Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document E2013P0019

    Azzjoni mressqa fis- 16 ta' Awwissu 2013 minn Konkurrenten.no AS kontra l-Awtorità ta' Sorveljanza tal-EFTA (Kawża E-19/13)

    ĠU C 347, 28.11.2013, p. 32–33 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Date of document:
    16/08/2013
    Date lodged:
    16/08/2013
    Author:
    Il-Qorti tal-EFTA
    Form:
    Informazzjoni ġudizzjarja
    Treaty:
    Ftehim dwar iż-Żona Ekonomika Ewropea
    Link
    Link
    Link
    Select all documents mentioning this document
    Link

    28.11.2013   

    MT

    Il-Ġurnal Uffiċjali tal-Unjoni Ewropea

    C 347/32

    Azzjoni mressqa fis-16 ta' Awwissu 2013 minn Konkurrenten.no AS kontra l-Awtorità ta' Sorveljanza tal-EFTA

    (Kawża E-19/13)

    2013/C 347/13

    Azzjoni kontra l-Awtorità ta' Sorveljanza tal-EFTA tressqet quddiem il-Qorti tal-EFTA fis-16 ta' Awwissu 2013 minn Konkurrenten.no AS, irrappreżentata minn Jon Midthjell, advokat, Advokatfirmaet Midthjell AS, Grev Wedels plass 5, 0151 Oslo, in-Norveġja.

    Ir-rikorrenti jitolbu lill-Qorti tal-EFTA sabiex:

    (1)

    Tannulla d-deċiżjoni ESA Nru 519/12/COL tad-19 ta’ Diċembru 2012 (AS Oslo Sporveier u AS Sporveisbussene), u tordna lill-konvenut u lil kwalunkwe intervenjent iħallsu l-ispejjeż;

    (2)

    Tannulla d-deċiżjoni ESA Nru 181/13/COL tat-8 ta’ Mejju 2013 (Kollektivtransportproduksjon AS, Oslo Vognselskap AS u Unibuss AS), u tordna lill-konvenut u lil kwalunkwe intervenjent iħallsu l-ispejjeż;

    (3)

    Tordna lill-ESA (u lil kwalunkwe intervenjent) biex iħallsu l-ispejjeż.

    L-isfond legali u fattwali u l-eċċezzjonijiet ġuridiċi miġjuba bħala sostenn:

    —

    Ir-rikorrent, Konkurrenten.no AS, huwa operatur privat fis-suq tal-karozzi tal-linja espress bejn ir-reġjuni ċentrali u fin-Nofsinhar tan-Norveġja.

    —

    Ir-rikorrent fetaħ kawża ta’ ilment dwar għajnuna mill-Istat mal-ESA fil-11 ta’ Awwissu 2006 u t-tieni lment intbagħat fit-8 ta’ Settembru 2011 dwar l-għajnuna lil AS Oslo Sporveier.

    —

    L-Awtorità ta’ Sorveljanza tal-EFTA għalqet il-każ li jikkonċerna l-ewwel ilment mingħajr investigazzjoni formali fil-21 ta’ Ġunju 2010. Din id-deċiżjoni ġiet annullata mill-Qorti tal-EFTA fit-22 ta’ Awwissu 2011 fil-Kawża E-14/10 Konkurrenten.no AS vs. ESA [2011] il-Qorti tal-EFTA, p. 266.

    —

    Id-deċiżjoni tal-Awtorità ta' Sorveljanza tal-EFTA tat-28 ta’ Marzu 2012 biex jingħata bidu għal investigazzjoni formali għal għajnuna potenzjali lil AS Oslo Sporveier u AS Sporveisbussene ġiet ippubblikata f’Il-Ġurnal Uffiċjali tal-Unjoni Ewropea, u fis-Suppliment taż-ŻEE tiegħu, fil-5 ta’ Lulju 2012.

    —

    B’deċiżjoni li ttieħdet fid-19 ta’ Diċembru 2012, l-Awtorità ta’ Sorveljanza tal-EFTA għalqet l-investigazzjoni formali dwar l-għajnuna potenzjali għal AS Oslo Sporveier u AS Sporveisbussene. Fit-8 ta’ Mejju 2013, l-Awtorità ta’ Sorveljanza tal-EFTA ħadet deċiżjoni dwar l-għajnuna mill-Istat allegata lil Kollektivtransportproduksjon AS, Oslo Vognselskap AS u Unibuss AS. L-ebda deċiżjoni għadha ma ġiet ippubblikata f'Il-Ġurnal Uffiċjali jew fis-Suppliment taż-ŻEE.

    —

    Minn din l-azzjoni preżenti r-rikorrent jitlob li jiġu annullati ż-żewġ deċiżjonijiet.

    Ir-rikorrent jiddikkjara, inter alia, li l-Awtorità ta’ Sorveljanza tal-EFTA:

     

    Fir-rigward tal-ewwel deċiżjoni (tad-19 ta’ Diċembru 2012):

    —

    ikklassifikat l-injezzjoni ta’ kapital illegalment, parti minnha bħala għajnuna eżistenti u parti oħra li ma kinitx għajnuna u kklassifikat il-kumpens ta' somma f’daqqa annwali bħala għajnuna eżistenti; kif ukoll

    —

    kisret l-Artikolu 61 taż-ŻEE fir-rigward tal-użu akkumulat ta’ pożizzjonijiet ta’ taxxa negattivi kontra kontributi tal-grupp.

     

    Fir-rigward tal-ewwel deċiżjoni (tat-8 ta’ Mejju 2013):

    —

    kisret id-dover tagħha li tiftaħ investigazzjoni formali billi kklassifikat it-tranżazzjoni illegalment bħala għajnuna eżistenti mill-Istat u kklassifikat is-self ta' likwidità u kuntratti ta’ skadenza qasira mogħtija mingħajr kompetizzjoni illegalment li ma kinux għajnuna; kif ukoll

    —

    kisret id-dover tagħha li tibda investigazzjoni formali dwar garanziji mogħtija mingħajr ħlas ta’ primjum, u self ta' infrastruttura pubblika fit-tul mogħti lil AS Oslo Sporveier dwar it-termini disponibbli lill-muniċipalità nnifisha, billi kklassifikat illegalment il-miżuri bħala għajnuna eżistenti.
    Top