This document is an excerpt from the EUR-Lex website
Document E2017J0004
Judgment of the Court of 21 March 2018 in Case E-4/17 — EFTA Surveillance Authority v The Kingdom of Norway (Failure by an EFTA State to fulfil its obligations — Directive 2004/18/EC — Public procurement — Public contract — Public works concession)
Sentenza tal-Qorti tal-21 ta’ Marzu 2018 fil-Kawża E-4/17 — L-Awtorità ta’ Sorveljanza tal-EFTA vs. Ir-Renju tan-Norveġja (Nuqqas minn Stat tal-EFTA li jissodisfa l-obbligi tiegħu — id-Direttiva 2004/18/KE — Akkwist pubbliku — Kuntratt pubbliku — Konċessjoni ta’ xogħlijiet pubbliċi)
Sentenza tal-Qorti tal-21 ta’ Marzu 2018 fil-Kawża E-4/17 — L-Awtorità ta’ Sorveljanza tal-EFTA vs. Ir-Renju tan-Norveġja (Nuqqas minn Stat tal-EFTA li jissodisfa l-obbligi tiegħu — id-Direttiva 2004/18/KE — Akkwist pubbliku — Kuntratt pubbliku — Konċessjoni ta’ xogħlijiet pubbliċi)
ĠU C 264, 26.7.2018, p. 16–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
26.7.2018 |
MT |
Il-Ġurnal Uffiċjali tal-Unjoni Ewropea |
C 264/16 |
SENTENZA TAL-QORTI
tal-21 ta’ Marzu 2018
fil-Kawża E-4/17
L-Awtorità ta’ Sorveljanza tal-EFTA vs. Ir-Renju tan-Norveġja
(Nuqqas minn Stat tal-EFTA li jissodisfa l-obbligi tiegħu — id-Direttiva 2004/18/KE — Akkwist pubbliku — Kuntratt pubbliku — Konċessjoni ta’ xogħlijiet pubbliċi)
(2018/C 264/10)
Fil-Kawża E-4/17, l-Awtorità ta’ Sorveljanza tal-EFTA vs Ir-Renju tan-Norveġja — RIKORS għal dikjarazzjoni li billi kklassifika ħażin kuntratt pubbliku, li għandu bħala suġġett il-kostruzzjoni u l-operazzjoni ta’ parkeġġ taħt l-art taħt Torvet f’Kristiansand, bħala “konċessjoni ta’ servizz” u mhux bħala “konċessjoni ta’ xogħlijiet”, u billi wettaq proċedura ta’ akkwist li mhijiex f’konformità mar-rekwiżiti tar-regoli taż-ŻEE dwar l-akkwist pubbliku, ir-Renju tan-Norveġja kiser id-dispożizzjonijiet ta l-Att imsemmi fil-punt 2 tal-Anness XVI tal-Ftehim dwar iż-Żona Ekonomika Ewropea (id-Direttiva 2004/18/KE tal-Parlament Ewropew u tal-Kunsill tal-31 ta’ Marzu 2004 fuq koordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi) flimkien mal-Att imsemmi fil-punt 6a tal-Anness XVI tal-Ftehim (ir-Regolament (KE) Nru 2195/2002 tal-Parlament Ewropew u tal-Kunsill tal-5 ta’ Novembru 2002 dwar il-Vokabolarju Komuni tal-Akkwist (CPV)), il-Qorti, magħmula minn Páll Hreinsson, President u Imħallef-Rapporteur, Per Christiansen u Nicole Kaiser (ad hoc), Imħallfin, tat is-sentenza fit-21 ta’ Marzu 2018, li l-parti operattiva tagħha hija kif ġej:
Il-Qorti b’dan:
1. |
Tiddikjara li r-Renju tan-Norveġja, fir-rigward ta’ proċedura ta’ akkwist imwettqa mill-Muniċipalità ta’ Kristiansand fl-2015 għall-bini u t-tħaddim ta’ parkeġġ taħt l-art taħt Torvet f’Kristiansand, naqas milli jwettaq l-obbligi tiegħu skont id-Direttiva 2004/18/KE tal-Parlament Ewropew u tal-Kunsill, tal-31 ta’ Marzu 2004, fuq koordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi, imsemmija fil-punt 2 tal-Anness XVI tal-Ftehim dwar iż-Żona Ekonomika Ewropea, billi naqas milli:
|
2. |
Tordna lir-Renju tan-Norveġja li jħallas l-ispejjeż tal-proċedimenti. |