Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Miżuri ta’ ġestjoni tal-UE għall-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO)

    Date of last review:
    23/04/2020
    Author:
    Uffiċċju tal-Pubblikazzjonijiet tal-Unjoni Ewropea
    Responsible entity(ies):
    Id-Direttorat Ġenerali għall-Affarijiet Marittimi u s-Sajd
    Summarised document(s):

    Miżuri ta’ ġestjoni tal-UE għall-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO)

     

    SOMMARJU TA’:

    Ir-Regolament (UE) 2018/975 — miżuri ta’ ġestjoni, ta’ konservazzjoni u ta’ kontroll li japplikaw fl-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO) Żona tal-Konvenzjoni

    X’INHU L-GĦAN TA’ DAN IR-REGOLAMENT?

    PUNTI EWLENIN

    SPRFMO

    • L-SPRFMO hija organizzazzjoni intergovernattiva impenjata għall-konservazzjoni fit-tul u għall-użu sostenibbli tar-riżorsi tas-sajd tan-Nofsinhar tal-Oċean Paċifiku.
    • L-UE hija parti kontraenti.

    Kamp ta’ applikazzjoni u applikazzjoni

    • Ir-regolament japplika għal:
      • bastimenti tas-sajd tal-UE li joperaw fiż-żona tal-konvenzjoni tal-SPRFMO;
      • bastimenti tas-sajd tal-UE li jagħmlu trasbord* prodotti tas-sajd maqbuda fiż-żona tal-konvenzjoni tal-SPRFMO;
      • bastimenti tas-sajd ta’ pajjiżi mhux tal-UE meta jitolbu aċċess għal portijiet tal-UE, jew ikunu l-oġġett ta’ spezzjoni fihom, u jkunu qed iġorru prodotti tas-sajd maqbuda fiż-żona tal-konvenzjoni tal-SPRFMO.
    • Dan japplika mingħajr preġudizzju għal:

    Regoli

    • teħtieġ li l-pajjiżi tal-UE jiżguraw kopertura tal-osservaturi xjentifiċi minima ta’ 10 % fis-sajd tas-sawrell u jieqfu mis-sajd meta jkunu laħqu 100 % tal-limitu ta’ qbid tiegħu;
    • teħtieġ li l-bastimenti tal-UE josservaw ir-regoli sabiex jipproteġu t-tjur tal-baħar inkluż l-użu ta’ lettijiet bin-naffara;
    • għall-protezzjoni ta’ ekosistemi marini vulnerabbli*, tipprojbixxi lill-bastimenti tal-UE milli jkunu involuti f’sajd tal-qiegħ* jew sajd esploratorju* mingħajr awtorizzazzjoni mill-SPRFMO u abbażi ta’ valutazzjoni tas-sajd tal-qiegħ evalwata mill-Kumitat Xjentifiku tal-SPRFMO;
    • teħtieġ tal-anqas 10 % tal-kopertura tal-osservaturi għas-sajd bil-konz għall-ispeċijiet tas-sajd tal-qiegħ u l-waqfien mill-attivitajiet tas-sajd tal-qiegħ sa 5 mili nawtiċi miż-żona fejn kwalunkwe skoperta ta’ ekosistema marina vulnerabbli taqbeż il-livelli ta’ limitu;
    • tipprojbixxi l-użu ta’ għeżula tat-tisqif pelaġiċi fuq skala kbira (għeżula jew kombinazzjonijiet ta’ xbieki itwal minn 2.5 kilometri), u l-għeżul kollha tal-baħar fond* fiż-żona kollha tal-konvenzjoni tal-SPRFMO;
    • teħtieġ in-notifika tat-trasbord tas-sawrell u tal-ispeċijiet demersali u l-monitoraġġ tiegħu meta jkun hemm osservatur abbord;
    • teħtieġ li l-bastimenti tal-UE li jkollhom l-intenzjoni li jagħmlu tranżitu miż-żona tal-konvenzjoni filwaqt li jġorru l-għeżula jinnotifikaw lis-Segretarjat tal-SPRFMO tal-anqas 36 siegħa qabel ma jidħlu fiż-żona u jiżguraw li l-bastimenti li jtajru l-bandiera tagħhom iħaddmu sistema ta’ monitoraġġ tal-bastimenti li tirrapporta darba kull sagħtejn waqt li jkunu fiż-żona tal-konvenzjoni tal-SPRFMO;
    • teħtieġ li l-pajjiżi tal-UE jippreżentaw lill-Kummissjoni, sal-15 ta’ Novembru ta’ kull sena, lista tal-bastimenti tas-sajd li jtajru l-bandiera tagħhom u li huma awtorizzati jistadu fiż-żona tal-konvenzjoni tal-SPRFMO għas-sena ta’ wara, inkluża l-informazzjoni li tinsab fl-Anness V. Il-Kummissjoni tgħaddi dik il-lista lis-Segretarjat tal-SPRFMO;
    • Il-pajjiżi tal-UE li l-bastimenti tagħhom jistadu fl-SPRFMO jridu jistabbilixxu programmi ta’ osservaturi sabiex jiġbru d-data dwar il-ħut maqbud li għandha tiġi ppreżentata lill-Kummissjoni.

    MINN META JAPPLIKA R-REGOLAMENT?

    Dan ilu japplika mid-19 ta’ Lulju 2018.

    SFOND

    TERMINI EWLENIN

    Trasbord: it-trasferiment ta’ qabda minn bastiment tas-sajd iżgħar għal fuq wieħed ikbar li mbagħad jinkorporaha f’lott akbar għat-trasport bil-baħar.
    Ekosistemi marini vulnerabbli: kwalunkwe ekosistema marina li l-integrità tagħha (jiġifieri l-istruttura jew il-funzjoni tal-ekosistema) hija, skont l-aħjar informazzjoni xjentifika disponibbli u skont il-prinċipju ta’ prekawzjoni, mhedda minn impatti negattivi sinifikanti li jirriżultaw minn kuntatt fiżiku mal-irkaptu tal-qiegħ matul l-operazzjonijiet normali tas-sajd, inklużi sikek, muntanji tal-baħar, qroll tal-ilma kiesaħ jew qiegħ tal-isponża tal-ilma kiesaħ.
    Sajd tal-qiegħ: sajd minn kwalunkwe bastiment tas-sajd li juża kwalunkwe rkaptu li x’aktarx jiġi f’kuntatt ma’ organiżmi ta’ qiegħ il-baħar jew bentiċi (jiġifieri dawk li jinsabu fir-reġjun ekoloġiku fl-aktar livell baxx tal-oċean) matul l-operazzjonijiet normali.
    Sajd esploratorju: sajd f’żona li ma kinitx soġġetta għas-sajd jew li ma kinitx soġġetta għal sajd b’tip ta’ rkaptu jew b’teknika partikolari matul l-10 snin ta’ qabel.
    Għeżula tal-baħar fond: xbieki f’waħdiet jew, anqas komuni, doppji jew tripli mmuntati flimkien fuq l-istess ħbula tal-qafas. Diversi tipi ta’ xbieki jistgħu jingħaqdu fi rkaptu wieħed. Dawk ix-xbieki jistgħu jintużaw waħedhom jew, kif inhu aktar komuni, f’għadd kbir imqiegħda f’linja (“flotot” ta’ xbieki). L-irkaptu jista’ jiġi kalat, ankrat mal-qiegħ jew jitħalla jimxi mal-kurrent, ħieles jew imqabbad mal-bastiment.

    DOKUMENT EWLIENI

    Ir-Regolament (UE) 2018/975 tal-Parlament Ewropew u tal-Kunsill tal-4 ta’ Lulju 2018 li jistabbilixxi miżuri ta’ ġestjoni, ta’ konservazzjoni u ta’ kontroll li japplikaw fl-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO) Żona tal-Konvenzjoni (ĠU L 179, 16.7.2018, pp. 30-75)

    DOKUMENTI RELATATI

    Ir-Regolament (UE) 2017/2403 tal-Parlament Ewropew u tal-Kunsill tat-12 ta’ Diċembru 2017 dwar il-ġestjoni sostenibbli ta’ flotot tas-sajd esterni, u li jħassar ir-Regolament tal-Kunsill (KE) Nru 1006/2008 (ĠU L 347, 28.12.2017, pp. 81-104)

    Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, pp. 22-61)

    L-emendi suċċessivi għar-Regolament (UE) Nru 1380/2013 ġew inkorporati fit-test oriġinali. Din il-verżjoni konsolidata għandha valur dokumentarju biss.

    Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, pp. 1-50)

    Ara l-verżjoni konsolidata.

    Ir-Regolament tal-Kunsill (KE) Nru 1005/2008 tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, u li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jirrevoka r-Regolamenti (KE) Nru 1093/94 u (KE) Nru 1447/1999 (ĠU L 286, 29.10.2008, pp. 1-32)

    Ara l-verżjoni konsolidata.

    l-aħħar aġġornament 23.04.2020

    Top