This document is an excerpt from the EUR-Lex website
Ecodesign requirements — electric motors and variable speed drives
Rekwiżiti tal-ekodisinn — muturi elettriċi u sistemi ta’ trażmissjoni b’veloċità varjabbli
Rekwiżiti tal-ekodisinn — muturi elettriċi u sistemi ta’ trażmissjoni b’veloċità varjabbli
Ir-regolament jistabbilixxi rekwiżiti tal-ekodisinn* għat-tqegħid fis-suq jew it-tqegħid fis-servizz ta’ muturi elettriċi* u sistemi ta’ trażmissjoni b’veloċità varjabbli (VSD)*, inkluż meta jkunu integrati fi prodotti oħra.
Dan ir-regolament japplika għall-:
Xi tipi ta’ tagħmir iddisinjati biex jaħdmu f’ċerti kundizzjonijiet huma eżentati minn xi wħud mir-rekwiżiti tal-informazzjoni dwar il-prodotti u tal-effiċjenza enerġetika, bħal:
Ir-regolament:
L-awtoritajiet nazzjonali jeħtiġilhom japplikaw il-proċeduri ta’ verifika stabbiliti fl-Anness III meta jwettqu l-verifiki tas-sorveljanza tas-suq.
L-Anness IV jistipula parametri referenzjarji indikattivi bbażati fuq l-aħjar teknoloġija disponibbli għall-muturi u għall-VSDs għall-aspetti ambjentali meqjusa sinifikanti u kwantifikabbli. Għall-muturi, il-livell IE4 ġie identifikat bħala l-aħjar teknoloġija disponibbli.
Il-Kummissjoni jeħtiġilha tirrevedi r-regolament fid-dawl tal-progress teknoloġiku u tippreżenta r-riżultati ta’ din il-valutazzjoni inkluż, jekk xieraq, abbozz ta’ proposta għal reviżjoni, lill-Forum ta’ Konsultazzjoni mhux aktar tard mill-14 ta’ Novembru 2023.
Ir-Regolament jemenda r-Regolament (KE) Nru 641/2009 u jħassar ir-Regolament (KE) Nru 640/2009.
Dan ilu japplika mill-1 ta’ Lulju 2021. Ċerti obbligi fir-rigward taċ-ċirkomvenzjoni u tal-aġġornamenti tas-software u l-emendi għar-Regolament (KE) Nru 641/2009 ilhom japplikaw mill-14 ta’ Novembru 2019.
Id-Direttiva 2009/125/KE tistabbilixxi qafas biex jiġu stabbiliti rekwiżiti tal-ekodisinn għal prodotti relatati mal-enerġija. Il-Kummissjoni jeħtiġilha tistabbilixxi dawn għall-prodotti li jiġu mibjugħa u nnegozjati mal-UE kollha u li għandhom impatt ambjentali sinifikanti.
Id-Direttiva WEEE tistipula r-rekwiżiti dwar l-irkupru u r-riċiklaġġ ta’ skart ta’ tagħmir elettriku u elettroniku (WEEE) biex jitnaqqsu l-effetti ambjentali negattivi tal-ġenerazzjoni u tal-ġestjoni tal-WEEE, u tal-użu tar-riżorsi.
Għal aktar informazzjoni, ara:
Ir-Regolament tal-Kummissjoni (UE) 2019/1781 tal-1 ta’ Ottubru 2019 li jistabbilixxi rekwiżiti tal-ekodisinn għal muturi elettriċi u sistemi ta’ trażmissjoni b’veloċità varjabbli skont id-Direttiva 2009/125/KE tal-Parlament Ewropew u tal-Kunsill, u li jemenda r-Regolament (KE) Nru 641/2009 fir-rigward tar-rekwiżiti tal-ekodisinn għaċ-ċirkolaturi mingħajr tqalfit u indipendenti u għaċ-ċirkolaturi mingħajr tqalfit integrati fi prodotti u li jħassar ir-Regolament tal-Kummissjoni (KE) Nru 640/2009 (ĠU L 272, 25.10.2019, pp. 74-94)
Emendi suċċessivi għar-Regolament (UE) 2019/1781 ġew inkorporati fit-test oriġinali. Din il-verżjoni konsolidata għandha valur dokumentarju biss.
Id-Direttiva 2009/125/KE tal-Parlament Ewropew u tal-Kunsill tal-21 ta’ Ottubru 2009 li tistabbilixxi qafas għall-iffissar ta’ rekwiżiti għall-ekodisinn għal prodotti relatati mal-enerġija (ĠU L 285, 31.10.2009, pp. 10-35)
Ara l-verżjoni konsolidata.
Ir-Regolament tal-Kummissjoni (KE) Nru 641/2009 tal-22 ta’ Lulju 2009 li jimplimenta d-Direttiva 2005/32/KE tal-Parlament Ewropew u tal-Kunsill fir-rigward tar-rekwiżiti tal-ekodisinn għaċ-ċirkolaturi mingħajr tqalfit u indipendenti u għaċ-ċirkolaturi mingħajr tqalfit integrati fi prodotti (ĠU L 191, 23.7.2009, pp. 35-41)
Ara l-verżjoni konsolidata.
Il-Komunikazzjoni tal-Kummissjoni fil-qafas tal-implimentazzjoni tar-Regolament tal-Kummissjoni (KE) Nru 640/2009 li jimplimenta d-Direttiva 2005/32/KE tal-Parlament Ewropew u tal-Kunsill fir-rigward tar-rekwiżiti ta’ ekodisinn għal muturi tal-elettriku (pubblikazzjoni ta’ titli u referenzi ta’ standards armonizzati taħt id-direttiva) (ĠU C 394, 20.12.2012, pp. 20-21)
l-aħħar aġġornament 08.06.2021