This document is an excerpt from the EUR-Lex website
Document 32014R1278
Commission Implementing Regulation (EU) No 1278/2014 of 1 December 2014 amending Regulations (EC) No 967/2006, (EC) No 828/2009, (EC) No 891/2009 and Implementing Regulation (EU) No 75/2013
Regolament ta' Implimentazzjoni tal-Kummissjoni (UE) Nru 1278/2014 tal- 1 ta' Diċembru 2014 li jemenda r-Regolamenti (KE) Nru 967/2006, (KE) Nru 828/2009, (KE) Nru 891/2009 u r-Regolament ta' Implimentazzjoni (UE) Nru 75/2013
Regolament ta' Implimentazzjoni tal-Kummissjoni (UE) Nru 1278/2014 tal- 1 ta' Diċembru 2014 li jemenda r-Regolamenti (KE) Nru 967/2006, (KE) Nru 828/2009, (KE) Nru 891/2009 u r-Regolament ta' Implimentazzjoni (UE) Nru 75/2013
ĠU L 346, 2.12.2014, p. 26–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32006R0967 | Sostituzzjoni | artikolu 17 A | 05/12/2014 | |
Modifies | 32006R0967 | Sostituzzjoni | artikolu 17 B | 05/12/2014 | |
Modifies | 32006R0967 | Sostituzzjoni TXT | artikolu 4 P.1.A | 05/12/2014 | |
Modifies | 32009R0828 | Żieda | artikolu 4 Test | 05/12/2014 | |
Modifies | 32009R0828 | Sostituzzjoni | artikolu 4 Test | 05/12/2014 | |
Modifies | 32009R0828 | Sostituzzjoni | artikolu 8 Test | 05/12/2014 | |
Modifies | 32009R0828 | Sostituzzjoni | artikolu 9 6 | 05/12/2014 | |
Modifies | 32009R0891 | Sostituzzjoni | anness I P.I Test | 05/12/2014 | |
Modifies | 32009R0891 | Sostituzzjoni | artikolu 13 1 Test | 05/12/2014 | |
Modifies | 32013R0075 | Sostituzzjoni | artikolu 1 Test | 05/12/2014 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32020R0760 | Revoka parzjali | artikolu 3 | 01/01/2021 |
2.12.2014 |
MT |
Il-Ġurnal Uffiċjali tal-Unjoni Ewropea |
L 346/26 |
REGOLAMENT TA' IMPLIMENTAZZJONI TAL-KUMMISSJONI (UE) Nru 1278/2014
tal-1 ta' Diċembru 2014
li jemenda r-Regolamenti (KE) Nru 967/2006, (KE) Nru 828/2009, (KE) Nru 891/2009 u r-Regolament ta' Implimentazzjoni (UE) Nru 75/2013
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikoli 144(c), 144(j), 178(b), 178(f), 178(h), l-Artikolu 180 u l-Artikoli 182(4) u 192(5) tiegħu,
Billi:
(1) |
Ir-Regolament (UE) Nru 1308/2013 jestendi r-reġim tal-kwoti taz-zokkor sat-30 ta' Settembru 2017 u jdaħħal tibdiliet f'dak ir-reġim. Għalhekk, hemm bżonn li jiġu adattati ċertu Regolamenti fis-settur taz-zokkor. |
(2) |
F'ġieħ iċ-ċarezza, hemm bżonn li jiġi emendat l-Artikolu 4(1)(a) tar-Regolament tal-Kummissjoni (KE) Nru 967/2006 (2) sabiex jikkorrispondi eżattament għall-Artikolu 140(1)(b) tar-Regolament (UE) Nru 1308/2013 li jistabbilixxi li zokkor industrijali, isoglukożju industrijali jew l-inulina industrijali għandhom ikunu waslu għand l-utent sa mhux aktar tard mit-30 ta' Novembru tas-sena tas-suq ta' wara. |
(3) |
Ir-Regolament (KE) Nru 967/2006 jistabbilixxi sa meta l-Istati Membri għandhom jikkomunikaw lill-Kummissjoni il-kwantitajiet li l-impriżi jittrasferixxu 'l quddiem biex japplikaw l-Artikolu 141 tar-Regolament (UE) Nru 1308/2013. Fid-dawl tad-dati l-ġodda għall-impriżi biex jinnotifikaw lill-Istati Membri, li jistabbilixxi dak l-Artikolu, għandhom jiġu adattati l-iskadenzi stabbiliti fl-Artikolu 17 tar-Regolament (KE) Nru 967/2006 kif xieraq. |
(4) |
Ir-Regolament tal-Kummissjoni (KE) Nru 828/2009 (3) jistabbilixxi r-regoli għall-importazzjonijiet tal-prodotti taz-zokkor fl-intestatura tariffarja 1701 bi ftehimiet preferenzjali sas-sena tas-suq 2014/2015. L-Artikolu 4(4) ta' dak ir-Regolament jistabbilixxi l-lista ta' dokumenti li għandhom jakkumpanjaw l-applikazzjonijiet għal-liċenzja tal-importazzjoni u jistipula li l-liċenzji tal-esportazzjoni jistgħu jinbidlu b'kopji ċċertifikati. Minħabba l-iżviluppi tekniċi u biex jeħfiefu l-proċeduri, f'ċertu kundizzjonijiet, il-liċenzji tal-esportazzjoni għandhom jitħallew jintbagħtu b'mod elettroniku. |
(5) |
Billi l-importazzjonijiet f'ċertu reġimi preferenzjali mhumiex soġġetti għal kwantità limitata tal-kwota, jixraq li fejn jidħlu l-liċenzji għal importazzjonijiet preferenzjali taz-zokkor jitħalla livell abitwali ta' tolleranza li ma jaqbiżx il-5 % ħalli jeħfiefu l-proċeduri doganali. |
(6) |
Ir-Regolament tal-Kummissjoni (UE) Nru 1006/2011 (4) hu emendat bir-Regolament tal-Kunsill (KEE) Nru 2658/87 (5) billi nbidlu xi kodiċijiet NM applikabbli għaz-zokkor. Il-prodotti li jkopru r-Regolament (KE) Nru 828/2009 u r-Regolament tal-Kummissjoni (KE) Nru 891/2009 (6) diġà ngħataw kodiċijiet NM ġodda u l-awtoritajiet doganali tal-Istati Membri diġà qed jużawhom fil-prattika. Għalhekk jixraq li jsir aġġustament tekniku tal-kodiċijiet NM imsemmija f'dawk ir-Regolamenti. |
(7) |
Il-Kummissjoni żviluppat sistema tal-informazzjoni li tmexxi d-dokumenti u l-proċeduri b'mod elettroniku fil-proċeduri ta' ħidma interni tagħha stess u fir-relazzjonijiet tagħha mal-awtoritajiet involuti fil-politika agrikola komuni. L-obbligi ta' notifika li jistabbilixxi r-Regolament (KE) Nru 828/2009 jistgħu jintlaħqu permezz ta' dik is-sistema f'konformità mar-Regolament tal-Kummissjoni (KE) Nru 792/2009 (7). |
(8) |
Minħabba l-qagħda tas-suq u l-previżjoni prevalenti f'dak iż-żmien, ir-Regolament ta' Implimentazzjoni tal-Kummissjoni (UE) Nru 75/2013 (8) ippreveda għan-nuqqas ta' applikazzjoni tad-dazji addizzjonali għall-importazzjoni ta' ċertu prodotti taz-zokkor sa tmiem is-sena tas-suq 2014/2015. Minħabba l-estensjoni tar-reġim tal-kwoti taz-zokkor u billi t-tbassir tas-suq ma jinbidilx ġmielu sa tmiem ir-reġim tal-kwoti, in-nuqqas ta' applikazzjoni tad-dazji addizzjonali tal-importazzjoni għal dawk il-prodotti taz-zokkor għandu jiġi estiż sat-30 ta' Settembru 2017. |
(9) |
Għaldaqstant għandhom jiġu emendati r-Regolamenti (KE) Nru 967/2006, (KE) Nru 828/2009, (KE) Nru 891/2009 u r-Regolament ta' Implimentazzjoni (UE) Nru 75/2013 kif xieraq. |
(10) |
Il-Kumitat ta' Ġestjoni għall-Organizzazzjoni Komuni tas-Swieq Agrikoli ma tax opinjoni saż-żmien stabbilit mill-president tiegħu, |
ADOTTAT DAN IR-REGOLAMENT:
Artikolu 1
Emendi fir-Regolament (KE) Nru 967/2006
Ir-Regolament (KE) Nru 967/2006 hu emendat kif ġej:
(1) |
Fl-Artikolu 4(1), il-punt (a) jinbidel b'dan li ġej:
. |
(2) |
Fl-Artikolu 17, il-punti (a) u (b) jinbidlu b'dan li ġej:
. |
Artikolu 2
Emendi fir-Regolament (KE) Nru 828/2009
Ir-Regolament (KE) Nru 828/2009 hu emendat kif ġej:
(1) |
L-Artikolu 4 hu emendat kif ġej:
|
(2) |
L-Artikolu 8 hu emendat kif ġej:
|
(3) |
Fl-Artikolu 9, il-paragrafu 6 jinbidel b'dan li ġej: “6. In-notifiki msemmija f'dan ir-Regolament għandhom isiru skont ir-Regolament tal-Kummissjoni (KE) Nru 792/2009 (*). (*) Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).”" . |
Artikolu 3
Emendi fir-Regolament (KE) Nru 891/2009
Ir-Regolament (KE) Nru 891/2009 hu emendat kif ġej:
(1) |
Fl-Artikolu 13(1), il-kodiċi NM “1701 11 90” jinbidel bi “1701 13 90, 1701 14 90”; |
(2) |
Fl-Anness I, il-Parti I, il-kodiċi NM “1701 11 10” jinbidel bi “1701 13 10, 1701 14 10”. |
Artikolu 4
Emenda fir-Regolament ta' Implimentazzjoni (UE) Nru 75/2013
Fl-Artikolu 1 tar-Regolament (UE) Nru 75/2013, “it-30 ta' Settembru 2015” tinbidel bi “it-30 ta' Settembru 2017”.
Artikolu 5
Id-dħul fis-seħħ
Dan ir-Regolament jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-1 ta' Diċembru 2014.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Ir-Regolament tal-Kummissjoni (KE) Nru 967/2006 tad-29 ta' Ġunju 2006 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 318/2006 rigward produzzjoni taz-zokkor li taqbeż il-kwota (ĠU L 176, 30.6.2006, p. 22).
(3) Ir-Regolament tal-Kummissjoni (KE) Nru 828/2009 tal-10 ta' Settembru 2009 li jistpula r-regoli ddettaljati ta' applikazzjoni għas-snin tas-suq 2009/2010 sal-2014/2015 għall-importazzjoni u r-raffinar tal-prodotti taz-zokkor li jinsabu taħt l-intestatura tariffarja 1701 taħt ftehimiet preferenzjali. (ĠU L 240, 11.9.2009, p. 14).
(4) Ir-Regolament tal-Kummissjoni (UE) Nru 1006/2011 tas-27 ta' Settembru 2011 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni (ĠU L 282, 28.10.2011, p. 1).
(5) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).
(6) Ir-Regolament tal-Kummissjoni (KE) Nru 891/2009 tal-25 ta' Settembru 2009 li jiftaħ u jipprovdi għall-amministrazzjoni ta' ċerti kwoti tariffarji tal-Komunità fis-settur taz-zokkor (ĠU L 254, 26.9.2009, p. 82).
(7) Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).
(8) Ir-Regolament ta' Implimentazzjoni tal-Kummissjoni (UE) Nru 75/2013 tal-25 ta' Jannar 2013 li jidderoga mir-Regolament (KE) Nru 951/2006 fir-rigward tal-applikazzjoni ta' prezzijiet rappreżentattivi u dazji addizzjonali tal-importazzjoni ta' ċerti prodotti tas-settur taz-zokkor, u li jħassar ir-Regolament ta' Implimentazzjoni (UE) Nru 892/2012 li jistabbilixxi l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor għas-sena tas-suq 2012/2013 (ĠU L 26, 26.1.2013, p. 19).