qasmiet li jassorbu l-enerġija fi strutturi ta’ pjanċi irqaq tal-ħadid huma aċċettabbli, diment li dawn jiġu kkunsidrati mill-istazzjoni tal-ittestjar li ma jkunux naqqsu b’mod sinifikanti r-reżistenza għad-deflezzjoni tal-istruttura ta’ protezzjoni. Qasmiet f’komponenti ta’ pjanċi irqaq tal-ħadid ikkawżati mit-truf tal-piż tal-pendlu jiġu injorati;

3.5.1.4.

il-forza meħtieġa għandha tiġi sostnuta fiż-żewġ testijiet ta' tgħaffiġ;

3.5.1.5.

id-differenza bejn id-deflessjoni momentarja massima u d-deflessjoni permanenti fit-test tal-impatt fuq il-ġenb ma għandhiex taqbeż 250 mm (Figura 3.11);

3.5.1.6.

ebda parti ma għandha tidħol fiż-żona libera matul kwalunkwe parti tat-test. Ebda parti ma tista' tolqot is-sit matul it-testijiet. Barra minn hekk, iż-żona libera ma għandhiex tkun 'il barra mill-istruttura protettiva. Għal dan il-għan, għandha tiġi kkunsidrata bħala 'l barra miż-żona protettiva jekk kwalunkwe parti minnha tagħmel kuntatt ma’ art ċatta jekk it-trattur jinqaleb lejn id-direzzjoni minn fejn tkun ġiet applikata t-tagħbija tat-test. Sabiex dan jiġi stmat, is-setting tal-wisa’ tat-tajers u tar-raddi għandu jkun l-iżgħar fitting standard speċifikat mill-manifattur.

3.5.1.7.

għat-tratturi artikolati, jiġi preżunt li l-uċuħ medjani taż-żewġ partijiet huma konformi.

3.5.2.   Wara t-test finali tat-tgħaffiġ, tiġi rrekordjata d-deformazzjoni permanenti tal-istruttura ta’ protezzjoni. Għal dan il-għan, qabel il-bidu tat-test, għandha tiġi rrekordjata l-pożizzjoni tal-membri ewlenin fir-rigward tal-punt ta’ indiċi tas-sit. Imbagħad jiġi rrekordjat kwalunkwe moviment tal-membri milquta fit-testijiet u kwalunkwe bidla fl-għoli tal-membri ta’ quddiem u ta’ wara tas-saqaf.

3.6.   Estensjoni għal mudelli ta’ tratturi oħrajn

3.6.1.   [Mhux applikabbli]

3.6.2.   Estensjoni teknika

Meta jsiru modifiki tekniċi fuq it-trattur, l-istruttura protettiva jew il-metodu ta’ twaħħil tal-istruttura protettiva mat-trattur, l-istazzjon tal-ittestjar li wettaq it-test oriġinali jista' joħroġ “rapport ta’ estensjoni teknika“ fil-każijiet li ġejjin:

3.6.2.1.   Estensjoni tar-riżultati tat-test strutturali għal mudelli oħra ta’ tratturi

L-impatt u t-testijiet tat-tgħaffiġ jeħtieġ li jsiru fuq kull mudell tat-trattur, sakemm l-istruttura ta’ protezzjoni u t-trattur jikkonformaw mal-kundizzjonijiet imsemmija hawn taħt 3.6.2.1.1 sa 3.6.2.1.5.

3.6.2.1.1.

L-istruttura għandha tkun identika għal dik ittestjata;

3.6.2.1.2.

L-enerġija meħtieġa ma taqbiżx l-enerġija kkalkulta għat-test oriġinali b’iktar minn 5 %. Il-limitu ta’ 5 % japplika wkoll għal estensjonijiet fil-każ ta’ tracks ta’ sostituzzjoni għal roti fuq l-istess trattur;

3.6.2.1.3.

Il-metodu ta’ twaħħil u l-komponenti tat-trattur li magħhom isir it-twaħħil għandhom ikunu identiċi,

3.6.2.1.4.

Kwalunkwe komponent bħall-madgards u l-bonit li jistgħu jagħtu għajnuna għall-istruttura protettiva għandhom ikunu identiċi;

3.6.2.1.5.

Il-pożizzjoni u d-dimensjonijiet kritiċi tas-sit fl-istruttura protettiva u l-pożizzjoni relattiva tal-istruttura protettiva fuq it-trattur għandhom ikunu tali li ż-żona libera tibqa' taħt il-protezzjoni tal-istruttura deflessa matul it-testijiet kollha (dan għandu jkun ivverifikat billi tintuża l-istess referenza ta’ żona libera bħal fir-rapport tat-test oriġinali, rispettivament il-Punt ta’ Referenza tas-Sit [PRS] jew il-Punt tal-Indiċi tas-Sit [PIS]).

3.6.2.2.   Estensjoni tar-riżultati tat-test strutturali għal mudelli modifikati tal-istruttura protettiva

Din il-proċedura għandha tiġi segwita meta d-dispożizzjonijiet tal-paragrafu 3.6.2.1 ma jkunux issodisfati u ma tistax tintuża meta l-metodu ta’ twaħħil tal-istruttura protettiva mat-trattur ma jibqax tal-istess prinċipju (eż. sostenituri tal-gomma jinbidlu b'tagħmir ta’ sospensjoni):

3.6.2.2.1.

Modifiki li ma jħallu l-ebda impatt fuq ir-riżultati tat-test inizjali (eż. twaħħil bil-welding tal-pjanċa tal-immuntar ta’ aċċessorju f'post mhux kritiku tal-istruttura), żieda ta’ sits b'post tal-PIS differenti fl-istruttura protettiva (bil-kundizzjoni li jiġi vverifikat li ż-żona/i libera/liberi il-ġdida/ġodda tibqa'/jibqgħu taħt il-protezzjoni tal-istruttura deflessa matul it-testijiet kollha);

3.6.2.2.2.

Modifiki li jistgħu jħallu impatt fuq ir-riżultati tat-test oriġinali mingħajr ma jintefa dubju fuq l-aċċettabilità tal-istruttura protettiva (eż. modifika tal-komponent strutturali, modifika tal-metodu ta’ twaħħil tal-istruttura protettiva mat-trattur). Jista' jsir test ta’ validazzjoni u r-riżultati tat-test sejrin jiġu abbozzati fir-rapport ta’ estensjoni. Il-limiti li ġejjin għal din l-estensjoni tat-tip jiġu ffissati: 3.6.2.2.2.1. Ma jistgħux jiġu aċċettati iktar minn ħames estensjonijiet mingħajr test ta’ validazzjoni; 3.6.2.2.2.2. Ir-riżultati tat-test ta’ validazzjoni jiġu aċċettati għal estensjoni jekk il-kundizzjonijiet ta’ aċċettazzjoni kollha ta’ dan l-Anness jiġu ssodisfati u jekk id-deflessjoni kkalkulata wara kull test tal-impatt ma tiddevjax mid-deflessjoni mkejla wara kull test tal-impatt fir-rapport tat-test oriġinali b’iktar minn ± 7 %; 3.6.2.2.2.3. Iktar minn modifika waħda għall-istruttura protettiva tista' tkun inkluża f'rapport ta’ estensjoni uniku jekk tirrappreżenta possibilitajiet differenti tal-istruttura protettiva, imma test ta’ validazzjoni wieħed biss jista' jiġi aċċettat f'rapport ta’ estensjoni uniku. L-għażliet li ma ġewx ittestjati għandhom ikunu deskritti f'taqsima speċifika tar-rapport ta’ estensjoni.

3.6.2.2.3.

Żieda fil-massa ta’ referenza ddikjarata mill-manifattur għal struttura protettiva diġà ttestjata. Jekk il-manifattur irid iżomm l-istess numru ta’ approvazzjoni huwa possibbli li joħroġ rapport ta’ estensjoni wara li jkun għamel test ta’ validazzjoni (il-limiti ta’ 7 % speċifikati f’3.6.2.2.2.2 mhumiex applikabbli fit-tali każ).

3.7.   [Mhux applikabbli]

3.8.   Il-prestazzjoni tal-istrutturi protettivi f'temp kiesaħ

3.8.1.   Jekk ikun allegat li l-istruttura protettiva għandha proprjetajiet reżistenti għall-effetti ta’ temp kiesaħ, il-manifattur għandu jagħti dettalji li jistgħu jkunu inklużi fir-rapport.

3.8.2.   Ir-rekwiżiti u l-proċeduri li ġejjin huma maħsuba biex jipprovdu qawwa u reżistenza għall-ksur mill-effetti tal-kesħa f'temperaturi baxxi huwa ssuġġerit li għandhom jiġu ssodisfati r-rekwiżiti materjali minimi li ġejjin biex tiġi determinata l-adattabbiltà tal-istruttura ta’ protezzjoni f'temperaturi operattivi mnaqqsa f'dawk il-pajjiżi li jeħtieġu din il-protezzjoni operattiva addizzjonali.

Tabella 3.2

Enerġiji tal-impatt minimi Charpy V-notch

Daqs tal-kampjun	Enerġija fi	Enerġija fi
	–30 °C	–20 °C
mm	J	J (2))
10 × 10 (1))	11	27,5
10 × 9	10	25
10 × 8	9,5	24
10 × 7,5 (1)	9,5	24
10 × 7	9	22,5
10 × 6.7	8,5	21
10 × 6	8	20
10 × 5 (1)	7,5	19
10 × 4	7	17,5
10 × 3.5	6	15
10 × 3	6	15
10 × 2.5 (1)	5,5	14

3.8.2.1.   Boltijiet u skorfini użati biex titwaħħal l-istruttura protettiva mat-trattur u użati biex partijiet strutturali jingħaqdu mal-istruttura protettiva għandhom juru qawwa kkontrollata adegwata għal temperaturi baxxi.

3.8.2.2.   L-elettrodi kollha tal-iwweldjar użati għall-fabbrikazzjoni ta’ membri strutturali u muntaturi huma kompatibbli mal-materjal tal-istruttura ta’ protezzjoni kif previst fi 3.8.2.3 hawn taħt.

3.8.2.3.   Il-materjali tal-azzar għall-membri strutturali tal-istruttura ta’ protezzjoni għandhom ikunu materjali ta’ saħħa kkontrollata li juru rekwiżiti minimi tal-enerġija tal- impatt Charpy V-Notch kif jidher fit-Tabella 3.2. Il-grad u l-kwalità tal-azzar għandhom ikunu speċifikati f’konformità mal-ISO 630:1995; Amd1:2003.

Azzar li meta jinfetaħ ikollu ħxuna inqas minn 2,5 mm u li jkollu kontenut ta’ karbonju inqas minn 0,2 % huwa meqjus li jissodisfa dan ir-rekwiżit. Membri strutturali tal-istruttura protettiva magħmula minn materjali apparti mill-azzar għandu jkollhom reżistenza ekwivalenti f'impatt ta’ temperatura baxxa.

3.8.2.4.   Meta jiġu ttestjati r-rekwiżiti tal-enerġija tal-impatt Charpy V-Notch, id-daqs tal-kampjun ma jkunx inqas mill-ikbar mid-daqsijiet iddikjarati fit-Tabella 3.2 li l-materjal se jippermetti.

3.8.2.5.   It-testijiet Charpy V-Notch għandhom isiru bi qbil mal-proċedura ASTM A 370-1979, minbarra għad-daqsijiet tal-kampjuni li jkunu f’konformità mad-dimensjonijiet mogħtija fit-Tabella 3.2.

3.8.2.6.   Alternattivi għal din il-proċedura huma l-użu ta’ azzar newtralizzat jew semi-newtralizzat li għalih għandha tiġi pprovduta speċifikazzjoni adegwata. Il-grad u l-kwalità tal-azzar ikunu speċifikati f’konformità mal-ISO 630:1995; Amd1:2003.

3.8.2.7.   Il-kampjuni għandhom ikunu lonġitudinali u għandhom jittieħdu minn ħażna ċatta, sezzjonijiet tubulari jew strutturali qabel l-iffurmar jew il-welding għal użu fl-istruttura ta’ protezzjoni. Kampjuni mis-sezzjonijiet tubulari jew strutturali għandhom jittieħdu min-nofs tal-ġenb tad-dimensjoni l-iktar kbira u ma għandhomx jinkludu weldjaturi.

3.9.   [Mhux applikabbli]

Figura 3.1

Blokka tal-pendlu u l-ktajjen jew ħbula tal-wajer ta' sospensjoni

(Dimensjonijiet f'mm)

Figura 3.2

Metodu ta’ impatt minn wara

Figura 3.2.a

Kabina protettiva

Figura 3.2.b

Qafas tar-roll bar ta’ wara

Figura 3.3

Metodu ta’ impatt minn quddiem

Figura 3.3.a

Kabina protettiva

Figura 3.3.b

Qafas roll bar ta’ wara

Figura 3.4

Metodu ta’ impatt mill-ġenb

Figura 3.5

Eżempju ta’ arranġament għal testijiet ta’ tgħaffiġ

Figura 3.6

Pożizzjoni ta’ travu għal testijiet ta’ tgħaffiġ minn wara u minn quddiem

Figura 3.6.a

Kabina protettiva

Figura 3.6.b

Qafas roll bar ta’ wara

Figura 3.7

Pożizzjoni ta’ travu għal testijiet ta’ tgħaffiġ minn quddiem meta forza sħiħa ta' tgħaffiġ ma tkunx sostnuta quddiem

Figura 3.7.a

Kabina protettiva

Figura 3.7.b

Qafas roll bar ta’ wara

Tabella 3.3

Dimensjonijiet taż-żona libera

Dimensjonijiet	mm	Rimarki
A1 A0	100	minimu
B1 B0	100	minimu
F1 F0	250	minimu
F2 F0	250	minimu
G1 G0	250	minimu
G2 G0	250	minimu
H1 H0	250	minimu
H2 H0	250	minimu
J1 J0	250	minimu
J2 J0	250	minimu
E1 E0	250	minimu
E2 E0	250	minimu
D0 E0	300	minimu
J0 E0	300	minimu
A1 A2	500	minimu
B1 B2	500	minimu
C1 C2	500	minimu
D1 D2	500	minimu
I1 I2	500	minimu
F0 G0	—
I0 G0	—	jiddependi minn
C0 D0	—	it-trattur
E0 F0	—

Figura 3.8

Żona libera

Nota:

għal dimensjonijiet, ara t-Tabella 3.3 hawn fuq

Figura 3.9

Żona libera

Figura 3.9.a dehra mill-ġenb sezzjoni fil-pjan ta’ referenza	Figura 3.9.b dehra minn wara jew minn quddiem

1	–	Punt ta’ indiċi tas-sit
2	–	Forza
3	–	Pjan ta’ referenza vertikali

Figura 3.10

Żona libera għal trattur b'sit u rota tal-istering riversibbli

Grafika 3.10.a

Kabina protettiva

Grafika 3.10.b

Qafas ta' wara bi żbarri ċilindriċi

Figura 3.11

Eżempju ta' apparat għall-kejl tad-deflessjoni elastika

Noti ta' spjegazzjoni għall-Anness VI

---

(1)  Sakemm ma jkunx iddikjarat mod ieħor, it-test tar-rekwiżiti u n-numerazzjoni stabbilita fil-punt B huma identiċi għat-test u n-numerazzjoni tal-kodiċi standard tal-OECD għall-ittestjar uffiċjali tal-istrutturi protettivi fuq it-tratturi għall-agrikoltura u l-forestrija (test dinamiku), Kodiċi tal-OECD 3, Edizzjoni 2015 ta' Lulju 2014.

(2)  L-utenti huma mfakkra li l-punt tal-indiċi tas-sit huwa ddeterminat skont l-ISO 5353 u huwa punt fiss fir-rigward tat-trattur li ma jiċċaqlaqx hekk kif is-sit jiġi aġġustat lil hinn mill-pożizzjoni tan-nofs. Għall-finijiet li tiġi determinata ż-żona libera, is-sit għandu jitqiegħed fil-pożizzjoni ta' wara ta' fuq nett.

(*)  Ma jistax jintuża ballast tal-ilma

(1)  Tindika d-daqs preferut. Id-daqs tal-kampjun għandu jkun mhux inqas mill-ikbar daqs preferut li l-materjal jippermetti.

(2)  Ir-rekwiżit tal-enerġija f’– 20 °C huwa darbtejn u nofs il-valur speċifikat għal –30 °C. Fatturi oħrajn jaffettwaw is-saħħa tal-enerġija tal-impatt, jiġifieri d-direzzjoni tal-qlib, is-saħħa taċ-ċediment, l-orjentazzjoni tal-grain u l-iwweldjar. Dawn il-fatturi għandhom jitqiesu meta jintgħażel jew jintuża l-azzar.

ANNESS VII

Rekwiżiti li japplikaw għall-istrutturi ta' protezzjoni fil-każ ta' qlib (tratturi biċ-ċineg)

A.   DISPOŻIZZJONI ĠENERALI

1.

Ir-rekwiżiti tal-Unjoni li japplikaw għall-istrutturi ta' protezzjoni fil-każ ta' qlib (tratturi biċ-ċineg) huma stabbiliti fil-punt B.

B.   IR-REKWIŻITI LI JAPPLIKAW GĦALL-ISTRUTTURI TA' PROTEZZJONI FIL-KAŻ TA' QLIB (TRATTURI BIĊ-ĊINEG)(1)

1.   Definizzjonijiet

1.1   [Mhux applikabbli]

1.2.   StruttuStruttura Protettiva fil-Każ ta’ Qlib (ROPS)

Struttura ta’ protezzjoni fil-każ ta’ qlib (kabina jew qafas ta' protezzjoni), minn hawn ’il quddiem imsejħa “struttura protettiva”, tfisser l-istruttura fuq trattur li l-iskop essenzjali tagħha huwa li jiġu evitati jew limitati riskji lis-sewwieq li jirriżultaw minn qlib tat-trattur waqt użu normali.

L-istruttura protettiva fil-każ ta’ qlib hija kkaratterizzata minn li jitħalla spazju għal żona libera kbira biżżejjed biex tipproteġi lis-sewwieq meta jkun bil-qiegħda jew fi ħdan l-istruttura jew fi ħdan spazju magħluq minn għadd ta’ linji dritti mit-truf ta’ barra tal-istruttura għal kwalunkwe parti tat-trattur li tista’ tiġi f’kuntatt ma’ art ċatta u li tkun kapaċi terfa’ lit-trattur f’din il-pożizzjoni jekk it-trattur jinqaleb.

1.3.   Karreġġjata

1.3.1.   Definizzjoni preliminarja: pjan mezzan tal-karreġġjata

Il-pjan mezzan tal-karreġġjata huwa ekwidistanti miż-żewġ pjanijiet li jikkontjenu l-periferija tagħha fit-truf ta' barra tagħhom.

1.3.2.   Definizzjoni tal-wisa' tal-karreġġjata

Il-wisa' tal-karreġġjata hija d-distanza bejn il-pjani mezzani taċ-ċineg

1.3.3.   Definizzjoni addizzjonali: pjan medjan tat-trattur

Il-pjan vertikali f'angoli retti mal-fus fil-punt ċentrali tiegħu huwa l-pjan mezzan tat-trattur.

1.4.   Struttura protettiva

Sistema ta' elementi strutturali organizzati fuq trattur b'tali mod li twettaq l-iskop primarju tagħha li tnaqqas il-possibbiltà li operatur jitgħaffeġ jekk it-trattur tiegħu jinqaleb. L-elementi strutturali jinkludu kull subqafas, brekit, muntatura, sokit, bolt, pinn, sospensjoni jew smorzatur flessibbli użat biex is-sistema titwaħħal mal-qafas tat-trattur sewwa iżda jeskludu d-dispożittivi tal-immuntar li huma integrali mal-qafas tat-trattur.

1.5.   Qafas tat-trattur

Ix-xażi ewlieni jew l-element(i) ewlieni(ewlenin) għat-tagħbija tal-piż tat-trattur li jestendi(u) fuq parti kbira tat-trattur u li fuqu(fuqhom) tiġi mmuntata direttament l-istruttura ta' protezzjoni.

1.6.   Assemblaġġ tal-istruttura protettiva u l-qafas tat-trattur

Sistema li tikkonsisti fl-istruttura protettiva mwaħħla mal-qafas tat-trattur.

1.7.   Bedplate

Parti sostanzjalment riġida tal-istruttura tat-test li magħha jitwaħħal il-qafas tat-trattur għall-fini tat-test.

1.8.   Punt tal-indiċi tas-sit (SIP)

1.8.1.   Il-punt tal-indiċi tas-sit (SIP) jinsab fil-pjan lonġitudinali ċentrali tal-apparat għad-determinazzjoni meta jiġi installat fis-sit tal-operatur. Is-SIP jitwaħħal mat-trattur u ma jiċċaqlaqx mas-sit permezz tal-medda ta' aġġustament u/jew oxxillazzjoni tiegħu.

1.8.2.   Meta jiġi determinat is-SIP, is-sit għandu jiġi aġġustat bil-aġġustamenti ta' quddiem, ta' wara, vertifkali u angulari tas-sit fil-pożizzjoni ċentrali tagħhom. Is-sistemi ta' sospensjoni għandhom jitqiegħdu biex is-sit ikun fil-punt tan-nofs tal-medda ta' oxxillazzjoni tiegħu bl-apparat peżat għad-determinazzjoni tas-SIP fil-post tiegħu.

1.8.3.   Is-SIP għandu jiġi stabbilit permezz tal-apparat muri fil-Grafika 8.1. L-apparat jitpoġġa fuq is-sit. Massa ta' 20 kg tiżdied 40 mm quddiem il-marka tas-SIP fis-sezzjoni orizzontali tal-apparat. Forza orizzontali ta' madwar 100 N imbagħad tiġi applikata lill-apparat fis-SIP (ara Fo fil-Grafika 8.1). Fl-aħħar nett, massa oħra ta' 39 kg tiżdied 40 mm quddiem il-marka tas-SIP fis-sezzjoni orizzontali tal-apparat.

1.9.   Volum li jillimita d-deflessjoni (DLV)

Dak il-volum, relatat mal-operatur, li jservi biex jiġu stabbiliti l-limiti u d-deflessjonijiet permissibbli meta jitwettqu l-evalwazzjonijiet tal-laboratorju tal-istruttura protettiva (Grafika 8.2). Huwa approssimazzjoni ortogonali tad-dimensjonijiet ta' operatur kbir bilqiegħda.

1.10.   Pjan ta’ referenza vertikali

Pjan vertikali, ġeneralment lonġitudinali għat-trattur u li jgħaddi mill-punt tal-indiċi tas-sit u ċ-ċentru tar-rota tal-istering jew il-livers tal-idejn ta' kontroll. Normalment, il-pjan vertikali ta' referenza jikkoinċidi mal-pjan mezzan tat-trattur.

1.11.   Pjan terren laterali simulat

Pjan li fuqu huwa preżunt li jieqaf trattur wara li jinqaleb, bit-trattur fuq il-ġenb tiegħu. Il-pjan terren simulat huwa determinat kif ġej (ara l-punt 3.5.1.2):

(a)	l-element ta' fuq li fuqu tiġi applikata l-forza;

(b)	l-aktar punt tat-tarf ta' barra fil-viżjoni tat-tarf ta' element kif definit f'(a) hawn fuq;

(c)	linja vertikali li tgħaddi mill-punt definit f'(b) hawn fuq;

(d)	pjan vertikali parallel mal-linja ċentrali lonġitudinali tal-vettura li tgħaddi mil-linja definita fi (c) hawn fuq;

(e)	dawwar il-pjan deskritt f'd hawn fuq, 15o 'il bogħod mid-DLV fuq fus li huwa perpendikulari mal-linja vertikali mogħtija f'(c) hawn fuq u li jgħaddi wkoll mill-punt deskritt f'(b) hawn fuq; dan jistabbilixxi l-pjan terren simulat;

Il-pjan terren simulat għandu jiġi stabbilit fuq struttura protettiva mhux mgħobbija u għandu jiċċaqlaq mal-element li fuqu tiġi applikata t-tagħbija.

1.12.   Pjan terren vertikali simulat

Għal magna li tieqaf f'pożizzjoni ta' taħt fuq, il-pjan huwa definit bl-element trasversali ta' fuq tal-istruttura protettiva u dik il-parti ta' quddiem (wara) tat-trattur li x'aktarx tiġi f'kuntatt mal-art fl-istess ħin bħall-istruttura protettiva u li hija kapaċi li tieħu l-piż tat-trattur li jkun ta' taħt fuq. Il-pjan terren vertikali simulat jiċċaqlaq mal-istruttura protettiva deformata.

Nota:

Il-pjan terren vertikali simulat japplika biss għall-istrutturi protettivi b'żewġ arbli.

1.13.   Massa mingħajr saborra

Il-massa tat-trattur mingħajr mezzi tas-saborra. It-trattur għandu jkun jaħdem bit-tankijiet, ċirkuwiti u radjatur mimlijin, l-istruttura protettiva bil-cladding u bi kwalunkwe apparat tal-karreġġjata jew komponent ta' kontroll tar-rota ta' quddiem addizzjonali meħtieġ għal użu normali. L-operatur mhuwiex inkluż.

1.14.   Tolleranzi permissibbli ta’ kejl

Ħin:	± 0.1 s
Distanza:	± 0.5 mm
Forza:	± 0,1 % (tas-senser bi skala sħiħa)
Angolu	± 0.1°
Massa:	± 0,2 % (of the sensor full scale)

1.15.   Simboli

D	(mm)	Deflessjoni tal-istruttura;
F	(N)	Forza;
M	(kg)	Massa massima tat-trattur irrakkomandata mill-manifattur tat-trattur. Għandha tkun ugwali jew aktar mill-massa mingħajr saborra kif definit fil-paragrafu 1.13;
U	(J)	L-enerġija assorbita mill-istruttura relatata mal-massa tat-trattur.

2.   Qasam ta' applikazzjoni

L-Anness huwa applikabbli għat-tratturi, propulsjonati u ggwidati b'ċineg mingħajr tmiem, li jkollhom mill-inqas żewġ fusien b'aċċessorji taċ-ċineg, u bil-karatteristiċi li ġejjin:

2.1.	massa tat-trattur mingħajr saborra ta' mhux inqas minn 600 kg;

2.2.	iż-żona libera ta' mhux aktar minn 600 mm taħt l-aktar punt baxx tal-fusien ta' quddiem u ta' wara.

3.   Regoli u struzzjonijiet

3.1.   Regolamenti ġenerali

3.1.1.   L-istruttura ta' protezzjoni tista' tiġi mmanifatturata jew mill-produttur tat-trattur jew minn ditta indipendenti. Fi kwalunkwe każ, test huwa validu biss għall-mudell ta' trattur li fuqu jitwettaq. L-istruttura ta' protezzjoni trid tiġi ttestjata mill-ġdid għal kull mudell ta' trattur li fuqu tintrama'. Madankollu, l-istazzjonijiet tal-ittestjar jistgħu jiċċertifikaw li t-testijiet tas-saħħa huma validi wkoll għall-mudelli ta' tratturi li ġejjin mill-mudell oriġinali b'modifikazzjonijiet fil-magna, it-trasmissjoni u l-istering u s-sospensjoni ta' quddiem (ara hawn taħt 3.6: Estensjoni għal mudelli ta’ tratturi oħrajn). Mill-banda l-oħra, aktar minn struttura waħda ta' protezzjoni tista' tiġi ttestjata għal kwalunkwe mudell ta' trattur.

3.1.2.   L-istruttura protettiva mressqa għat-test għandha tiġi pprovduta mwaħħla bil-mod normali mat-trattur jew ix-xażi tat-trattur li fuqu tintuża. Ix-xażi tat-trattur għandu jkun komplet inkluż brekits tat-twaħħil u partijiet oħrajn tat-trattur li jistgħu jkunu affettwati minn tagħbijiet imposti fuq l-istruttura protettiva.

3.1.3.   Struttura protettiva tistaż tiġi ddisinjata biss sabiex tipproteġi lis-sewwieq fil-każ li t-trattur jinqeleb. Fuq din l-istruttura jista' jkun possibbli li titwaħħal protezzjoni mit-temp għas-sewwieq, ta' natura ta' bejn u wieħed temporanja. Normalment din titneħħa mis-sewwieq meta tkun is-sħana. Hemm iżda strutturi ta' protezzjoni li l-kisi ta' barra tagħhom huwa permanenti u għandhom ventilazzjoni kontra s-sħana permezz ta' twieqi jew perpuri. Minħabba li l-cladding jista' jżid is-saħħa tal-istruttura u jekk jitneħħa jista' jkun assenti meta jseħħ l-aċċident, il-partijiet kollha li jistgħu jitneħħew ukoll mis-sewwieq, jitneħħew għall-għanijiet tat-test. Il-bibien, il-bieba tas-saqaf u t-twieqi li jistgħu jinfetħu għandhom jitneħħew jew jitqiegħdu fil-pożizzjoni miftuħa għat-test, sabiex ma jżidux mas-saħħa tal-istruttura protettiva. Għandu jiġi nnotat jekk, f'din il-pożizzjoni, joħolqux periklu għas-sewwieq fil-każ li jinqeleb.

Tul il-bqija ta' dawn ir-regoli għandha ssir referenza biss għall-ittestjar tal-istruttura ta' protezzjoni. Irid ikun ċar li dan jinkludi l-kisi ta' barra li mhuwiex ta' natura temporanja.

Deskrizzjoni ta' xi kisi ta' barra temporanju trid tiġi inkluża fl-ispeċifikazzjonijiet. Ħġieġ jew kull materjal bħalu li jinkiser malajr għandu jitneħħa qabel it-test. Komponenti tat-trattur u tal-istruttura ta' protezzjoni li tista' ssirilhom ħsara għal xejn b'xejn matul it-test u li ma jaffettwawx is-saħħa tal-istruttura ta' protezzjoni jew id-daqsijiet tagħha jistgħu jitneħħew qabel it-test jekk din tkun ix-xewqa tal-produttur. Tiswijiet jew aġġustamenti ma jistgħux isiru matul it-test.

3.1.4.   Kwalunkwe komponent tat-trattur li jikkontribwixxi għas-saħħa tal-istruttura protettiva, bħall-madgards, li jkun issaħħaħ mill-manifattur, għandu jiġi deskritt u l-kejl tiegħu għandu jingħata fir-rapport tat-test.

3.2.   Apparat

3.2.1.   Volum li jillimita d-deflessjoni

Id-DLV u l-pożizzjoni tiegħu għandhom ikunu skont l-ISO 3164:1995 (ara l-Grafika 8.3). Id-DLV għandu jiġi ffissat sew mal-istess parti tal-magna li magħha jitwaħħal is-sit tal-operatur, u għandu jibqa' hemmhemm tul il-perjodu tat-test formali kollu.

Għat-tratturi biċ-ċineg b'massa mingħajr saborra ta' inqas minn 5 000 kg, mgħammra bi struttura protettiva b'żewġ arbli mmuntata fuq quddiem, id-DLV jikkorrispondi għall-Figuri 8.4 u 8.5.

3.2.2.   Żona libera u pjan ta' salvagwardja

Iż-żona libera, kif definit fl-Anness VIII (Kapitolu tad-Definizzjonijiet, Taqsima 1.6), għandha tibqa' mgħottija mill-pjan ta' salvagwardja, S, kif muri fil-Grafiċi 8.2 u 8.4. Il-pjan ta' salvagwardja huwa definit bħala pjan oblikwu, perpendikulari mal-pjan lonġitudinali vertikali tat-trattur, li jifforma tanġent fuq quddiem mal-istruttura protettiva u fuq wara ma' waħda mill-istallazzjonijiet ibsin li ġejjin tat-trattur li tevita li l-pjan imsemmi qabel S jidħol fiż-żona libera, permezz ta':

—	ilqugħ jew parti riġida tan-naħa ta' wara tat-trattur;

—	il-karreġġjati;

—	struttura iebsa addizzjonali mmuntata sew fuq in-naħa ta' wara tat-trattur.

3.2.3.   Test tal-istallazzjoni iebsa ta' wara

Jekk it-trattur ikun mgħammar b'sezzjoni riġida, b'kisi jew b'tagħmir iebes ieħor imqiegħed fuq wara tas-sit tas-sewwieq, dan it-tagħmir għandu jitqies bħala punt ta’ protezzjoni, fil-każ ta’ qlib fuq ġenb jew qlib lura. Din l-istallazzjoni iebsa li titqiegħed wara s-sit tas-sewwieq għandha tkun kapaċi tiflaħ, mingħajr ma tinkiser jew tidħol fiż-żona libera, forza 'l isfel Fi fejn:

applikata b'mod perperndiulari mal-pjan tal-qafas fil-pjan ċentrali tat-trattur. L-angolu inizjali tal-applikazzjoni tal-forza għandu jkun 40° ikkalkolat minn parallel mal-art kif muri fil-Figura 8.4. Il-wisa' minima ta' din is-sezzjoni riġida għandha tkun 500 mm (ara l-Figura 8.5).

Barra minn hekk, din għandha tkun riġida biżżejjed u mwaħħla b'mod sod man-naħa ta’ wara tat-trattur.

3.2.4.   Irbit

Il-faċilitajiet għat-twaħħil tal-assemblaġġ tal-istruttura protettiva u l-qafas tat-trattur mal-bedplate, kif deskritt hawn fuq, u għall-applikazzjoni tat-tagħbija vertikali u dik orizzontali għandhom jiġu pprovduti (ara l-Figuri 8.6 sa 8.9).

3.2.5.   Strumenti tal-kejl

L-apparat tat-test għandu jkun mgħammar bi strumenti għall-kejl tal-forza applikata mal-istruttura protettiva u d-deflessjoni (deformazzjoni) tal-istruttura.

Il-perċentwali hawn taħt huma klassifikazzjonijiet nominali tal-preċiżjoni tal-istrumentazzjoni u m'għandhomx jitqiesu li jindikaw li huma meħtieġa testijiet ta' kumpens.

Kejl	Preċiżjoni
Deflessjoni tal-istruttura protettiva	± 5 % tad-deflessjoni massima mkejla
Forza applikata lill-istruttura protettiva	± 5 % tal-forza massima mkejla

3.2.6.   Arranġamenti għall-applikazzjoni tat-tagħbija

L-arranġamenti tat-tagħbija għall-applikazzjoni tat-tagħbija huma murija fil-Figuri 8.7, 8.10 sa 8.13 (tagħbija fuq il-ġenb), fil-Figuri 8.8 u 8.9 (tagħbija vertikali) u fil-Figura 8.14 (tagħbija lonġitudinali).

3.3.   Kundizzjonijiet tat-test

3.3.1.   L-istruttura protettiva għandha tikkonforma mal-ispeċifikazzjonijiet tal-produzzjoni u għandha titwaħħal max-xażi tal-mudell tat-trattur xieraq skont il-metodu ta' twaħħil iddikjarat tal-manifattur.

3.3.2.   L-istruttura protettiva - l-assemblaġġ tal-qafas tat-trattur għandu jitwaħħal mal-bedplate sabiex l-elementi li jikkollegaw l-assemblaġġ u l-bedplate jkollhom deflessjoni minima meta l-istruttura protettiva titgħabba fuq il-ġenb. Matul it-tagħbija fuq il-ġenb, l-assemblaġġ tal-istruttura protettiva u l-qafas tat-trattur m'għandhomx jirċievu appoġġ mill-bedplate, għajr dak dovut mit-twaħħil inizjali.

3.3.3.   L-istruttura protettiva għandha tkun mgħammra bl-apparat meħtieġ sabiex tikseb id-dejta meħtieġa ta' forza-deflezzjoni.

3.3.4.   Fuq l-istess struttura protettiva għandhom isiru t-testijiet kollha. Ma għandha ssir l-ebda tiswija jew iddrittar ta' struttura protettiva - element tat-trattur matul jew bejn it-tagħbija fuq il-ġenb u dik vertikali.

3.3.5.   Għat-tagħbija fuq il-ġenb jew dik lonġitudinali, il-konnessjoni mal-bedplate għandha sseħħ permezz tal-housing prinċipali jew l-oqfsa taċ-ċineg (ara l-Figuri 8.6 sa 8.8).

3.3.6.   Għat-tagħbija vertikali, m'hemm l-ebda limitazzjoni fit-twaħħil jew l-appoġġ għall-assemblaġġ tal-istruttura protettiva u l-qafas tat-trattur.

3.3.7.   Meta jitlestew it-testijiet kollha, id-deflessjonijiet permanenti tal-istruttura protettiva għandhom jitkejlu u jiġu rreġistrati.

3.4.   Proċedura tat-test

3.4.1.   Ġenerali

Il-proċeduri tat-test għandhom jikkonsistu fl-operazzjonijiet deskritti fil-punti 3.4.2, 3.4.3 u 3.4.4 fl-ordni elenkata.

3.4.2.   Tagħbija mill-ġenb

3.4.2.1.   Il-karatteristiċi tal-forza-deflessjoni għandhom jiġu determinati mit-tagħbija fuq il-ġenb tal-elementi lonġitudinali ewlenin ta' fuq tal-istruttura protettiva.

Għal struttura protettiva li għandha aktar minn żewġ arbli, it-tagħbija fuq il-ġenb għandha tiġi applikata permezz ta' apparat għad-distribuzzjoni tat-tagħbija ta' tul ta' mhux aktar minn 80 fil-mija tat-tul dritt tal-element ta' fuq L bejn l-arbli ta' quddiem u ta' wara tal-istruttura protettiva (ara l-Figuri 8.13 sa 8.16). It-tagħbija inizjali għandha tkun fiż-żona li hija stabbilita mill-projezzjoni vertikali ta' żewġ pjani paralleli mal-pjani ta' quddiem u ta' wara tad-DLV u li jinsabu 80 mm 'il barra minnhom.

3.4.2.2.   Għal struttura protettiva bi protezzjoni fil-parti ta' fuq, li jkollha sistema b'żewġ arbli, it-tagħbija inizjali għandha tkun stabbilita mid-distanza lonġitudinali totali bejn l-elementi tal-istruttura protettiva ta' fuq L u l-projezzjoni vertikali tal-pjani ta' quddiem u ta' wara tad-DLV. Il-punt tal-forza (tagħbija) m'għandux ikun f'distanza ta' L/3 mill-arbli.

Jekk il-punt L/3 ikun bejn il-projezzjoni vertikali tad-DLV u l-arbli, il-punt tal-forza (tagħbija) għandu jitressaq 'il bogħod mill-arblu sakemm jidħol fil-projezzjoni vertikali tad-DLV (ara l-Figuri 8.13 sa 8.16). Kull pjanċa ta' distribuzzjoni tat-tagħbija użata m'għandhiex tipprojbixxi jew tillimita r-rotazzjoni tal-istruttura protettiva madwar fus vertikali matul it-tagħbija u m'għandhiex tiddistribwixxi t-tagħbija fuq distanza akbar minn 80 fil-mija ta' L.

Il-forza għandha tiġi applikata għall-elementi ewlenin, ta' fuq u lonġitudinali għajr meta tintuża struttura bl-arbli mingħajr il-protezzjoni ta' fuq bil-kantiliver. Għal din it-tip ta' struttura, il-forza għandha tiġi applikata bi dritt mal-element trasversali ta' fuq.

3.4.2.3.   Id-direzzjoni inizjali tal-forza għandha tkun orizzontali u perpendikolari għal pjan vertikali li jgħaddi mil-linja ċentrali lonġitudinali tat-trattur.

3.4.2.4.   Tul it-tagħbija, id-deformazzjonijiet tal-assemblaġġ tal-istruttura protettiva u l-qafas tat-trattur jistgħu jikkawżaw bidla fid-direzzjoni tal-forza; dan huwa permess.

3.4.2.5.   Jekk is-sit tal-operatur ma jkunx bi dritt mal-linja ċentrali lonġitudinali tat-trattur, it-tagħbija tkun kontra l-aktar naħa ta' barra l-aktar viċin tas-sit.

3.4.2.6.   Għas-sit fil-linja ċentrali, jekk l-immuntar tal-istruttura protettiva jkun b'tali mod li r-relazzjonijiet differenti bejn il-forza u d-deflessjoni jinkisbu mit-tagħbija min-naħat tal-lemin jew tax-xellug, in-naħa mgħobbija għandha tkun dik li tpoġġi l-aktar rekwiżiti serji fuq l-assemblaġġ tal-istruttura protettiva u l-qafas tat-trattur.

3.4.2.7.   Ir-rata tad-deflessjoni (applikazzjoni tat-tagħbija) għandha tkun tali li tkun tista' titqies statika, jiġifieri inqas jew ugwali għal 5 mm/s jew.

3.4.2.8   B'żidiet fid-deflessjoni mhux akbar minn 25 mm fil-punt tal-applikazzjoni tat-tagħbija riżultanti, il-forza u d-deflessjoni għandhom jiġu rreġistrati u mmarkati (il-Figura 8.17).

3.4.2.9.   It-tagħbija għandha titkompla sakemm l-istruttura protettiva tkun laħqet ir-rekwiżiti tal-forza u tal-enerġija. Iż-żona taħt il-kurva riżultanti tal-forza u d-deflessjoni (il-Figura 8.17) hija ugwali għall-enerġija.

3.4.2.10.   Id-deflessjoni użata fil-kalkolu tal-enerġija għandha tkun dik tal-istruttura protettiva tul il-linja ta' azzjoni tal-forza. Id-deflessjoni għandha titkejjel fil-punt tan-nofs tat-tagħbija.

3.4.2.11.   Kull deflessjoni ta' elementi użati għall-appoġġ ta' apparati għall-applikazzjoni tat-tagħbija ma għandhiex tiġi inkluża fil-kejl tad-deflessjoni użat għall-kalkolu tal-assorbiment tal-enerġija.

3.4.3.   Tagħbija vertikali

3.4.3.1.   Wara t-tneħħija tat-tagħbija fuq il-ġenb, għandha tiġi applikata tagħbija vertikali fin-naħa ta' fuq tal-istruttura protettiva.

3.4.3.2.   It-tagħbija għandha tiġi applikata bl-użu ta' travu riġidu b'wisa' ta' 250 mm.

3.4.3.3.   Għall-istrutturi li għandhom aktar minn żewġ arbli, it-tagħbija vertikali għandha tiġi applikata fuq quddiem u fuq wara

3.4.3.3.1.   It-tagħbija vertikali fuq wara (il-Figuri 8.10, 8.11.a u 8.11.b)

3.4.3.3.1.1.

It-travu ta' tgħaffiġ għandu jitqiegħed tul l-elementi strutturali ta' fuq nett fuq wara sabiex ir-riżultat tal-forzi ta' tgħaffiġ jinsab fil-pjan ta' referenza vertikali. Il-forza ta' tgħaffiġ għandha tiġi applikata u miżmuma għal 5 sekondi wara li jieqaf kull moviment li jista' jidher viżwalment tal-istruttura protettiva.

3.4.3.3.1.2.

Fejn il-parti ta’ wara tas-saqaf tal-istruttura ta’ protezzjoni ma treġġix il-forza kollha li tgħaffeġ, il-forza għandha tiġi applikata sakemm is-saqaf jitgħawweġ u jibda jmiss mal-pjan li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ wara tat-trattur li kapaċi treġġi l-massa tal-vettura meta tinqaleb. Imbagħad il-forza għandha titneħħa u t-travu tat-tgħaffiġ għandu jiġi ppożizzjonat mill-ġdid fuq dik il-parti tal-istruttura protettiva li tappoġġa t-trattur meta maqlub għal kollox. Imbagħad għandha tiġi applikata l-forza tat-tgħaffiġ.

3.4.3.3.2.   It-tagħbija vertikali fuq quddiem (il-Figuri 8.10 sa 8.12)

3.4.3.3.2.1.

It-travu ta' tgħaffiġ għandu jitqiegħed tul l-elementi strutturali ta' fuq nett fuq quddiem sabiex ir-riżultat tal-forzi ta' tgħaffiġ jinsab fil-pjan ta' referenza vertikali. Il-forza ta' tgħaffiġ F għandha tiġi applikata u miżmuma għal 5 sekondi wara li jieqaf kull moviment li jista' jidher viżwalment tal-istruttura protettiva.

3.4.3.3.2.2.

Meta l-parti ta' quddiem tas-saqaf tal-istruttura protettiva ma żżommx il-forza ta' tgħaffiġ kollha (il-Figuri 8.12.a u 8.12.b), il-forza għandha tiġi applikata sakemm is-saqaf jiġi defless sabiex jikkoinċidi mal-pjan li jgħaqqad il-parti ta' fuq tal-istruttura protettiva ma' dik il-parti ta' quddiem tat-trattur li hija kapaċi li żżomm it-trattur meta jinqaleb. Imbagħad il-forza għandha titneħħa u t-travu tat-tgħaffiġ għandu jiġi ppożizzjonat mill-ġdid fuq dik il-parti tal-istruttura protettiva li tappoġġa t-trattur meta maqlub għal kollox. Imbagħad għandha tiġi applikata l-forza tat-tgħaffiġ.

3.4.3.4.   Għal struttura protettiva li jkollha sistema b'żewġ arbli, it-tagħbija vertikali għandha tkun stabbilita mid-distanza lonġitudinali totali bejn l-elementi tal-istruttura protettiva ta' fuq L u l-projezzjoni vertikali tal-pjani ta' quddiem u ta' wara tad-DLV. Il-punt tal-forza (tagħbija) għandu jkun f'distanza ta' mhux inqas mid-distanza L/3 mill-arbli (ara l-Figura 8.9).

Jekk il-punt L/3 ikun bejn il-projezzjoni vertikali tad-DLV u l-arbli, il-punt tal-forza (tagħbija) għandu jitressaq 'il bogħod mill-arblu sakemm jidħol fil-projezzjoni vertikali tad-DLV.

Għal strutturi protettivi mmuntati fuq quddiem b'sistema b'żewġ arbli mingħajr protezzjoni fil-parti ta' fuq, it-tagħbija vertikali għandha tiġi applikata bi dritt mal-elementi trasversali li jikkollega l-elementi ta' fuq.

3.4.4.   Tagħbija lonġitudinali

3.4.4.1.   Wara t-tneħħija tat-tagħbija vertikali, għandha tiġi applikata tagħbija lonġitudinali lill-istruttura protettiva.

3.4.4.2.   It-tagħbija lonġitudinali għandha tiġi applikata fil-post deformat tal-punt stabbilit oriġinarjament, minħabba li t-tagħbija laterali (u vertikali) tal-istruttura ta' protezzjoni x'aktarx tirriżulta fid-deformazzjoni permanenti tal-istruttura. Il-punt stabbilit oriġinarjament huwa ddeterminat mill-post tad-distributur u s-sokit tat-tagħbija qabel jitwettaq kwalunkwe test fuq l-istruttura.

L-apparat għad-distribuzzjoni tat-tagħbija jista' jieħu l-wisa' kollha fil-każijiet fejn ma jeżistix element trasversali fuq wara (quddiem). Fil-każijiet l-oħra kollha, l-apparat ma jistax jiddistribwixxi t-tagħbija fuq tul akbar minn 80% tal-wisa', W, tal-istruttura ta' protezzjoni (ara l-Figura 8.18).

3.4.4.3.   It-tagħbija lonġitudinali għandha tiġi applikata fuq l-elementi strutturali ta' fuq tal-istruttura ta' protezzjoni tul il-linja ċentrali lonġitudinali tal-istruttura ta' protezzjoni.

3.4.4.4.   Id-direzzjoni tat-tagħbija għandha tintgħażel biex l-aktar rekwiżiti serji jitpoġġew fuq l-assemblaġġ tal-istruttura ta' protezzjoni/qafas tat-trattur. Id-direzzjoni inizjali tat-tagħbija għandha tkun orizzontali u parallela għal-linja ċentrali lonġitudinali oriġinali tat-trattur. Xi fatturi addizzjonali li għandhom jitqiesu fid-deċiżjoni dwar id-direzzjoni li fiha għandha tiġi applikata t-tagħbija lonġitudinali huma:

a)	il-post tal-istruttura ta' protezzjoni relattiva għad-DLV u l-effett li d-deflessjoni lonġitudinali tal-istruttura ta' protezzjoni jkollha fuq il-provvista ta' protezzjoni kontra t-tgħaffiġ għall-operatur:

b)	il-karatteristiċi tat-trattur, pereżempju elementi strutturali oħrajn tat-trattur li jistgħu jirreżistu d-deflessjoni lonġitudinali tal-istruttura ta' protezzjoni, li jistgħu jillimitaw id-direzzjoni tal-komponent lonġitudinali tat-tagħbija fuq l-istruttura ta' protezzjoni;

c)	l-esperjenza li tista' tindika l-possibbiltà ta' qlib lonġitudinali jew it-tendenza ta' trattur partikolari ta' klassifikazzjoni jbiddel id-direzzjoni f'daqqa meta jdur f'assi lonġitudinali matul qlib reali.

3.4.4.5.   Ir-rata tad-deflessjoni għandha tkun tali li t-tagħbija tkun tista' titqies statika (ara 3.4.2.7). Din it-tagħbija għandha titkompla sakemm l-istruttura ta' protezzjoni tkun kisbet ir-rekwiżit(i) tal-forza.

3.5.   Kundizzjonijiet għall-aċċettazzjoni

3.5.1.   Ġenerali

3.5.1.1.   Matul kull test, l-ebda parti tal-istruttura protettiva m'għandha tidħol fil-volum li jillimita d-deflessjoni. Barra minn hekk, id-deformazzjoni tal-istruttura protettiva m'għandhiex tippermetti lill-pjan terren simulat (definit fil-paragrafi 1.11 u 1.12) jidħol fid-DLV.

3.5.1.2.   Id-deflessjoni tal-istruttura protettiva matul kull test m'għandhiex tkun il-kawża li l-pjani tal-ġenb tat-tagħbija tad-DLV jestendu lil hinn jew jinkorċjaw il-pjan terren simulat (ara l-Figuri 8.19 u 8.20).

L-istruttura protettiva m'għandhiex tinqala' mill-qafas tat-trattur minħabba falliment tal-qafas tat-trattur.

3.5.2.   Rekwiżiti għall-forza-enerġija tat-tagħbija fuq il-ġenb, il-forza tat-tagħbija vertikali u l-forza tat-tagħbija lonġitudinali

3.5.2.1.   Dawn ir-rekwiżiti għandhom jiġu ssodisfati fid-deflessjoni(jiet) permessi f'3.5.1.1.

3.5.2.2.   Il-forza tat-tagħbija fuq il-ġenb u l-enerġija minima assorbita għandhom jilħqu mill-inqas dawk mogħtija fit-Tabella 8.1, fejn:

—	F hija l-forza minima miksuba matul it-tagħbija fuq il-ġenb;

—	M (kg) hija l-massa massima rrakomandata mill-manifattur tat-trattur;

—	U hija l-enerġija minima assorbita matul it-tagħbija fuq il-ġenb.

Jekk il-forza rikjesta tintlaħaq qabel ma jiġi ssodisfat ir-rekwiżit tal-enerġija, il-forza tista' tonqos iżda terġa' tilħaq il-livell rikjest meta tinkiseb jew tinqabeż l-enerġija minima.

3.5.2.3.   Wara t-tneħħija tat-tagħbija fuq il-ġenb, l-assemblaġġ tal-istruttura protettiva u l-qafas tat-trattur għandu jappoġġa forza vertikali:

għal perjodu ta' 5 minuti jew sakemm tieqaf kull deformazzjoni, skont liema tkun l-iqsar.

3.5.2.4.   Il-forza tat-tagħbija lonġitudinali għandha tilħaq mill-inqas dik mogħtija fit-Tabella 8.1, fejn F u M huma definiti fil-punt 3.5.2.2.

3.6.   Estensjoni għal mudelli oħra ta' tratturi

3.6.1.   [Mhux applikabbli]

3.6.2.   Estensjoni teknika

Meta jsiru modifiki tekniċi fuq it-trattur, l-istruttura protettiva jew il-metodu ta’ twaħħil tal-istruttura protettiva mat-trattur, l-istazzjon tal-ittestjar li wettaq it-test oriġinali jista' joħroġ “rapport ta’ estensjoni teknika” fil-każijiet li ġejjin:

3.6.2.1.   Estensjoni tar-riżultati tat-test strutturali għal mudelli oħra ta' tratturi.

Mhux meħtieġ li t-testijiet tal-impatt u tat-tgħaffiġ jitwettqu fuq kull mudell ta' trattur, sakemm l-istruttura protettiva u t-trattur jikkonformaw mal-kundizzjonijiet imsemmijin hawn taħt 3.6.2.1.1 sa 3.6.2.1.5.

3.6.2.1.1.

L-istruttura għandha tkun identika għal dik ittestjata;

3.6.2.1.2.

L-enerġija meħtieġa ma għandhiex taqbeż l-enerġija kkalkulata għat-test oriġinali b'iktar minn 5 %;

3.6.2.1.3.

Il-metodu ta’ twaħħil u l-komponenti tat-trattur li magħhom isir it-twaħħil għandhom ikunu identiċi,

3.6.2.1.4.

Kwalunkwe komponent bħall-madgards u l-bonit li jistgħu jagħtu għajnuna għall-istruttura protettiva għandhom ikunu identiċi;

3.6.2.1.5.

Il-pożizzjoni u d-dimensjonijiet kritiċi tas-sit fl-istruttura protettiva u l-pożizzjoni relattiva tal-istruttura protettiva fuq it-trattur għandhom ikunu tali li d-DLV ikun baqa' fil-protezzjoni tal-istruttura deflessa matul it-testijiet kollha.

3.6.2.2.   Estensjoni tar-riżultati tat-test strutturali għal mudelli modifikati tal-istruttura protettiva

Din il-proċedura għandha tiġi segwita meta d-dispożizzjonijiet tal-paragrafu 3.6.2.1 ma jkunux issodisfati u ma tistax tintuża meta l-metodu ta’ twaħħil tal-istruttura protettiva mat-trattur ma jibqax tal-istess prinċipju (eż. sostenituri tal-gomma jinbidlu b'tagħmir ta’ sospensjoni):

3.6.2.2.1.

Il-modifikazzjonijiet li m'għandhomx impatt fuq ir-riżultati tat-test inizjali (pereżempju twaħħil bis-saldatura tal-pjanċa tal-immuntar ta' aċċessorju f'post mhux kritiku tal-istruttura), żieda ta' sits b'post tal-SIP differenti fl-istruttura protettiva (bil-kundizzjoni li jiġi vverifikat li d-DLV(s) ġdid/ġodda jibqa'/jibqgħu taħt il-protezzjoni tal-istruttura delfessa matul it-testijiet kollha);

3.6.2.2.2.

Modifiki li jistgħu jħallu impatt fuq ir-riżultati tat-test oriġinali mingħajr ma jintefa dubju fuq l-aċċettabilità tal-istruttura protettiva (eż. modifika tal-komponent strutturali, modifika tal-metodu ta’ twaħħil tal-istruttura protettiva mat-trattur). Jista' jsir test ta’ validazzjoni u r-riżultati tat-test sejrin jiġu abbozzati fir-rapport ta’ estensjoni. Il-limiti li ġejjin għal din l-estensjoni tat-tip jiġu ffissati: 3.6.2.2.2.1. ma jistgħux jiġu aċċettati aktar minn ħames estensjonijiet mingħajr test ta' validazzjoni; 3.6.2.2.2.2. ir-riżultati tat-test ta' validazzjoni jiġu aċċettati għall-estensjoni jekk il-kundizzjonijiet ta' aċċettazzjoni kollha ta' dan l-Anness jiġu ssodisfati u jekk il-forza mkejla meta l-livell tal-enerġija rikjest jkun intlaħaq fit-testijiet varji ta' tagħbija orizzjontali ma tvarjax mill-forza mkejla meta l-enerġija rikjesta tkun intlaħqet fit-test oriġinali b'aktar minn ± 7 % u d-deflessjoni mkejla (2) meta l-livell ta' enerġija rikjest ikun intlaħaq fit-testijiet ta' tagħbija orizzontali ma tvarjax mid-deflessjoni mkejla meta l-enerġija rikjesta tkun intlaħqet fir-rapport tat-test oriġinali b'aktar minn ± 7 %; 3.6.2.2.2.3. iktar minn modifika waħda għall-istruttura protettiva tista' tkun inkluża f'rapport ta’ estensjoni uniku jekk jirrappreżentaw possibilitajiet differenti tal-istruttura protettiva, imma test ta’ validazzjoni wieħed biss jista' jkun aċċettat f'rapport ta’ estensjoni uniku. L-għażliet li ma jkunux ġew ittestjati għandhom jiġu deskritti f'taqsima speċifika tar-rapport ta' estensjoni.

3.6.2.2.3.

Żieda fil-massa ta’ referenza ddikjarata mill-manifattur għal struttura protettiva diġà ttestjata. Jekk il-manifattur irid iżomm l-istess numru ta' approvazzjoni huwa possibbli li joħroġ rapport ta' estensjoni wara li jwettaq test ta' validazzjoni (il-limiti ta' ± 7% speċifikat fi 3.6.2.2.2.2 mhumiex applikabbli f'każ bħal dan).

3.7.   [Mhux applikabbli]

3.8.   Il-prestazzjoni tal-istrutturi protettivi f'temp kiesaħ

3.8.1.   Jekk jiġi ddikjarat li l-istruttura protettiva għandha proprjetajiet reżistenti għall-fraġilizzazzjoni mit-temp kiesaħ, il-manifattur għandu jagħti dettalji li għandhom ikunu inklużi fir-rapport.

3.8.2.   Ir-rekwiżiti u l-proċeduri li ġejjin huma maħsuba biex jipprovdu qawwa u reżistenza għall-ksur mill-effetti tal-kesħa f'temperaturi baxxi. Huwa ssuġġerit li għandhom jiġu ssodisfati r-rekwiżiti materjali minimi li ġejjin biex tiġi deċiża l-adattabbiltà tal-istruttura protettiva f'temperaturi operattivi mnaqqsa f'dawk il-pajjiżi li jeħtieġu din il-protezzjoni operattiva addizzjonali.

3.8.2.1.   Boltijiet u skorfini użati biex titwaħħal l-istruttura protettiva mat-trattur u użati biex partijiet strutturali jingħaqdu mal-istruttura protettiva għandhom juru qawwa kkontrollata adegwata għal temperaturi baxxi.

3.8.2.2.   L-elettrodi kollha tal-iwweldjar fil-fabbrikazzjoni tal-elementi strutturali u l-montaturi għandhom ikunu kompatibbli mal-materjal tal-istruttura protettiva bħal fi 3.8.2.3 hawn taħt

3.8.2.3.   Il-materjali tal-azzar għall-elementi strutturali tal-istruttura protettiva għandhom ikunu ta' materjal ta' qawwa kkontrollata li juri rekwiżiti minimi tal-enerġija tal-impatt Charpy V-Notch kif muri fit-Tabella 8.2. Il-grad u l-kwalità tal-azzar għandhom ikunu speċifikati f’konformità mal-ISO 630:1995; Amd1:2003.

L-azzar bi ħxuna rrumblata ta' inqas minn 2.5 mm u bil-kontenut ta' karbonju inqas minn 0,2 fil-mija huwa meqjus li jissodisfa dan ir-rekwiżit.

Membri strutturali tal-istruttura protettiva magħmula minn materjali apparti mill-azzar għandu jkollhom reżistenza ekwivalenti f'impatt ta’ temperatura baxxa.

3.8.2.4.   Meta jiġu ttestjati r-rekwiżiti tal-enerġija tal-impatt Charpy V-Notch, id-daqs tal-kampjun għandu jkun mhux inqas minn l-akbar tad-daqsijiet iddikjarati fit-Tabella 8.2 li jippermetti l-materjal.

3.8.2.5.   It-testijiet Charpy V-Notch għandhom isiru skont il-proċedura fl-ASTM A 370-1979, ħlief għad-daqsijiet ta' kampjun li għandhom ikunu skont il-qisien mogħtija fit-Tabella 8.2.

3.8.2.6.   Alternattivi għal din il-proċedura huma l-użu ta’ azzar newtralizzat jew semi-newtralizzat li għalih għandha tiġi pprovduta speċifikazzjoni adegwata. Il-grad u l-kwalità tal-azzar għandhom ikunu speċifikati skont l-ISO 630:1995; Amd1:2003

3.8.2.7.   Il-kampjuni għandhom ikunu lonġitudinali u għandhom jittieħdu minn ħażna ċatta, sezzjonijiet tubulari jew strutturali qabel l-iffurmar jew il-welding għal użu fl-istruttura ta’ protezzjoni. Il-kampjuni mis-sezzjonijiet tubulari jew strutturali għandhom jittieħdu min-nofs tal-ġenb tal-aktar dimensjoni kbira u ma għandhomx jinkludu weldjaturi.

Tabella 8.1

Ekwazzjonijiet tal-forza u tal-enerġija

Massa tal-magna, M	Forza tat-tagħbija laterali, F	Enerġija tat-tagħbija laterali, U	Forza tat-tagħbija vertikali, F	Forza tat-tagħbija lonġitudinali, F
kg	N	J	N	N
800 < M ≤ 4 630	6 M	13 000 (M/10 000 )1,25	20 M	4,8 M
4 630 < M ≤ 59 500	70 000 (M/10 000 )1,2	13 000 (M/10 000 )1,25	20M	56 000 (M/10 000 )1,2
M > 59 500	10 M	2,03 M	20 M	8 M

Tabella 8.2

Enerġiji tal-impatt minimi Charpy V-notch

Daqs tal-kampjun	Enerġija fi	Enerġija fi
	– 30 °C	– 20 °C
mm	J	J (2)
10 × 10 (1)	11	27,5
10 × 9	10	25
10 × 8	9,5	24
10 × 7,5 (1)	9,5	24
10 × 7	9	22,5
10 × 6,7	8,5	21
10 × 6	8	20
10 × 5 (1)	7,5	19
10 × 4	7	17,5
10 × 3,5	6	15
10 × 3	6	15
10 × 2,5 (1)	5,5	14

Figura 8.1

Apparat għad-determinazzjoni tal-punt tal-indiċi tas-sit (SIP)

Figura 8.2

Intrusjoni tal-pjan terren vertikali simulat fid-DLV

Figura 8.3

Volum li jillimita d-deflessjoni (DLV)

Figura 8.4

Struttura protettiva b'żewġ arbli mmuntata fuq quddiem, dehra mill-ġenb

Volum li jillimita d-deflessjoni (DLV)

Figura 8.5

Struttura protettiva b'żewġ arbli mmuntati fuq quddiem, dehra minn wara

Volum li jillimita d-deflessjoni (DLV)

Figura 8.6

Arranġament tipiku għat-twaħħil tal-istruttura protettiva mal-qafas tat-trattur

Figura 8.7

Arranġament tipiku għat-tagħbija fuq il-ġenb tal-istruttura protettiva

Figura 8.8

Arranġament tipiku għat-twaħħil tal-qafas tat-trattur u l-applikazzjoni tat-tagħbija vertikali

Figura 8.9

Arranġament tipiku għall-applikazzjoni tat-tagħbija vertikali lill-istruttura protettiva

Figura 8.10

Eżempju ta' arranġament għal test tat-tgħaffiġ

Figuri 8.11

Pożizzjoni ta’ travu għal testijiet ta’ tgħaffiġ minn wara u minn quddiem kabina protettiva u qafas ta' wara b'roll bar

Figura 8.11.a

Kabina protettiva

Figura 8.11.b

Qafas ta' wara b'roll bar

Figuri 8.12

Pożizzjoni ta’ travu għal testijiet ta’ tgħaffiġ minn quddiem meta forza sħiħa ta' tgħaffiġ ma tkunx sostnuta quddiem

Figura 8.12.a

Kabina protettiva

Figura 8.12.b

Qafas ta' wara b'roll bar

Figuri 8.13 u 8.14

Struttura b'sistema ta' erba' arbli Mezzi għad-distribuzzjoni tat-tagħbija, tagħbija fuq il-ġenb

Figura 8.15

Struttura b'sistema ta' aktar minn erba' arbli

Mezz għad-distribuzzjoni tat-tagħbija, tagħbija fuq il-ġenb

Figura 8.16

Struttura b'sistema b'żewġ arbli

Mezz għad-distribuzzjoni tat-tagħbija, tagħbija fuq il-ġenb

Figura 8.17

Kurva tal-forza-deflessjoni għat-testijiet tat-tagħbija

Figura 8.18

Punt ta' applikazzjoni għat-tagħbija lonġitudinali

Figura 8.19

Applikazzjoni - determinazzjoni tal-volum li jillimita d-deflessjoni (DLV) tal-pjan terren simulat (SGP) laterali

Nota:

Ara l-paragrafu 1.11 għall-bqija ta' a sa e.

Figura 8.20

Rotazzjoni permissibbli tad-DLV ta' fuq mal-fus ta' pożizzjonament (LA)

Noti ta' spjegazzjoni għall-Anness VII

(1)

Sakemm ma jkunx iddikjarat mod ieħor, it-test tar-rekwiżiti u n-numerazzjoni stabbilita fil-punt B huma identiċi għat-test u n-numerazzjoni tal-kodiċi standard tal-OECD għall-ittestjar uffiċjali tal-istrutturi protettivi fuq it-tratturi biċ-ċineg għall-agrikoltura u għall-forestrija, il-Kodiċi 8 tal-OECD, l-Edizzjoni 2015 ta' Lulju 2014.

(2)	Deflessjoni permanenti + elastika mkejla fil-punt meta jinkiseb il-livell ta' enerġija rikjest.

---

(1)  Tindika d-daqs preferut. Id-daqs tal-kampjun għandu jkun mhux inqas mill-ikbar daqs preferut li l-materjal jippermetti.

(2)  Ir-rekwiżit tal-enerġija f'– 20 °C huwa 2,5 darbiet il-valur speċifikat għal – 30 °C. Fatturi oħra jaffettwaw is-saħħa tal-enerġija tal-impatt, jiġifieri d-direzzjoni tat-tgerbib, il-limitu tal-elastiċità l-orjentament tal-partikoli u l-iwweldjar. Dawn il-fatturi għandhom jitqiesu meta jintgħażel jew jintuża l-azzar.

ANNESS VIII

Rekwiżiti li japplikaw għall-istrutturi ta' protezzjoni kontra l-qlib (ittestjar statiku)

A.   DISPOŻIZZJONI ĠENERALI

1.

Ir-rekwiżiti tal-Unjoni li japplikaw għall-istrutturi ta' protezzjoni fil-każ ta' qlib (ittestjar statiku) huma stabbiliti fil-punt B.

B.   REKWIŻITI LI JAPPLIKAW GĦALL-ISTRUTTURI TA' PROTEZZJONI FIL-KAŻ TA' QLIB (ITTESTJAR STATIKU)(1)

1.   Definizzjonijiet

1.1.   [Mhux applikabbli]

1.2.   Struttura Protettiva fil-Każ ta' Qlib (ROPS)

Struttura ta’ protezzjoni fil-każ ta’ qlib (kabina jew qafas ta' protezzjoni), minn hawn ‘il quddiem imsejħa “struttura protettiva”, tfisser l-istruttura fuq trattur li l-iskop essenzjali tagħha huwa li jiġu evitati jew limitati riskji lis-sewwieq li jirriżultaw minn qlib tat-trattur waqt użu normali.

L-istruttura protettiva fil-każ ta’ qlib hija kkaratterizzata minn li jitħalla spazju għal żona libera kbira biżżejjed biex tipproteġi lis-sewwieq meta jkun bil-qiegħda jew fi ħdan l-istruttura jew fi ħdan spazju magħluq minn għadd ta’ linji dritti mit-truf ta’ barra tal-istruttura għal kwalunkwe parti tat-trattur li tista’ tiġi f’kuntatt ma’ art ċatta u li tkun kapaċi terfa’ lit-trattur f’din il-pożizzjoni jekk it-trattur jinqaleb.

1.3.   Karreġġjata

1.3.1.   Definizzjoni preliminari: pjan mezzan tar-rota jew tal-karreġġjata

Il-pjan mezzan tar-rota jew tal-karreġġjata huwa ekwidistanti miż-żewġ pjani li fihom il-periferija tar-rimmijiet jew il-karreġġjati fit-truf ta' barra tagħhom.

1.3.2.   Id-definizzjoni ta’ karreġġjata

Il-pjan vertikali minn ġol-fus tar-rota jaqsam minn naħa għall-oħra tal-pjan medjan tagħha tul linja dritta li tiltaqa’ mal-pjan li jerfa’ f’xi punt. Jekk A u B huma ż-żewġ punti hekk iddefiniti għar-roti fuq l-istess fus tat-trattur, il-wisa' tal-binarju hija d-distanza bejn il-punti A u B. Il-binarju jista' jiġi definit b'dan il-mod kemm għar-roti ta' quddiem kif ukoll ta' wara. Fejn hemm żewġ roti tewmin, il-karreġġjata hija d-distanza bejn żewġ pjani b’kull wieħed minnhom bħala l-pjan medjan tal-pari tar-roti.

Għat-tratturi biċ-ċineg, karreġġjata hija d-distanza bejn il-pjani medjani taċ-ċineg.

1.3.3.   Definizzjoni addizzjonali: pjan medjan tat-trattur

Jittieħdu l-pożizzjonijiet estremi tal-punti A u B għall-fus ta’ wara tat-trattur, li huwa l-akbar valur possibbli għall-karreġġjata. Il-pjan vertikali f’angolu rett mal-linja AB fil-punt ċentrali tagħha huwa l-pjan mezzan tat-trattur.

1.4.   Bażi tar-roti

Id-distanza bejn il-pjani vertikali għaddejjin miż-żewġ linji AB kif iddefinit hawn fuq, waħda għar-roti ta’ quddiem u waħda għar-roti ta’ wara.

1.5.   Id-determinazzjoni tal-punt tal-indiċi tas-sit; Il-post tas-sit u l-aġġustament għat-test

1.5.1.   Punt ta’ indiċi tas-sit (SIP)(2)

Il-punt tal-indiċi tas-sit għandu jkun iddeterminat skont l-ISO 5353:1995

1.5.2.   Post tas-sit u aġġustament għat-test

1.5.2.1.

meta l-pożizzjoni tas-sit ikun aġġustabbli, is-sit irid jiġi aġġustat fil-pożizzjoni ta' wara ta' fuq nett;

1.5.2.2.

meta l-inklinazzjoni tad-dahar tas-sit tkun aġġustabbli, għandha tiġi aġġustata fil-pożizzjoni tan-nofs;

1.5.2.3.

fejn is-sit ikun mgħammar b’sospensjonijiet, dan irid jiġi mblukkat f’nofs triq, sakemm dan ma jkunx kontra l-istruzzjonijiet stabbiliti b’mod ċar mill-manifattur tas-sit;

1.5.2.4.

meta l-pożizzjoni tas-sit tkun aġġustabbli fit-tul u vertikalment biss, l-assi lonġitudinali li jgħaddi mill-Punt tal-Indiċi tas-Sit għandu jkun parrallel mal-pjan vertikali lonġitudinali tat-trattur li jgħaddi miċ-ċentru tar-rota tal-istering u mhux aktar minn 100 mm minn dan il-pjan.

1.6.   Żona libera

1.6.1.   Pjan ta' referenza għas-sit u r-rota tal-istering

Iż-żona libera tidher fil-figuri 4.11 sa 4.13 u fit-Tabella 4.2. Iż-żona hija ddefinita fir-rigward tal-pjan ta’ referenza u l-Punt tal-Indiċi tas-Sit. Il-pjan ta' referenza huwa definit fil-bidu tas-serje ta' tagħbijiet; huwa pjan vertikali, ġeneralment lonġitudinali mat-trattur u li jgħaddi mill-Punt tal-Indiċi tas-Sit u ċ-ċentru tar-rota tal-istering. Normalment il-pjan ta’ referenza jikkoinċidi mal-pjan medjan lonġitudinali tat-trattur. Il-pjan ta’ referenza għandu jitqies li jersaq orizzontalment mas-sit u r-rota tal-istering meta jkun mgħobbi iżda li jibqa’ perpendikulari mat-trattur jew mal-art tal-istruttura protettiva fil-każ ta’ qlib. Iż-żona libera għandha tiġi definita fuq il-bażi tat-Taqsimiet 1.6.2 u 1.6.3 hawn taħt.

1.6.2.   Determinazzjoni taż-żona libera għat-tratturi b'sit mhux riversibbli

Iż-żona libera għat-tratturi b'sit mhux riversibbli hija ddefinita fil-punti 1.6.2.1 sa 1.6.2.10 hawn taħt u hija magħluqa mill-pjani li ġejjin, meta t-trattur ikun fuq pjan orizzontali, is-sit aġġustat u fil-post kif speċifikat fit-Taqsimiet 1.5.2.1 sa 1.5.2.4(2), u r-rota tal-istering, meta jkun jista' jiġi aġġustat, aġġustat fil-pożizzjoni tan-nofs għas-sewqan bilqiegħda:

1.6.2.1.

pjan orizzontali A1 B1 B2 A2, (810 + a v) mm 'il fuq mill-Punt tal-Indiċi tas-Sit mal-linja B1B2 li tinsab (a h - 10) mm wara l-SIP;

1.6.2.2.

pjan inklinat G1 G2 I2 I1, perpendikulari mal-pjan ta' referenza, inklużi punt 150 mm wara l-linja B1B2 u l-aktar punt ta' wara tad-dahar tas-sit;

1.6.2.3.

pjan ċilindriku A1 A2 I2 I1 perpendikulari mal-pjan ta' referenza li għandu raġġ ta' 120 mm, tanġenzjali mal-pjani definiti fi 1.6.2.1 u 1.6.2.2 hawn fuq;

1.6.2.4.

pjan ċilindriku B1 C1 C2 B2, perpendikulari mal-pjan ta' referenza, li għandu raġġ ta' 900 mm li jestendi quddiem għal 400 mm u tanġenzjali għall-pjan definit fi 1.6.2.1 hawn fuq tul il-linja B1B2;

1.6.2.5.

pjan inklinat C1 D1 D2 C2, perpendikular mal-pjan ta' referenza, li jgħaqqad il-pjan definit fi 1.6.2.4 hawn fuq u li jgħaddi 40 mm mit-tarf estern ta' quddiem tar-rota tal-istering. Fil-każ ta' pożizzjoni tar-rota tal-istering għolja, dan il-pjan jestendi 'l quddiem mil-linja B1B2 tanġenzjalment mal-pjan definit fi 1.6.2.4 hawn fuq;

1.6.2.6.

pjan vertikali D1 E1 E2 D2 perpendikular mal-pjan ta' referenza 40 mm 'il quddiem mit-tarf estern tar-rota tal-istering;

1.6.2.7.

pjan orizzontali E1 F1 F2 E2 li jgħaddi minn punt (90 - a v) mm taħt il-Punt tal-Indiċi tas-Sit;

1.6.2.8.

pjan G1 F1 F2 G2, jekk neċessarju defless mil-limitu ta' taħt tal-pjan definit fi 1.6.2.2 hawn fuq sal-pjan orizzontali definit fi 1.6.2.7 hawn fuq, perpendikulari għall-pjan ta' referenza, u f'kuntatt mad-dahar tas-sit fit-tul kollu tiegħu;

1.6.2.9.

pjani vertikali J1 E1 F1 G1 H1 and J2 E2 F2 G2 H2. Dawn il-pjani vertikali għandhom jestendu 'l fuq mill-pjan E1 F1 F2 E2 għal 300 mm; id-distanzi E1 E0 u E2 E0 għandhom ikunu 250 mm;

1.6.2.10.

pjani paralleli A1 B1 C1 D1 J1 H1 I1 and A2 B2 C2 D2 J2 H2 I2 inklinati sabiex it-tarf ta' fuq tal-pjan fuq il-ġenb li fuqu tiġi applikata l-forza jkun mill-inqas 100 mm mill-pjan ta' referenza vertikali.

1.6.3.   Determinazzjoni taż-żona libera għal tratturi b’pożizzjoni tas-sewwieq riversibbli

Għal tratturi b’pożizzjoni tas-sewwieq riversibbli (sit u rota tal-istering riversibbli), iż-żona libera huwa l-involukru taż-żewġ żoni liberi iddefiniti miż-żewġ pożizzjonijiet differenti tar-rota tal-istering u s-sit.

1.6.4.   Sits mhux obbligatorji

1.6.4.1.

Fil-każ ta' tratturi li jistgħu jiġu mgħammra b'sits fakultattivi, l-involukru li jinkludi l-Punti tal-Indiċi tas-Sit tal-għażliet kollha offruti għandu jintuża matul it-testijiet. L-istruttura protettiva m'għandhiex tidħol fiż-żona libera l-kbira li tqis dawn il-punti differenti tal-indiċi tas-sit.

1.6.4.2.

F’każ fejn tiġi offruta għażla ġdida ta’ sit wara li jkun sar it-test, għandu jsir kalkolu biex jinstab jekk iż-żona libera madwar l-SIP il-ġdid taqax fl-involukru stabbilit qabel. Jekk ma taqax hemm, irid isir test mill-ġdid.

1.6.4.3.

Sit opzjonali ma jinkludix sit għal persuna apparti dak tas-sewwieq u minn fejn it-trattur ma jistax jiġi kkontrollat. Is-SIP mhux iddeterminat għaliex id-definizzjoni taż-żona libera hija ddeterminata b'rabta mas-sit tas-sewwieq.

1.7.   Massa

1.7.1.   Massa mingħajr saborra

Il-massa tat-trattur mingħajr mezzi tas-saborra u, fil-każ ta' tratturi b'tajers pnewmatiċi, mingħajr saborra likwida fit-tajers. It-trattur għandu jkun jaħdem bit-tankijiet, ċirkuwiti u radjatur mimlijin, l-istruttura protettiva bil-cladding u bi kwalunkwe apparat tal-karreġġjata jew komponent ta' kontroll tar-rota ta' quddiem addizzjonali meħtieġ għal użu normali. L-operatur mhuwiex inkluż.

1.7.2.   Massa Massima Permissibbli

Il-massa massima tat-trattur iddikjarata mill-manifattur bħala teknikament permissibbli u ddikjarata fuq il-pjanċa ta' identifikazzjoni tal-vettura u/jew fil-Manwal tal-Operatur.

1.7.3.   Massa ta' Referenza

Il-massa magħżula mill-manifattur għall-kalkolu tal-inputs tal-enerġija u l-forzi tat-tgħaffiġ li għandhom jintużaw fit-testijiet. M'għandhiex tkun inqas mill-massa mingħajr saborra u għandha tkun suffiċjenti biex tiżgura li l-Proporzjon tal-Massa ma jaqbiżx 1.75 (ara t-Taqsima 1.7.4).

1.7.4.   Proporzjon tal-Massa

Il-proporzjon ta' Dan m'għandux ikun akbar minn 1.75.

1.8.   Tolleranzi permissibbli ta’ kejl

Ħin	± 0,1 s
Distanza	± 0,5 mm
Forza	± 0,1 % (tal-iskala sħiħa tas-senser)
Angolu	± 0,1°
Massa	± 0,2 % (tal-iskala sħiħa tas-senser)

1.9.   Simboli

ah	(mm)	Nofs l-aġġustament orizzontali tas-sit
av	(mm)	Nofs l-aġġustament vertikali tas-sit
D	(mm)	Deflessjoni tal-istruttura protettiva fil-punt u bi dritt mal-applikazzjoni tat-tagħbija
D'	(mm)	Deflessjoni tal-istruttura protettiva għall-enerġija kkalkulata rikjesta
EIS	(J)	Input ta’ enerġija li għandha tiġi assorbita matul it-tagħbija laterali
EIL1	(J)	Input ta’ enerġija li għandha tiġi assorbita matul it-tagħbija lonġitudinali
EIL2	(J)	Input ta' enerġija li għandha tiġi assorbita fil-każ ta' tagħbija lonġitudinali oħra
F	(N)	Forza ta’ tagħbija statika
Fmax	(N)	Forza massima ta’ tagħbija statika preżenti matul it-tagħbija, bl-eċċezzjoni ta’ tagħbija eċċessiva
F'	(N)	Forza għall-enerġija kkalkulata rikjesta
M	(kg)	Il-massa ta' referenza użata għall-kalkolu tal-inputs tal-enerġija u l-forzi tat-tgħaffiġ

2.   Qasam ta' applikazzjoni

2.1.

Dan l-Anness huwa applikabbli għat-tratturi li għandhom mill-inqas żewġ fusien għar-roti pnewmatiċi jew li jkollhomċineg minflok roti u b'massa tat-trattur mingħajr saborra mhux inqas minn 600 kg. Il-Proporzjon tal-Massa (Massa Massima Permissibbli / Massa ta' Referenza) m'għandux ikun aktar minn 1,75.

2.2.

Il-wisa' minimu tal-karreġġjata tar-roti ta' wara għandha normalment tkun ikbar minn 1 150 mm. Huwa magħruf li jista' jkun hemm disinni ta' tratturi, pereżempju, magni tal-ħsad tal-ħaxix, tratturi għall-vinji dojoq, tratturi bi profil baxx użati fil-bini bi spazju limitat minn fuq jew fil-ġonna tas-siġar tal-frott, tratturi bi spazju liberu għoli u magni speċjali tal-forestrija, bħal pereżempju forwarders u skidders, li għalihom dan l-Anness mhuwiex applikabbli.

3.   Regoli u struzzjonijiet

3.1.   Regolamenti ġenerali

3.1.1.

L-istruttura ta' protezzjoni tista' tiġi mmanifatturata jew mill-produttur tat-trattur jew minn ditta indipendenti. Fi kwalunkwe każ, test huwa validu biss għall-mudell ta' trattur li fuqu jitwettaq. L-istruttura ta' protezzjoni trid tiġi ttestjata mill-ġdid għal kull mudell ta' trattur li fuqu tintrama'. Madankollu, l-istazzjonijiet tal-ittestjar jistgħu jiċċertifikaw li t-testijiet tas-saħħa huma validi wkoll għall-mudelli ta' tratturi li ġejjin mill-mudell oriġinali b'modifikazzjonijiet fil-magna, it-trasmissjoni u l-istering u s-sospensjoni ta' quddiem. Mill-banda l-oħra, aktar minn struttura waħda ta' protezzjoni tista' tiġi ttestjata għal kwalunkwe mudell ta' trattur.

3.1.2.

L-istruttura protettiva mressqa għat-test statiku għandha tiġi pprovduta mwaħħla bil-mod normali mat-trattur jew ix-xażi tat-trattur li fuqu tintuża. Ix-xażi tat-trattur għandu jkun komplet inkluż brekits tat-twaħħil u partijiet oħrajn tat-trattur li jistgħu jkunu affettwati minn tagħbijiet imposti fuq l-istruttura protettiva.

3.1.3.

Meta jkun ikkonċernat trattur “tandem”, għandha tintuża l-massa tal-verżjoni standard ta' dik il-parti li magħha titwaħħal l-istruttura protettiva.

3.1.4.

Struttura protettiva tistaż tiġi ddisinjata biss sabiex tipproteġi lis-sewwieq fil-każ li t-trattur jinqeleb. Fuq din l-istruttura jista' jkun possibbli li titwaħħal protezzjoni kontra t-temp għas-sewwieq li tkun ta' natura temporanja bejn wieħed u ieħor. Normalment, is-sewwieq ineħħiha meta tkun is-sħana. Hemm iżda strutturi ta' protezzjoni li l-kisi ta' barra tagħhom huwa permanenti u għandhom ventilazzjoni kontra s-sħana permezz ta' twieqi jew perpuri. Minħabba li l-cladding jista' jżid is-saħħa tal-istruttura u jekk jitneħħa jista' jkun assenti meta jseħħ l-aċċident, il-partijiet kollha li jistgħu jitneħħew ukoll mis-sewwieq, jitneħħew għall-għanijiet tat-test. Il-bibien, il-bieba tas-saqaf u t-twieqi li jistgħu jinfetħu għandhom jitneħħew jew jitqiegħdu fil-pożizzjoni miftuħa għat-test, sabiex ma jżidux mas-saħħa tal-istruttura protettiva. Għandu jiġi nnotat jekk, f'din il-pożizzjoni, joħolqux periklu għas-sewwieq fil-każ li jinqaleb. Tul il-bqija ta' dawn ir-regoli għandha ssir referenza biss għall-ittestjar tal-istruttura ta' protezzjoni. Irid ikun ċar li dan jinkludi l-kisi ta' barra li mhuwiex ta' natura temporanja. Deskrizzjoni ta' xi kisi ta' barra temporanju trid tiġi inkluża fl-ispeċifikazzjonijiet. Ħġieġ jew kull materjal bħalu li jinkiser malajr għandu jitneħħa qabel it-test. Komponenti tat-trattur u tal-istruttura ta' protezzjoni li tista' ssirilhom ħsara għal xejn b'xejn matul it-test u li ma jaffettwawx is-saħħa tal-istruttura ta' protezzjoni jew id-daqsijiet tagħha jistgħu jitneħħew qabel it-test jekk din tkun ix-xewqa tal-produttur. Tiswijiet jew aġġustamenti ma jistgħux isiru matul it-test.

3.1.5.

Kwalunkwe komponent tat-trattur li jikkontribwixxi għas-saħħa tal-istruttura protettiva bħall-madgards, li jkun issaħħaħ mill-manifattur, għandu jiġi deskritt u l-kejl tiegħu għandu jingħata fir-rapport tat-test.

3.2.   Apparat

Biex jiġi vverifikat li ż-żona libera ma tkunx ġiet infiltrata matul it-test, għandhom jintużaw mezzi kif deskritt fil-punt 1.6, il-Figuri 4.11 sa 4.13 u t-Tabella 4.2.

3.2.1.   Testijiet ta' tagħbija orizzontali (il-Figuri 4.1 sa 4.5)

Dan li ġej għandu jintuża fit-testijiet ta' tagħbija orizzontali:

3.2.1.1.

materjal, tagħmir u mezz ta' twaħħil sabiex jiġi żgurat li x-xażi tat-trattur ikun mwaħħal sew mal-art u appoġġat b'mod indipendenti mit-tajers;

3.2.1.2.

mezz għall-applikazzjoni ta' forza orizzontali lill-istruttura protettiva; għandhom isiru arranġamenti sabiex it-tagħbija tkun tista' tiġi distribwita b'mod uniformi normali fid-direzzjoni tat-tagħbija; 3.2.1.2.1. għandu jintuża travu ta' tul ta' mhux inqas minn 250 mm u mhux aktar minn 700 mm f'multipli eżatti ta' 50 mm bejn dawn it-tulijiet. It-travu għandu jkollu dimensjoni vertikali ta' 150 mm; 3.2.1.2.2. it-trufijiet tat-travu f'kuntatt mal-istruttura protettiva għandhom jitgħawġu b'raġġ massimu ta' 50 mm; 3.2.1.2.3. ġonot universali jew l-ekwivalenti tagħhom għandhom jiġu inkorporati sabiex jiġi żgurat li l-mezz tat-tagħbija ma jillimitax l-istruttura protettiva fir-rotazzjoni jew bidla fi kwalunkwe direzzjoni għajr id-direzzjoni tat-tagħbija; 3.2.1.2.4. meta l-linja dritta definita mit-travu xieraq fuq l-istruttura protettiva ma tkunx normali għad-direzzjoni tal-applikazzjoni tat-tagħbija l-ispazju jiġi ppakkjat sabiex tiġi distribwita t-tagħbija fuq it-tul kollu;

3.2.1.3.

tagħmir għall-kejl tal-forza u d-deflessjoni fid-direzzjoni tat-tagħbija, relattiv għall-xażi tat-trattur. Sabiex tiġi żgurata l-preċiżjoni, il-kejl għandu jsir bħala qari kontinwu. Il-mezzi għall-kejl għandhom jiġu ppożizzjonati sabiex jirreġistraw il-forza u d-deflessjoni fil-punt u bi dritt tat-tagħbija.

3.2.2.   Testijiet ta' tgħaffiġ (il-Figuri 4.6 sa 4.8)

Dan li ġej għandu jintuża fit-testijiet tat-tgħaffiġ:

3.2.2.1.

materjal, tagħmir u mezz ta' twaħħil sabiex jiġi żgurat li x-xażi tat-trattur ikun mwaħħal sew mal-art u appoġġat b'mod indipendenti mit-tajers;

3.2.2.2.

mezz għall-applikazzjoni ta' forza 'l isfel lill-istruttura protettiva, inkluż travu iebes b'wisa' ta' 250 mm;

3.2.2.3.

tagħmir għall-kejl tal-forza vertikali totali applikata.

3.3.   Kundizzjonijiet tat-test

3.3.1.   L-istruttura protettiva għandha tikkonforma mal-ispeċifikazzjonijiet tal-produzzjoni u għandha titwaħħal max-xażi tal-mudell tat-trattur xieraq skont il-metodu ta' twaħħil iddikjarat tal-manifattur.

3.3.2.   L-assemblaġġ għandu jitwaħħal mal-bedplate sabiex l-elementi li jikkollegaw l-assemblaġġ u l-bedplate ma jkollhomx deflessjoni sinifikanti fir-rigward tal-istruttura protettiva mgħobbija. L-assemblaġġ m'għandux jirċievi appoġġ meta jkun mgħobbi għajr dak dovut mit-twaħħil inizjali.

3.3.3.   L-issettjar aġġustabbli tal-wisa' tal-karreġġjati għar-roti jew iċ-ċineg, jekk preżenti, għandu jintgħażel b'tali mod li ma jkunx hemm interferenza mal-istruttura protettiva matul it-testijiet.

3.3.4.   L-istruttura protettiva għandha tkun mgħammra bl-apparat meħtieġ sabiex tikseb id-dejta meħtieġa ta' forza-deflezzjoni.

3.3.5.   Fuq l-istess struttura protettiva għandhom isiru t-testijiet kollha. Ma għandha ssir l-ebda tiswija jew iddrittar tal-elementi bejn il-partijiet tat-test.

3.3.6.   Meta jitlestew it-testijiet kollha, id-deflessjonijiet permanenti tal-istruttura protettiva għandhom jitkejlu u jiġu rreġistrati.

3.4.   Sekwenza tat-testijiet

It-testijiet għandhom jitwettqu fis-sekwenza li ġejja:

3.4.1.   Tagħbija lonġitudinali

Għal trattur bir-roti b'mill-inqas 50% tal-massa tiegħu fuq il-fus ta' wara u għat-tratturi biċ-ċineg, it-tagħbija lonġitudinali għandha tiġi applikata minn wara. Għat-tratturi l-oħrajn it-tagħbija lonġitudinali għandha tiġi applikata minn quddiem.

3.4.2.   L-ewwel test tat-tgħaffiġ

L-ewwel test tat-tgħaffiġ għandu jiġi applikat fl-istess naħa tal-istruttura protettiva bħat-tagħbija lonġitudinali

3.4.3.   Tagħbija mill-ġenb

Fil-każ ta' sit spustat jew saħħa mhux simetrika tal-istruttura protettiva, it-tagħbija fuq il-ġenb għandha tkun fuq dak il-ġenb li x'aktarx iwassal għal infiltrazzjoni taż-żona libera.

3.4.4.   It-tieni test tat-tgħaffiġ

It-tieni test tat-tgħaffiġ għandu jiġi applikat fin-naħa tal-istruttura protettiva opposta għal dik li tirċievi l-ewwel tagħbija lonġitudinali. Fil-każ ta' disinni b'żewġ arbli, it-tieni tgħaffiġ jista' jkun fl-istess punt bħall-ewwel wieħed.

3.4.5.   It-tieni tagħbija lonġitudinali

3.4.5.1.

Tagħbija lonġitudinali oħra għandha tiġi applikata lit-tratturi mgħammra bi struttura protettiva li tintlewa (pereżempju żewġ arbli) jew li tiġġenneb (pereżempju mhux b'żewġ arbli), jekk teżisti kundizzjoni waħda jew aktar minn dawn li ġejjin: Tiwi temporanju għal kundizzjonijiet ta' operat speċjali; Strutturi ddisinjati li jiġġenbu għas-servizz, sakemm il-mekkaniżmu ta' inklinazzjoni jkun indipendenti mill-integrità strutturali tal-istruttura protettiva fil-każ ta' qlib.

3.4.5.2.

Għall-istrutturi protettivi li jintlewew, jekk l-ewwel tagħbija lonġitudinali kienet applikata fid-direzzjoni tat-tiwi ma tkunx meħtieġa tagħbija lonġitudinali oħra.

3.5.   Testijiet ta' tagħbija orizzontali minn wara, quddiem u l-ġenb

3.5.1.   Dispożizzjonijiet ġenerali

3.5.1.1.

It-tagħbija applikata lill-istruttura protettiva għandha tiġi distribwita b'mod uniformi permezz ta' travu iebes, normali għad-direzzjoni tal-applikazzjoni tat-tagħbija (ara 3.2.1.2). It-travu iebes jista' jitgħammar b'mezz li jevita ċ-ċaqliq laterali tiegħu. Ir-rata tal-applikazzjoni tat-tagħbija għandha tkun tali li tista' titqies statika. Matul l-applikazzjoni tat-tagħbija, il-forza u d-deflessjoni għandhom jiġu rreġistrati bħala rekord kontinwu sabiex tiġi żgurata l-preċiżjoni. Ladarba tibda l-applikazzjoni inizjali, it-tagħbija m'għandhiex titnaqqas sakemm it-test jitlesta. Id-direzzjoni tal-forza applikata għandha tkun f'dawn il-limiti li ġejjin: — fil-bidu tat-test (mingħajr tagħbija): ± 2°; — matul it-test (bit-tagħbija): 10° 'il fuq u 20° taħt l-orizzontali. Ir-rata tal-applikazzjoni tat-tagħbija għandha titqies statika jekk ir-rata ta' deflessjoni taħt it-tagħbija ma tkunx aktar minn 5 mm/s.

3.5.1.2.

Jekk ma jeżisti l-ebda element strutturali trasversali fil-punt tal-applikazzjoni tat-tagħbija jintuża travu ta' sostituzzjoni tat-test li ma jżidx mas-saħħa.

3.5.2.   Tagħbija lonġitudinali (il-Figuri 4.1 u 4.2)

It-tagħbija għandha tiġi applikata b'mod orizzontali u parallela mal-pjan mezzan tat-trattur. Jekk it-tagħbija tiġi applikata minn wara (it-Taqsima 3.4.1), it-tagħbija lonġitudinali u t-tagħbija laterali għandhom jiġu applikati fuq naħat differenti tal-pjan mezzan tat-trattur. Jekk it-tagħbija lonġitudinali tiġi applikata minn quddiem, għandha tkun fuq l-istess naħa bħat-tagħbija fuq il-ġenb.

It-tagħbija għandha tiġi applikata lill-element strutturali trasversali ta' fuq nett tal-istruttura protettiva (jiġifieri dik il-parti li x'aktarx taħbat mal-art l-ewwel fil-każ ta' qlib).

Il-punt ta' applikazzjoni tat-tagħbija għandu jkun f'wieħed minn sitta tal-wisa' tal-parti ta' fuq tal-istruttura protettiva 'l ġewwa mill-kantuniera esterna. Il-wisa' tal-istruttura protettiva għandha titqies bħala d-distanza bejn żewġ linji paralleli mal-pjan mezzan tat-trattur li jmissu l-estremitajiet esterni tal-istruttura protettiva fil-pjan orizzontali li jmiss il-parti ta' fuq tal-elementi strutturali trasversali ta' fuq nett.

Fil-każ li l-ROPS huwa ffurmat minn elementi ġejjin fit-tond u ma jeżistux kantunieri xierqa, il-proċedura ġenerali li ġejja għandha tapplika għad-determinazzjoni ta' W. L-inġinier tat-test għandu jidentifika l-element li ġej fit-tond li x'aktarx ikun l-ewwel li jaħbat mal-art fil-każ ta' qlib fuq wara jew fuq quddiem asimettriku (pereżempju qlib fuq quddiem jew wara fejn naħa waħda tal-ROPS x'aktarx ikollha t-tagħbija inizjali). Il-punti tat-tmiem ta' W għandhom ikunu l-punti tan-nofs tar-raġġi esterni maħluqa bejn elementi oħrajn dritti jew li ġejjin fit-tond li jiffurmaw l-istruttura ROPS ta' fuq nett. Fil-każ li jistgħu jintgħażlu bosta elementi ġejjin fit-tond, l-inġinier tat-test għandu jistabbilixxi linji ta' referenza għal kull element possibbli biex jiddetermina liema pjan x'aktarx jaħbat mal-art l-ewwel. Ara l-Figuri 4.3 a) u b) għall-eżempji.

NOTA:

Fil-każ ta' membri li ġejjin fit-tond, għandha titqies biss il-wisa' fit-tmiem tal-istruttura li lilha għandha tiġi applikata t-tagħbija lonġitudinali.

It-tul tal-mezz tad-distribuzzjoni tat-tagħbija (ara l-punt 3.2.1.2) m'għandux ikun inqas minn wieħed minn tlieta tal-wisa' tal-istruttura protettiva u mhux aktar minn 49 mm akbar minn dan il-minimu.

It-tagħbija lonġitudinali għandha titwaqqaf meta:

3.5.2.1.

l-enerġija assorbita mill-istruttura protettiva hija ugwali jew akbar mill-input tal-enerġija rikjest, EIL1 fejn:

3.5.2.2.

l-istruttura protettiva twettaq ksur fuq iż-żona libera jew tħalli ż-żona libera mhux protett (Kundizzjoni ta' aċċettazzjoni fil-punt 3.8 hawn taħt).

3.5.3.   Tagħbija fuq il-ġenb (il-Figuri 4.4 u 4.5)

It-tagħbija fuq il-ġenb għandha tiġi applikata b'mod orizzontali b'angolu ta' 90° mal-pjan mezzan tat-trattur. Għandha tiġi applikata lill-estremità ta' fuq tal-istruttura protettiva f'punt (160 – ah ) mm quddiem il-Punt tal-Indiċi tas-Sit.

Għat-tratturi b'pożizzjoni riversibbli tas-sewwieq (sit u rota tal-istering riversibbli), għandha tiġi applikata lill-estremità ta' fuq tal-istruttura protettiva fil-punt tan-nofs bejn iż-żewġ Punti tal-Indiċi tas-Sit.

Jekk ikun ċert li parti partikolari tal-istruttura protettiva se tmiss l-art l-ewwel meta t-trattur jinqaleb fuq il-ġenb, it-tagħbija għandha tiġi applikata f'dak il-punt, sakemm dan jippermetti d-distribuzzjoni uniformi tat-tagħbija kif speċifikat fil-punt 3.5.1.1. Fil-każ ta' struttura protettiva b'żewġ arbli, it-tagħbija fuq il-ġenb għandha tiġi applikata fuq l-element strutturali ta' fuq nett fuq il-ġenb, tkun xi tkun il-pożizzjoni tal-indiċi tas-sit.

L-ispeċifikazzjonijiet għat-travu ta' distribuzzjoni tat-tagħbija jinsabu fit-Taqsima 3.2.1.2.1.

It-tagħbija fuq il-ġenb għandha titwaqqaf meta:

3.5.3.1.

L-enerġija assorbita mill-istruttura protettiva hija ugwali jew akbar mill-enerġija rikjesta, EIS , fejn:

3.5.3.2.

L-istruttura protettiva twettaq ksur fuq iż-żona libera jew tħalli ż-żona libera mhux protett (Kundizzjoni ta' aċċettazzjoni fil-punt 3.8 hawn taħt).

3.6.   Testijiet tat-tgħaffiġ

3.6.1.   Tgħaffiġ fuq wara (il-Figuri 4.6, 4.7.a sa 4.7.e)

3.6.1.1.

It-travu ta' tgħaffiġ għandu jitqiegħed tul l-elementi strutturali ta' fuq nett fuq wara sabiex ir-riżultat tal-forzi ta' tgħaffiġ jinsab fil-pjan ta' referenza vertikali tat-trattur. Il-forza tat-tgħaffiġ F għandha tiġi applikata fejn: Din il-forza għandha tinżamm għal 5 sekondi wara li jieqaf kull moviment li jista' jidher viżwalment tal-istruttura protettiva.

3.6.1.2.

Fejn il-parti ta’ wara tas-saqaf tal-istruttura ta’ protezzjoni ma treġġix il-forza kollha li tgħaffeġ, il-forza għandha tiġi applikata sakemm is-saqaf jitgħawweġ u jibda jmiss mal-pjan li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ wara tat-trattur li kapaċi treġġi l-massa tal-vettura meta tinqaleb. Imbagħad il-forza għandha titneħħa u t-travu tat-tgħaffiġ għandu jiġi ppożizzjonat mill-ġdid fuq dik il-parti tal-istruttura protettiva li tappoġġa t-trattur meta maqlub għal kollox. Imbagħad għandha tiġi applikata l-forza tat-tgħaffiġ F = 20 M.

3.6.2.   Tgħaffiġ fuq quddiem (il-Figuri 4.6 sa 4.8)

3.6.2.1.

It-travu ta' tgħaffiġ għandu jitqiegħed tul l-elementi strutturali ta' fuq nett fuq quddiem sabiex ir-riżultat tal-forzi ta' tgħaffiġ ikun jinsab fil-pjan ta' referenza vertikali tat-trattur. Il-forza tat-tgħaffiġ F għandha tiġi applikata fejn: Din il-forza għandha tinżamm għal 5 sekondi wara li jieqaf kull moviment li jista' jidher viżwalment tal-istruttura protettiva.

3.6.2.2.

Meta l-parti ta' quddiem tas-saqaf tal-istruttura protettiva ma żżomx il-forza ta' tgħaffiġ kollha (il-Figuri 4.8.a u 4.8.b), il-forza għandha tiġi applikata sakemm is-saqaf jiġi defless sabiex jikkoinċidi mal-pjan li jgħaqqad il-parti ta' fuq tal-istruttura protettiva ma' dik il-parti ta' quddiem tat-trattur li hija kapaċi li żżomm it-trattur meta jinqaleb. Imbagħad il-forza għandha titneħħa u t-travu tat-tgħaffiġ għandu jiġi ppożizzjonat mill-ġdid fuq dik il-parti tal-istruttura protettiva li tappoġġa t-trattur meta maqlub għal kollox. Imbagħad għandha tiġi applikata l-forza tat-tgħaffiġ F = 20 M.

3.7.   It-tieni test tat-tagħbija lonġitudinali

It-tagħbija għandha tiġi applikata fid-direzzjoni opposta u fl-aktar kantuniera 'l bogħod mill-punt ta' applikazzjoni tal-ewwel tagħbija lonġitudinali (il-Figuri 4.1 u 4.2).

It-tagħbija lonġitudinali għandha titwaqqaf meta:

3.7.1.

L-enerġija assorbita mill-istruttura protettiva hija ugwali jew akbar mill-enerġija rikjesta, EIL2 , fejn:

3.7.2.

L-istruttura protettiva twettaq ksur fuq iż-żona libera jew tħalli ż-żona libera mhux protett (Kundizzjoni ta' aċċettazzjoni fil-punt 3.8 hawn taħt).

3.8.   Kundizzjonijiet għall-aċċettazzjoni

Sabiex l-istruttura protettiva tiġi aċċettata, din għandha tissodisfa l-kundizzjonijiet li ġejjin matul u wara t-tlestija tat-testijiet:

3.8.1.

ebda parti ma għandha tidħol fiż-żona libera matul kwalunkwe parti tat-test. Ebda parti ma tista' tolqot is-sit matul it-testijiet. Barra minn hekk, iż-żona libera ma għandhiex tkun 'il barra mill-istruttura protettiva. Għal dan il-għan, għandha tiġi kkunsidrata bħala 'l barra miż-żona protettiva jekk kwalunkwe parti minnha tagħmel kuntatt ma’ art ċatta jekk it-trattur jinqaleb lejn id-direzzjoni minn fejn tkun ġiet applikata t-tagħbija tat-test. Biex dan jiġi stmat, it-tajers u l-issettjar tal-wisa' tal-karreġġjata għandhom ikunu l-iżgħar parti standard speċifikata mill-manifattur;

3.8.2.

għat-tratturi artikolati, il-pjani mezzani taż-żewġ partijiet għandhom jitqiesu li jkunu bi dritt ta' xulxin;

3.8.3.

wara t-test tat-tgħaffiġ finali, id-deflessjoni permanenti tal-istruttura protettiva għandha tiġi rreġistrata. Għal dan il-għan, qabel ma jibda t-test, għandha tiġi reġistrata l-pożizzjoni tal-elementi tal-istruttura protettiva ewlenin fir-rigward tal-Punt tal-Indiċi tas-Sit. Imbagħad kull spustament tal-elementi li jirriżulta mit-testijiet tat-tagħbija u kull bidla tal-għoli tal-elementi ta' quddiem u ta' wara tas-saqaf tal-istruttura protettiva għandha tiġi rreġistrata;

3.8.4.

fil-punt fejn l-assorbiment rikjest tal-enerġija jintlaħaq f'kull wieħed mit-testijiet speċifikati ta' tagħbija orizzontali, il-forza għandha taqbeż 0,8 Fmax ;

3.8.5.

għandu jsir test ta' tagħbija eċċessiva jekk il-forza applikata tonqos b'aktar minn 3 % matul l-aħħar 5 % tad-deflessjoni milħuqa meta l-enerġija rikjesta tkun assorbita mill-istruttura (il-Figuri 4.14 sa 4.16). Deskrizzjoni tat-test ta' tagħbija eċċessiva: 3.8.5.1. test ta' tagħbija eċċessiva għandu jikkonsisti fit-tkomplija tat-tagħbija orizzontali b'żidiet ta' 5 % tal-enerġija oriġinali rikjesta, sa massimu ta' 20 % ta' enerġija addizzjonali; 3.8.5.2. it-test ta' tagħbija eċċessiva jitlesta b'suċċess jekk wara l-assorbiment ta' 5, 10 jew 15 % ta' enerġija addizzjonali, il-forza tonqos b'inqas minn 3% għal kull żieda ta' 5 % ta' enerġija filwaqt li jibqa' akbar minn 0,8 Fmax jew jekk, wara l-assorbiment ta' 20 % ta' enerġija addizzjonali l-forza hija akbar minn 0,8 Fmax ; 3.8.5.3. xquq jew tiċrit addizzjonali u dħul fiż-żona libera jew nuqqas ta' protezzjoni tagħha minħabba deformazzjoni elastika huma permessi waqt it-test ta' tagħbija eċċessiva. Madankollu, wara t-tneħħija tat-tagħbija, l-istruttura protettiva m'għandhiex tidħol fiż-żona libera, li għandha tkun protetta kompletament;

3.8.6.

il-forza meħtieġa għandha tiġi sostnuta fiż-żewġ testijiet ta' tgħaffiġ;

3.8.7.

m'għandu jkun hemm l-ebda element jew komponent li joħroġ 'il barra li jista' jikkawża korriment serju matul aċċident ta' qlib jew li, permezz tad-deformazzjoni li tkun seħħet, jista' jsakkar lill-operatur, pereżempju b'riġlejh jew saqajh;

3.8.8.

m'għandu jkun hemm l-ebda komponent ieħor li jippreżenta perikolu serju lill-operatur.

3.9.   Estensjoni għal mudelli ta’ tratturi oħrajn

3.9.1.   [Mhux applikabbli]

3.9.2.   Estensjoni teknika

Meta jsiru modifiki tekniċi fuq it-trattur, l-istruttura protettiva jew il-metodu ta’ twaħħil tal-istruttura protettiva mat-trattur, l-istazzjon tal-ittestjar li wettaq it-test oriġinali jista' joħroġ “rapport ta’ estensjoni teknika” fil-każijiet li ġejjin:

3.9.2.1.

Estensjoni tar-riżultati tat-test strutturali għal mudelli oħra ta’ tratturi Mhux meħtieġ li t-testijiet tal-tagħbija u tat-tgħaffiġ jitwettqu fuq kull mudell ta' trattur, sakemm l-istruttura protettiva u t-trattur jikkonformaw mal-kundizzjonijiet imsemmijin hawn taħt 3.9.2.1.1 sa 3.9.2.1.5 3.9.2.1.1. L-istruttura għandha tkun identika għal dik ittestjata; 3.9.2.1.2. L-enerġija rikjesta m'għandhiex taqbeż l-enerġija kkalkulata għat-test oriġinali b'aktar minn 5 %. Il-limitu ta' 5 % għandu japplika wkoll għall-estensjonijiet fil-każ li ċ-ċineg jiġu sostiwiti b'roti fuq l-istess trattur; 3.9.2.1.3. Il-metodu ta’ twaħħil u l-komponenti tat-trattur li magħhom isir it-twaħħil għandhom ikunu identiċi, 3.9.2.1.4. Kwalunkwe komponent bħall-madgards u l-bonit li jistgħu jagħtu għajnuna għall-istruttura protettiva għandhom ikunu identiċi; 3.9.2.1.5. Il-pożizzjoni u d-dimensjonijiet kritiċi tas-sit fl-istruttura protettiva u l-pożizzjoni relattiva tal-istruttura protettiva fuq it-trattur għandhom ikunu tali li ż-żona libera tibqa' taħt il-protezzjoni tal-istruttura deflessa matul it-testijiet kollha (dan għandu jkun ivverifikat billi tintuża l-istess referenza ta’ żona libera bħal fir-rapport tat-test oriġinali, rispettivament il-Punt ta’ Referenza tas-Sit [PRS] jew il-Punt tal-Indiċi tas-Sit [PIS]).

3.9.2.2.

Estensjoni tar-riżultati tat-test strutturali għal mudelli modifikati tal-istruttura protettiva. Din il-proċedura għandha tiġi segwita meta d-dispożizzjonijiet tal-paragrafu 3.9.2.1 ma jkunux ssodisfati u ma tistax tintuża meta l-metodu ta' twaħħil tal-istruttura protettiva mat-trattur ma jibqax tal-istess prinċipju (pereżempju sostenituri tal-gomma jiġu sostitwiti b'tagħmir ta' sospensjoni) 3.9.2.2.1. Modifiki li ma jħallu l-ebda impatt fuq ir-riżultati tat-test inizjali (eż. twaħħil bil-welding tal-pjanċa tal-immuntar ta’ aċċessorju f'post mhux kritiku tal-istruttura), żieda ta’ sits b'post tal-PIS differenti fl-istruttura protettiva (bil-kundizzjoni li jiġi vverifikat li ż-żona/i libera/liberi l-ġdida/ġodda tibqa'/jibqgħu taħt il-protezzjoni tal-istruttura deflessa matul it-testijiet kollha). 3.9.2.2.2. Modifiki li jistgħu jħallu impatt fuq ir-riżultati tat-test oriġinali mingħajr ma jintefa dubju fuq l-aċċettabilità tal-istruttura protettiva (eż. modifika tal-komponent strutturali, modifika tal-metodu ta’ twaħħil tal-istruttura protettiva mat-trattur). Jista' jsir test ta’ validazzjoni u r-riżultati tat-test sejrin jiġu abbozzati fir-rapport ta’ estensjoni. Il-limiti li ġejjin għal din l-estensjoni tat-tip huma stabbiliti. 3.9.2.2.2.1. Ma jistgħux jiġu aċċettati iktar minn ħames estensjonijiet mingħajr test ta’ validazzjoni; 3.9.2.2.2.2. Ir-riżultati tat-test ta' validazzjoni jiġu aċċettati għall-estensjoni jekk il-kundizzjonijiet ta' aċċettazzjoni kollha ta' dan l-Anness jiġu ssodisfati u jekk il-forza mkejla meta l-livell tal-enerġija rikjest jkun intlaħaq fil-varji testijiet ta' tagħbija orizzjontali ma tvarjax mill-forza mkejla meta l-enerġija rikjesta tkun intlaħqet fit-test oriġinali b'aktar minn ± 7 % u d-deflessjoni mkejla(3) meta l-livell ta' enerġija rikjest ikun intlaħaq fid-diversi testijiet ta' tagħbija orizzontali ma tvarjax mid-deflessjoni mkejla meta l-enerġija rikjesta tkun intlaħqet fir-rapport tat-test oriġinali b'aktar minn ± 7 %. 3.9.2.2.2.3. Iktar minn modifika waħda għall-istruttura protettiva tista' tkun inkluża f'rapport ta’ estensjoni uniku jekk tirrappreżenta possibilitajiet differenti tal-istruttura protettiva, imma test ta’ validazzjoni wieħed biss jista' jiġi aċċettat f'rapport ta’ estensjoni uniku. L-għażliet li ma ġewx ittestjati għandhom ikunu deskritti f'taqsima speċifika tar-rapport ta’ estensjoni. 3.9.2.2.3. Żieda fil-massa ta’ referenza ddikjarata mill-manifattur għal struttura protettiva diġà ttestjata. Jekk il-manifattur irid iżomm l-istess numru ta' approvazzjoni huwa possibbli li joħroġ rapport ta' estensjoni wara li jwettaq test ta' validazzjoni (il-limiti ta' ± 7 % speċifikati fil-punt 3.9.2.2.2.2 mhumiex applikabbli f'każ bħal dan).

3.10.   [Mhux applikabbli]

3.11.   Il-prestazzjoni tal-istrutturi protettivi f'temp kiesaħ

3.11.1.

Jekk ikun allegat li l-istruttura protettiva għandha proprjetajiet reżistenti għall-effetti ta’ temp kiesaħ, il-manifattur għandu jagħti dettalji li jistgħu jkunu inklużi fir-rapport.

3.11.2.

Ir-rekwiżiti u l-proċeduri li ġejjin huma maħsuba biex jipprovdu qawwa u reżistenza għall-ksur mill-effetti tal-kesħa f'temperaturi baxxi. Huwa ssuġġerit li għandhom jiġu ssodisfati r-rekwiżiti materjali minimi li ġejjin biex tiġi determinata l-adattabbiltà tal-istruttura ta’ protezzjoni f'temperaturi operattivi mnaqqsa f'dawk il-pajjiżi li jeħtieġu din il-protezzjoni operattiva addizzjonali.

3.11.2.1.

Boltijiet u skorfini użati biex titwaħħal l-istruttura protettiva mat-trattur u użati biex partijiet strutturali jingħaqdu mal-istruttura protettiva għandhom juru qawwa kkontrollata adegwata għal temperaturi baxxi.

3.11.2.2.

L-elettrodi kollha tal-iwweldjar użati għall-fabbrikazzjoni ta’ membri strutturali u muntaturi huma kompatibbli mal-materjal tal-istruttura ta’ protezzjoni kif previst fil-punt 3.11.2.3 hawn taħt.

3.11.2.3.

Il-materjali tal-azzar għall-elementi strutturali tal-istruttura protettiva għandhom ikunu ta' materjal ta' qawwa kkontrollata li turi rekwiżiti minimi tal-enerġija tat-tagħbija Charpy V-Notch kif muri fit-Tabella 4.1. Il-grad u l-kwalità tal-azzar għandhom ikunu speċifikati f’konformità mal-ISO 630:1995; Amd1:2003. L-azzar bi ħxuna rrumblata ta' inqas minn 2,5 mm u bil-kontenut ta' karbonju inqas minn 0,2 % huwa meqjus li jissodisfa dan ir-rekwiżit. L-elementi strutturali tal-istruttura protettiva magħmula minn materjali apparti mill-azzar għandu jkollhom reżistenza ekwivalenti ta' tagħbija f'temperatura baxxa.

3.11.2.4.

Meta jiġu ttestjati r-rekwiżiti tal-enerġija tat-tagħbija Charpy V-Notch, id-daqs tal-kampjun għandu jkun mhux inqas minn l-akbar tad-daqsijiet iddikjarati fit-Tabella 4.1 li jippermetti l-materjal.

3.11.2.5.

It-testijiet Charpy V-Notch għandhom isiru bi qbil mal-proċedura ASTM A 370-1979, ħlief għal daqsijiet ta' kampjun li għandhom ikunu skont il-qisien mogħtija fit-Tabella 4.1.

3.11.2.6.

Alternattivi għal din il-proċedura huma l-użu ta’ azzar newtralizzat jew semi-newtralizzat li għalih għandha tiġi pprovduta speċifikazzjoni adegwata. Il-grad u l-kwalità tal-azzar għandhom ikunu speċifikati f’konformità mal-ISO 630:1995; Amd1:2003.

3.11.2.7.

Il-kampjuni għandhom ikunu lonġitudinali u għandhom jittieħdu minn ħażna ċatta, sezzjonijiet tubulari jew strutturali qabel l-iffurmar jew il-welding għal użu fl-istruttura ta’ protezzjoni. Kampjuni mis-sezzjonijiet tubulari jew strutturali għandhom jittieħdu min-nofs tal-ġenb tad-dimensjoni l-iktar kbira u ma għandhomx jinkludu weldjaturi. Tabella 4.1 Enerġiji tal-impatt minimi Charpy V-notch Daqs tal-kampjun Enerġija fi Enerġija fi   – 30 °C – 20 °C mm J J (2) 10 × 10 (1) 11 27,5 10 × 9 10 25 10 × 8 9,5 24 10 × 7,5 (1) 9,5 24 10 × 7 9 22,5 10 × 6.7 8,5 21 10 × 6 8 20 10 × 5 (1) 7,5 19 10 × 4 7 17,5 10 × 3,5 6 15

3.12.   [Mhux applikabbli]

Figura 4.1

Applikazzjonijiet tat-tagħbija fuq quddiem u fuq wara Kabina protettiva u qafas ta' wara bi żbarri ċilindriċi

(Dimensjonijiet f'mm)

Figura 4.1.a

Kabina protettiva

Figura 4.1.b

Qafas tar-roll bar ta' wara

Figura 4.2

Applikazzjonijiet tat-tagħbija lonġitudinali

Figura 4.3

Eżempji ta' “W” għall-ROPS b'elementi ġejjin fit-tond

Figura 4.3.a

ROPS b'erba arbli

Spjega:

1— Punt ta’ indiċi tas-sit

2— SIP, pjan ċentrali lonġitudinali

3— Punt ta' tieni applikazzjoni tat-tagħbija lonġitudinali, quddiem jew wara

4— Punt ta' applikazzjoni tat-tagħbija lonġitudinali, quddiem jew wara

Figura 4.3.b

ROPS b'żewġ arbli

Spjega:

1— Punt tal-indiċi tas-sit (SIP)

2— SIP, pjan ċentrali lonġitudinali

3— Punt ta' tieni applikazzjoni tat-tagħbija lonġitudinali, quddiem jew wara

4— Punt ta' applikazzjoni tat-tagħbija lonġitudinali, quddiem jew wara

Figura 4.4

Applikazzjoni tat-tagħbija fuq il-ġenb (dehra mill-ġenb) kabina protettiva u qafas ta' wara b'roll bar

Figura 4.4.a

Kabina protettiva

Figura 4.4.b

Qafas tar-roll bar ta' wara

Figura 4.5

Applikazzjoni tat-tagħbija fuq il-ġenb (dehra minn wara)

(a)	(b)

Figura 4.6

Eżempju ta' arranġament għal test tat-tgħaffiġ

Figura 4.7

Pożizzjoni ta’ travu għal testijiet ta’ tgħaffiġ minn wara u minn quddiem kabina protettiva u qafas ta' wara b'roll bar

Figura 4.7.a

Tgħaffiġa fuq Wara

Figura 4.7.b

Tgħaffiġa fuq Quddiem

Figura 4.7.c

Test ta' tgħaffiġ għar-roll bars ta' wara

Figura 4.7.d

Kabina protettiva

Figura 4.7.e

Qafas tar-roll bar ta' wara

Figura 4.8

Pożizzjoni ta’ travu għal testijiet ta’ tgħaffiġ minn quddiem meta forza sħiħa ta' tgħaffiġ ma tkunx sostnuta quddiem

Figura 4.8.a

Kabina protettiva

Figura 4.8.b

Qafas tar-roll bar ta' wara

Figura 4.9

Il-forza tat-tgħaffiġ tiġi applikata bil-punt ċentrali tat-travu jgħaddi mill-pjan ta' referenza vertikali tat-trattur (li jkun ukoll dak tas-sit u tar-rota tal-istering).

Każ 1	:	meta l-ROPS, is-sit u r-rota tal-istering ikunu mwaħħla b'mod riġidu mal-karozzerija tat-trattur;
Każ 2	:	meta l-ROPS tkun imwaħħla b'mod riġidu mal-karozzerija tat-trattur, u s-sit u r-rota tal-istering jinsabu fuq bażi (sospiża jew le) iżda ma JKUNUX konnessi mal-ROPS.

F'dawn il-każijiet, il-pjan ta' referenza vertikali li jirreferi għas-sit u r-rota tal-istering normalment jinkludi wkoll iċ-ċentru tal-gravità tat-trattur matul l-eżekuzzjoni tas-serje kollha ta' tagħbijiet.

Figura 4.10

Il-forza tat-tgħaffiġ tiġi applikata bil-punt ċentrali tat-travu jgħaddi biss mill-pjan ta' referenza vertikali tat-trattur

Il-każijiet 3 u 4 jistgħu jiġu definiti, li fihom l-ROPS tkun imwaħħla ma' pjattaforma, iffissata b'mod riġidu (każ 3) jew sospiża (każ 4) f'relazzjoni max-xażi tat-trattur. Dawn is-soluzzjonijiet ta' twaħħil jew rbit jikkawżaw movimenti differenti lill-kabini u ż-żona libera kif ukoll il-pjan ta' referenza vertikali.

Tabella 4.2

Dimensjonijiet taż-żona libera

Dimensjonijiet	mm	Rimarki
A1 A0	100	minimu
B1 B0	100	minimu
F1 F0	250	minimu
F2 F0	250	minimu
G1 G0	250	minimu
G2 G0	250	minimu
H1 H0	250	minimu
H2 H0	250	minimu
J1 J0	250	minimu
J2 J0	250	minimu
E1 E0	250	minimu
E2 E0	250	minimu
D0 E0	300	minimu
J0 E0	300	minimu
A1 A2	500	minimu
B1 B2	500	minimu
C1 C2	500	minimu
D1 D2	500	minimu
I1 I2	500	minimu
F0 G0	—	jiddependi minn it-trattur
I0 G0	—
C0 D0	—
E0 F0	—

Figura 4.11

Żona libera

Spjega:

1

—

Punt ta’ indiċi tas-sit

Nota:

għad-dimensjonijiet, ara t-Tabella 4.2 hawn fuq

Figura 4.12

Żona libera

Figura 4.12.a

dehra mill-ġenb sezzjoni fil-pjan ta’ referenza

Figura 4.12.b

dehra minn wara jew minn quddiem

Spjega:

1— Punt tal-indiċi tas-sit

2— Forza

3— Pjan ta' referenza vertikali

Figura 4.13

Żona libera għal trattur b'sit u rota tal-istering riversibbli, kabina protettiva u qafas ta' wara b'roll bar

Figura 4.13.a

Kabina protettiva

Figura 4.13.b

Qafas tar-roll bar ta' wara

Figura 4.14

Kurva forza / deflessjoni

Test ta' tagħbija eċċessiva mhux meħtieġ

Noti:

1.	Sib Fa fir-rigward ta’ 0,95 D'

2.	Test ta' tagħbija eċċessiva mhux meħtieġ billi Fa ≤ 1,03 F'

Figura 4.15

Kurva forza / deflessjoni

Test ta' tagħbija eċċessiva meħtieġ

Noti:

1.	Sib Fa fir-rigward ta’ 0,95 D'

2.	Test ta' eċċess ta' tagħbija meħtieġ bħala Fa > 1,03 F'

3.	Prestazzjoni tat-test ta' tagħbija eċċessiva sodisfaċenti billi Fb > 0,97F' u Fb > 0,8F max

Figura 4.16

Kurva forza / deflessjoni

Test tagħbija eċċessiva jrid jitkompla

Noti:

1.	Sib Fa fir-rigward ta’ 0,95 D'

2.	Test ta' eċċess ta' tagħbija meħtieġ bħala Fa > 1,03 F'

3.	Fb < 0,97 F' għalhekk hija meħtieġa tagħbija eċċessiva ulterjuri

4.	Fc < 0,97 Fb għalhekk hija meħtieġa tagħbija eċċessiva ulterjuri

5.	Fd < 0,97 Fc għalhekk hija meħtieġa tagħbija eċċessiva ulterjuri

6.	Il-prestazzjoni tat-test ta' tagħbija eċċessiva hija sodisfaċenti, jekk Fe > 0,8 Fmax

7.	Falliment fi kwalunkwe stadju meta t-tagħbija taqa' taħt 0,8 F max

Noti ta' spjegazzjoni għall-Anness VIII

(1)

Sakemm ma jkunx iddikjarat mod ieħor, it-test tar-rekwiżiti u n-numerazzjoni stabbilita fil-punt B huma identiċi għat-test u n-numerazzjoni tal-kodiċi standard tal-OECD għall-ittestjar uffiċjali tal-istrutturi protettivi fuq it-tratturi agrikoli u tal-forestrija (test statiku), il-Kodiċi 4 tal-OECD, l-Edizzjoni 2015 ta' Lulju 2014.

(2)

L-utenti huma mfakkra li l-punt tal-indiċi tas-sit huwa ddeterminat skont l-ISO 5353:1995 u huwa punt fiss fir-rigward tat-trattur li ma jiċċaqlaqx hekk kif is-sit jiġi aġġustat lil hinn mill-pożizzjoni tan-nofs. Għall-finijiet li tiġi determinata ż-żona libera, is-sit għandu jitqiegħed fil-pożizzjoni ta' wara ta' fuq nett.

(3)	Deflessjoni permanenti + elastika mkejla fil-punt meta jinkiseb il-livell ta' enerġija rikjest.

---

(1)  Tindika d-daqs preferut. Id-daqs tal-kampjun għandu jkun mhux inqas mill-ikbar daqs preferut li l-materjal jippermetti.

(2)  Ir-rekwiżit tal-enerġija f'–20 °C huwa 2,5 darbiet il-valur speċifikat għal –30 °C. Fatturi oħra jaffettwaw is-saħħa tal-enerġija tal-impatt, jiġifieri d-direzzjoni tat-tgerbib, il-limitu tal-elastiċità, l-orjentament tal-partikoli u l-iwweldjar. Dawn il-fatturi għandhom jitqiesu meta jintgħażel jew jintuża l-azzar.