Istituzzjonijiet tal-Unjoni Ewropea

L-Unjoni Ewropea (UE) għandha qafas istituzzjonali li għandu l-għan li jippromwovi u jiddefendi l-valuri, l-objettivi u l-interessi tagħha, l-interessi taċ-ċittadini tagħha u dawk tal-Istati Membri tagħha. Dan il-qafas jikkontribwixxi wkoll sabiex jiżgura l-koerenza, l-effikaċja u l-kontinwità tal-politiki u l-azzjonijiet tal-UE.

Skont l-Artikolu 13 tat-Trattat dwar l-Unjoni Ewropea, il-qafas istituzzjonali jikkonsisti minn seba’ istituzzjonijiet:

• il-Parlament Ewropew
• il-Kunsill Ewropew
• il-Kunsill tal-Unjoni Ewropea (imsejjaħ “ “il-Kunsill” ” fil-qosor)
• il-Kummissjoni Ewropea
• il-Qorti tal-Ġustizzja tal-Unjoni Ewropea
• il-Bank Ċentrali Ewropew
• il-Qorti tal-Awdituri.

Kull istituzzjoni taġixxi fi ħdan il-limiti tal-mandat tagħha, mogħti fit-trattati skont il-proċeduri, il-kundizzjonijiet u l-finijiet stabbiliti fih.

Il-Parlament, il-Kunsill u l-Kummissjoni huma megħjuna mill-Kumitat Ekonomiku u Soċjali Ewropew u mill-Kumitat tar-Reġjuni li jwettqu funzjonijiet konsultattivi.

ARA WKOLL

• Il-Kunsill tal-Unjoni Ewropea
• Il-Qorti tal-Awdituri
• Il-Qorti tal-Ġustizzja tal-Unjoni Ewropea
• Il-Bank Ċentrali Ewropew (BĊE)
• Il-Kummissjoni Ewropea
• Il-Kumitat Ewropew tar-Reġjuni
• Il-Kunsill Ewropew
• Il-Kumitat Ekonomiku u Soċjali Ewropew (KESE)
• Il-Parlament Ewropew
• L-Istati Membri
• Il-Kunsill tal-Unjoni Ewropea (sommarju)
• Il-Bank Ċentrali Ewropew (BĊE) (sommarju)
• Il-Parlament Ewropew (sommarju)
• Il-Qorti Ewropea tal-Awdituri (QEA) (sommarju)
• Il-Parlament Ewropew (sommarju)
• Il-Kumitat Ekonomiku u Soċjali Ewropew (KESE) (sommarju)
• Il-Kumitat Ewropew tar-Reġjuni (sommarju)
• L-Istituzzjonijiet u korpi tal-UE (Ewropa).