Opportunitajiet tas-sajd fl-ibħra tal-UE u mhux tal-UE (2021)

 

SOMMARJU TA’:

Ir-Regolament (UE) 2021/92 li jistabbilixxi għall-2021 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni

X’INHU L-GĦAN TAR-REGOLAMENT?

• Dan jistabbilixxi għall-2021 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni Ewropea (UE) u, għal bastimenti tas-sajd tal-Unjoni, f’ċerti ilmijiet mhux tal-Unjoni.
• Dan jelenka d-definizzjonijiet u ż-żoni tas-sajd li japplikaw għall-iskopijiet tar-regolament.

PUNTI EWLENIN

L-opportunitajiet tas-sajd koperti minn dan ir-regolament jinkludu:

• limiti fil-qbid għas-sena 2021 u, fejn speċifikat fir-regolament, għas-sena 2022;
• limiti għall-isforzi tas-sajd għas-sena 2021, minbarra l-limiti għall-isforzi tas-sajd imfassla fl-Anness II tar-regolament, li ser japplika mill-1 ta’ Frar 2021 sal-31 ta’ Jannar 2022;
• Opportunitajiet ta’ sajd għall-perjodu mill-1 ta’ Diċembru 2020 sat-30 ta’ Novembru 2021 għal ċertu stokkijiet fiż-żona tal-konvenzjoni tal-Kummissjoni għall-Konservazzjoni tar-Riżorsi Ħajjin tal-Baħar Antartiku.

Kamp ta’ applikazzjoni

Dan ir-regolament japplika:

• Bastimenti tas-sajd irreġistrati fl-UE u bastimenti mhux tal-UE li jistadu fl-ibħra tal-UE;
• sajd rikreattiv*, fejn dawn huma speċifikament imsemmija fir-regolament; u
• sajd kummerċjali mix-xatt.

Minbarra l-opportunitajiet tas-sajd stabbiliti mill-UE b’mod awtonomu, ir-regolament ikopri wkoll opportunitajiet ta’ sajd li jirriżultaw minn arranġamenti tas-sajd multilaterali jew bilaterali, bħal:

• stokkijiet kondiviżi li għandhom jiġu amministrati kemm man-Norveġja fil-Baħar tat-Tramuntana u l-iSkagerrak, mar-Renju Unit fil-Baħar tat-Tramuntana u fl-ibħra tal-majjistral, jew relatati mal-konsultazzjonijiet tal-Istati Kostali tal-Kummissjoni tas-Sajd tal-Atlantiku tal-Grigal;
• opportunitajiet tas-sajd li jirriżultaw minn ftehimiet li ntlaħqu fil-kuntest ta’ Organizzazzjonijiet Reġjonali tal-Ġestjoni tas-Sajd.

Opportunitajiet tas-sajd għal bastimenti tal-UE fl-ilmijiet tal-UE

Qabdiet totali permissibbli

Skont l-Artikolu 43 tat-Trattat dwar il-Funzjonament tal-UE, il-Kunsill huwa responsabbli li jistabbilixxi l-qabdiet totali permissibbli (TACs).

• It-TACs jistabbilixxu l-kwantità massima ta’ ħut ta’ speċi differenti li jistgħu jinqabdu matul is-sena rispettiva.
• Il-limiti stabbiliti jsegwu l-prinċipju tal-isfruttament sostenibbli tad-diversi stokkijiet f’konformità mar-rendiment massimu sostenibbli*. Pjanijiet ta’ ġestjoni pluriennali ġew adottati għar-reġjuni ta’ sajd tal-UE li jinkludu miri għall-immaniġġjar tal-istokkijiet tal-ħut.
• It-TAC għal kull speċi individwali hija diviża fi kwoti — proporzjonijiet tat-TAC assenjati lill-UE, lill-Istati Membri tal-UE jew lill-pajjiżi mhux tal-UE.

Qabdiet totali permissibbli proviżżjonali għal stokkijiet ta’ ħut kondiviżi

• Fir-rigward ta’ dawk l-istokkijiet ta’ ħut kondiviżi ma’ ċertu pajjiżi mhux tal-UE, ir-Regolament (UE) 2021/92 jistabbilixxi TACs proviżjonali, sakemm il-konsultazzjonijiet man-Norveġja u mar-Renju Unit jiġu konklużi.
• L-UE u n-Norveġja kkonkludew konsultazzjonijiet bilaterali għal stokkijiet kondiviżi fil-Baħar tat-Tramuntana, Skagerrak u l-iskambju ta’ kwoti f’Marzu 2021. In-Norveġja u l-UE kkonkludew ukoll ftehim trilaterali mar-Renju Unit li jkopri numru limitat ta’ TACs fil-Baħar tat-Tramuntana, Skagerrak u l-Punent tal-Iskozja.
• Biex dawn il-ftehimiet kollha jittieħdu in konsiderazzjoni u tiġi assigurata l-kontinwità tal-attivitajiet tas-sajd sostenibbli sakemm il-konsultazzjonijiet bejn l-UE u r-Renju Unit jkunu kompluti, ir-Regolament (UE) 2021/703 jemenda r-Regolament (UE) 2021/92. Skont il-ftehim dwar il-kummerċ u l-kooperazzjoni bejn l-UE u r-Renju Unit (l-Artikolu 499), dan ir-regolament emendatorju jestendi t-TACs proviżjonali tal-UE biex joħloq ċertezza legali għall-operaturi tal-UE sakemm dawn il-konsultazzjonijiet jiġu konklużi.

Obbligu ta’ ħatt l-art

Sa mill-1 ta’ Jannar 2019, il-bastimenti tas-sajd kollha tal-UE kellhom jaderixxu mal-obbligu ta’ ħatt l-art, li temm il-prattika tal-iskartar. Ir-regolament:

• jistipula li l-qabdiet kollha tal-ispeċi kummerċjali regolati li jittellgħu abbord (inklużi qabdiet inċidentali*) għandhom jiġu żbarkati u magħduda mal-kwoti rispettivi ta’ kull Stat Membru tal-UE, u
• jintroduċi sistema ta’ skambji tal-kwoti għal dawk l-Istati Membri li ma jkollhom l-ebda kwota biex ikopru qabdiet inċidentali li ma jistgħux jiġu evitati.

Miżuri ta’ rimedju

Ir-regolament jelenka l-miżuri li huma marbuta b’mod funzjonali ma’ opportunitajiet tas-sajd u li għandhom jiġu applikati f’żoni varji tas-sajd, u miżuri ta’ rimedju li għandhom jittieħdu biex jiġi assigurat ir-ritorn malajr tal-istokkijiet għal livelli għola mill-livell li kapaċi jipproduċi rendiment massimu sostenibbli.

Speċijiet ipprojbiti

Ir-regolament jelenka ż-żoni tas-sajd fejn il-bastimenti tas-sajd ma jistgħux jistadu, ma jistgħux iżommu abbord, ma jistgħux jużaw trasbord* jew jiżbarkaw ċertu speċi.

Awtorizzazzjonijiet tas-sajd għal bastimenti tal-UE f’ilmijiet mhux tal-UE

• In-numru massimu tal-awtorizzazzjonijiet tas-sajd għal bastimenti tas-sajd irreġistrati fl-UE f’ilmijiet mhux tal-UE huwa stabbilit f’Parti A tal-Anness V tar-regolament.
• L-Istati Membri jistgħu jittrasferixxu kwoti bejniethom iżda kwalunkwe trasferiment jeħtieġ li jinkludi trasferiment xieraq ta’ awtorizzazzjonijiet tas-sajd u jkun innotifikat lill-Kummissjoni.

Opportunitajiet tas-sajd għal bastimenti tal-UE f’ilmijiet amministrati minn organizzazzjonijiet reġjonali għall-ġestjoni tas-sajd

Din il-parti tar-Regolament (UE) 2021/92 hija maqsuma f’żoni reġjonali għas-sajd li huma koperti mill-konvenzjonijiet rispettivi tagħhom.

Għal kull żona, ir-regolament jistipula:

• kwalunkwe limitazzjonijiet tal-kapaċità tas-sajd li jistgħu jeżistu għall-bastimenti;
• it-tip ta’ attivitajiet ta’ sajd li jistgħu isiru;
• It-tipi ta’ xbieki li jistgħu jintużaw u t-tipi ta’ bagi li huma meħtieġa;
• projbizzjonijiet ta’ sajd fuq ċerti speċi.

Opportunitajiet tas-sajd għal bastimetni mhux tal-UE fl-ilmijiet tal-UE

• Bastimenti li jtajru l-bandiera tan-Norveġja jew li huma rreġistrati fil-Gżejjer Faroe u bastimenti li jtajru l-bandiera tar-Renju Unit, irreġistrati fir-Renju Unit u b’liċenzja mingħand amministrazzjoni tas-sajd tar-Renju Unit jistgħu jkunu awtorizzati li jistadu fl-ilmijiet tal-UE fil-limiti tat-TACs stabbiliti fl-Anness I ta’ dan ir-regolament, u huma suġġetti għall-kundizzjonijiet ipprovduti f’dan ir-regolament u r-Regolament (UE) 2017/2403 dwar il-ġestjoni sostenibbli għall-bastimenti tas-sajd esterni (ara s-sommarju).
• Bastimenti li jtajjru l-bandiera tal-Venezwela huma soġġetti għall-kondizzjonijiet stipulati fir-Regolament (UE) 2021/92 u fir-Regolament (UE) 2017/2403.
• Ir-Regolament (UE) 2021/92 jelenka wkoll speċi li bastimenti mhux irreġistrati fl-UE, jinsabu fejn jinsabu fl-ilmijiet tal-UE, huma pprojbiti milli jistadu għalihom, iżommu abbord, jagħmlu trasbord jew iħottuhom.

Annessi

Hemm disa’ annessi għar-regolament.

MINN META JAPPLIKA R-REGOLAMENT?

Dan ilu japplika mill-1 ta’ Jannar 2021.

SFOND

Regolamenti tal-opportunitajiet tas-sajd tal-UE għandhom jillimitaw il-ħsad tal-istokkijiet tal-ħut għal livelli li jeħtieġ li jkunu konsistenti mal-għanijiet ġenerali tal-politika komuni tas-sajd. Ir-Regolament (UE) Nru 1380/2013 dwar il-politika komuni tas-sajd (ara s-sommarju) jistabbilixxi l-għanijiet għall-proposti annwali għal-limitazzjonijiet tal-qabdiet u tal-isforzi għas-sajd biex jiżgura li s-sajd tal-UE huma ekoloġikament, ekonomikament u soċjalment sostenibbli.

Għal iktar informazzjoni, ara:

• Fl-2021 il-Kunsill Agrikoltura u Sajd adotta opportunitajiet għas-sajd fl-Atlantiku tal-Grigal u għal stokkijiet tal-baħar fond stqarrija għall-istampa (Kummissjoni Ewropea)
• Sajd sostenibbli (il-Kummissjoni Ewropea).

TERMINI EWLENIN

DOKUMENT EWLIENI

Ir-Regolament tal-Kunsill (UE) 2021/92 tat-28 ta’ Jannar 2021 li jiffissa għall-2021 l-opportunitajiet ta’ ċerti stokkijiet ta’ ħut u gruppi ta’ stokkijiet ta’ ħut, applikabbli fl-ilmijiet tal-Unjoni, u għall-bastimenti tas-sajd tal-Unjoni f’ċerti ilmijiet li mhumiex tal-Unjoni (ĠU L 31, 29.1.2021, pp. 31-192)

L-emendi suċċessivi għar-Regolament (UE) 2021/92 ġew inkorporati fit-test oriġinali. Din il-verżjoni kkonsolidata għandha valur dokumentarju biss.

DOKUMENTI RELATATI

Il-Ftehim ta’ Kummerċ u Kooperazzjoni bejn l-Unjoni Ewropea u l-Komunità Ewropea għall-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (ĠU L 149, 30.4.2021, pp. 10-2539)

Ir-Regolament tal-Kunsill (UE) 2021/406 tal-5 ta’ Marzu 2021 li jemenda r-Regolamenti (UE) 2021/91 u (UE) 2021/92 fir-rigward ta’ ċerti opportunitajiet ta’ sajd proviżjonali għall-2021 fl-ilmijiet tal-Unjoni u fl-ilmijiet barra mill-Unjoni (ĠU L 81, 9.3.2021, pp. 1-14)

Ir-Regolament (UE) 2019/1241 tal-Parlament Ewropew u tal-Kunsill tal-20 ta’ Ġunju 2019 dwar il-konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi, li jemenda r-Regolamenti tal-Kunsill (KE) Nru 1967/2006, (KE) Nru 1224/2009 u r-Regolamenti (UE) Nru 1380/2013, (UE) 2016/1139, (UE) 2018/973, (UE) 2019/472 u (UE) Nru 2019/1022 tal-Parlament Ewropew u tal-Kunsill, u li jħassar ir-Regolamenti tal-Kunsill (KE) Nru 894/97, (KE) Nru 850/98, (KE) Nru 2549/2000, (KE) Nru 254/2002, (KE) Nru 812/2004 u (KE) Nru 2187/2005 (ĠU L 198, 25.7.2019, pp. 105-201)

Ara l-verżjoni konsolidata.

Ir-Regolament (UE) 2017/2403 tal-Parlament Ewropew u tal-Kunsill tat-12 ta’ Diċembru 2017 dwar il-ġestjoni sostenibbli ta’ flotot tas-sajd esterni, u li jħassar ir-Regolament tal-Kunsill (KE) Nru 1006/2008 (ĠU L 347, 28.12.2017, pp. 81-104)

Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, pp. 22-61)

Ara l-verżjoni konsolidata.

Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, pp. 1-50)

Ara l-verżjoni konsolidata.

l-aħħar aġġornament 03.06.2021