This document is an excerpt from the EUR-Lex website
How the European Union is spending its budget in 2014
Kif l-Unjoni Ewropea qiegħda tonfoq il-baġit tagħha fl-2014
Kif l-Unjoni Ewropea qiegħda tonfoq il-baġit tagħha fl-2014
This summary has been archived and will not be updated, because the summarised document is no longer in force or does not reflect the current situation.
Kif l-Unjoni Ewropea qiegħda tonfoq il-baġit tagħha fl-2014
Il-baġit tal-Unjoni Ewropea (UE) jikkontribwixxi għall-implimentazzjoni tal-politiki tal-UE f'firxa wiesgħa ta' oqsma bħall-impjiegi, l-iżvilupp reġjonali, ir-riċerka u l-edukazzjoni, l-ambjent, l-għajnuna umanitarja u appoġġ għall-pajjiżi li qegħdin jiżviluppaw.
ATT
Adozzjoni definittiva tal-baġit ġenerali tal-Unjoni Ewropea għas-sena finanzjarja 2014 (2014/67/UE, Euratom).
SOMMARJU
X'INHU L-OBJETTIV EWLIENI TAL-BAĠIT TAL-UE?
Il-baġit tal-Unjoni Ewropea (UE) jikkontribwixxi għall-implimentazzjoni tal-politiki tal-UE f'firxa wiesgħa ta' oqsma bħall-impjiegi, l-iżvilupp reġjonali, ir-riċerka u l-edukazzjoni, l-ambjent, l-għajnuna umanitarja u appoġġ għall-pajjiżi li qegħdin jiżviluppaw.
Sabiex jiġu ffinanzjati proġetti f'dawn l-oqsma, il-Baġit tal-UE huwa definit fuq il-bażi ta' Qafas Finanzjarju Multi-annwali (MFF) li jkopri perjodu ta' 7 snin. Il-baġit tal-2014 huwa l-ewwel baġit tal-MFF il-ġdid tal-2014-2020.
PRIJORITAJIET EWLENIN
Il-baġit tal-UE huwa għodda ewlenija li tipprovdi tkabbir intelliġenti, sostenibbli u inklussiv kif ukoll solidarjetà bejn il-pajjiżi u r-reġjuni tal-UE. F'dan ir-rigward, il-baġit tal-UE għall-2014 iffoka fuq it-tkabbir u l-impjiegi, b'attenzjoni speċifika fuq il-qgħad fost iż-żgħażagħ.
Fi ħdan il-limiti tal-MFF tal-2014-2020 (€960 biljun tal-approprjazzjonijiet ta' impenn (ara taħt) għall-perjodu ta' 7 snin bi prezzijiet tal-2011), il-baġit tal-2014 jammonta għal total ta' madwar €143 biljun f'impenni (prezzijiet attwali).
Dan il-baġit huwa maqsum skont il-qasam kif ġej (impenni, prezzijiet attwali):
Tkabbir Intelliġenti u Inklussiv: 44.9% - €63.986 biljun inkluż:
Tkabbir Sostenibbli Riżorsi Naturali: 41.6% - €59.267 biljun (li minnhom, infiq relatat mas-Suq u pagamenti diretti lill-bdiewa €43.778 biljun)
Sigurtà u ċittadinanza 1.5% - €2.172 biljun
Ewropa Globali: 5.8% - €8.325 biljun
Amministrazzjoni: 5.9% - €8.405 biljun (l-aktar l-infiq tal-istituzzjonijiet tal-UE).
Fuq xhiex jintnefqu l-flus?
META JIĠI IMPLIMENTAT IL-BAĠIT TAL-UE TAL-2014?
Mill-1.1.2014 sal-31.12.2014.
SFOND
Il-baġit tal-UE huwa ekwivalenti għal madwar 1% tal-ġid ekonomiku tal-UE (Introjtu Nazzjonali Gross - ING). Għal kull sena, u fi ħdan il-limiti tal-MFF, il-Kummissjoni tipproponi baġit adottat mill-Parlament Ewropew u mill-Kunsill tal-UE.
KLIEM EWLIENI
Għal aktar informazzjoni, ara s-sit elettroniku ta' DĠ Baġit u tal-KE Glossarju baġitarju.
REFERENZI
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
1.1.2014 |
- |
l-aħħar aġġornament 02.03.2015