This document is an excerpt from the EUR-Lex website
Document E2010C0159
EFTA Surveillance Authority Decision No 159/10/COL of 21 April 2010 concerning additional guarantees for Norway relating to infectious bovine rhinotracheitis
Deċiżjoni tal-Awtorità ta’ Sorveljanza tal-EFTA Nru 159/10/COL tal- 21 ta' April 2010 li tikkonċerna garanziji addizzjonali għan-Norveġja relatati mar-rinotrakeite bovina infettiva
Deċiżjoni tal-Awtorità ta’ Sorveljanza tal-EFTA Nru 159/10/COL tal- 21 ta' April 2010 li tikkonċerna garanziji addizzjonali għan-Norveġja relatati mar-rinotrakeite bovina infettiva
ĠU L 332, 16.12.2010, p. 43–44
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Imħassar b' E2021C0032
Relation | Act | Comment | Subdivision concerned | From | To |
---|---|---|---|---|---|
Repeal | E1994C0074 |
Relation | Act | Comment | Subdivision concerned | From | To |
---|---|---|---|---|---|
Repealed by | E2021C0032 | 21/04/2021 |
16.12.2010 |
MT |
Il-Ġurnal Uffiċjali tal-Unjoni Ewropea |
L 332/43 |
DEĊIŻJONI TAL-AWTORITÀ TA’ SORVELJANZA TAL-EFTA
Nru 159/10/COL
tal-21 ta' April 2010
li tikkonċerna garanziji addizzjonali għan-Norveġja relatati mar-rinotrakeite bovina infettiva
L-AWTORITÀ TA’ SORVELJANZA TAL-EFTA,
Wara li kkunsidrat il-Ftehim dwar iż-Żona Ekonomika Ewropea, b’mod partikolari l-Artikolu 17 u l-Protokoll 1 tal-Ftehim, b’mod partikolari l-Artikolu (4)(d) tiegħu,
Wara li kkunsidrat il-Ftehim bejn l-Istati tal-EFTA dwar it-Twaqqif ta' Awtorità ta' Sorveljanza u ta' Qorti tal-Ġustizzja, b’mod partikolari l-Artikolu 5(2)(d) u l-Protokoll 1 tal-Ftehim, b’mod partikolari l-Artikolu 1(c) tiegħu,
Wara li kkunsidrat l-Att imsemmi fil-punt 4.1.1 tal-Kapitolu I tal-Anness I tal-Ftehim taż-ŻEE, Id-Direttiva tal-Kunsill 64/432/KEE tas-26 ta' Ġunju 1964 dwar il-problemi tas-saħħa tal-annimali li jaffettwaw il-kummerċ intra-Komunitarju fl-annimali bovini u l-ħnieżer (1), kif emendat, u adottat għall-Ftehim taż-ŻEE minn Protokoll 1 tiegħu, b’mod partikolari l-Artikolu 10(1) tiegħu,
Wara li kkunsidrat l-Att imsemmi fil-punt 4.2.80 tal-Kapitolu I tal-Anness I tal-Ftehim taż-ŻEE, Id-Deċiżjoni tal-Kummissjoni 2004/558/KE tal-15 ta' Lulju 2004 li timplimenta d-Direttiva tal-Kunsill 64/432/KEE fir-rigward ta' garanziji addizzjonali għall-kummerċ intra-Komunitarju ta' annimali bovini relatati mar-rinotrakeite bovina infettiva u l-approvazzjoni tal-programmi ta' qerda ppreżentati minn ċerti Stati Membri (2) kif emendat,
Wara li kkunsidrat id-Deċiżjoni tal-Awtorità ta' Sorveljanza tal-EFTA Nru 74/94/COL (3) tas-27 ta' Ġunju 1994 li temenda d-Deċiżjoni Nru 31/94/COL (4), li tagħti ċerti garanziji addizzjonali lin-Norveġja biex tipproteġi l-istat tagħha bħala ħielsa mill-mard ta' rinotrakeite bovina infettiva (IBR).
Billi:
(1) |
Permezz tad-Deċiżjoni Nru 74/94/COL, in-Norveġja kienet ġiet mogħtija garanziji addizzjonali relatati mar-rinotrakeite bovina infettiva għall-bovini. |
(2) |
Mindu ġiet adottata d-Deċiżjoni Nru 74/94/COL, il-leġiżlazzjoni tal-Unjoni Ewropea dwar garanziji addizzjonali għar-rinotrakeite bovina infettiva ġiet emendata biex tassigura l-konsistenza mar-regoli internazzjonali dwar din il-marda u jkun hemm kontroll aħjar fl-Unjoni. |
(3) |
Permezz ta' Deċiżjoni tal-Kumitat Konġunt Nru 48/2005 (5) d-Deċiżjoni 2004/558/KE, kif emendata, ġiet inkorporata fil-Ftehim taż-ŻEE bħala punt 4.2.80 tal-Kapitolu I tal-Anness I għal dak il-Ftehim. |
(4) |
Il-Gvern tan-Norveġja jikkunsidra li t-territorju tiegħu hu ħieles mill-marda tar-rinotrakeite bovina infettiva skont l-Artikolu 10(1) tad-Direttiva 64/432/KEE. In-Norveġja ressqet dokumentazzjoni ta' sostenn lill-Awtorità ta' Sorveljanza tal-EFTA li jissostanzjaw il-fatt li l-monitoraġġ tas-sitwazzjoni għadu għaddej, u li għalhekk tinsab fis-seħħ sorveljanza xierqa biex tassigura li t-territorju tan-Norveġja hu ħieles mir-rinotrakeite bovina infettiva. |
(5) |
In-Norveġja talbet lill-Awtorità ta' Sorveljanza tal-EFTA biex taġġorna d-Deċiżjoni Nru 74/94/COL sabiex jittieħdu in konsiderazzjoni t-tibdiliet leġiżlattivi ġodda fil-qasam ta' garanziji addizzjonali għall-kummerċ tal-bovini fi ħdan l-Unjoni relatati mal-marda tar-rinotrakeite bovina infettiva. |
(6) |
Għalhekk hu xieraq, sabiex kollox ikun ċar u jkun hemm konsistenza legali, li tkun irrevokata d-Deċiżjoni Nru 74/94/COL skont l-aħħar tibdiliet leġiżlattivi fil-qasam ta' garanziji addizzjonali għall-kummerċ tal-bovini fi ħdan l-Unjoni relatati mal-marda tar-rinotrakeite bovina infettiva. |
(7) |
Id-Deċiżjoni l-ġdida ser iżżomm l-istess garanziji li kienu ġew mogħtija lin-Norveġja u kif ukoll se tagħmilhom konformi mal-kriterji l-ġodda mfassla fil-leġiżlazzjoni taż-ŻEE rilevanti, b’mod partikolari d-Deċiżjoni 2004/558/KE, kif emendata. |
(8) |
Il-miżuri stipulati għalihom f’din id-Deċiżjoni huma skont l-opinjoni tal-Kumitat Veterinarju tal-EFTA li jassisti l-Awtorità ta' Sorveljanza tal-EFTA, |
ADOTTAT DIN ID-DEĊIŻJONI:
Artikolu 1
Ir-reġjuni kollha tan-Norveġja huma ħielsa mill-marda tar-rinotrakeite bovina infettiva.
Artikolu 2
In-Norveġja ġiet mogħtija garanziji addizzjonali relatati mal-marda tar-rinotrakeite bovina infettiva stipulati fid-Deċiżjoni 2004/558/KE, kif emendata, waqt il-kummerċ tal-bovini fiż-Żona Ekonomika Ewropea.
Artikolu 3
In-Norveġja għandha l-istess stat bħal dawk l-Istati Membri tal-UE mniżżla fl-Anness II għad-Deċiżjoni 2004/558/KE, kif emdendata.
Artikolu 4
Id-Deċiżjoni Nru 74/94/COL qed tiġi rrevokata.
Artikolu 5
Din id-Deċiżjoni għandha tidħol fis-seħħ fil-21 ta' April 2010.
Artikolu 6
Din id-Deċiżjoni hi indirizzata lir-Renju tan-Norveġja.
Artikolu 7
It-test bl-Ingliż biss hi awtentika.
Magħmul fi Brussell, il-21 ta’ April 2010.
Għall-Awtorità ta' Sorveljanza tal-EFTA
Per SANDERUD
President
Sverrir Haukur GUNNLAUGSSON
Membru tal-Kulleġġ
(1) ĠU 121, 29.7.1964, p. 1977/64.
(2) ĠU L 249, 23.7.2004, p. 20 u s-Suppliment taż-ŻEE Nru 22, 24.4.2008, p. 170
(3) ĠU L 247, 22.9.1994, p. 50.
(4) ĠU L 138, 2.6.1994, p. 43.
(5) ĠU L 239, 15.9.2005, p. 15.