Aġenzija Eżekuttiva tal-UE għall-Intrapriżi Żgħar u ta’ Daqs Medju

Il-Kummissjoni Ewropea stabbilixxiet Aġenzija Eżekuttiva għall-Intrapriżi Żgħar u ta’ Daqs Medju sabiex tamministra serje ta’ programmi li huma ta' benefiċċju għan-negozji ż-żgħar.

ATT

Deċiżjoni ta’ Implimentazzjoni tal-Kummissjoni 2013/771/UE tas-17 ta' Diċembru 2013 li tistabbilixxi l-Aġenzija Eżekuttiva għall-Intrapriżi Żgħar u Medji u li tħassar id-Deċiżjonijiet 2004/20/KE u 2007/372/KE.

SOMMARJU

Filwaqt li d-dipartimenti fil-Kummissjoni Ewropea jifformulaw politiki fl-oqsma li għalihom huma responsabbli, il-ġestjoni tal-programmi li hija tiffinanzja f’dawn l-oqsma hija devoluta lil aġenziji bħall-Aġenzija Eżekuttiva għall-Intrapriżi Żgħar u ta’ Daqs Medju (EASME).

Il-kompiti ewlenin ta' EASME huma li:

• tmexxi u tissorvelja ċ-ċiklu tal-ħajja tal-proġetti (stediniet għal proposti, evalwazzjoni ta' proġetti, negozjar ta' kuntratti u kooperazzjoni kontinwa ma' benefiċjarji ta' għotjiet);
• tmexxi l-implimentazzjoni tal-baġits tal-programmi.

EASME tamministra l-programmi li ġejjin:

• COSME - il-programm tal-UE għall-Kompetittività tal-Intrapriżi u l-Intrapriżi Żgħar u ta’ Daqs Medju (SMEs), inkluż in-Netwerk tal-Intrapriżi tal-Ewropa (EEN) u In-Negozju Tiegħek fl-Ewropa; COSME)
• Partijiet minn Orizzont 2020 , tal-Programm Qafas tal-UE għar-Riċerka u l-Innovazzjoni, u b’mod partikolari:
  • Parti II Tmexxija Industrijali: Innovazzjoni fl-SMEs (inkluż il-Helpdesk Ewropew dwar l-IPR), L-Iskema ta’ Livell Baxx ta’ Karbonju ta’ Industrija Sostenibbli (SILC II) u parti mit-Tmexxija fit-Teknoloġiji Implimentattivi u tal-Industrija;
  • Parti III Sfidi tas-Soċjetà: Il-parti tal-isfida dwar l-effiċjenza tal-enerġija Enerġija Sigura, Nadifa u Effiċjenti; is-sejħiet għal proposti fl-oqsma tal-iskart, l-innovazzjoni fl-ilma u fil-provvista sostenibbli ta’ materja prima taħt l-isfida Azzjoni għall-Klima, Ambjent, Effiċjenza tar-Riżorsi u Materja Prima u l-Istrument SME;
• il-programm tal-UE għall-Ambjent u l-azzjoni għall-Klima (LIFE);
• parti mill-Fond Ewropew għall-Affarijiet Marittimi u s-Sajd (FEMS);
• il-wirt tal-programm Enerġija Intelliġenti- Ewropa u l-inizjattiva Eko-innovazzjoni.

EASME, bbażata fi Brussell torganizza wkoll il-Ġimgħa tal-UE għall-Enerġija Sostenibbli (EUSEW).

EASME tieħu post l-Aġenzija Eżekuttiva għall-Kompetittività u l-Innovazzjoni . Din id-deċiżjoni tkopri l-perjodu sal-31.12.2024.

ATTI RELATATI

Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità (Ġurnal Uffiċjali L 11 tas-16.1.2003).

Regolament tal-Kummissjoni (KE) Nru 1653/2004 tal-21 ta' Settembru 2004 dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità (Ġurnal Uffiċjali L 297 tat-22.9.2004).

L-aħħar aġġornament: 23.07.2014